Mga Kantang Satirika na naging popular sa buong mundo

Sa lubhang maraming kanta na dumadaan at pumapatok kada taon, hindi natin

napapansin na satirikal na kanta pala ang mga napaparingan natin sa radyo, Youtube, dyip at
mga gadyet. Mga kantang tumatak sa puso natin at hanggang ngayon ay marami paring
nagiging interesado at pinapatugtog kung saan-saan. Isa na dito ay ang Oppa Gangnam Style ni
Psy na naging pinakamaraming nanood at pinakaunang nagkaroon ng bilyon na views sa
Youtube ng taong 2012. Pinapakita dito ang magarang pamumuhay ng matataas na klase ng tao
sa lipunan ng Korea at binibigyan pansin ni Psy ang umuusbo na kultura ng Koreano sa labis
labis na paggastos ng kanilang pera at paano sila nasanay na magmukhang mayaman sa
kanilang lipunan. Ang bidyo ay nagpapakita ng kalokohan sa mga Koreanong nagiging disidido
at nahihimaling na maging katulad ng mga taong naninirahan sa Gangnam (Fisher, 2012). Ang
Gangnam na pinapakita sa bidyo ay isang mayaman at pusturiyosong lugar na matatagpuan sa
Seoul, kung saan sumasayaw at kumakanta si Psy upang kutyain ang mga gawain ng mga
mayayaman sa South Korea. Ipinapaalala satin dito na ang pinakamagandang bagay sa ating
buhay ay libre at di nakukuha sa paramihan ng pera at pagandahan ng mga kasuotan.

Mga kartun na pinapalabas sa Cartoon Network, Nickolodeon, Disney, atbp.ay talagang bumuo
at tumatak sa isip at puso ng mga kabataan noon at hanggang ngayon ngunit may mga kartun na
nagbibigay aliw lamang para sa taong nasa sapat na gulang na tulad ng Family Guy, American
Dad at South Park. Ang South Park ay isang serye ng kartun para sa mga Amerikanong nasa
sapat na gulang na umere sa istasyon ng telebisyong Comedy Central noong 1997. Ang
kontrobersyal na palabas ay nanalo ng Emmy Awards bilang namumukod tanging animado na
programa sa taong 2005, 2007, 2008, 2009 at 2012. Ito ay isang kathang-isip na
pinapangyarihan sa bayan ng Colorado na nagbibigay-pansin sa mga kalokohan ng apat na
batang lalaking nasa elementaryang baitang pa lamang. Ang katatawanan sa palabas ay
nagmumula sa mga patok na kultura, saynete, at malalaswang biro (Augustyn et. al., 2020). Mga
kantang naglalaman ng masangsang na mga salita ngunit nagbibigay-aliw, kabalintunaan at
pagmamalabis upang kutyain ang mga kasamaan at bisyo ng mga tao o grupo. Isa na dito ay ang
It’s Easy, M’kay, na kung saan ang guro na si Mr.Mackey ay nagsikap na turuan ang kanyang
mga estudyante sa South Park Elementary kung paano gumamit ng ibang salita upang palitan
ang mga leksikon na naglalaman ng bastos na kahulugan. May nakakaaliw itong tono at may
mga lirikong nagbibigay tampok sa mga nakakatawang mga salitang pamalit nila sa
pagmumura, tulad ng “buns-hole” (Sherlock, 2o2o). Ang “Blame Canada” na kinanta ng mga
magulang sa palabas na South Park ay isang uri ng Satirikang Menippean na nagbibigay-diin sa
mga kaugalian ng mga amerikano sa bansang Canada (Greaves, 2012). Mga lirikong tulad ng
“They’re not a real country anyway!”, “We must blame them and cause a fuss, before
somebody thinks of blaming us!”, na nagpapakita ng diskriminasyon ng mga Amerikano sa mga
Canadian dahil sila’y kontrolado ng U.K at mga gawain ng mga magulang na pabaya sa kanilang
anak upang isisi sa gobyerno ang rason ng pagiging rebelde ng kanilang anak. Mga satirikang
kanta na nilikha ni Terrence at Philip ng South Park ay talagang nagbibigay kasiyahan na hindi
na natin napapansin ang totoong kahulugan ng bawat salita sa liriko kahit man ito’y naglalaman
ng malalapastangang pananalita at kalaswaan.

