4

Republika ng Pilipinas
Kagawaran ng Edukasyon
Rehiyon III
SANGAY NG ZAMBALES

FILIPINO
Kagamitan sa Pinatnubayang
Kasanayang Pampagkatuto
Pagpapakilala ng Produkto
Gamit ang Uri ng Pangungusap
Ikaapat na Markahan - Unang Linggo
(Aralin 4)
FILIPINO – Ikaapat na Baitang
Kagamitan sa Pinatnubayang Kasanayang Pampagkatuto
Pagpapakilala ng Produkto Gamit ang Uri ng Pangungusap
Ikaapat na Markahan - Unang Linggo (Aralin 4)

Isinasaad sa Batas Republika 8293, Seksiyon 176 na: Hindi maaaring magkaroon
ng karapatang-sipi sa anomang akda ang Pamahalaan ng Pilipinas. Gayonpaman, kailangan
muna ang pahintulot ng ahensiya o tanggapan ng pamahalaan na naghanda ng akda kung
ito ay pagkakakitaan. Kabilang sa mga maaaring gawin ng nasabing ahensiya o tanggapan
ay ang pagtakda ng kaukulang bayad.

Ang mga akda (kuwento, seleksiyon, tula, awit, larawan, ngalan ng produkto o brand
name, tatak o trademark, palabas sa telebisiyon, pelikula, atbp.) na ginamit sa modyul na ito
ay nagtataglay ng karapatang-ari ng mga iyon. Pinagsumikapang matunton ang mga ito
upang makuha ang pahintulot sa paggamit ng kagamitan. Hindi inaangkin ng mga
tagapaglathala at mga may-akda ang karapatang-aring iyon. Ang anomang gamit maliban sa
modyul na ito ay kinakailangan ng pahintulot mula sa mga orihinal na may-akda ng mga ito.
Walang anomang parte nito ang maaaring kopyahin o ilimbag sa anomang paraan nang
walang pahintulot sa Kagawaran.

Bumuo sa Pagsulat ng Kagamitan

sa Pinatnubayang Kasanayang Pampagkatuto
Manunulat: Romena D. Casiano
Editor: Janet P. Ducos
Tagasuri: Marie Ann C. Ligsay PhD
Lucy Evangelista
Jay Ahr E. Sison
Tagaguhit at Tagalapat: Lucky Ann D. Pasobello
Tagapamahala: Ma. Editha R. Caparas EdD
Leonardo D. Zapanta EdD, CESO V
Michelle A. Mejica EdD
Manolito B. Basilio EdD
Ma. Lilybeth M. Bacolor EdD
Garry M. Achacoso
Rachelle C. Diviva

Inilimbag sa Republika ng Pilipinas ng Kagawaran ng Edukasyon

Rehiyon III
Pansangay na Tanggapan ng mga Paaralan ng Zambales
Zone 6, Iba, Zambales
Tel./Fax No. (047) 602 1391
E-mail Address: zambales@deped.gov.ph
Website: www.depedzambales.ph
 Pagpapakilala ng Produkto
Gamit ang Uri ng Pangungusap

Panimula

Gusto mo bang magkaroon ng negosyo balang araw o

magkaroon ng dagdag na pagkakakitaan at makatulong sa iyong
pamilya?
Una, dapat munang magkaroon ka ng sariling mong
produkto at pag-aralan kung paano ito ipakikilala sa mga tao
upang lalong maging matagumpay ang iyong pagnenegosyo.
Ang produkto ay mga bagay na inihahanda, ibinibenta at
ginagamit. Maaari itong makita, mahawakan, maamoy,
matikman at napakikinabangan gaya ng pagkain, damit, alahas
at iba pa.
Sa pagpapakilala ng produkto maaari mong gamitin ang uri
ng pangungusap upang mahikayat mo ang atensiyon ng mga
mamimili gaya ng mga napanonood natin na produkto sa iba’t
ibang patalastas sa telebisyon.
Sa kagamitan sa pinatnubayang kasanayang
pampagkatutong ito, lilinangin ang iyong kahusayan sa
pagpapakilala ng produkto gamit ang uri ng pangungusap.

