NEM A SIFAT:

1. YAQIN (Tithowa Paratyaya Go Pananarig) Ko LAA ILAAHA ILLALLAH:

Gyai so sorati Maulana Yusuf wata I Maulana Ilyas Khandlawi sii ko Jama’at a somiong sa Hijas a myag
umrah tarosaa mikhoroj siran sa Saudi Arabia. Byatya inii Maulana Saad Khandlawi sa Markaz
Nizamuddin, Delhi go sii ko Ijtima sa Bhopal, India an opama kasaboti ago katatanodi o mga workers.

Aya isaa pitharo iyan na aya antapo Da’wah na an makatiyolin so Yaqin, sa aya karina on na maoyag so
mga a’mal. Knaba aya antap sangkaiya galbeka Tabligh na ba kathotogalin bo, ka an maaden so mga
pipiyaa sifat ko mga taw ago makompleto so agama ko omaniisa.

Sa aya kakhaaden iyan ko pizakatawan na misabap sa tlo; Da’wah, So kinggolalanen on ago Duwaa.

YAQIN (Tithowa Paratyaya Go Pananarig) Ko LAA ILAAHA ILLALLAH:

Mga luks, pagari aken, Assalamu ‘Alaikum Wa Rahmatullahi Wa Barakatuh.

So Allah na itatapok Iyan so tithowa kathagompiya o manosiya misabap ko mapapadalem ko taw a mga
pipiyaa kakawasaan. So kathagompiya antaa ka kabinasaan na isaa ngarano matatago ko taw a betada
masolen. So kathagompiya antaa ka kabinasaan na knaba ngaran o bontalo shai a pkhailay. Aya betada
masoleno taw na so bantogan, kapakadapanas, kapipiyaa ginawa, rataa ginawa, bhabaya, awidaakal,
kathataknaa mokarna, di kasosorot, kapyaa kambobolawasan ago kasasakit. Na so kakha angkato mapya
antaa kakahabolongi ko maregen na knaba adena kisasangkot iyan ko kala antaa ka bontalo shai.

So Allah na khapakaya paka talingomaan iyan so kabinasaan apya pen sisii ko taw so kadatu antaa ka
kakawasaan. Ago khaghaga Nyana paka talingomaan Iyan so bantogan apya pen sisii so taw ko
kareregeni ron.

Aya matatago ko taw a kakawasaana masolen na so Yaqin iyan agoso A’mal iyan. Amay ka so masolena
galebeko taw na mapya, na so Allah na thagoan Iyan sa gedama kathagompiya, apya minsan pen
mapapapas ko taw so langona shai.

So Allah na aya khirek ko langowan taman ago langona kaaden sangkaiya dunya. Sa inaden Iyan
solangowan taman misabap ko kaphakaghaga Nyan. So langowan taman na inadeno Allah. Skaniyani
Myangaden ago daa ba Rekaniyan miyaden. So langona inaden na daa baniyan kaphakaghaga oba
skaniyan makaaden.
Saden sa inadeno Allah na mipapaar Iyan. Skaniyani khirek ko langowan taman. Mipapaar Iyan so
langowan taman ago khapakaya masalin Iyan so bontalo langowan taman sabap ko qudrat Iyan, ago
kazalin Iyan so sifato shai apya minsan pen di maalin so bontal iyan.

Khapakaya baloyniyan so nipaya stick odina so stick sa nipay. Lagidoto mamboa mipapaar Iyan so
langowan taman mlagido inged antaa ka kakawasaan, electrical antaa ka gas. Na khaosar Iyan so
langowan taman sa kabaya Iyan. Khaghaga Nyana mabinasa so sabapa kyaaden, ago khaaden iyan so
sabapa kabinasaan.

Skaniyani Makapapaar ko langona rizqi. Khapakaya makakwa sa rizqi so taw a matatago sangkota
desyerto apya daa sabap, ago khabinasa nyan apya antonaa shai apya pen sii matatago ko madakela
shai.

So Nabi Mohammad (SAW) na pinggonanao tano nyan sa pithibarangana okita iphakarani ko Allah SWT,
agoso kapenggonai ko direct a tabango Allah SWT. Amay ka maadenai ko kaoyagoyag tano na, so Allah
na mbgan tano Nyan sa kathagompiya ko apya antonaa masa ago betad.