Maraming mga banda sa Amerika ang sumikat ng ika-21 siglo, kabilang na dito ang My
Chemical Romance, Paramore, Foo Fighters, Panic at the Disco, System of a down, Linkin
Park at marami pang iba ang talagang tinangkilik ng mga tao sa buong mundo. Subalit, may
isang rock na banda na ang layunin ay magbigay salamin sa mga katulad niyang mamamayan
noong panahon ng Administrasyon ni Pres. George Bush. Ang Green Day na nabuo ng taong
1987 at pinamunuan ng punong mang-aawit at guitarista na si Billie Joe Armstrong. Nilikha
niya ang isang pampulitikang kanta na “American Idiot” na naglalaman ng takot o galit sa mga
banyaga ng mga Amerikano at tuligsain ang midyang pangmasa sa paggamit ng propaganda
upang mabahala ang mga mamayaman at magkaroon ng histerya sa bansa. Ang kanta ay sinulat
sa ilalim ng pamumuno ni Pres. George Bush, na nagpasimuno sa digmaan ng bansang Iraq at
Amerika na humantong sa 9/11 na atake ng mga terorista sa Twin Towers na nagresulta sa
daan-daang pagkamatay ng mga Amerikano. Binibigyan-pansin ng bandang Green Day ang
rasismo, pang-aabuso, seksismo, pagkapanatiko, katangahan at pakikipag-digmaan ng mga
Amerikano sa ibang bansang mahihina sa kanila. Sa bawat hampas sa drums, pagtugtog ng mga
gitara at nakaka-akit na musika ng kantang American Idiot ay talagang magpapahumaling sa
mga taong mahilig sa rock na klase na kanta. Mga kanta ng Green Day na lantarang umaatake
sa gobyerno ay talagang nagbibigay kasiyahan sa mga tao ngunit napapawalang-saysay ito dahil
kaunti lang ang sumeseryoso sa mensahe at taong gumaganap sa kanta. Isang araw, tinanong
ang punong mang-aawit ng Green Day na si Billie Joe Armstrong ng isang tagapanood, “kung
ang mga bumoto ba kay George W, Bush ay isang American Idiot”. Sumagot si Billie Armstrong
at sinabi, “Hindi, sila ay mga tangang nakinig lamang sa maling impormasyon” (Rolli, 2018).

Ang “Take me to Church” na kinanta at nilikha ng Irish na musikero na si Hozier ay magandang

halimbawa ng Satirikang Menippean dahil sa bidyo at liriko nito na nagkukuwento sa malaking
diskriminasyon ng Catholic Church sa mga homoseksuwal na katulad ng lalaking nasa kuwento.
Ang Kanta ay sobrang bigat at puno ng katotohanan, sa pagpapakita ng mga eksenang may
karahasan, kadiliman ng kapaligiran, mga sitwasyon sa bansang Russia, paggamit ng bagay na
makahulugan at mga liriko na bulgarang pagpapatama sa mga katoliko na gumagamit ng dahas
kahit wala ito sa kanilang doktrina. Ang kahon na nakakadena at ibinabaon sa lupa ay
nagsasagisag sa mga homoseksuwal na nililihim ang kanilang mga damdamin at pagkatago ng
kanilang pagkatao. Ang bidyo na napakadilim na sumisimbolo sa mapanglaw, pighati at
trahedya na nangyayari sa mga homoseksuwal. Sa mga grupo ng ibon na lumilipad na
nagprepresenta ng kalayaan na matagal na nilang inaasam upang makalayo sa mga
diskriminasyon, paghuhusga at pagpaparusa na galing sa iba’t ibang tao sa buong mundo. Ito’y
nagpapatunay na ang lipunan natin ay laging pinaniniwalaan ang mga esterotipo, na ang
ganitong klaseng mga tao ay nakasusuklam at panganib sa ating lipunan dahil sa kanilang
histura at pagkatao. Mga lalaking may hawak ng nagliliyab na tanglaw na nangangahulugan ng
galit at masamang intensiyon ng mga taong di tanggap ang mga bakla at tomboy dito sa ating
mundo. Ang senaryo na nagpapakita na kinakaladkad ang pangunahing aktor na sumisimbolo
sa matinding kapangyarihan ng relihiyong Katoliko na kayang kontrolin at parusahan ang
anumang kumakalaban sa kanilang kautusan at patakaran (Kenney, 2018).

