 SUCESOS DELAS ISLAS FILIPINAS NI ANTONIO MORGA AT MGA

ANOTASYON NI JOSE RIZAL

Ang Sucesos de las Islas Filipinas na isinulat at inilathala ni
Antonio Morga ay sinasabing isa sa mahahalagang aklat ng
kasaysayan sa panahon ng pananakop ng Espanya sa Pilipinas. Ang
librong ito ay tumatalakay sa pulitikal, sosyal at ekonomikal na
aspeto ng mga mananakop na Espanyol at sinasakop na mga
Pilipino. Ang akda naman ng ating pambansang bayaning Jose Rizal
na mga anotasyon sa naunang akda makikita ang kasaysayan ng
bansa at kalagayaan ng mga Pilipino bago dumating ang mga
Espanyol at sa panahon na tayo ay nasakop ng Espanya. Nagbigay
liwanag si Rizal sa mga detalye ng libro sa pamamagitan ng hindi
pagsang-ayon at pagkumpirma sa mga parte ng kasaysayan na
isinulat ni Morga.
Ang pagbasa ng bahagya sa Sucesos de las Islas Filipinas ni
Antonio Morga at mga anotasyon ni Jose Rizal dito ay
makasaysayan. Hindi lamang dahil ito ay nagsasaad ng mga naging
kaganapan sa ating bansang Pilipinas. Makasaysayan sa buhay ng
mambabasa sa pamamaraan na naimulat natin ang ating mga mata
sa mga bagong impormasyon na nadagdag sa ating kaalaman para
sa kasaysayan ng bansa. Ang dalawang akda ay magbubukas sa
iyong isipan kung paano ang mga Pilipino noon sa mata ng banyaga
at mananakop sa katauhan ng banyagang manunulat na si Morga at
sa mata ng kapwa Pilipinong hindi pa namumuhay sa panahon na
iyon at nasakop sa katauhan ni Rizal. Mas naging malinaw at
malawak ang aking kaalaman sa kung ano ang mga pangyayari sa
mga Pilipino bago pa man dumating ang mga mananakop partikular
na sa sistema ng pamamahala ng mga Pilipino noon. Ang paglahad
ni Morga na walang hari ang namumuno sa buong bansa at
pagklaro ni Rizal kung bakit ito ay malabong mangyari sa panahon
na iyon ay talaga namang makabuluhan. Mahalaga ang
ginampanang parte ni Rizal sa pagbibigay anotasyon sa aklat na
isinulat ni Morga dahil nararapat lamang na klaruhin ng isang
mamamayan ang nangyari sa kanyang bansa.