So Kalimah LAA ILAAHA ILLALLAH na aya kabnar iyan rektano na makatiyolin so Yaqin tano, Zazba
(Pamikiran) ago okiokit tano. Giboa kapaka tiyolino Yaqin tano na inidiyandio Allah so balasa menos so
sapolo takep angkaiya dunya.

So Allah na khapeges Iyan so langona shai a phakaalin ko Yaqin tano. Aya kakhaadeno Yaqin ko
kaoyagoyag tano na misabap sat lo;

1. Da’wah – so lalayon tano kipphanolonen ko yaqin. Mapamagosay tano so kala o Allah, so qudrat o
Allah goso mga sifat o Allah ko mga manosiya. So Allah I phakaghaga, na so kaaden Iyan na daa
kaphakaghaga nyan inonta sa kabaya o Allah.

2. Muraqaba (Meditation) – so ditano kapamimikirana ko kyapangadeno Allah ko kasisibay tano. So

langona di manggolaolaa mapya antaa ka marata na kabaya o Allah.

3. Duwaa – So ditanoron kinduwaan sa maaden rektano so tithowa Yaqin.

Pitharoo Nabi Mohammad SAW;

“Diniyo mbagobagowi so Iman iyo. Tigo mga Sahabah a andamanayai diyamiron kambagobagowi? Tigo
Nabi, ‘Lalayon iyo di tharoa so LAA ILAAHA ILLALLAH’ “ (Musnad Ahmad, Tabarani)
2. SALAH (SO SAMBAYANG)

Alhamdulillah, ka minibegay rektano so a’mal a Sambayang, a kapenggonaan tano ko kakhakawita tano

ko bager ago limoo Allah. Phagosaren tano oman gawii so langona anggawta tano iphoon sa ulo taman
sa ski a a mapyaa dion kikhoaten ko kapakaaayon iyan ko kabaya ago ikasosoato Allah.

Gyoto sabapa andamanayai maosar tano piyapiya so mga mata tano, tangila tano, lima tano, ski tano,
dila tano, etc. Matago rektano angkota lalayon tano kapipikira ko kalek ko Allah ko mga puso tano.
Makaparatyaya tano sa amay ka maosar tano pipiya so mga anggawta tano ko kabaya o Allah sii ko
omani sambayang (takbir, ruku, sujod, etc.), na khaparoli ngka angkota mga balas a malai arga adiso
dunya rakeso tago iyan.

Na amay ka paladin tano so Allah ko ditano kanduwaa a maaaden rektano angkota yaqin, na so Allah na
imbegay Nyan rektano angkota makikinanglan tano sabap ko kaphakaghaga Nyan.

Misabap ko Sambayang na iprilao Allah so mga dosa tano, phagoman omanan Iyan so mga rizqi Nyan sii
rektano agoso bhabaya tano sii Rekaniyan.

Aya kakhaaden iyan sii rektano na tlo;

1. Da’wah – Lalayon so kipphanolonen tano go kiphanampayen tano ko Salah.

2. Minggolalan tano ko mga okit iyan. Ppyapayaan tano so abdas tano. Tindeg tano sa aya tano
phikiren na pagadapen tano so Myaden rektano. Maaden angkota khusu ago khudhu ko sambayang
tano. Pyapyaan so tindeg, ruku, sujod, kaontod ko mga taritib iyan ago mga lalanat. Lalayon tano
pikirena phagilayen tanoo Allah.

3. Duwaa – Kagoraokan tano ko Allah a maaden rektano so hakikat o sambayang.

Ago makapasad tano sambhayang na pamimikiranen tano ay tamana kyapakapya odina da kasowai ko
sambayang tano sa pniatan tanowa lalayon ma improve so sambayang tano.

Pitharoo Nabi (SAW):

“Aya pagampaganaya phamagitongen ko oripno Allah (SWT) na so sambayang, na amay ka makaapas,

na langona pda amal o taw na phakaapas. Na amay peman ka di makaapas, na langona amal o taw na di
phakaapas.” (Bukhari, Tabarani).

3. ILMO WA DHIKR
(SO KAPAGANAD AGO TADENTADEM KO ALLAH)

Aya ILMO na so kaaden rektano o bhabaya ko kapaganad. Andamanayai masowa tano antonai kabaya
rektanoo Allah ko omani masa.

