FIL 166

KALAKARAN AT TUNGUHIN SA PAG-AARAL NG WIKA

(MTH 1:30-2:30)

Bilang Wikang Opisyal (Gobyerno at

Batas) WRITTEN REPORT

Ipinasa kay PROP. LOVE I. BATOON

Departamento ng Filipino
Kolehiyo9 ng Agham Panlipunan at Humanidades
Mindanao State University
Fatima, Lungsod Heneral Santos

Vincent Ceasar M. Buenafe

Adriel Cawan

2021
Bilang wikang opisyal:

Ang wikang opisyal ay ang itinadhana ng batas na maging wika sa opisyal na

talastasan ng pamahalaan (Virgilio Almario, 2014). Ito ay ang paggamit sa wika na
mayroon ang isang bansa, wikang itinakda. Ito ang wikang ginamit at gagamitin sa
anumang uri ng komunikasyon, lalong-lalo na sa anyong pasulat, sa loob at labas ng
alinmang ahensya o sangay ng pamahalaan. Ayon sa Artikulo XIV, Seksiyon 7
tinatawag na opisyal ang isang wika na binigyan ng natatangin pagkilala sa
konstitusyon bilang wikang gagamitin sa mga opisyal na transaksiyon ng pamahalaan.
Ang wikang opisyal ng Filipinas ay Filipino at Ingles at hanggang walang ibang
itinatadhana ang batas.

Mga isyung kinakaharap ng wikang Filipino bilang wikang opisyal

Artikulo XIV, Seksiyon 7.

Ukol sa mga layunin ng komunikasyon at pagtuturo, ang mga wikang opisyal ng
Pilipinas ay Filipino at hangga’t walang ibang itinatadhana ang batas, Ingles. Ang mga
wikang panrehiyon ay pantulong na mga wikang opisyal sa mga rehiyon at magsisilbi
na pantulong na mga wikang panturo roon. Dapat itaguyod nang kusa at opsiyonal ang
Kastila at Arabic.

Sa pahayag pa lamang ng artikulong ito ay nagkakaroon na ng isyu, lalong-lalo

na sa pagkilala ng Filipino bilang opisyal na Wika. Ang Filipinas ay nararapat na
magkaroon lamang ng opisyal na wika na mayroon ito, na natatangi sa bansa. Ngunit,
ang Filipinas ay itinuturing ang wikang Ingles bilang opisyal na wika. Kahit na naging
bahagi ito ng kasaysayan at tagumpay ng Filipinas at mayroong itong benipisyong
dulot insulto pa rin ito sa wikang Filipino. Hindi ba dapat mas isulong ng gobyerno ang
wika na mayroon ang Filipinas? At ang pagkonsidera sa Ingles bilang wikang opisyal
ng ating pamahalaan ay naghahambing sa ating wikang Filipino at madalas pa nga na
mas lumalamang ang wikang Ingles. Nagiging normal na lamang para sa atin na
tangkilikin ang wikang Ingles kaysa sa Filipino dahil suportado naman ito ng Artikulo,
ng batas. Kung nagsisimula sana sa batas at pamahalaan ang pagsuporta at
pagsulong na maging pangunahing an gating wikang Filipino mas mapapadali sana
ang pagsulong sa wikang Filipino bilang natatanging wika ng Filipinas.

Wikang pangtalastasan at debate

Ayon kay Santiago C. assistant secretary ng Presidential Communications

Operations Office masasabing opisyal ang wika kung ito ang ginagamit sa mga opisyal
na talastasan sa pamahalaan. Pero bakit wikang Ingles ang gamit ng ating mga opisyal
na nasa pamahalaan. Madalas na gamitin ang wikang Ingles kung gayon wikang
opisyal ng Filipinas ay ingles dahil mas madalas itong gamitin? Dahil dito, bumababa
ang tingin ng tao sa Filipino at mas tinatanaw ang Ingles.

Kakulangan sa teknikal na salin ng mga terminolohiya

Maraming salita na mayroon ang wikang Ingles na walang direktan salin sa

Filipino. Maraming Filipinong salita rin na nahihirapan tayong isabay sa mga salita ng
Ingles.

Ang mga batas ay naisulat sa wikang Ingles kaysa sa wikang Filipino

Maraming mga batas o halos mga batas ay nakalimbag sa wikang Ingles na

dapat ito ay nakasulat sa wikang Filipino.

Kautusang tagapagpaganap blg. 96 s. 1967

Nilagdaan ito ni Pangulong Ferdinand Marcos at nagtatadhana na ang lahat ng

edipisyo, gusali at tanggapan ng pamahaaln ay pangalanan sa Filipino

Kautusang Tagapagpaganap blg. 187 (1969)

Ito ay nag-uutos sa lahat ng kagawaran, kawanihan, tanggapan at iba pang

sangay ng pamahalaan na gamitin ang wikang Filipino hangga’t maari sa Linggo ng
wikang Pambansa at pagkaraan man nito sa lahat ng opisyal na komunikasyon at
transaksyon.

Konklusyon

Ang wika ng isang bansa ay makapangyarihan ngunit kapag nasasapawan ito

ng ibang wika ay tumatamlay ang mithiin nito. Magkaroon man ng iba’t-ibang batas na
sumasagupa sa pagpatay sa layunin mawawalan pa rin ito ng silbi at lakas kung
walang sumusunod. Magiging masakiting kuting ito, maingay ngunit hindi naririnig,
lumaban ngunit walang magawa. Tulad ng wikang Filipino bilang opisyal na wika,
Nawawalan ng silbi ang bawat paghihirap ng ating mga bayani kung mas paiiralin natin
ang wika ng dayuhan. Bagamat, sa tulong ng mga ahensiya tulad ng KWF o Komisyon
sa Wikang Filipino naisasabuhat at nailalaban ang mithiin ng wikang Filipino. Ang
maging wika ng kapayapaan at daluyan ng pag-unlad.
Sanggunian:

Maceda,E.(1996). Executive Order No. 187, s. 1969 kinuha mula sa

https://www.officialgazette.gov.ph/1969/08/06/executive-order-no-187-s-1969/

Montiman, C. (N.A). ANG WIKANG OPISYAL kinuha mula sa

https://www.academia.edu/33906669/ANG_WIKANG_OPISYAl

Mansilla,M. (2011). Ang Kaugnayan ng Wikang Pambansa at Edukasyon kinuha mula

sa https://www.scribd.com/doc/60507653/Fildlar-Final

N.A. (2019). Pagtutol sa pagkitil sa Wikang Filipino kinuha mula sa

https://upd.edu.ph/pagtutol-sa-pagkitil-sa-wikang-filipino/

Quito, S. (2009). Ang Kaugnayan ng Wikang Pambansa at Edukasyon kinuha mula sa

https://ejournals.ph/article.php?id=7952

Geronimo,J. (2015). Filipino: 'Pambansang wika, pero hindi wikang opisyal' kinuha mula
sa https://www.rappler.com/nation/filipino-wikang-opisyal

Miclat,M. (N.A). Ang Kalagayan ng Filipino sa Panahon Ngayon kinuha mula sa

https://ncca.gov.ph/about-ncca-3/subcommissions/subcommission-on-cultural-
disseminationscd/language-and-translation/ang-kalagayan-ng-filipino-sa-panahon-
ngayon/

Añonuevo,R. (N.A). Paglingon sa Ugat ng Komisyon sa Wikang Filipino kinuha mula sa

https://kwf.gov.ph/tungkol-sa-kwf/