Kasanayang Pampagkatuto

Nagagamit sa pagpapakilala ng produkto ang uri ng

pangungusap. (F4WG-Iva-13)
1|Pahina
 Mga Layunin

Pagkatapos ng Kagamitan sa Pinatnubayang Kasanayang

Pampagkatuto na ito, ikaw ay inaasahang:

1. natutukoy ang iba’t ibang uri ng pangungusap sa

pagpapakilala ng produkto;
2. naisasaayos ang mga pangungusap sa pagpapakilala ng
produkto; at
3. nagagamit sa pagpapakilala ng produkto ang uri ng
pangungusap ayon sa sitwasyon.

Balik-aral

Panuto: Gamit ang mga link sa ibaba ng bawat pamagat,

paghambingin ang mga patalastas ayon sa katangian nito. Piliin
ang bilang ng sagot sa kahon at isulat sa Venn Diagram. Gawin
ito sa iyong sagutang papel.

Para sa mga walang internet connection,

basahin ang mga patalastas at paghambingin ang
mga ito ayon sa kanilang katangian. Piliin ang bilang
ng sagot sa kahon at isulat sa Venn Diagram. Gawin
ito sa iyong sagutang papel.

2|Pahina
1. Patalastas 1

Me-Ann’s Chicken Wings

ni Tisha Mae L. Rabor, Pundakit Elementary School
https://www.youtube.com/watch/MwaFAMB-XG4

Babae: Nais mo bang makatikim ng kakaibang luto ng manok

maliban sa fried chicken na talaga namang patok sa mga
kabataan? Subukan ang Me-Ann’s Chicken Wings!
Maraming flavors ang maaaring pagpilian. Subok na ng
nakararami. Sa abot kayang halaga siguradong mapapa-
wow ka sa sarap. Me-Ann’s Chicken Wings, wow na wow
ito mga ka-wings.

2. Patalastas 2

Chicken ni Joilee
ni Tisha Mae L. Rabor, Pundakit Elementary School
https://www.youtube.com/watch/CQsL5wtBvps

Para sa mga nanay na sobrang abala sa mga gawaing bahay,

hatid namin sa inyo ang Chicken ni Joilee. Ang fried chicken na
pangmasa ang halaga ngunit hindi pahuhuli sa iba. Malutong at
malasa na tiyak na maiibigan ng inyong mga anak. Hinding-hindi
ka magsisisi sa sarap. Napaka-juicy at napakasarap. Tikman
upang inyong mapatunayan. Chicken ni Joilee, ang fried chicken
ng masa.

3|Pahina
 Katangian ng Katangian ng
Patalastas 1 Pagkakatulad Patalastas 2
• ng Patalastas •
• 1 at 2 •
•
•

1. Maraming flavors ang maaaring pagpilian.

2. Napaka-juicy at napakasarap.
3. mura at pangmasa ang halaga
4. parehong manok
5. subok na ng nakararami
6. hindi pahuhuli sa iba

Pagtalakay Paksa

Basahin ang isang pagpapakilala ng produkto sa ibaba.

Pansinin ang pagkakagamit ng bawat pangungusap at ang bantas
na ginamit dito.

Golden Dried Mango ng Zambales

ni Romena D. Casiano, San Gregorio ES

Wow, ang sarap!

Ang mangga ay nalalasap.
Ang tamis ay iisipin
at lagi mong hahanapin.
Tikman mo ang Golden
Dried Mango ng Zambales.
Ano pang hinihintay mo?
Bili na!
4|Pahina
 Narito ang mga pangungusap na ginamit sa pagpapakila
ng produkto. Talakayin natin ang bawat isa.

Wow, ang sarap!

Bili na!

Ang uri ng pangungusap na ginamit ay padamdam dahil

nagpapahayag ng pagkatuwa. Nagtatapos ito sa bantas na
tandang padamdam (!).

Tikman mo ang Golden Dried

Mango ng Zambales.

Ang uri ng pangungusap na ginamit ay pautos dahil ito ay

nag-uutos. Nagtatapos sa bantas na tuldok (.).

Ang mangga ay nalalasap.

Ang tamis ay iisipin at lagi
mong hahanapin.

Ginamit ang pangungusap bilang pasalaysay dahil ito ay

naglalahad ng katotohanan o opinyon tungkol sa produkto.

5|Pahina
 Ano pang hinihintay
ninyo?

