Filipino

Quarter 4 – Week 1 &2:

Kahulugan at Kahalagahan ng
Pananaliksik
 I. Panimula:

Kahulugan ng Pananliksik

1. Ang pananaliksik bilang isang sistematikong paghahanap sa mga

mahahalagang impormasyon hinggil sa isang tiyak na paksa o suliranin.
(Aquino, 1974)
2. Ang pananaliksik ay isang proseso ng pangangalap ng mga datos o
impormasyon upang malutas ang isang partikular na suliranin sa isang
siyentipikong pamamaraan. (Manuel at Medel, 1976)
3. Ang pananaliksik ay isang sistematikong pamamaraan upang
makahanap ng kaalaman. Ito ay isang uri ng pag – aaral at pag –
iimbestiga na may layuning makakalap ng mga bagong ideya at
kaalaman ukol sa mga bagay sa lipunan at kapaligiran. Ito rin ay
isistematiko, kontrolado, empirical, at kritikal na imbestigasyon sa natural
na pangyayari o phenomena na may batayang mga teorya at
batayang ipotesis ukol sa angkop na kaugnayan sa mga pangyayari.
(Simbulan, 2008)
4. Ang pananaliksik ay isang maingat, sistematiko at obehetibong
imbestigasyon na isinasagawa upang makakuha ng mga balidong
katotohanan, makabuo ng kongklusyon, at makalikha ng mga simulating
kaugnay ng tinukoy na suliranin sa isang larang ng karunungan. (Clarke,
2005)
5. Ang pananaliksik ay isang sistematiko at obehetibong pag – aanalisa at
pagtatala ng mga kontroladong obserbasyon na maaaring tumungo sa
paglalahat, simulain, teorya, at mga konsepto na magbubunga ng
prediksiyon sa pagkilala at posibleng control sa mga pangyayari. (John
Best, 1996)
6. Ang pananaliksik ay proseso ng pagkakaroon ng mapanghahawakang
solusyon sa problema sa pamamagitan ng planado at sistematikong
pangangalap, pag – aanalisa at iterpretasyon ng nmga datos. (Mouly,
1964)
7. Ang pananaliksik ay isang lohikal na proseso ng paghahanap ng sagot sa
mga tanong ng mananaliksik na nakabatay sa problema at metodo ng
pag – aaral tungo sa produksiyon ng maraming kaalaman at kasanayan
upang makatugon sa pangangailangan ng tao at lipunan. (Nuncio et.
al, 2013)

Katangian ng Pananaliksik: (John Best, 1996)

1. Ito ay maingat na pagtitipon at pagpili ng mga datos na kinikilala sa
larang na pinagkukunan.
2. Ito ay matiyaga, maingat, at hindi minamadaling pagsasakatuparang.
3. Ito ay nangangailangan ng kaalamang higit sa karaninwan.
4. Ito ay maingat na pagtatala at pagsulat ng ulat.

1
Layunin ng Pananliksik: (Calderon at Gonzales, 1992)
1. Upang makasumpong ng sagot sa mga suliraning hindi pa
nabibigyang – lunas
2. Upang makabuo ng batayang pagpappasiya sa kalakalan, industriya,
edukasyon, pamahalaan, at iba pa
3. Upang makapagbigay – kasiyahan sa pagiging mausisa
4. Upang makatuklas ng bagong kaalaman
5. Upang mapatunayan ang mga umiiral na kaalaman

Etika ng Pananaliksik:
Dapat makapagpakita ng katapatan ang mananaliksik sa kaniyang
ginagawang pag – aaral. Maipamalas ng mananaliksik ang katapatan sa
mga sumusunod na pamamaraan:
1. Ang mananaliksik ay nagbibigay pagkilala sa lahat ng pinagkunan
niya ng datos o impormasyon
2. Gumagawa ang mananaliksik ng karampatang talaan ng mga
hiniram niyang ideya at termino
3. Nagbibigay siya ng karampatang pagkilala sa mga salitang kanyang
hiniram o ginamit para sa kanyang pag – aaral.
4. Hindi siya nagtatago ng mahalagan g datos upang mapaganda at
mapalakas o mapagtibay ang nais niyang argumento o konklusyon.
Hindi siya nagtatago ng datos para maikiling niya ang kanyang pag –
aaral sa isang pananaw.
5. Mapaninindigan niya ang konklusyon at interpretasyon ng kanyang
pag – aaral dahil sa maingat at masinop niyang pagkalap ng datos.

Ang mananaliksik din ay dapat umiwas sa plagyarismo. Hindi siya dapat

nagnanakaw o nangongopya ng datos, ideya, pangungusap, pag – aaral,
buod, at iba pa. Dapat ay nagbibibgay siya ng karampatang pagkilala sa
pinagmulan ng kanyang datos o pinagkunan ng impormasyon.

I. Kasanayang Pampagkatuto at Koda:

 Nakikilala ang kahulugan at kahalagahan ng pananaliksik ayon sa
layunin, gamit, at katangian.
 Nakagagawa ng malikhaing pagpapakahulugan kaugnay sa
paksang pananaliksik.
 Nasusuri ang ilang halimbawang pananaliksik sa Filipino batay sa
layunin, gamit, metodo at etika sa pananaliksik. (F11PB-IVab-100)

II. Pamamaraan:

GAWAIN I
Panuto: Pumili ng isang pagpapakahulugan sa “pananaliksik” mula sa mga
eksperto. Ipaliwanag ito sa tulong ng iyong karanasan at pag – aaral. Mula
sa natutuhan at naunawaang kahulugan, bumuo ng sariling kahulugan ng
pananaliksik at ipaliwanag sa pamamagitan ng tatlong pangungusap.