Na sopman so kinggolalanen ko katao misabap ko tadem ko Allah, na gyotowi DHIKR. Saden sa

lomalakaw pantag ko kapaganad ko agama, na so diniyan ka travel na miitong sa simba.

Myangaaloy sa Ahadith;

Sii ko kabhabaano mga ski o di travel na 70,000 a mga Malaikat a kakayaten iran so mga papak iran.

So langona kaadeno Allah sa langit ago lupa na ipphamangni ran sa rila angkota taw a plalakaw sa
kapaganad.

Sakatawa ‘alim (matao) na maregen a kakha bodiyoka ono shaytan adiso 1000 a barasimba.

Aya kakhaaden rektanoo hakikat o Ilmo na;

1. Mipphangoyat tano ko mga taw ko kapaganad, na mapamagosay tano kran so mga kalbihan agoso
balas iyan.

2. Lalayon tano di maka ta’lim, ago pphakasong tano ko mga ulama. Ibtad tano ini sa ped ko simba.

3. Lalayon tano pkhagoraokan ko Allah a maaden rektano so hakikat o ilmo.

So Dhikr na andamanayai maaden rektano angkota katatadmi tano ko Allah ko omani galbek.

Myangaaloy sa Ahadith;

Saden sa tatadman iyan so Allah, na tatadman mamboo Allah.

So Allah na ped iyan so taw ko tendaya so dila iyan na matetembang sa tadentadem ko Allah.

So Allah na imbgay nyan angkota bhabaya iyan ko taw a tatadman iyan skaniyan.

So tadem ko Allah na kota ko kalindingo taw ko shaytan.

Aya kakhaaden rektanoo hakikat o Dhikr ko Allah na;

1. Mipphangoyat tano ko mga taw so Dhikr ko Allah.

2. Phakasenggay tano sa oras a di tano mip Muraqabah (meditation), ago pikiren tanowa phagilayen
tanoo Allah.

3. Lalayon tano pkhagoraokan ko Allah a maaden rektano so hakikat o dhikr.

4. IKRAM AL-MUSLIMEN

(So kaselaselaa ko Muslim)

Andamanayai maaden rektano so kaselaselaa tano ko langona Muslim sabap ko kaaaden kirano
paratyaya ko Allah (SWT) ago so kaoonoti ran ko Nabi Mohammad (SAW).

Andamanayai maaden rektano so kapanglimbhabaan tano mga pagari tanowa Muslim. Andamanayai
mibgay tano so kabnar rektanoo pagari tanowa Muslim, na ditano kiran man dilngan so kabnar tano
kiran.

Myaaloy sa Ahadith;

Saden sa sapngan iyan so paawingo pagari nyana Muslim, na shapngano Allah so paawing iyan.

So Allah na pthabangan Iyan so taw sa tendaya kapthabangi nyan ko pagari nyan.

Saden sa mirila iyan so kabnar iyan ko pagari nyana Muslim, na mbalasano Allah sa palasyo ko look o
sorga.

Saden sa kasabaran iyan ago mangalimbhabaan ko pagari nyana Muslim sabap ko soasoat iyan ko Allah,
na so Allah na iphoro iyan so pangkatan iyan.

Aya kakhaaden rektanoo hakikato Ikram na;

1. Min da’wah tano - so kalbihano Ikram Al-Muslimen.

2. Minggolalan tano – phanamaran tanowa kapagadatan tano so mga kaka sa taw, kaselaselaa ko mga
Ulama, kapakaoogopa ko maka kikinanglan, kapyapya sa parangay ko siringan, tonganay, pamilya ago
ginawai. Phaka taralbin so kasosoato pagari ta adiso kasosoato ginawa ta.