Ang pangungusap ay ginamit bilang patanong dahil ito ay

nagtatanong at nagtatapos sa bantas na tandang pananong (?).

Panuto: Basahin ang isa pang halimbawa ng pagpapakilala ng

produkto. Piliin ang mga pangungusap na pasalaysay, patanong,
pautos o pakiusap at padamdam.

Forever Alcohol
ni Romena D. Casiano, San Gregorio ES

Halika na!
Bumili na ng Forever Alcohol.
Forever ligtas ka sa sakit.
Garantisadong 99% mabisa.
Ano pang hinihintay mo?
Bili na!
Huwag ka ng mag-alinlangan pa!

1. Pasalaysay
__________________________________________________________
2. Patanong
__________________________________________________________
3. Pautos o Pakiusap
__________________________________________________________
4. Padamdam
__________________________________________________________
6|Pahina
Tandaan
Ang pangungusap ay maaaring isang salita o lipon ng mga
salitang nagpapahayag ng kompletong diwa o kaisipan.

Ang iba't ibang uri ng pangungusap ayon sa gamit ay

pasalaysay o paturol, patanong, pautos, pakiusap at
padamdam.

Maaaring gamitin ang iba't ibang uri ng pangungusap sa

pagpapakilala ng produkto

Mahahalagang Kaalaman
Huwag basta maniwala sa mga pangakong ipinararating
ng mga patalastas.

Ugaliing maging mapanuri sa kalidad ng mga produkto at

serbisyong binibili o ginugugulan ng pera.

7|Pahina
 Gawain

Pinatnubayang Pagsasanay 1
Panuto: Basahin ang pagpapakilala ng isang produkto sa ibaba.
Isulat ang mga pangungusap sa tsart ayon sa uri nito.

Elvie’s Kitchen Mango Jam

ni Romena D. Casiano, San Gregorio ES

Gusto ba ninyong tikman ang

Ellvie’s Kitchen Mango Jam?
Dapat lang!
Masarap na palaman sa tinapay
at panghimagas.
Lasang mangga talaga!
Puwede mo bang tikman ito
araw-araw?
Kaya bili na!

Pasalaysay Patanong Pautos o Pakiusap Padamdam

8|Pahina
Pinatnubayang Pagsasanay 2
Panuto: Itambal ang pangungusap sa Hanay B na nagpapakilala
sa mga produkto sa Hanay A. Isulat ang letra ng tamang sagot sa
iyong sagutang papel.

Hanay A Hanay B
1. “Jho-em’s Biscuit talagang
malambot ang tinapay.
Siguradong mamahalin ng
A.
pamilyang Pilipino lalo na ng
mga bata dahil sa abot-kayang
presyo at masarap na lasa!”
2. “Pangsangkap na hindi lamang
masarap at masustansiya, ito
B.
rin ay mura at talagang abot
kaya! Lina’s Patis, bili na kayo!”
3. “Sa Mr. White Powder Soap,
ligtas ang iyong pamilya!
Sapagkat ito ay talagang
mighty at pumapatay ng 99.9
C.
porsyento ng mga mikrobyo na
naghahasik ng lagim sa ating
tahanan!”

4. “Ang Star Vitamin ay may

mataas na sangkap ng protina,
bitamina A, B at C, kaya ito ay
itinuturing na isa sa
D.
pinakamasustansyang
bitamina para sa mga bata.
Kaya ano pa ang hinihintay
ninyo? Bili na!”

9|Pahina
 5. Ang inuming ito ay talagang
masustansiya at mura
pa. Puwedeng isabay sa
tinapay. Sarap inumin lalo na
kung malamig. Talagang
E.
magiging masaya ang
pagsasama ng kaibigan at
pamilya kapag may Kiddo’s
Mango Juice na kasama!”

Pang-isahang Pagsasanay
Panuto: Isaayos ang mga pangungusap sa pagpapakilala ng
produkto. Piliin ang letra ng tamang sagot.

1.

1.Bidang-bida talaga!
2.Bili na ng Wins Polvoron.
3.Masarap at masustansiya.
4.Gatas na gatas ang lasa.
5.Tara na!

