Ano nga ba ang Small

Claims?
Updated: 5 days ago

1.) Ano ang Small Claims?

Ang Small Claims ay isang proseso na ginawa ng ating Korte Suprema kung saan ang
isang Claimant o naniningil ay binibigyan ng isang simpleng mekanismo kung saan
maaari siyang magsampa ng kasong sibil sa Korte na hindi kinakailangan ng
representasyon ng isang Abogado.

Ang kailangan lamang ay nakapag-download at nakapag-print ang Claimant ng forms o

templates na maaari niyang lagyan ng impormasyon at kabitan ng kaukulang ebidensiya
para patunayan ang kanyang paniningil.

2.) Ano ang pwedeng ihabla/isampa/i-file gamit ang proseso ng Small Claims?

Base sa A.M. No. 08-8-7-SC, pwedeng magsampa ang Claimant sa Small Claims Court
ng tungkol sa obligasyon ng pagbabayad na nakapaloob sa a.) Kontrata ng pag-upa; b.)
Kontrata ng pag-utang; c.) Kontrata ng pag-serbisyo (halibawa: pag-ayos ng sirang
bahay); d.) Kontrata ng pag-benta at; e.) Kontrata ng pag-sangla.

Bukod sa mga ganitong uri ng kontratang, maaaring gamitin ng Claimant ang proseso ng
Small Claims para ipatupad ang amicable settlement o kasulatan ng pag-aayos na
napagkasunduan sa Tanggapan ng Barangay, na nagbunga sa proseso ng Barangay
Conciliation, na hindi nagampanan o nabayaran ng partido na sinisingil.

Ang amicable settlement ay isa rin klase ng kontrata at kung ito ay papasok sa mga uri ng
kontrata na nakasaad sa itaas, kasabay ng hindi pagtupad ng partido na sinisingil,
maaaring maging basehan ito ng Claimant para gamitin and proseso ng Small Claims.

Ayon sa OCA Circular No. 45-2019, ang Claimant o naniningil ay maaaring gumamit ng
proseso ng Small Claims kung ang halaga ng sinisingil ay hindi lalagpas sa 400,000.00
Pesos para sa mga nakatira sa lugar na nasasakupan ng Metropolitan Trial Courts
(MeTC) tulad ng major cities o Metro Manila, o hindi lalagpas sa 300,000.00 Pesos para
naman sa mga nakatira sa mga lugar na nasasakupan ng Municipal Trial Courts in Cities
(MTCC), Municipal Trial Courts (MTC) at Municipal Circuit Trial Courts (MCTC).

3.) Ano ang mangyayari kung lumagpas sa limitasyon ang halaga ng perang
sinisingil ng Claimant at pinili parin niya gamitin ang proseso ng Small Claims?
Mistulang sinusuko (waived) ang anumang halaga na lumalagpas sa limitasyon na
400,000.00 Pesos para sa mga nakatira sa lugar na nasasakupan ng Metropolitan Trial
Courts (MeTC) tulad ng major cities o Metro Manila, o 300,000.00 Pesos para naman sa
mga nakatira sa mga lugar na nasasakupan ng Municipal Trial Courts in Cities (MTCC),
Municipal Trial Courts (MTC) at Municipal Circuit Trial Courts (MCTC).

Kung nais makuha ng Claimant ang buong halaga ng perang kanyang sinisingil ngunit sa
tingin niya ay lagpas ito sa limitasyon ng Small Claims, kailangan niya munang
kumunsulta sa isang Abogado bago siya magdesisyon na magsampa ng kahit na anong
kaso sa Korte.

4.) Puwede ba'ng agad-agad na mag-file ng Small Claims sa Korte kung may utang
o kailangang bayaran ang isang tao sa akin?

Hindi, kailangan suriin muna ng Claimant kung "Due" and "Demandable" ang hinahabol
o sinisingil niyang halaga ng pera.

Sa madaling-sabi, kung ang petsa ngayon ay October 15, 2021 at ang partido na
sinisingil ay magbabayad sa tinakdang panahon na March 21, 2022, ang babayarin ay
hindi pa "Due" and "Demandable" ngayon, hindi pa puwedeng maningil ngayon.

Kung "Due" and "Demandable" na ang babayarin, at puwede nang maningil ngayon ang
Claimant, maaari nang magpadala ang Claimant ng Demand Letter o liham ng paniningil
sa partido na sinisingil para mabigyan muna ito ng pagkakataong makapag-bayad ng
kaniyang "Due" and "Demandable" na utang bago umakyat ang kaso sa Korte.

Bago magsampa ng Small Claims sa Korte, dapat maunawaan rin ng Claimant ang
kaniyang sariling kaso, mangalap ng ebidensiya para patunayan ito, at sumunod sa
alituntunin na nakasaad sa ating batas tungkol sa "conditions precedent." Kung hindi,
maaaring agad-agad na ma-dismiss ang kaso ng Claimant sa Korte.