Banal na Aso, Santong Kabayo ng Bandang Yano

Ang bandang Yano ay kilala na sa kanilang pagpapahayag ng kuro sa nangyayari sa ating

lipunan tulad ng kanilang kantang "Esem" na nagkukuwento sa sitwasyon ng mga mahihirap at
tambay, na napapaligiran ng patong patong na gastusin, ngunit hanggang ngayon ay di
makaaahon at di naranasan ang kasiyahan na nakukuha ng mga mayayaman. Kahit na puno ng
pamimintas ang laman ng kanilang mga kanta, nagagawa parin nila itong maging kahanga-
hanga at patok sa mga pilipino na karamihan ay nauugnay ito sa sitwasyon ng kanilang lipunan.
Mayroon silang isang kanta na naging sobrang tanyag at kinikilala ng mga pilipino bilang isa sa
pinakamagandang OPM na kanta ng buong panahon at ang partikular na kantang iyon ay ang
"Banal na Aso, Santong Kabayo" na naging kontrobesyal ng kanilang ibinahagi sa kanilang
album noong 1998 (Reynante, 2016).

Karamihan sa ating mga Pinoy, kapag nasa loob ng simbahan, napakababait at tila banal na
nilalang. Nakikinig sa salita ng Diyos at sermon ng pari sa simbahan. Ipinagpapalagay na tama
ang mga gawi na ginagawa sa loob, katulad na lamang ng pagpupunas gamit ang panyo sa mga
santong estatwa at minsanang paghalik dito. Humihingi ng patawad sa Diyos sa mga kasalanang
nagawa at paghingi ng tulong sa mga problema. Nangungumpisal sa pari dahil sa mga
kasalanang nagawa at marami pang ibang relihiyosong gawi. Ngunit sa paglabas ng simbahan,
tila walang nangyari sa loob. Magsisimula na naman ang paggawa nang masama at pagsasalita
nang hindi kaaya-aya. Walang tigil ang paghingi ng tulong ngunit hindi naman napa-uunlad ang
sarili. Isa itong kaugalian na naipapamalas ng mga Pilipino lalo na ng mga kristiyano noon pa
man. Itong ugali na relihiyoso ngunit kulang sa pagiging maka-Diyos. Ayon nga sa kanta ng
bandang Yano na “Banal na Aso, Santong Kabayo”

Ang kanta ay nagkukuwento sa isang ale na nakapikit pa kung magdasal sa publiko

subalit ng inutusan niya ang tsuper na ihinto sa kanta at tinanggihan ito ng tsuper sa isang
magandang rason ay bigla nalamang naglabas ng masasamang salita ang ale na parang
napawalang-silbe ang kanyang mga gawain sa simbahan at sumasalungat sa mga mensaheng
ibinibigay ng bibliya. At sa pangalawang taludtod ng kanta, ang isang lalake na nangangaral ng
mga salita ng Diyos sa kalye ngunit ng dumating ang isang pulubi ng pera para pangkain sa
katulad niyang paslit ay bigla na lamang nandiri ang lalaki at lumipat ng ibang puwesto upang
makalayo sa batang pulubi na para bang di niya nababasa ang pagiging mapagbigay sa kanyang
ibinabahagi sa kanyang bibliya. Naipapakita sa mga linya ng kantang ito ang mga Pilipinong
tinatawag ang kanilang sarili na relihiyoso o banal ngunit hindi naman naisasabuhay ang
kanilang mga pinaniniwalaan. Isang ironiya nga naman, na kung sino pa ang mga nagsasambit
madalas ng panalangin at nagpapalaganap ng salita ng Diyos, sila pa yaong maririnigan at
nagpapakita ng hindi kaaya-ayang mga salita at gawi. Dalawa ang uri ng mga kristiyano noon
ayon naman kay Dr. Eden M. Gripaldo, isang guro sa kasaysayan at isang historyador. Ang una
ay “acto de actricion” na nagpapakita ng pagiging relihiyoso ng isang taong may malaking
pagkakasala. Samantalang ang pangalawa ay “acto de contricion” na makadiyos at buong
pagsising pinanagutan ang pagkasalang nagawa.