3. So kanduwaa – pkhagoraokan ko Allah a maaden rektano so hakikato Ikram Al-Muslimen.

Pitharoo Nabi Mohammad SAW;

“Dikano den makasoled ko sorga taman sa dikano maka paratyaya, na dikano den maka paratyaya
taman sa dikano giginawai. Bako rekano penggonanaowai okita making giginawai kano? Na phangoraw
nyo sa Salam.” (Muslim)
5. IKHLAS AN-NIYYAT - (So katholabos)

So langona galbek (amal) na para bo sa soasoat ko Allah. Ditano maniat oba so galbek tano na adena
mapipikirona khasokat ko dunya odina so kambhantogan antaa ka kapaki ilaylayen. Apya maitoa galbek
asara ikhlas na ikhasoato Allah ago mbalasan iyan sa mala. Amay peman ka da ka ikhlasi na apya peni
kala iyana amal na shabapan sa kasiksaan.

Myaaloy sa Ahadith;

So amal na depende sa niyyat on. Na aya khaparoli o taw a balas na saden sa mapipikir iyanon. (Bukhari)

So Allah na diniyan pagilayen so mga bontal iyo agoso mga tamok iyo, ogaid na aya Nyan pagilayen na so
puso iyo agoso galbek iyo. (Muslim)

Mataana sa alongana mawri na aya kipen dolonaan ko taw na saden sa niyyat iyan. (Ibn Majah)

Mataana so Allah na diniyan tharimaan so galbek, inonta na pinggalbek para rekaniyan ago soasoat
rekaniyan. (Nasai)

Aya kakhaaden rektanoo hakikato Ikhlas na;

1. Da’wah – mipanolon tano so ikhlas agoso kapaka tiyolino niyyat.

2. Ipenggolalan – Phag check’n so niyyat ko dapen so amal, sii ko diyon kanggalbeka agoso kapasado
galbek, a para bo ko soasoat ko Allah.

3. Duwaa – khagoraokan ko Allah a maaden rektano so hakikat o Ikhlas.

Myaaloyo Zaid Bin Thabit a pitharoo Nabi Mohammad (SAW), “Saden sa aya masinganin iyan so dunya,
na so Allah na iphorak iyan so awidaakal iyan ago thagoan iyan sa kalek ko kamermer sa danga iyan, na
ayaboa khaparoli nyan na sabo sa bagian iyana misosorat. Na sapman sa aya masinganin iyan na so
akhirat, na pelebolebodenono Allah so kaoyagoyag iyan, ago mbgan iyan sa kapanginsokor, na so dunya
na baden pkhi betad sa danga iyan.” (Muslim)

6. SO KALAI ARGA DA’WAH (KAPANOLON), TABLIGH (KAPANAMPAY) AGO NUSRAT (KASALAPIDAW):

Aya katitho nyan na, kadaklan ko mga amal o Ummah imanto na mimbaloy badena paparangayan ka
myadaon so hakikat iyan. So interowa Ummat na pyakay ron so galbeka Da’wat sabap sa aya moripori a
Nabi na so Mohammad (SAW) a sugo ko interowa dunya taman ko bangkit, na sii mini sanggolay so
galbeka Da’wat ko mga Ummat iyan sa interowa dunya taman ko bangkit.

Gyotowi sabapa maka phanagontaman tano an makarani so pagtaw ko Allah. Misabap roo na
mapenggasto tanoron so ginawa tano agoso tamok tano, a daa baon mapipikira balas ko mga taw.
Misabap sii na phaka senggay tano sa oras ko Kalalakaw sa lalan ko Allah(Khoroj Fii Sabilillah) , ago
pkhasalapidaw tano so mga Jama’at a plalakaw sa lalan ko Allah.

Saden sa ipangalimo iyan so kaadeno Allah, na ikhalimo mamboo Myangaden. Saden sa nggalbek sa
kapakarani o mga taw ko Allah ko kaaden kirano Iman ago mga pipiyaa ‘Amal, na mbgano Allah sa
hakikato Iman (hidayat) ago ‘Amal, nago khaaden so kapakarani ko Allah.

