Sa iyong templo, Poong D’yos,

aming isinasaloob
ang ‘yong pag-ibig na lubos.
Papuri ng sansinukob
sa malasakit mong taos.

LUNES,
IKA-14 NA LINGGO SA KARANIWANG PANAHON

PASIMULA

Pari: ✠ Sa ngalan ng Ama,

at ng Anak, at ng Espiritu Santo.
Bayan: Amen.

Pari: Ang pagpapala ng ating

Panginoong Hesukristong
nagpapagaling sa ating mga karamdaman,
ang pag-ibig ng Diyos Ama,
at ang pakikipagkaisa ng Espiritu Santo
ay sumainyong lahat!
Bayan: At sumaiyo rin.
PAGSISISI

Pari: Mga kapatid,

tinipon tayo bilang kaanib ng angkan ng Diyos,
kaya dumulog tayo sa maawaing Diyos
na nagpapatawad ng lubos.
Tumahimik sandali.

Pari: Sinugong tagapagpagaling sa mga nagsisisi,

Panginoon, kaawaan mo kami.
Bayan: Panginoon, kaawaan mo kami.

Pari: Dumating na Tagapag-anyayang mga

makasalana’y magsisi,
Kristo, kaawaan mo kami!
Bayan: Kristo, kaawaan mo kami.

Pari: Nakaluklok ka sa kanan ng Diyos Ama

para ipamagitan kami.
Panginoon, kaawaan mo kami.
Bayan: Panginoon, kaawaan mo kami.

Pari: Kaawaan tayo ng makapangyarihang Diyos,

patawarin tayo sa ating mga kasalanan,
at dalhin tayo sa buhay na walang hanggan.
Bayan: Amen.
PANALANGING PAMBUNGAD

Pari: Manalangin tayo.

Tumahimik sandali.

Ama naming makapangyarihan,

pakundangan sa pagpapakumbaba
ng Anak mong masunurin,
ibinangon mo sa pagkadapa
ang sangkatauhang masuwayin.
Ipagkaloob mo sa amin ang banal na kagalakan
upang kaming sinagip mo sa kaalipinan
ay magkamit ng iyong ligayang walang katapusan,
sa pamamagitan ni Hesukristo
kasama ng Espiritu Santo
magpasawalang hanggan.

Bayan: Amen.
MABUTING BALITA Mateo 9, 18-26

℣: Sumainyo ang Panginoon

℟: At sumaiyo rin.

℣: ✠ Ang Mabuting Balita ng Panginoon

ayon kay San Mateo

℟: Papuri sa iyo, Panginoon.

Noong panahong iyon,

samantalang nagsasalita si Hesus,
may dumating na isang pinuno ng mga Judio. Lumuhod
ito sa harapan niya at ang sabi, “Kamamatay lang po ng
aking anak na babae;
ngunit sumama lamang kayo sa akin
at ipatong ang inyong kamay sa kanya
ay mabubuhay siya.”
Tumindig si Hesus at sumama sa kanya,
gayun din ang kanyang mga alagad.

Sumunod din ang isang babaing

may labindalawang taon nang dinudugo.
Lumapit ito sa likuran ni Hesus
at hinipo ang laylayan ng kanyang damit.
Sapagkat sinabi niya sa sarili,
“Mahipo ko lang ang kanyang damit
ay gagaling na ako.”
Bumaling si Hesus at pagkakita sa kanya’y sinabi,
“Anak, lakasan mo ang iyong loob!
Pinagaling ka ng iyong pananalig.”
Noon di’y gumaling ang babae.

Nang dumating si Hesus sa bahay ng pinuno,

nakita niya ang mga manunugtog ng plauta
at ang maraming taong nagkakaingay.
Sinabi niya, “Magsilabas kayo!
Hindi patay ang bata; natutulog lang!”
At siya’y pinagtawanan nila.
Ngunit nang mapalabas na ang mga tao,
pumasok siya, hinawakan sa kamay ang bata
at ito’y nagbangon.
At ang balita tungkol sa pangyayaring ito
ay kumalat sa buong lupaing iyon.

Ang Mabuting Balita ng Panginoon.

℟: Pinupuri ka namin, Panginoong Hesukristo.

HOMILIYA 
PANALANGIN NG BAYAN
Tagapagdiwang:

Hindi ninais ng Diyos ang ating kamatayan. Nilikha niya

tayo para sa buhay ngunit mas pinili natin ang kamatayan
sa bawat pagkakasala natin. Si Kristong Tagapagligtas ang
nagbabalik sa atin sa buhay, at lumalapit tayo sa Ama sa
pamamagitan niya.
Ang ating sasambitin ay:

℟: Panginoon, Dinggin mo ang aming panalangin.

