Republika ng Pilipinas

PAMBANSANG PAMANTASAN NG BATANGAS  

Gov. Pablo Borbon Campus II, Lunsod ng Batangas, Pilipinas 4200
KOLEHIYO NG INHENYERIYA, ARKITEKTURA AT PINONG SINING
TeleFax Number: +63(43) 425-0139 local 118/2121. 

Gawain 6: Pagsulat
Panuto: Basahin at unawain ang sumusunod na mga tanong. Sagutin ang mga tanong
sa pamamagitan ng 150 salita sa paraang patalata. 

1. Gaano kahalaga ang pagkakaroon ng teoretikal na batayan sa pagsasagawa ng pananaliksik?

Maituturing na mahalagang salik sa pagsasagawa ng pananaliksik ang pagkakaroon ng

teoretikal na batayan sapagkat nagsisilbi itong pangunahing gabay sa pagtukoy ng relasyon at
ugnayan ng mga konsepto, teorya, at kaisipan ng isang pananaliksik. Sa pamamagitan din ng
batayang teoretikal, napatatatag nito ang isang pag-aaral sapagkat nakapaloob dito ang mga
teorya na ginamit sa pananaliksik at pinapaliwanag din sa bahaging ito kung bakit nakapailalim
sa isang partikular na teorya ang mga nabanggit na literatura sa nasabing pananaliksik. Hindi
maikakailang kapaki-pakinabang ang bahaging ito ng pananaliksik sapagkat sa tulong nito, mas
mauunawaang lubos ng mga mambabasa ang perspektibo at nilalaman ng pananaliksik gayundin
ang konseptong pinagmulan o kung paano nabuo ang isang pananaliksik. Sa kabubuan, ang
teoretikal na batayan ay isang bahagi ng pananaliksik na dapat pagtuunan ng pansin sapagkat
maituturing itong susing bahagi upang magkaroon ng mas malalim na pagkaunawa sa
pananaliksik at upang mas mapatibay at mapatatag ang paksa ng isang pag-aaral.

2. May pagkakaugnay ba ang ang teoryang Nasyonalismo at ang teoryang Dependensiya? 

Pangatwiranan ang sagot. 

Ang teoryang Nasyonalismo ay tumutukoy sa pag-ibig sa bayan at pagtangkilik sa

bayang ating sinilangan samantalang ang teoryang Dependensiya ay tumutukoy naman sa sentral
na argumento na kasabay ng pag-unlad na nagmumula sa labas ng pinaka sentro ng ating bansa
ay siya namang paghirap ng pag-unlad ng isang partikular na lugar. Bilang halimbawa upang
mas maunawaan ang dalawang konsepto, sa teoryang nasyonalismo, bunga ng pagmamahal ng
mga Pilipino sa ating bansa, ninanais nitong makipag-sabayan sa mabilis na paglago at pag-
unlad ng ibang bansa kung kaya (batay sa konsepto ng teoryang dependensya), ang lumang
sistema ng edukasyon ng ating bansa ay iuukol sa ibang bansa o ang isinasagawa na ngayong
kurikulum na K-12. Sa nabanggit na senaryong inihalimbawa, makikita natin na may tiyak na
kaugnayan ang teoryang Nasyonalismo at teoryang Dependensya. Bilang karagdagan,
ang teoryang nasyonalismo ang nakapagbibigay ng iisang pagkakakilanlan o hangarin sa isang
bansa samantalang ang teoryang dependensiya naman ang nakapagsasabi na sa pag-unlad ng isa
ay pag-hirap naman ng iba.

3. Ano ang teoryang Marxista at paano ito ginagamit sa pagsusuri ng isang teksto?   
 Republika ng Pilipinas
PAMBANSANG PAMANTASAN NG BATANGAS  
Gov. Pablo Borbon Campus II, Lunsod ng Batangas, Pilipinas 4200
KOLEHIYO NG INHENYERIYA, ARKITEKTURA AT PINONG SINING
TeleFax Number: +63(43) 425-0139 local 118/2121. 