Maging ang ating pambansang bayani na si Dr. Jose P. Rizal ay naglabas ng kaniyang paliwanag
ukol dito. Tanong nga ni Rizal: “ Ano ang magiging anak ng mga inang walang ginawa kung
hindi magbulong ng dalangin; ang kaalaman ay hango sa awit, nobena, librong dasalan at mga
kuwentong kababalaghan na panloloko sa mga tao; panguingue ang libangan … ang mga inang
walang maituturong kabutihan sa mga anak ay huwag nang umasa ng mga supling maliban sa
mga tanga at api-apihan.” Isa pang pahayag niya sa pamamagitan ni Don Rafael Ibarra sa Noli
Me Tangere: “ Inaakala baga ninyong ang Diyos ay nagpapatawad ng isang pagkakasala, gaya
halimbawa ng pagpatay ng kapwa, sa pamamagitan ng pangungumpisal lamang dahil sa takot
na mapuntang impyerno ang nagkasala? Iba ang pagkakakilala ko sa Diyos. Hindi nagagamot ng
isang mali ang kapwa mali.. kung ako ay pumatay ng isang ama ng mag-anak.. ang budhi ko’y
naguutos na maglingkod ako nang lubos sa buong buhay sa mag-aanak na ako ang sanhi ng
kanilang kasawian.”

Matagumpay man ang pagpapalaganap sa kristiyanismo, masasabing ang tagumpay na iyon ay

kulang na kulang pa din kung titingnan ang aspekto nang pagiging makadiyos ng mga Pilipino.
Nananatili pa rin ang paniniwala ng karamihan sa mga pamahiin na nagpalabo sa pagkakaiba
ng salamangka at kristiyanong paniniwala; sa milagro at pagsamba sa mga santo; at
paniniwalang kababalaghan sa mga sakramento ng simbahan. Nang dahil sa mga gawing ito ng
mga Pilipino, maaari tayong maihalintulad sa banal na aso at santong kabayo na tinutukoy ng
Yano sa kanilang awitin. Unang-una, tayo ay parang mga hayop dahil sa paggawa ng mga bagay
katulad ng pagdadasal ngunit hindi naman natin isinasabuhay ito. Katulad ng mga aso, tayo ay
kahol nang kahol lamang o dasal nang dasal nang walang dahilan o patutunguhan. At para
tayong mga kabayo na sinisipa ang mga lumalapit at nanghihingi sa atin ng tulong samantalang
tayo mismo ay nangangailangan din. Isa itong ironiya sa ating mga Pilipino na dapat malunasan
sa paglipas ng panahon para sa kapakanan ng bagong henerasyon (Migue, 2013).

Ang Satirika ng Meme sa Ika-21 na Siglo

Ito ang mga halimbawa ng mga memes na pumatok at kumakalat sa social media dahil sa
nakakatawa nitong katangian at nauugnay natin sa pang araw-araw na nangyayari sa ating
buhay. Sa panahon ng kagipitan ng ating bansa sa sunod sunod na pangungurakot hanggang sa
pandemiyang nararanasan natin ngayon, di parin mapipigilan ng ating mga kabataan at mga
netizens natin ngayon na gumawa ng mga memes upang sumikat, magbigay kasiyahan at
pagbigay ng kanilang opinyon sa nakakatawang paraan. Sa kasalukuyan, ang Internet o Social
Media ay isa sa pinagkukunan ng mahahalagang impormasyon. Dahil dito, mas madali nang
gawin ang mga takdang gawain ng mga estudyante, ngunit hindi sa lahat nang panahon ito ay
nakakatulong. Maraming mga kabataan ngayon ay sobra nang nalulong sa paggamit ng social
media. Ang iba ay hindi na nakakatulog ng maayos dahil sa pagkaadik sa Internet. May iba rin
na halos hindi na kumakain dahil lagi na lang nakaharap sa kompyuter at nag-iinternet. Ang
meme ay nagbibigay kasiyahan sa mga tao lalo na sa mga kabataan. Naging tanyag ito sa social
media at ginawang libangan, ngunit hindi sa lahat ng panahon, ito ay nakakapagbigay aliw. May
ibang meme na may halong karahasan at hindi na nakakabuti pa sa mga nakakakita. Ang meme
rin ay isa sa mga nagdulot ng ating wika na hindi maging kanais-nais. Dahil na rin sa social
media ito ay nagtulak sa atin para gumawa ng makabagong salita na may malaking epekto sa
ating mga kabataan. Oo, ang meme ay nagbibigay saya sa mga gumagamit ng social media
ngunit hindi ito sapat na basehan upang gamitin sa masama. Hindi rin ito sapat na dahilan
upang ulitin natin ang ating wikang Filipino na ipinamana sa atin ng ating mga ninuno.