A. 1,2,3,4,5 C. 5,2,3,4,1
B. 4,3,1,2,5 D. 5,4,3,2,1

10 | P a h i n a
2.

1. Masustansiyang tunay.
2. Ano pang hinihintay mo?
3. Halika na!
4. Sangkap ay malunggay.
5. Bili na ng RDC Malunggay
Pandesal.

A. 3,5,4,1,2 C. 2,4,3,1,5,
B. 2,1,5,3,4 D. 1,2,3,4,5

3.

1. Tara na!
2. Bili na ng Gener’s Pastillas.
3. Masarap talaga!
4. Pinaghalong gatas at asukal.
5. Lasang-lasang tunay!

A. 1,3,4,5,2 C. 5,1,3,2,4
B. 1,2,3,4,5 D. 1,4,3,2,5

11 | P a h i n a
4.

1.Tiyak magkakakulay ang

buhay!
2.Tunay na tunay dahil may
malunggay
3.Sasaya ng tunay!
4.Bili na!
5.Masarap ba ang Gemma’s
Shing-A-Ling?

A. 2,5,1,3,4 C. 1,5,3,2,4
B. 3,4,1,5,3 D. 5,2,1,4,3

5.

1. Gusto mo bang
pumuti?
2. Bili na ng Anna’s Bath Soap.
3. Puputi at kikinis ang
inyong balat.
4. Huwag magpaligoy-ligoy pa.
5. Bili na!

A. 5,1,2,3,4 C. 5,4,3,2,1
B. 1,2,3,4,5 D. 3,2,1,4,5
____
_____

12 | P a h i n a
 Pagsusulit

A. Panuto:Uriin ang mga pangungusap sa pagpapakilala kung

pasalaysay, patanong,pautos o pakiusap at padamdam. Isulat
ang letra ng tamang sagot.

Pure Toothpaste
ni Romena D. Casiano, San Gregorio ES

Malinis at maputing ngipin!

Paano kayo magkakaroon nito?
Gamitin lang ang Pure Toothpaste.
Siguradong magiging malinis at
maputi ang inyong mga ngipin.
Babango pa ang inyong hinihinga.
May mineral na lumalaban sa
madaling pagbulok ng ngipin.
Bumili na ng Pure Toothpaste.
Halika na!

1. Halika na!
A. Pasalaysay B. Pautos C. Patanong D. Padamdam

2. Gamitin lang ang ang Pure Toothpaste.

A. Pasalaysay B. Pautos C. Patanong D. Padamdam

3. Siguradong magiging malinis at maputi ang inyong ngipin.

A. Pasalaysay B. Pautos C. Patanong D. Padamdam

13 | P a h i n a
 4. Paano kayo magkakaroon nito?
A. Pasalaysay B. Pautos C. Patanong D. Padamdam

5. Malinis at maputing ngipin!

A. Pasalaysay B. Pautos C. Patanong D. Padamdam

6. Bumili na ng Pure Toothpaste.

A. Pasalaysay B. Pautos C. Patanong D. Padamdam

7. May mineral na lumalaban sa pagkabulok ng ngipin

A. Pasalaysay B. Pautos C. Patanong D. Padamdam

B. Panuto: Piliin ang letra ng tamang pagpapakilala sa bawat

sitwasyon. Isulat ang tamang sagot sa iyong sagutang papel.

1. Dati kang payat at sakitin kaya madalas kang lumiban sa

klase. Subalit matapos mong uminom ng “Sigla Bitamina”
napansin mo at ng kaibigan at kakilala mo ang iyong
paglusog at pagiging masigla. Hindi ka na nagkakasakit at
lumiliban sa klase. Isang araw, tinanong ka ng nanay ng
iyong kaklase kung ano ginawa mo o kung may iniinom kang
bitamina. Gusto niya rin kasing maging malusog at hindi
maging sakitin ang kanyang anak. Paano mo ipakikilala ang
produktong “Sigla Bitamina”?

2. Palaging napapansin ng mga kaibigan mo na makintab,

malambot at madulas ang iyong buhok. Sinasabi rin nila na
mabango ito.

“Sana all, ganyan ang buhok ko. Sabihin mo naman ang

sikreto mo”, ang sabi ng iyong mga kaibigan. Paano mo
ipakikilala ang gamit mong “Coco Fresh” shampoo na gawa
sa niyog.