2
GAWAIN II
Panuto: Tukuyin at ipaliwanag ang kahalagahan ng pananaliksik sa
sumusunod.
Sarili Pamayanan Bayan

GAWAIN III
1. Suriin ang halimbawang tesis sa ibaba. Ipaliwanag sa pamamagitan ng
isang talatang may 5-7 pangungusap ang layunin nito at ang dahilan
kung bakit nito natawag ang iyong pansin.

Ang Epekto ng Facebook sa mga Mag – aaral

Binibigyan ng Facebook ang mga mag – aaral ng pagkaaktaon na

i – post ang kanilang saloobin, maglagay ng mga litrato, magchat, at
maghanap ng impormasyon. Dahil madalas gamitin ng mga mag – aaral
ang Facebook, maaaring nakakaapekto ito sa kanilang pag – aaral.

Halimbawa, ang paggmait ng Facebook ng higit apat na oras ay

maaaring nakapagpapababa ng marka ng mga mag – aaral. Pero ang
paggamit ng notes feature ng Facebook para magsulat ng personal
essays ay nagpapalago sa kakayahang magsulat ng sanaysay.

Aalamin ng pag – aaral na ito at negatibong epekto ng paggamit

ng Facebook sa pag – aaral ng mga grade 11.

Ang paksang “Ang Epekto ng Facebook sa mga Mag -aaral?” ay

napili para alamin ang mga mabuti at negatibong epekto ng Facebook
sa Mag – aaral ng Grade 11. Mga layunin ng pag – aaral:
 Paano nakakaapekto sa academic performance ng mga
mag – aaral ang paggamit ng Facebook araw – araw.

Ayon sa artikulo na “Facebook’s Impact on Student Grades”, ang

labis na paggamit ng Facebook araw – araw ng mga mag – aaral na
labis na gumagamit ng Facebook para magpost ng kanilang status ay
madalas makakuha ng mababang marka.

Ngunit ang mga mag – aaral na gumagamit ng Facebook para

mgbasa ng mga shared links ay madalas makakuha ng mataas na
marka. May 2, 000 college students na respondents ang pag – aaral na
sumagot ng questionnaire at nagbigay ng detalye kung paano nila
ginagamit ang
3
ang Facebook.

Ang pag – aaral ay gagamit ng survey sa pamamagitan ng

pagpapasagot ng multiple choice questionnaire sa grade 11. Aalamin ng
questionnaire kung paano nakakaapekto ang Facebook sa attention
span at learning ng mga mag – aaral, at kung paano ito nakakaapekto
sa pagsusulat at pakikisalamuha ng mga mag – aaral sa kapuwa nila.

Facebook ang gagamitin na social media site. Isang intact na

pangkat ng grade 11 section ng Quezon High School sa Barangay 186,
Caloocan City ang magiging respondents ng pag – aaral. Ang mga
grade 11 ay may smartphones at Wi – Fi access.

Ayon sa survey, 50% (o 15 sa 30 ng mga grade 11) ang sumagot na

nakatututlong ang Facebook sa kanilang pag – aaral, partikular sa
pagsusulat ng personal essays. Ginagamit nila ang Facebook sa pagsulat
ng mga personal essay at pagbasa ng mga artikulo nang hindi lalagpas
sa dalawang oras. Ibig sabihin, maaaring gamitin ang Facebook na
bahagi ng learning tool ng mga guro…

Pero 50% (o ang natitirang kalahati) ng klase ang sumagot na may

negatibong epekto ang Facebook sa kanilang pag – aaral. 50% ng mga
grade 11 ay gumagamit ng Facebook ng limang oras araw – araw
(tatlong oras sa gabi; dalawang oras kapag nasa paaralan) para
magchat at tignan ang buhay ng iba…

Ang positibo at negatibong epekto ng Facebook sa pag – aaral ng

grade 11 ay nakadepende sa pamamaraan ng paggamit nito.
Nakatutulong ang Facebook na pataasin ang kakayahan ng mga mag –
aaral na magsulat ng sanaysay kung ito ay gagamitin sa pagbuo ng mga
personal essays. Negatibo naman ang resulta kung gagamitin ang
Facebook ng limang oras para sa mga mababaw na bagay tulad ng
tsismis at chat…

Ruiz, Rebecca. “Facebook’s Impact on Student’s Grades.” New

York Times, October 21, 2011.
https://mobile.nytimes.com/blogs/thechoice/2011/10/21/fbook-grades/.

4
GAWAIN IV
Panuto: Gamitin ang iyong kakayahan sa pananaliksik sa pamamagitan ng
pagbuo ng kaisipan na nagbibigay kahulugan sa mga sumusunod na
larawan.

1.

https://www.123rf.com/photo_20246229_laptop-tablet-pc-computer-and-
mobile-smartphone-with-a-blue-background-and-colorful-apps-on-a-
screen.html

2.

https://rmn.ph/south-korea-mayor-nagtapon-ng-toneladang-basura-sa-
tabing-dagat-para-sa-clean-up-day/

5
 Kalakalan Edukasyon Pamahalaan

III. Pangwakas:
Bakit mahalaga ang pananaliksik?

IV. Sanggunian:

Bandril, Lolita T.,et al. Pagbasa at Pagsusuri ng Iba’t Ibang Teksto Tungo sa
Pananaliksik, pp. 101-105; 109.

https://www.123rf.com/photo_20246229_laptop-tablet-pc-computer-and-
mobile-smartphone-with-a-blue-background-and-colorful-apps-on-a-
screen.html

https://rmn.ph/south-korea-mayor-nagtapon-ng-toneladang-basura-sa-
tabing-dagat-para-sa-clean-up-day/

V. Susi sa Pagwawasto:
Malayang Pagsagot