Menchie

Researcher: Marhay na aga po

Menchie: Marhay na aga man po

Researcher: Maa mako po si Renie, 3rd year nursing student po haling Ateneo may diit na kahaputan lang
po ako saindo para sa research mi, pwede ka pong ma interview ning madali?

Menchie: Pwede man po

Researcher: okie. Ano po mga naranasan mo maam kang nagbados ka po

Menchie: Ano mayo man ano lang normal lang, medyo nasakitan po mag adjust pero dae man gayo.

Researcher: May komplikasyon po maam kang bados ka po tapos pagpangaki mo?

Menchie: Mayo po, pero si aki ko po igwa

Researcher: Ano po si komplikasyon sa aki mo

Menchie: 8 months sya tapos dae sya inabot ning 9 months

Researcher: Ngunyan po maam okay naman po si aki mo

Menchie: Ay nagadan po ito si baby ko mag tutulong bulan

Researcher: Ay pasensya po maam

Menchie: Ayos lang po

Researcher: Pano mo po inalagaan sadiri mo kang nabados ka?

Menchie: Nagpapa checkup po ako sa center pirmi kadto pirmi ko po kaiba si mama, si agom ko po kaya
nasa harayong lugar

Researcher: Ano po mga kinakakan mo po kadtong bados ka?

Menchie: Minsan po gulay saka sira tapos nag va-vitamins po ako hali sa center

Researcher: Ahh okay po, si turog mo po maam dae man na apektohan>?

Menchie:Minsan po nasosobrahan kato

Researcher: May bisyo ka po kato?

Menchie: Mayo man po

Researcher: Kang nangangaki ka po, ano po naranasan nindo kato, nag kulog po syang pang sararuan
lang pong labor?

Menchie: As in makulugon simula 12 ning madaling aram hanggang 7am makulugon po

Researcher: Say po kaibanan nindo saka sain ka po nangaki

Menchie: Sa bmc po, si mama po pirmi ko kaibanan. Sya man po nagpara alaga sa baby kang mga inot na
bulan

Researcher: Ahhh okay po, pano mo po nakaya si pagalaga sa sadiri mo saka pagalaga po sa baby mo?

Menchie: Si mama po talaag sigeng ataman saka nagpapadara man po si agom kato para sa gastuson sa
kakanon

Researcher: Ano po mga nahiling mong pagbabago kang bados ka?

Menchie: Payat po kasi ako tapos mas lalo po ako nag payat, habang nag babados po ako nagpapayat
po, siguro sa kinakakan ko po, maluya po ako magkakan eh, medyo nasakitan man ako mag hiro

Researcher: Ahh okay po, kato pong nangaki ka na po nag payat ka pa po?

Menchie: Kang pag aki ko nag payat pa akong diit, dae ako nagtaba o nagdagdag timbang

Researcher: Mga pirang aldaw po kang pagkangaki mo nagbalik si paghiro

Menchie: Mga 2weeks po, madali lang po ta nag 1week pa popo kami sa hospital afer ko mangaka ta si
baby ko nasa NICU

Researcher: Ahh iyo po, sa tahi mo po saka sa regla?

Menchie: Dae po ako tinahi ta saditon po si baby, sa regla po garo 2 or 3 months po bago nagbalik

Researcher: Kato pong naaraman mo na bados ka, ano po ang naisip mo or nafeel mo

Menchie: Naugma po tapos syempre natakot man ta aki pa po pero dae ko lamang po naisipan na
ipalaglag si aki, garo po blessing

Researcher: Sa relasyon mo po sa pamilya dae man po naapektuhan kang pagbados mo maam?

Menchie: Dae man po ta pig suportahan man po ninda ako. Sa partner ko man po, mayo man po kaming
problema kato

Researcher: Nagkaklase ka po bago ka po nagbados?

Menchie: Ay dae na po nagtatrabaho na ko kato

Researcher: Ahh iyo po, sa mga kapitbahay man po dae ka man po na chismis?

Menchie: Iyo po nachismis man po ako igdi samo pero dae ko nalang po pig intindi ta sisay man po sinda

Researcher: Kang inot mo pong nakaputan mo po si aki mo, ano po namati mo?

Menchie: Sobrang ugmahon po ako

Researcher: Mas nag mature ka po maam kang pagpangaki mo?

Menchie: Iyo po mas naglawak po si isip ko, dae na po ko isip bata

Researcher: Katong bados ka po na may mga kahaputan ka po sapagbabados o mga dae naiintindihan,
kisay ka po nagdudulok?
Menchie: Kay mama po tapos nag gogoogle man po ako search search man

Researcher: Ahh iyo po, dyan po sa komunidad nindo dae man po nagbago si hiling saimo or si pagtrato
saimo?

Menchie: Dae man po, pig chismisan lang po pero mayo man po ako pakiaram

Researcher: Iyo po, katoliko ka po?

Menchie: Iyo po, nagsisimba po ako kada dominggo kang bados po ako

Researcher: Naisip mo man po maam magpakasal sa partner mo?

Menchie: Ayy ano po kaya, may family man po sya, duman po sya sa family nya dati, mayo na po kaming
haloy na mga 1year po after pag aki ko mayo na kami, gadan na po kato si baby

Researcher: Okay po maam, pasensya po, Tapos po ano po talagang natutunan mo po pagaki mo po na
pwede mo ibahagi sa iba lalo na sa mga hubin man na nagbabados ngunyan, mga tips po arog kayan

Menchie: Ano lang iwas sa stress, iyo ang pinaka kalaban mo saka kakan pong toltol saka checkup po sa
center, alagaan po sadiri ta yaon po dyan si baby

Researcher: Ano po mensahe mo sa mga kabataan ngunyan?

Menchie: Ahh dae na muna mag giribo ning arog kayan ta sobrang sakit kang buhay bako pong suba

Researcher: Sa mga bdos po ngunyan na hubin ano po masasabi mo sainda, sa mga nahihinaan po ning
loob arog kayan

Menchie: Isipon nalang nindo si aby nindo saka alagaan nindo hawak nindo

Researcher: Ahh iyo po, iyo man lang po yan mga hapot ko maam dakulang Salamat po

Menchie: Iyoo po Salamat din