14 | P a h i n a
3. Masaya kayong magkaibigan na naglalaro ng crossword
puzzle. Napansin mo na habang kayo ay naglalaro ay
madalas siyang nagkakamot at nagkakaroon ng pantal sa
balat. Sinabi ko sa kaniya na baka siya nangangati ay dahil
hindi niya hiyang ang gamit niyang sabon. Paano mo
ipakikilala ang gamit mong “Kinis Akapulko” na nakawala sa
pangangati at pamamantal din ng balat mo noon.

A. Sige na nga,sasabihin ko na sikreto ko! “Coco Fresh”

shampoo lang ito. Gawa sa natural na niyog kaya’t
maganda sa pagpapakintab, pagpapalambot at
pagpapadulas ng buhok. Ibabad mo lang ng 3 minuto sa
buhok bago mo banlawan. Subukan na ninyo. Talagang
maganda! Kitang-kita ebidensiya.

B. Gusto mo bang subukan ang ginagamit ko? Ang

“Kinis Akapulko” ay maganda sa balat dahil walang
halong malakas na kemikal na nakakairita sa balat.
Kung sensitibo ang balat mo subukan ito. Talagang
natural na natural!

C. Pinapainom po ako ni nanay ng “Sigla Bitamina”

araw-araw. Magmula po noong uminom ako nito magana
na po akong kumain at hindi na po ako nagkakasakit.
Maganda po talaga sa batang katulad ko ang bitaminang
ito. Subukan po ninyo ito sa anak ninyo tiyak na lulusog
at sisigla din po siya!

15 | P a h i n a
 Pangwakas

Panuto: Punan ang patlang ng mga salitang nasa loob ng kahon

upang mabuo ang pangungusap. Isulat ang tamang sagot sa
iyong sagutang papel.

uri pakiusap produkto

Pautos patanong pakiusap
kalidad padamdam pasalaysay
pangungusap pagpapakilala

1. Ang ___________ay maaaring isang salita o lipon ng mga

salitang nagpapahayag ng kompletong diwa o kaisipan.
2. Ang pangungusap na ___________ay pangungusap na
nagtatanong at nagtatapos sa tandang pananong(?)
3. Nagpapahayag naman ng matinding damdamin
atnagtatapos sa tandang padamdam (!) ang pangungusap na
___________.
4. Nagsasalaysay ang pangungusap na ___________.
5. ___________ay pangungusap naman na nag-uutos.
6. Pangungusap na ___________ay pangungusap na
nakikiusap.
7. Sa pagpapakilala ng produkto maaari nating gamitin ang
iba’t ibang ___________ ng pangungusap.
8. Pumili ng mga tamang salita sa ___________ ng produkto
upang mahikayat ang mga mamimili.
9. Ang ___________ ay mga bagay ng inihahanda, ibenibenta at
ginagamit.
10. Maging mapanuri sa ___________ ng produkto.

16 | P a h i n a
 Mga Sanggunian

(2021) 2021. [online] Available at: <https://brainly.ph/app/all-

questions> [Accessed 25 January 2021].

2021. https://www.slideshare.net/EmjhayDacallos/uri-ng-
pangungusap-ayon-sa-gamit-filipino-grad.
"Surf Powder Soap - Google Search". Google.Com, 2021.

"Ariel Powder Soap - Google Search". Google.Com, 2021.

https://www.google.com/search?q=ariel+powder+soap.

"Dried Mango - Simply Bakings". Simply Bakings, 2021.

https://simplybakings.com/dried-.

https://web.facebook.com/110162247271797/posts/filipino-
vuri-ng-pangungusap-gamit-sa-paggawa-ng-patalastas-..

Manalo, Lalaine. "Polvoron". Kawaling Pinoy, 2021.

https://www.kawalingpinoy.com/polvoron/.

"Pastillas De Leche". Panlasang Pinoy, 2021.

https://panlasangpinoy.com/milk-candy-pastillas-de-leche-
recipe/.

"Shingaling Recipe". Panlasang Pinoy, 2021.

https://panlasangpinoy.com/shingaling-recipe/.

