Handout 7 - Lesson Plan for “Pilong Patago-tago”

Banghay Aralin para sa Kindergarten

Batay sa kuwentong “Si Pilong Patago-tago”
na isinulat ni Kristine Canon at iginuhit ni Leo Alvarado
Gawa ni Pamela Razon-Vinoya

I. Mga Layunin
A. Layuning Ekspresibo
1. Maunawaan na may tamang oras para sa paglalaro
2. Masiyahan sa larawan at diyalogo ng mga tauhan sa kuwento
B. Layuning Instruksiyonal
1. Maibigay ang kahulugan ng mga bagong salita
2. Makilala ang mga detalye
3. Mahinuha ang mga nararamdaman ng mga tauhan
4. Mapagsunod-sunod ang mga pangyayari
5. Makapagbigay ng hinuha kung ano ang maaaring maging pagbabago sa ugali ng tauhan
6. Makapaglista ng mga angkop na pagkakataon para maglaro

II. Nilalaman
A. Paksa
Kuwento: Si Pilong Patago-tago
Isinulat ni: Kristine Canon
Iginuhit ni: Leo Alvarado
Inilimbag: Adarna House 2004

B. Kagamitan: larawan ng mga sumusunod:

•   aparador
•   tambak na labada
•   kasambahay ni Pilo (Ate Bebang, Nanay, Tatay, Kuya Rey)
•   mga lugar na pinagtaguan ni Pilo (poste, tuktok ng aparador, tambak ng labada, gilid ng
kama)

ELLN DIGITAL 61
II. Pamamaraan

A. Bago Magkuwento/Magbasa

a) Paghahawan ng Balakid

Salita Kahulugan Pammaraan ng Paghawan

aparador lalagyan ng gamit paggamit ng larawan at
context clues

nakangangalay pagsakit ng isang bahagi ng paggamit ng demonstrasyon

katawan dahil sa matagal na hindi at context clues
paggalaw

tambak na labada mga damit na marumi na paggamit ng larawan at

context clues

Kahapon, nilinis ko ang tuktok ng aming aparador (Magpakita ng larawan ng

aparador.) Ito ang larawan ng aparador na aking nilinis.  Ano ang ibig sabihin ng
aparador? Saan ito makikita? Ano-ano ang maaaring ilagay sa aparador?

        Nakataas ang aking kamay habang nililinis ang aparador. Subukan nating
gayahin ang posisyon ng aking kamay. (Ipagaya sa mga bata ang posisyon ng
kamay sa loob ng isang minuto.)   Hindi ba’t nakangangalay ang ganitong
posisyon?  Ano ang ibig sabihin ng nakangangalay? Ano ang naramdaman ng
inyong mga braso? Ano ang iba pang po sisyon na nakangangalay?

        Katabi ng aming aparador ang lalagyan ng maruming damit. Matagal-tagal nang
hindi nakapaglababa ang aking nanay kaya naman marami na kaming tambak
na labada.  Narito ang larawan ng aming tambak na labada.  Ano ba ang ibig
sabihin ng tambak na labada?


b) Pagganyak at Pagganyak na tanong

Sino sa inyo ang mahilig maglaro ng taguan?  Saan-saan kayo madalas magtago? Tuwing
kailan kayo naglalaro ng taguan?

Katulad ninyo, mahilig ding magtago ang bidang bata sa ating kuwento.  Alamin natin kung
kung sino siya at kung saan-saan siya nagtatago?

ELLN DIGITAL 62
Makinig kayong mabuti sa ating kuwentong pinamagatang “Si Pilong Patago-tago.”  (Sabihin
kung sino ang sumulat at gumuhit nito.)


B. Habang nagbabasa ng kuwento

Maaari ninyo ba akong tulungan habang binabasa ni teacher ang librong ito?   Sa tuwing
itataas ko ang aking kaliwang kamay (maaaring ibang hudyat ang ibigay), sabay-sabay ninyong
isisigaw ang salitang “Bulaga!”  Subukan nga natin. (Magsanay ng 2-3 beses hanggang sa maging
handa na ang lahat)

Huminto sa iba’t ibang bahagi ng kuwento. Itanong sa mga bata kung saan kaya susunod na magtatago
si Pilo.

Sabihin: Sino kaya ang susunod na maghahanap sa kanya? (p. 4, 8, 12,16)

C. Pagkatapos Magkuwento/Magbasa
A. Mga Pangkatang Gawain
Ibigay ang mga panuto para sa mga sumusunod na gawain.

        Small Group Activity 1: Sino Ako?

        Ating higit na kilalanin si Pilo. Isulat ang mga detalye tungkol sa kanya sa Character
Profile Chart.

Small Group Activity 2:  Bulaga!

        Pagsunud-sunurin ang mga kasambahay na naghanap kay Pilo.  Pagkatapos,
pagtambalin ang mga tauhan at lugar kung saan nila nakita si Pilo.

Small Group Activity 3:  Ulat Pambata

        Iulat ang balita tungkol sa nangyari kay Pilo sa mall.

Small Group Activity 4:  Pangayo Sa’yo

           Tulungan si Pilong gumawa ng pangako para kanyang pamilya.

Small Group Activity 5:  Maglaro Tayo!

           Maglista ng mga pagkakataon kung kailan magandang maglaro.

ELLN DIGITAL 63
B. Talakayan

a. Sino ang bida sa ating kuwento?

Kilalanin natin siya mula sa ulat ng Pangkat 1.

b. Sino-sino ang kanyang mga pinagtaguan? Saan-saan siya nagtago?

        Alamin natin sa ulat ng Pangkat 2 ang mga kasambahay na naghanap kay Pilo at kung
saan nila siya nakita.

c. Ano kaya ang nararamdaman ng kanyang mga kasambahay sa tuwing pagtataguan sila ni
Pilo? Bakit kaya ganito ang kanilang nararamdaman?

d. Bakit hinanap muli ng kanyang ina si Pilo?

e. Ano ang nangyari habang sila ay namimili?

        Alamin natin ang nangyari habang sila ay namimili. Pakinggan natin ang ulat ng
Pangkat 3.

f. Ano kaya ang naramdaman niya nang hindi niya makita ang kanyang nanay? Kung kayo si
Pilo, ano ang mararamdaman ninyo?

g. Sa inyong palagay, palagi pa rin kayang magtatago si Pilo?

Pakinggan natin ang Pangako ni Pilo mula sa ulat ng Pangkat 4.

h. Masama ba ang maglaro ng taguan o ng iba pang laro?

i. Tama! Hindi naman masamang maglaro.  Tandaan lang natin na may oras para sa bawat
gawain.
        Ano kaya magandang oras para sa  paglalaro?
        Pakinggan natin ang ulat ng Pangkat 5.

ELLN DIGITAL 64
C. Gawaing Pagpapayaman
Ngayon, oras na para tayo naman ang maglaro ng taguan.  Makinig kayong mabuti sa aking
mga paalala para mas maging masaya at ligtas ang ating paglalaro.

Sabihin sa mga mag-aaral kung saan-saan lamang maaaring magtago. Ito ay upang maiwasan na
magtago sa malalayong lugar ang mga bata.

Ipaalala rin ang pag-iingat sa lahat ng oras

Si __________________(pumili ng isang mag-aaral) muna ang magiging taya.

Handa na ba kayo?

ELLN DIGITAL 65