Ang isang halimbawa ng "conditions precedent" ay ang pagsumbong sa Tanggapan ng

Barangay, bago sa Korte, kung ang Claimant at ang partido na sinisingil ay nakatira at
may pahatirang-sulat sa iisa at parehong Barangay.

Sa madaling-sabi, kung ang Claimant at partido na sinisingil ay nakatira sa iisa at

parehong Barangay, dapat magsampa muna ang Claimant ng reklamo sa Tanggapan ng
Barangay na nakakasakop sa kanilang lugar para mabuksan ang mekanismo ng Barangay
Conciliation.

Kung ang problema ng paniningil ay idinaan sa Barangay Conciliation, dapat tapusin ng

magkabilang partido ang mga iskedyul ng conciliation hearing sa tanggapang ito para
masubukang magkaroon ng pag-aayos o amicable settlement.
Kung hindi naman mapagkasundo ang magkabilang partido gamit ang Barangay
Conciliation, mag-iisyu ang Tanggapan ng Barangay ng Certificate to File Action para sa
Claimant.

Ang Certificate to File Action na ito ay ikakabit ng Claimant sa FORM 1-SCC,

STATEMENT OF CLAIM (HABLA NG PAGSINGIL) na gagamitin sa Small Claims
bilang pruweba na nasunod ang "conditions precedent" na alituntunin.

5.) Paano kung hindi ginampanan ng partido na sinisingil ang kasunduan ng

amicable settlement na bunga ng Barangay Conciliation?

Dapat suriin ng Claimant kung anong uri ng kontrata ang napagkasunduan sa Barangay
Conciliation at kung papasok ba ito sa a.) Kontrata ng pag-upa; b.) Kontrata ng pag-
utang; c.) Kontrata ng pag-serbisyo (halibawa: Kontrata ng pag-ayos ng sirang bahay); d.)
Kontrata ng pag-benta; at c.) Kontrata ng pag-sangla.

Kung pumasok sa mga uri na ito ang kontrata ng amicable settlement, dapat ay may
kalakip rin itong pruweba na dumaan ang kontrobersiya sa Tanggapan ng Barangay at
ebidensiya na hindi nagbayad ang partido na sinisingil, tulad ng Demand Letter, bago
tumuloy sa proseso ng Small Claims.

6.) Handa nang magsampa ng kaso ang Claimant/Naghahabol/Naniningil dahil

nasunod o naunawaan niya ang lahat ng nakasaad sa itaas, ano ang kailangang
gawin para masimulan ang proseso ng Small Claims?

Mayroong Template o FORM 1-SCC, STATEMENT OF CLAIM (HABLA NG

PAGSINGIL) na maaaring i-download at i-print ng Claimant. Kailangan itong lagyan ng
detalye at kabitan ng mga hinihinging ebidensiya o dokumento para masimulan ang
proseso ng Small Claims.

Dapat maunawaan ng Claimant na lahat ng ebidensiya para patunayan ang kaniyang

kaso ay naikabit niya sa FORM 1-SCC, STATEMENT OF CLAIM (HABLA NG
PAGSINGIL) bago ito isumite sa Korte.

Hindi na tatanggapin ng Korte ang anumang ebidensiyang nakalimutang ikabit sa FORM

1-SCC, STATEMENT OF CLAIM (HABLA NG PAGSINGIL) maliban na lang kung
may katanggap-tanggap at maayos na dahilan ang Claimant.

Importanteng ikabit at isama ng Claimant ang FORM 1-A-SCC, VERIFICATION AND

CERTIFICATION AGAINST NON-FORUM SHOPPING, SPLITTING A SINGLE
CAUSE OF ACTION AND MULTIPLICITY OF SUITS sa lahat ng dokumentong
isusumite niya sa Korte.

7.) Saan magsasampa ang Claimant ng kasong Small Claims?

Ang Claimant ay maaaring mag-sampa/mag-file ng kaso sa Office of the Clerk of Court

na nakakasakop sa lugar kung saan siya nakatira. Dapat rin maghanda ng kaukulang
Filing Fees ang Claimant. Ang assessment kung magkano ang Filing Fees ay
manggangaling sa nabanggit na tanggapan.

8.) Pano kung ang Claimant ay isang indigent o isang taong, dahil sa kahirapan ng
buhay, walang kakayahan magbayad ng Filing Fees?

Sa mga Templates o Forms na binuo ng at ating Korte Suprema, mayroong FORM 6-

SCC, MOTION TO PLEAD AS INDIGENT. Dapat itong lagyan ng detalye ng Claimant
at maaari itong kabitan ng Certificate of Indigence na makukuha sa Tanggapan ng
Barangay o Affidavit of Indigence na maipapagawa naman sa isang notaryo publiko.