17 | P a h i n a
 18 | P a h i n a
Balik-aral
Pang-isahang Pagsasanay
1.1 1. 3 1.2 1. C
2.5 2. 4 2. 6 2. A
3. B
4. D
Pagtalakay sa Paksa 5. B
1.Forever ligtas ka sa sakit.
Garantisadong 99% mabisa.
2.Ano pang hinihintay ninyo?
3.Bumili na ng Forever Alcohol.
4.Bili na!
Huwag ka ng mag-alinlangan pa. Pagsusulit
Pinatnubayang Pagsasanay 1 A.
1. D
Pautos 2. B
Pasalaysay Patanong o Padamdam 3. A
Pakiusap 4. C
1.Masarap 1.Gusto 1.Puwede 1. Dapat 5. D
na ba mo bang lang! 6. B
palaman ninyong tikman 2 Lasang 7. A
sa tikman ito manga
tinapay ang araw- talaga!
at Ellvie’s araw? 3.Kaya bili B.
panghi Kitchen na! 1. C
magas. Mango 2. A
Jam? 3. B
Pinatnubayang Pagsasanay 2
1. B
2. C Pangwakas
3. A 1. pangungusap
4. E 2. patanong
5. D 3. padamdam
4. pasalaysay
Pang-isahang Pagsasanay 5. Pautos
1. C 6. pakiusap
2. A 7. uri
3. B 8. pagpapakilala
4. D 9. produkto
5. B 10. kalidad.
6. C
Susi sa Pagwawasto
 Pasasalamat
Ipinaaabot ng Pansangay na Tanggapan ng mga Paaralan ng Zambales ang
taos-pusong pasasalamat sa mga sumusunod, na nakapag-ambag ng tagumpay
para sa paghahanda, pag-unlad, pagtiyak ng kalidad, paglimbag at pamamahagi ng
Ikaapat na Markahan Kagamitan sa Pinatnubayang Kasanayang Pampagkatuto sa
lahat ng asignatura sa iba’t ibang antas bilang tugon sa pagbibigay sa mag-aaral ng
naaangkop na kagamitang pampagkatuto hango sa Pinakamahalagang Kasanayang
Pampagkatuto (MELCs) - ayon sa mga pagsasanay na nakabatay sa mga
pamantayan ng pinatnubayang kasanayan at tuwirang pagtuturo:
Una, ang Learning Resource Development Team na binubuo ng mga
manunulat at tagaguhit, sa kanilang iginugol na panahon at kakayahan upang
makabuo ng iba’t ibang kinakailangang kagamitang pampagkatuto.
Ikalawa, ang mga tagapatnugot sa nilalaman, tagasuring pangwika, at mga
tagasuring pandisenyo na maingat na nagwasto at bumuo sa lahat ng Kagamitan sa
Pinatnubayang Kasanayang Pampagkatuto upang matiyak ang kawastuhan at
katugunan sa mga pamantayan ng Kagawaran ng Edukasyon;
Ikatlo, ang mga gurong tagapatnubay at mga guro sa bawat asignatura sa
kanilang malapit na pakikipag-ugnayan sa mga punongguro, sa kanilang
lingguhang pamamahagi at pagbabalik ng mga Kagamitan sa Pinatnubayang
Kasanayang Pampagkatuto at sa kanilang madalas na pagsubaybay sa pag-unlad
ng mag-aaral sa lahat ng paraan; at
Panghuli, ang mga magulang at iba pang pantahanang tagapagdaloy sa
kanilang pagbibigay sa mag-aaral ng kinakailangang patnubay at gabay upang
maisagawa ang mga gawain at upang patuloy na matulungan ang bawat mag-aaral
na maging responsableng indibiduwal sa hinaharap.
Sa inyong patuloy na paghahatid ng kaalaman sa mapanghamong panahon
ay lubos na makamit ang sama-samang pagpupunyagi at matibay na malasakit na
pagsilbihan ang ating mag-aaral na Zambaleño.
Muli, ang aming walang hanggang pasasalamat!

Tagapamahala
 Para sa katanungan o karagdagang puna,
maaaring sumulat o tumawag sa:

Pansangay na Tanggapan ng mga Paaralan ng Zambales

Zone 6, Iba, Zambales
Tel./Fax No. (047) 602 1391
E-mail Address: zambales@deped.gov.ph
Website: www.depedzambales.ph