Ang unang pag-gamit ng salitang meme ay nagmula sa librong “The Selfish Gene” ni
Richard Dawkins noong 1976. Dahil sa pag-unlad ng teknolohiya, ang salitang ito ay mabilis
nalumaganap. Ang kilusang pang-kultura ng internet na tinatawag na meme ay isang uri
ngideolohiya, kaalaman, at pag-uugali na mabilis na kumakalat sa pamamagitan ng social
media. Ayon kay Bauckhage (2011), sa kanyang pag-aaral na may pamagat na “Insights into
internet memes”, mula sa datos ng pagkalat ng 150 na memes na kanilang sinundan satulong ng
mga datos mula sa Google Insights, Delicious, Digg, at StumbleUpon, ay tiningnan nila kung
paano sumisikat at nalalaos ang isang meme sa pamamagitan ngestadistika. Nalaman nila rito
na ang mga memes ay pinakamadaling sumikat sa mga social media sites katulad ng Facebook,
Twitter, at iba pa (Santos, 2018).

Positibo at Negatibong Epekto ng paggamit ng Satirika sa mga Musika at Memes

Karamihan ng mga kantang nabanggit ay nabibigyan ng maling kahulugan ng ibang nakikinig

tulad ng “Take me to Church” na akala ng iba ay kanta ng mga kristiyano dahil naririnig mo ang
lirikong “Amen” at metaporang mga salita na ang mga pinakinggan at pinanood ng mabuti
lamang ang makakaunawa. Ang paggamit ng satirika sa mga kanta ay napakalaking tulong
upang labanan ang malalaking problema sa ating lipunan na hindi kayang harapin ng
deretsahan dahil sa taglay nitong malaking kapangyarihan na kahit gumamit ng dahas ay
kayang makawala sa mga patakaran na nakakapit sa isang bansa. Ang mga ganitong satirikal na
kanta na umaatake sa gobyerno at relihiyon ay nagpapamulat sa tao sa kasamaan na nangyayari
sa ating mga lipunan dahil habang tayo’y naaaliw sa kagandahan ng musika, dadating ang
pagkakataon na mapapaisip ka ng malalim sa mga perspektibo ng ibang tao sa kanilang lipunan.
Ang mga kantang ito ay nagsasalamin sa mga bahid at kapintasan sa ating lipunan na dapat
nating bigyan ng aksiyon at hindi ibalewala sapagkat ito’y nagdudulot ng matagal na pagdurusa
ng mga natatapakang mababang uri ng lipunan. Ang negatibong epekto ng paggamit ng satirika
sa kanta ay ang maling pagkaunawa sa mga mensaheng inihahatid nito na maaaring umusbong
pa ang galit at kalungkutan ng isang inosenteng tao na napagbintangan dahil pangkalahatang
mensahe na ipinapahayag ng kanta. Ang mga taong sarado na ang isipan o mga hindi na kaya
pang mabago ang kanilang pinaniniwalaan at mga inaatake ng satirikal na kanta ay gumagawa
ng paraan upang ito’y hindi marinig ng mga madla at prinoprotesta na ipagbawal na ang mga
pagpapalabas nito sa social media tulad ng mga tugon ng relihiyosong pilipino sa kantang
“Banal na Aso, Santong Kabayo” na inakusahan nila na ang kantang ito’y galing sa diyablo
upang tibagin ang kanilang pananampalataya at ito’y kalapastangan sa diyos dahil sa nilalaman
nitong pang-aatake sa mga sinasabi nila sa kanilang sarili na sila’y mga anak ng diyos.