Ang FORM 6-SCC, MOTION TO PLEAD AS INDIGENT ay isasama sa FORM 1-SCC,

STATEMENT OF CLAIM (HABLA NG PAGSINGIL) na isusumite ng Claimant.

9.) Nai-file na ang kaso ng Claimant, ano na ang susunod na gagawin?

Maghintay ng NOTICE mula sa Korte na ipapadala sa address/pahatirang-sulat na

nakasaad sa FORM 1-SCC, STATEMENT OF CLAIM (HABLA NG PAGSINGIL).

Dapat din sundin ng Claimant ang anumang utos ng Korte at sipagin ang pag-attend sa
araw ng hearing na itinakda ng Korte sa NOTICE.

10.) Paano kung ako ang partido na sinisingil sa kasuhang Small Claims, ano ang
maaari ko'ng gawin para depensahan ang kaso laban sa akin?

Mayroong Template o FORM 3-SCC, RESPONSE (SAGOT) na maaaring gamitin ng

partido ng sinisingil para depensahan ang kanyang sarili sa kaso. Sa form na ito makikita
ang iba't-ibang depensa na maaaring piliiin ng nirereklamo at suportahan niya ng
kaukulang ebidensiya.
Dapat rin sundin ng partido na sinisingil ang anumang SUMMONS o NOTICES na
pinadala ng Korte sa kanya sapagkat ito ang dokumentong magbibigay impormasyon
kung sino ang nag-kaso, ano ang kaso at kung saang lugar siya nakasuhan.

Mababasa sa SUMMONS o NOTICES na ito kung ang kaso ay nakapaloob nga ba sa

proseso Small Claims o sa ibang katergorya ng kaso sa Korte.

Kung hindi tungkol sa Small Claims ang kaso na nakapaloob sa SUMMONS o

NOTICES, dapat kumunsulta ang partidong nakatanggap nito sa isang Abogado para
maunawaan niya ang kasong hinaharap niya.

Kung hindi naiintindihan ng partidong nakasuhan ang nakapaloob sa SUMMONS o

NOTICES na kanyang natanggap, dapat parin siyang kumunsulta sa isang Abogado para
maproteksyunan ang kanyang mga karapatan at maaksyunan kaagad ang anumang pag-
aalala.

Mapapansin sa huling bahagi ng FORM 3-SCC, RESPONSE (SAGOT), mayroong

pagkakataon na maningil ang nirereklamo laban sa Claimant para sa mga oras na
nasayang at perang nagastos kung ang kasong sinampa ng Claimant ay walang basehan o
merito. Ang tawag dito ay Counterclaim.

11.) Paano kung ang Claimant ay nakatanggap ng desisyon sa Korte na nanalo siya
sa kasong Small Claims na sinampa niya?

Mayroong Template o FORM 12-SCC, MOTION FOR EXECUTION na maaaring

gamitin ng Claimant kung hindi sinunod ng partido na sinisingil ang utos at desisyon ng
Korte na siya'y magbayad.

Dapat padalhan ng personal o sa pamamagitan ng registered mail ng Claimant ang

partido na sinisingil ng isang kopya ng FORM 12-SCC, MOTION FOR EXECUTION.

Matapos mapadalhan ng kopya ang partido na sinisingil, magsusumite ang Claimant ng

kaparehas na kopya ng FORM 12-SCC, MOTION FOR EXECUTION sa Branch ng
Korte na nag-isyu ng desisyon na kalakip ng pruweba na napadalhan ng kopya ng FORM
12-SCC, MOTION FOR EXECUTION ang partido na sinisingil. Ang pruweba ay
maaaring receiving copy mula sa partido na sinisingil o resibo ng patunay na naipadala
ang kopya sa pamamagitan ng registered mail.

Matapos ang prosesong ito na tinatawag na motion for execution, ang Korte na ang
mangangasiwa kung papaano masisingil ang partidong hindi nagbabayad

Para sa mga Templates o Forms na nabanggit sa itaas, heto ang link:

FORM 1-SCC, STATEMENT OF CLAIM (HABLA NG PAGSINGIL)
https://oca.judiciary.gov.ph/wp-content/uploads/2018/02/form1-sccrev2016.pdf

FORM 3-SCC, RESPONSE (SAGOT)

https://oca.judiciary.gov.ph/wp-content/uploads/2018/02/form3-sccrev2016.pdf

FORM 12-SCC, MOTION FOR EXECUTION:

https://oca.judiciary.gov.ph/wp-content/uploads/2018/02/form12-sccrev2016.pdf

Para sa iba pang mga Templates o Forms na nabanggit sa itaas kasama na rin ang
kabuuan ng Revised Rules of Procedure for Small Claims, heto ang link:
https://oca.judiciary.gov.ph/wp-content/uploads/2018/02/SMALL-CLAIMS-
PAMPHLET.pdf