Banghay Aralin sa Filipino

Grade-7

I. Layunin: Pagkatapos ng talakayan , ang mga mag-aaral ay inaasahang:

 Natutukoy at napag-uuri ang pangngalan ayon sa pantangi o pambalana
 Nasasagot ang mga tanong tungkol sa kuwentong nabasa

II. Paksang Aralin

Tangi at karaniwang Ngalan

Sanggunian: Pakikinig at Pagsasalita Wika pp.49-61

Kagamitan: Larawan, Laptop

III. Pamamaraan
a. Panimulang Gawain

1. Pagbati at pagdarasal
2. Pagtatala ng lumiban
3. Pagpapaayos ng mga upoan

b. Pagganyak

Magpakita ang guro ng larawan ng mga bayani at pag-usapan ang mga ito.
- Itanong sa mga mag-aaral kung sinu-sino ngayon ang maituturing natin mga bayani.
(Halimbawa- OFW atb.)

c. Paglalahad

Ipabasa ang kuwento tungkol sa bayaning Pilipino at ipasagot ang mga tanong tungkol sa
binasang kuwento.

Tangi at Karaniwang Ngalan

 Sa ating malayang bayan ay may demokrasya. Pantay-pantay ang Karapatan ng lahat,
lalaki man o babae. Marami tayong mga dakilang tao at bayaning babae na ang iba ay hindi
gaanong kilala. Balikan natin ang dakong ito sa kasaysayan. Nariyan si Melchora Aquino na
lalong kilala sa taguring Tandang Sora. Siya ang kinilalang Ina ng mga katipunero. Napakalaki
ng kanyang naitulong sa Kilusang Katipunan noong panahon ng Himagsikan laban sa
pamahalaang Kastila.
Mababanggit din si Marcela Agoncillo na tumahi ng unang bandilang Pilipino.
Si Librada Avelino naman ay napabantog sa larangan ng Edukasyon.
Si Teodora Alonzo naman ay ina ng ating pambansang bayaning si Dr. Jose Rizal. Si Margarita
Roxas de Ayala ay nakilala sa larangang pagkakawanggawa at industriya.
Si Mother Ignacia del Espiritu Santo ang nagtatag ng unang Kongregasyon panrelihiyon para sa
kababaihang Pilipina.
Si Patrocino Gamboa ay isa ring bayani mula sa bayan ng Jaro, Iloilo.
Si Gregoria de Jesus ay tinaguriang Lakambini ng Katipunan.
Si Trinidad Tecson ay napabantog sa taguring Ina ng Biyak na Bato noong panahon ng
Himagsikan.
At di makalimutang banggitin si dating Presidente Corazon Cojuancgo Aquino.
Maganda rito sa ating bansa. Ang lahat ay may karapatang tumalino, umunlad, at maghawak
ng tungkulin.

Halimbawa

1. Anu-ano ang mga kabutihang nagagawa ng mga babaeng lider sa pag unlad ng bansa?
2. Gusto mo bang maging tulad nila? Bakit?
- Pag-usapan ang naging kontribusyon ng mga bayani sa kuwentong binasa.

Halimbawa:

Marcela Agoncillo- tumahi ng unang bandilang Pilipino

Mother Ignacia del Espiritu Santo- nagtatag ng Unang Kongregasyong panrelihiyon para
sa kababaing Pilipina

- Talakayin o pag usapan ang mga pangngalang ginamit sa kuwento.

Halimbawa: Dr. Jose Rizal, Marcela Agoncillo , bansa,bayan, atbp.

d. Talakayang Pangkaisipan

Tatalakayin kung ano ang pangngalang pantangi at pangngalang pambalana sa pamamagitan

ng mga tanong na ito.
 a. Saan nagsisimula ang mga pangngalan ng tao, bagay, lugar at pangyayari?
b. Anu-ano ang mga panandang ginagamit sa pangngalang pantangi at pangngalang
pambalana?

Uri ng pangngalan: Pantangi at Pambalana

Pantangi- tanging ngalan ng tao, hayop, lugar at pangyayari. ito ay nagsisimula sa

malaking titik.
Pambalana- karaniwang tawag sa tao, hayop, bagay, lugar at pangyayari. Nagsisimula sa
maliit na titik.

Halimbawa:

Nagsisimula sa malaking titik Maliit na titik

1. Melchora Aquino 1. bayani

2. Teodora Alonzo 2. bansa
3. Librada Avelino 3. bandila
4. Patrocinio Gamboa 4. babae

e. Paglalapat

Panuto: Basahin ang bawat pangungusap. Piliin ang mga pangngalan at isulat kung ito’y
pantangi o pambalana.

1. Sina Dan at Nene ay naligo sa beach.

2. Ang mga bata ay may dalang meryenda.
3. Nagdala rin sila ng salbabida.
4. Si Bb. Reyes ang guro ng mga bata.
5. Ang mga bata ay masayang umuwi sa kanilang mga tahanan.

IV. Takdang Aralin:

Gumawa ng tatlong pangungusap na may pangngalang pantangi at pambalana Lagyan ng

isang linya ang pangtangi at dalawang linya ang pambalana.
 Banghay Aralin sa Filipino 7

I. Layunin
1. Naibibigay ang katangian ng awiting bayan.
2. Nakapagpapahayag ng mga kahalagahan ng awiting bayan sa ating lipunan sa
kasalukuyan
3. Nakakagawa ng makabuluhang paghahambing sa mga modernong awitin at
awiting bayan mula sa Visayas

II. Paksang Aralin

- Awiting Bayan/Bulong
-Aklat sa Filipino ng Baitang7, Internet
-Kagamitang Biswal

III. Pamamaraan
a. Panimulang Gawain
 Pambungad na panalangin
 Pagbati
 Pagpuna sa kalinisan ng silid- aralan
 Pag-uulat/Pagtatala ng liban
 Pagbabalik-aral
b. Pagganyak
 Ipapaawit sa mga mag-aaral ang “Kung Ikaw ay Masaya” ng may aksyon
at saliw ng tugtug.
c. Paglalahad
 Pamilyar ba kayo sa mga awitin na katulad ng napakinggan?
 Pangkatin ang mag aaral sa apat (4) at magpakita ng awiting alam
ninyo kagaya ng inawit. (Hal. Leron leron Sinta, Sitsiritsit, Bahay Kubo
atbp.)
d. Pagtatalakay
1. Alam ba ninyo kung anong panitikan ang iyong inawit?
Ang mga Awiting Bayan ay mga awit ng mga pilipinong ninuno at
hanggang ngayon ay kinakanta at inaawit pa rin.
Mga Uri