Ang teoryang Marxista o Marxismo ay tumutukoy sa isang metodo ng sosyo-

ekonomikong pagsusuri ng lipunan kung saan, sinusuri at tinitingnan ang ugnayan at tunggalian
ng mga antas ng lipunan gamit ang materyalistang interpretasyon ng takbo ng pag-unlad ng
kasaysayan at ang diyalektikong pananaw ng pagbabago ng lipunan. Sa madaling salita,
itinataguyod ng Marxista ang pag-unawa sa pag-unlad ng lipunan simula sa sistematikong
pagbabago ng ekonomiya na kinakailangan ng sangkatauhan upang matugunan ang mga
materyal nitong pangangailangan hanggang sa pag-uusisa ng sosyo-pulitikal na aspeto ng
lipunan na siya namang ginagamit sa analisis at kritika ng pag-unlad ng kapitalismo. Sa
pangkalahatan, ang teoyang Marxista ay ginagamit sa pagsusuri ng mga tekstong pampanitikan
kung saan inaalam ang uring panlipunan na nasa teksto gayundin ang tunggaliang nagaganap sa
pagitan ng mga karakter gaya ng mga tesktong may konsepto ng pang-aapi o pananamantala ng
mga nakatataas sa lipunan sa mga indibidwal na nabibilang sa pangkat na marginalized o nasa
laylayan ng lipunan.

4. Ano ang pinakamahalagang ambag ng Pantayong Pananaw at Sikolohiyang Pilipino? 

Magbigay ng mga halimbawa. 

Bilang ang Pantayong Pananaw ay nakatuon sa pagkakaugnay-ugnay ng mga katangian,

halagahin, kaalaman, karunungan, hangarin, kaugalian, pag-aasal at karanasan ng iisang
kabuuang pangkalinangan na ipinapahayag sa pamamagitan ng iisang wika, mahihinuha natin na
ang pinaka-mahalagang ambag nito ay ang pagkaka-preserba ng mga kwento at kasaysayan ng
ating bansa sa pamamagitan ng “pantayong” pagsasalaysay ng mga Pilipino para sa mga Pilipino rin. Sa
konseptong “pantayo”, mula sa salitang “tayo”, napalalawig nito ang pansariling diskurso ng isang lugar at mas
napayayaman at napananatili nito hindi lamang ang kultural na aspeto ng isang bansa kundi maging ang
lingwistikong aspeto nito sapagkat gumagamit ito ng umiiral na wika gaya ng Filipino na siyang wikang umiiral
sa Pilipinas. Samantala, bilang ang Sikolohiyang Pilipino ay tumutukoy naman sa siyentipikong
pag-aaral ng etnisidad, lipunan, at kultura ng tao at ang gamit nito sa sikolohikal na pagsasanay
ng katutubong karunungan, ang pangunahing mahalagang ambag naman nito ay ang pagsisilbi
nitong kaparaanan upang mas maunawaan ng mga Pilipino hindi lamang ang kanyang personal
na pagkatao kundi maging ang kanyang pambansang pagkakakilanlan at kamalayan maging ang
pakikilahok sa lipunan gayundin ang malalim na pagka-unawa sa wika at kultura ng ating bansa.

5. Ipaliwanag ang teoryang bakod, bukod, buklod gamit ang sarili mong perspektiba.
 Republika ng Pilipinas
PAMBANSANG PAMANTASAN NG BATANGAS  
Gov. Pablo Borbon Campus II, Lunsod ng Batangas, Pilipinas 4200
KOLEHIYO NG INHENYERIYA, ARKITEKTURA AT PINONG SINING
TeleFax Number: +63(43) 425-0139 local 118/2121. 

Sa aking pananaw, ang teoryang bakod, bukod, buklod ay maituturing na matalinhagang

konsepto na maaring maglarawan sa iba’t ibang bagay at konsepto ng ating kultura at
pamumuhay, bukod sa literal nitong kahulugan. Kung bibigyan ako ng pagkakataong bigyan ito
ng pansariling pakahulugan batay sa aking perspektibo, ang nasabing teorya ay nais kong
maging pantukoy sa konsepto ng pagiging “tunay na Pilipino”. Na gaya ng isang bakod, ang mga
Pilipino ay handing magsilbing harang at proteksyon ng mga yaman ng ating bansa laban sa mga
mapag-angking banyaga gaya ng pagtatanggol ng mga Pilipino sa kapuluan ng Scarborough
Shoal. Gayundin, gaya ng kahulugan ng bukod, maituturing na bukod-tangi o nag-iisa ang mga
Pilipino sapagkat saan man dalhin, namamayagpag ang talento at kabutihan ng puso ng mga
Pilipino na hindi maiikailang nakapagtataas ng bandera ng ating bansa. Panghuli, ang salitang
buklod na maaring maisalarawan sa “bayanihan” o ang pagkakaisa ng mga Pilipino sa iba’t
ibang bagay at kaparaanan gaya ng eksena sa tuwing may trahedya o sakuna.