Ang Simbahan nawa’y maging tanda ng gawaing mapagpagaling ni

Kristo sa pamamagitan ng pagmamalasakit sa mga may
karamdaman sa katawan, isip, at diwa, manalangin tayo sa
Panginoon. ℟:

Ang mga doktor at mga naras, at yaong mga nag-aalaga ng mga

maysakit nawa’y magpakita ng habag at kahinahunan ni Kristo sa
pag-aaruga sa mga maliliit nating mga kapatid, manalangin tayo sa
Panginoon. ℟:

Ang mga taong nagdurusa sa kahirapan nawa’y lumapit kay Jesus

na naging hamak para sa atin, manalangin tayo sa Panginoon. ℟:

Ang mga pusong wasak nawa’y mapaghilom natin sa pamamagitan

 ng ating mabubuting gawa at salitang nagdudulot ng kasiyahan,
manalangin tayo sa Panginoon ℟:

Ang mga namayapa nawa’y masiyahan sa makinang na bukang-

liwayway ng buhay na walang hanggan, manalangin tayo sa
Panginoon. ℟:

Tahimik nating ipanalangin

ang ating mga pansariling kahilingan at pangangailangan
Sandaling katahimikan.
manalangin tayo sa Panginoon! ℟:

Tagapagdiwang:

Diyos Ama, patuloy mo kaming hilumin sa lahat ng

masama, at hayaan mong ang iyong kabutihan ang
magliwanag sa amin sa pamamagitan ng kapangyarihan ni
Jesu-Kristong aming Panginoon.
℟: Amen.
PANALANGIN UKOL SA MGA ALAY
Pari:
Ama naming Lumikha,
ang paghahain namin sa iyong ngalan
ay siya nawang sa ami’y dumalisay
upang ito ay maging pagganap araw-araw
ng aming paglipat sa buhay sa kalangitan
sa pamamagitan ni Hesukristo
kasama ng Espiritu Santo
magpasawalang hanggan.

Bayan: Amen.

IKALAWANG PPAGBUBUNYI O PREPASYO

SA MGA LINGGO NG KARANIWANG PANAHON

Pari: Sumainyo ang Panginoon.

Bayan: At sumaiyo rin.

Pari: Itaas sa Diyos ang inyong puso at diwa.

Bayan: Itinaas na namin sa Panginoon.

Pari: Pasalamatan natin ang Panginoong ating Diyos.

Bayan: Marapat na siya ay pasalamatan.
 Ama naming makapangyarihan,
tunay ngang marapat
na ikaw ay aming pasalamatan

Lubhang nabagbag ang kanyang loob

sa pagkakamali ng tao sa sansinukob,
kaya’t minabuti niyang siya’y ipanganak
ng Birheng bukod mong pinagpala sa babaing
lahat.

Sa labi ng imbing kamatayan

kami ay inagaw ng namatay mong Anak.
Sa pagkabuhay niya, kami’y kanyang binuhay
upang kaugnayan namin sa iyo’y huwag
magwakas.

Kaya kaisa ng mga anghel

na nagsisi-awit ng papuri
sa iyo nang walang humpay sa kalangitan,
kami’y nagbubunyi sa iyong kadakilaan:

SANTO
Santo, Santo, Santo Osana sa kaitaasan!
Panginoong Diyos Pinagpala ang naparirito
Ng mga hukbo! Sa ngalan ng Panginoon!
Napupuno ang langit at lupa Osana sa kaitaasan!
Ng kadakilaan mo!

Samantalang nakikinabang ang pari, sisimulan ang awit sa pakikinabang.

Pagkapakinabang, ang mga mumo ng ostiya na nasa pinggan ay titipunin sa kalis na huhugasan ng pari o diyakono o
tagapaglingkod. Habang ito ay ginaganap ng Pari, pabulong siyang magdarasal:

Ama naming mapagmahal,

ang aming tinanggap
ngayon ay amin nawang mapakinabangan
at ang iyong ipinagkaloob
ay magdulot nawa sa amin
ng kagalingang pangmagpakailanman.
Makababalik ngayon sa upuan ang Pari. Makapag-uukol ng ilang saglit na katahimikan o makaaawit ng papuri o
salmo.

Pagkaraan, ang Pari ay titindig sa harap ng upuan o sa gawi ng dambana paharap sa mga nagsisimbang
magpapahayag:

Lasapin ninyo at tikman

ang sarap ng pagmamahal
ng Panginoong Maykapal.
Malaki ang kapalaran
pag s’ya’y pinagtiwalaan.
PANALANGIN PAGKAPAKINABANG

Pari: Manalangin tayo.

Tumahimik sandali.

Ama naming mapagmahal,

kaming iyong pinapakinabang
ay loobin mong laging lumingon
sa pinanggalingan ng tinanggap namin ngayon
para pagsaluhan
sa pamamagitan ni Hesukristo
kasama ng Espiritu Santo
magpasawalang hanggan.
Bayan: Amen.
MARINGAL NA PAGBABASBAS

Pari: Sumainyo ang Panginoon.

Bayan: At sumaiyo rin.

Pari: Pagpalain nawa kayo ng Makapangyarihang Diyos:

Ama at Anak ✠ at Espiritu Santo.
Amen.

PAGHAYO

Pari: Humayo kayong taglay ang kapayapaan

at pag-ibig ni Kristo
upang ang Diyos ay mahalin at paglingkutan.

Pari at Bayan: Salamat sa Diyos.