Pitharoo Allah sa Qur’an;

َ ‫ِين َجا َهدُوا فِي َنا لَ َن ْه ِد َي َّن ُه ْم ُس ُبلَ َنا َوإِنَّ هَّللا َ لَ َم َع ْالمُحْ سِ ن‬
‫ِين‬ َ ‫َوالَّذ‬

“Na so siran a miyamanagontaman makapantag Rkami, - na mataan a nggonanaon Ami siran dn ko

manga okit Ami: Na mataan! a so Allah na pd dn o miphipiyapiya.”(Al-Ankabut 29:69)

Myaaloyo Nabi Mohammad (SAW) sa Ahadith;

“Kapitapita antaa ka kaghabigabi sa Lalan Ko Allah na mas thomo adiso dunya rakheso tago iyan”.
(Bukhari)

“Saden sa so paras iyan na kabayanekan sa Lalan Ko Allah, na so Allah na siyapen iyan so paras iyan ko
apoy sa alongana mawri.” (Baihaqi)

“So ski a kabayanekan sa Lalan Ko Allah, na hyaramono Allah oba matotong angkota ski ko apoy ko
naraka” (Musnad Ahmad)

"O kasoldiya bayanek so lawaso Muslim, na hiyaramo Allah so apoy sii reka niyan.” (Musnad Ahmad,
Tabarani, Majma-'uz-Zawaid)

“Salongan sa Lalan Ko Allah na mas mapya adiso sanggibo a pda gawii.” (Nasai)
"So dingka kapromasay sa Lalan Ko Allah sa maitoa oras, na mas mapya reka adiso mga pipiyaa a’mal ka
ko tendaya omor kaa ped ka so pamilya ngka.” (Mustadrak Hakim)

“Saden sa lomiyo ko ghagawii sa Lalan Ko Allah na mbgan sa mamot a muska sa alongana mawri, a
balaso bayanek a minisekho sa lawas iyan.” (Ibn Majah)

"Saden sa makang-gonanao sa sakatawa manosiya ko mapyaa galbek, na mbalasan sa lagido

minggalbekon.” (Muslim).

“Adena miniza, ‘Antawai tarotopi paratyaya?’ Pitharoo Nabi, ‘So mga taw a di mromasay sa lalan ko
Allah rakeso ginawa nyan goso tamok iyan.’ Aden pemana miniza ko mga Sahabah, ‘Antai tomondogon?’
Pitharoo Nabi, ‘So Mu’min a myaling sa looka kalasan, sabap ko kalek iyan ko Allah, ago diniyan
kapmarataan so mga taw.” (Abu Dawud)

“So kakaden sa Lalan Ko Allah sa maitoa oras, na thomo adiso kasimba ko gagawii a Lailatul-Qadr sa
pantaga Hajar-al-Aswad. (Ibn Hibban)

Note: So Lailatul Qadr na thomo adiso 1,000 a olanolan a simba, agoso simba sa Masjidil Haram sa
Makka na 100,000 takep = 8.3 million ragon. So taw a plalakaw sa lalan ko Allah ko maitoa oras na
mbalasan sa sobra pen sa 8.3 million ragona simba.

“Saden sa nggasto sa lalan ko Allah, na 700,000 takep a ishorat ko kitab iyan.” (Tirmidhi)

“Mataan a so balas o Sambayang, Puasa ago Dhikr sa Lalan Ko Allah na thakepen sa 700 adiso kanggasto
sa Lalan Ko Allah.” (Abu Dawud)

Note: Gyotowi kya tafsira ono sabaad sa, so Badani Qurbani (kapromasayo ginawa) na thakpen agoso
Maali Ajr (kanggasto) sa lalan ko Allah na; 700,000 x 700 = 490,000,000 (490 million) takep so omani
Sambayang, Puasa, Dhikr, etc. sa Lalan Ko Allah. (Allahu A’lam)

Aya kakhaaden rektanoo hakikat o Hijrah ago Nusrat na;

1. Da’wah – miphanolon tano so kalai kipantag ago balas o Hijrat ago Nusrat, agoso kyarasayo Nabi
agooso mga Sahabah ko agama.

2. Mipenggolalan – misabap sa kapromasay sa Lalan Ko Allah. Phakasenggay tano sa oras para ko

agama lagido 4-months, 40 days, 3 days, makami amal, Ta’lim sa Masjid go sa walay, I’tikaf sa Markaz. So
mga Sahabah na dakiran makasendod so pamilya iran agoso mga tamok iran ko panagontaman iran ko
agama mlagido kaluluagan siran, kasisikotan siran, mayaw matenggaw, gagawii daondaw, etc.

3. Du’a – Gyaa galbeko mga Ambiya na ipphamimili o Allah, na gyotowi khagoraokan ko Allah a
tarimaan tano rono Allah.