TAPU MO E ‘AFIO ‘A E TOLUTAHA’I ‘OTUA ‘I HOTAU LOTOLOTONGA.

TAPU MO E KELEKELE ‘EIKI ‘O HA’A TAKALAUA

TAPU ATU KI HE TANGATA’EIKI FAIFEKAU SEA ‘O E VAHENGA HA’APAI,KAE ‘UMA’A ‘A HA’A

TAULA’EIKI.

TAPU KI HE FAKAME’ITE MU’A KA KO E MEHIKITANGA ‘O E TANGATA MALI , HULITA PEA

MO E MEHIKITANGA ‘O E FEFINE MALI, LUTE VUNIPOLA.

TAPU KI HE MINISTA ? TEVITA LAVEMAAU, MO E KAU PULE NGAUE , .........

TAPU MAVAHE FOKI HENI KI HE ONGO TAMAIKI MALI ‘O E ‘AHO ‘AKAMETA FE’AO MO
‘ALISONI ‘ATIOLA FE’AO.

PEA TAPU FOKI KI HE ONGO FAMILI,PEA KI HE KAUNGAME’A.MAHENI MO HA SOLA ‘OKU

TAU KAU FAKATAHA HE ‘AHO NI.

UHI,TUKU MU’A KEU FAKAMALUMALU ATU PE HE TALAKAKATO ‘O E FONUA, KUO

TALAMU’AKI, ‘IHE PANGAI TUPU’A ‘O E KATOANGA NI,

PEA FAKAMOLEMOLE KAU HOPO ATU HE ‘I TOUMU’A, HE KOE EPUEPU PE HE LALO

HOUMATUTU, HOTAU NGAAHI HALA’API, KAE ‘ATA MOE MOTU’A NI KEU FAKAKAKATO ATU
E FATONGIA KO ENI HE HO’ATAA NI ‘A IA KO HONO FAKAFOFONGA’I E FAMILI ‘O E TAMASI’I
MALI ‘I HONO FAKATAUKEI’I KITAUTOLU KI HE NGAAHI POLOKALAMA ‘O E ‘AHO NI PEA MO
FAKAHOKO E LEA TALITALI.

‘OKU OU ONGO’I LANGINALNGI’IA MO’ONI, MO FAKAHA, ‘A E FIEFIA LAHI ,KE TALITALI LELEI
KIMOUTOLU HONO KOTOA, KUO MOU TUKU TAIMI KA MOU LAVA MAI KETAU KAUNGAA
FAKAMO’ONI, POUPOU, MO FIEFIA FAKATAHA HE TALIUI KUO FAKAHOKO FAKALAUMALIE
KI HONO SILA’I ‘O E KOVINANITE OE MALI ‘E ‘AKAMETA MO ‘ALISONI.

UHI, FAKAMOLEMOLEMOLE’I AU , KAPAU TEU HEVA MEI HE NATULA TOTONU, ‘O E

FATONGIA KUO KUONA KITA KIAI, PE LAKALAKA ATU ‘O PAKI’I HA LOU TELIE, KA KUO
TONGIA NOA PE KITA ‘E HE FIEFIA.

TAU FAKAFETA’I KOTOA PE ‘I HE FAKATAULAMA KUO FAI MEI LOTO TATAU, PEA KO E
MAKEHE’ANGA IA ‘A ‘EKU FIEFIA ,UHI

KO E FAIFAIANGE PEA FAKAHOKO ‘A ‘ETE ‘AMANAKI, NEONGO KO E FONONGA NE HANGE

PE KA MEIMEI ‘IKAI,

KA KO E ‘AHO NI KUO KAKATO ‘A ‘EKU FIEFIA,’O TATAU AI PE ,PE ‘OKU TOE FAI HANO SIVI’I
KITA ,KA KUO U A’U AU KI HE TUMUTUMU ‘O ‘EKU MISI HE KUO FAKAKAKATO MEI HE
‘OLITA TOPUTAPU, PEA HOKO KO E MO’ONI.
PEA KO E ‘AHO NI UHI,’OKU HANGA -’I-LANGITAU ‘A E KI’I ‘API KO HOLOTA’EAFE MEI HE
MAPU ‘A TONGA, FAKATAUPASI MAI ‘A LUAVA’ILA, ’ISA, KAE HAKAHAKA MO FIEFIA ‘A FINE
TANGILOI ‘I ‘UTU MALAMA, KAE FEFE NAI SI’I KOLOMAILE, HE KUO MATANGI PEA LANGI
MALIE,’O KAU ‘A LANGI HE KI’I FEINGA NE FAI. PEA KO HAI HA LOTO ‘E TA’E FIEFIA HE ‘AHO
NI. HE KUO TONU E SIKA NA’E FAI,TONU MO E FONONGA NA’E FAI.PEA KUO TONU ‘A HONO
ME’A KOTOA.

TE U KOLE KI HE FAIFEKAU KENE FAI HA LOTU ‘O FAKA’ATAA ‘A E ‘OFA KUO TEUTEU ‘E HE

ONGO FAMILI PEA KA HILI IA PEA TAU TOKI HOKO ATU.

FAKAMALO HENI KI HE TANGATA’EIKI FAIFEKAU ‘I HE LAVA LELEI ‘A E LOTU KAMATA ‘O

POLOKALAMA ‘O E HO’ATAANI.

KOLE KI HE DJ KE OMI MU’A HA KI’I FO’I FASI PEA TEU KOLE LEVA KI HE FAKAFOFONGA PEA
MEI HE FAMILI ‘O E TAMAI ‘A ‘AKAMETA KE NE FAI HA LEA MA’A TAUTOLU ‘I HE HO’ATAANI.

UHI, KUOU TUI KUO KAKATO E POLOKALAMA E ‘AHO.

‘OKU TAU TUI KUI KUO TAU E LANGI , KUO MALIE HOTAU HUA

MOONI E KIKITE AE PALOFITA, HOLOKI E MOUNGA MO E TAFUNGOFUNGA

TOKAMALIE TOKATAMAKI PEA HOKO ETAU HOKO ATU KOENI IHE TAIMI OE ATEVETU KI HA
MO’UI MOOU

KOE ATU KI HE FAIFEKAU KE TAU FAKA’OSI ‘AKI HA LOTU