Maraming nahahatid na tulong at layunin ang meme, ang memes ang nagsisilbing
pagpapahiwatig ng damdamin at opinyon ng tao na nagbibigay rin ng kasiyahan sa maraming
taong nakakakita nito. Ang nilalaman ng mga memes na ito ay sumasaklaw sa mga reklamo ng
estudyante sa kanilang paaralan hanggang sa kahirapan ng tao sa isang bansa na maiuugnay sa
mga karanasan natin sa ating buhay. Subalit, maraming negatibong epekto ang memes sa
katulad nating mga pilipino dahil ang pagbibigay katatawanan ay may limitasyon at ginagawa sa
tamang oras at lugar. Isang halimbawa nito ay ang karanasan ng mga bata sa ilog pasig na
naging popular dahil ito’y naging sikat na memes at binalita pa ito sa telebisyon sapagkat
kaawa-awa ang sinapit ng isang bata na tumalon sa bidyo na hindi pala marunong lumangoy at
natagpuan ng bangkay kinabukasan.

Ang “Sige Talon, Una Ulo” at “Par, asan na kasama niyo par” na naging popular na meme sa
social media ay nagpapawalang-saysay sa sinapit ng batang namatay dahil hindi nila pinapansin
ang nangyari sa bata at patuloy na ginagamit sa paaralan upang magbigay kalokohan. Makikita
natin dito na hindi lahat ng pagkakataon ay ginagawa ng pagkakatawanan ang lahat ng bagay na
naging kultura at nakasanayan na ng mga Pilipino ngayon. Marami na ngayong mga pilipino
ang gumagawa ng katarantaduhan upang sumikat sa internet na kahit pa ito’y kahihiyan at
kabastusan sa kanilang pagkatao ay nanatili pa rin ang mga uhaw sa pera na gumawa ng
ganitong mga klaseng kalokohan. Ang pang-aliw at kasiyahang taglay ng Satirika ay nagiging
positibong tagapamagitan ng panghihimok na naglilingkod upang wakasan ang pang-aabuso at
diskriminasyon na nangyayari sa ating lipunan sa pamamagitan ng kalidad na mensahe na
nilalaman ng argumentong kanilang inihahatid sa madla.
Sherlock, B. (2020, March 07) South Park: Every Song From Bigger, Longer & Uncut,
Ranked Retrieved July 10 2020, from

https://screenrant.com/south-park-every-song-bigger-longer-uncut-ranked-musical/

Augustyn, A., Eldridge, A., Gaur, A., Nirala, S. & Wallenfeldt, J. (2020, April 16). South Park.

Retrieved July 10,2020 from

https://www.britannica.com/topic/South-Park-television-series

Greaves, S. (2020, January 12). Blame Canada. Retrieved July 10, 2020, from

https://southpark.fandom.com/wiki/Blame_Canada

Fisher, M. (2012, August 25). Gangnam Style, Dissected: The Subversive Message Within South
Korea's Music Video Sensation. Retrieved July 11, 2020, from

https://www.theatlantic.com/international/archive/2012/08/gangnam-style-dissected-the-
subversive-message-within-south-koreas-music-video-sensation/261462/

Rolli, B. (2018, July 17). American Idiot Songfacts. Retrieved July 11, 2020, from

https://www.songfacts.com/facts/green-day/american-idiot

Kenney, E. (2018, June 11). The Meaning Behind 'Take Me to Church'. Retrieved July 11, 2020,

https://medium.com/@elskenney/hoziers-take-me-to-church-b27663bc516f

Reynante, R. (2016, May 11). Banal Na Aso, Santong Kabayo. Retrieved July 11, 2020, from

https://www.onemusic.ph/news/in-other-words-the-hypocrisy-of-faith-703

Migue, B. (2013, May 01). Banal na aso, Santong kabayo. Retrieved July 11, 2020, from

https://walaakongmaitutulong.wordpress.com/2013/05/01/banal-na-aso-santong-kabayo/

Santos, K. (2018, March). MEMES BILANG MIDYUM NG PAMBUBULAS SA MATAAS NA

PAARALANG PANG-AGHAM NG MARIKINA (KABANATA 1). Retrieved July 11, 2020, from

https://www.academia.edu/36178314/MEMES_BILANG_MIDYUM_NG_PAMBUBULAS_SA_M
ATAAS_NA_PAARALANG_PANG-AGHAM_NG_MARIKINA_KABANATA_1_