FILIPINO 9

IKA-APAT NA LINGGO
UNANG KWARTER
“PUTING KALAPATI,
LIBUTIN ITONG
SANDAIGDIGAN.”
(Tula) (Malaysia)
 MENSAHE MULA SA BIBLIYA
JUAN 14:27 “Kapayapaan ang iniiwan ko
sa inyo. Ang aking kapayapaan ang
ibinibigay ko sa inyo; hindi ito katulad ng
ibinibigay ng sanlibutan. Huwag kayong
mabalisa. Huwag kayong matakot.”
 MENSAHE MULA KAY FR. AL
Ngunit sa liwanag na ito ng Espiritu
Santo, sa karunungang ito na inilagay
ng Espirity Santo sa ating mga puso,
malinaw ninyong mauunawaan ang
kahulugan ng mga salita ng Panginoon
at ang mga misteryo ng Panginoon.
HULYO 6, 2020
UNANG ARAW
 KASANAYAN SA PAGKATUTO
• Nabibigkas nang maayos at may
damdamin ang tulang binasa (PS)
• Natutukoy ang mga salitang
magkakasingkahulugan sa loob ng tula
(PT)
 PAGBIBIGAY-HINUHA
(PANGKLASENG GAWAIN) –
10 MINUTO
Pagpapakita ng larawan.
•Ano ang kadalasang sinisimbolo ng
kalapati?
•Ano-anong katangian ng kalapati na
naging dahilan para sa simbolong
iyon?
 PAGBASA (PANGKATAN/
PANGKLASE/ INDIBIDWAL
NA GAWAIN) – 20 MINUTO
“Puting Kalapati, Libutin Itong
Sandaigdigan.”
 Ni: Usman Awang
Salin ni: A. B. Julian
SA MGA PANGYAYARING WALANG
KATIYAKAN,
KUNG SAAN ANG TAO’Y NAGHIHINALA’T
TUWINA’Y MAY AGAM-AGAM
LUMIPAD ANG KALAPATI UPANG LAKBAYIN
ANG SANDAIGDIGAN
SA KANYANG PUTING PAKPAK NA HANAP
AY KAPAYAPAAN
HABANG SAGISAG NG PAGKAKASUNDO’Y
PATULOY NA BUMABANDILA.
PUTING KALAPATI, LIBUTIN ITONG
SANDAIGDIGAN
ANG HANGING PANGGABI’Y IYONG
PANARIWAIN
ANG MGA BULAKLAK IYONG
PAMUKADKARIN.
ITONG AMING MGA LABI’Y IYONG
PANGITIIN.
PAGKAT SA IYO NA ANG PAG-ASA AY
DI NAWALA
SA IYONG HININGA, HANGING
SARIWA NAGMULA
ITONG SANDAIGDIGAN,
PANIWALAIN MO SA KAPAYAPAAN
HABANG PUSO’Y PUMIPINTIG SA
GABI NG KATAHIMIKAN.
NGUNIT IKAW NA PALAMARA
TULAD NG ALABOK, HUMAYO KA’T
MAWALA
PAGKAT MUNDO MO’T BANTAYOG
AY GUMUHO NA
NGAYON AY MAY BAGONG
HINAGAP NA KAYGANDA
BILANG REPLEKSYON NITONG
BUHAY NA MAPAYAPA.
 TALASALITAAN (PANGKLASENG
GAWAIN) – 10 MINUTO
Hahanapin ng mga mag-aaral ang mga salita
sa loob ng tula na magkasingkahulugan.
Bibigyan din ng kahulugan ng klase ang
mga salitang hindi pamilyar sa kanila.
 HULYO 7, 2020
IKALAWANG ARAW
 KASANAYAN SA PAGKATUTO
Nasusuri ang tula ayon sa (PB)
•Nilalaman
•Elemento
PAGPAPAKAHULUGAN SA
TULA (PANGKATANG
GAWAIN) – 15 MINUTO
“Puting Kalapati, Libutin Itong
Sandaigdigan.”
 PANUTO
Hahatiin ang klase sa walong pangkat. Bawat
pangkat ay bibigyan ng dalawa-tatlong
taludtod mula sa tulang binasa. Magkakaroon
ng pagbabahaginan ang bawat pangkat
tungkol sa kahulugan ng mga taludtod ng
tula. Magkakaroon din ng pag-uulat.
 PAGSUSURI SA TULA AYON
SA ELEMENTO
(PANGKLASENG GAWAIN) – 25
MINUTO
“Puting Kalapati, Libutin Itong
Sandaigdigan.”
 SANGKAP NG TULA

Sukat – bilang ng pantig

sa bawat taludtod.
 SANGKAP NG TULA
Tugma – pag-iisang tunog
ng huling pantig ng mga
taludtod ng bawat saknong.
 SANGKAP NG TULA
Ganap – magkatulad ang
tunog, bigkas, o tuldik sa
hulihan ng taludtod.
 SANGKAP NG TULA
Karaniwan – magkatulad
ang tunog ngunit hindi
magkatulad ang tuldik.
 SANGKAP NG TULA

Makabuluhang Diwa – ang

pangkalahatang tema o
kaisipan ng tula.
 SANGKAP NG TULA
Kagandahan / Kariktan – lahat ng
pamamaraang ginagamit ng
makata sa tula upang maging
mabisa at matingkad ang diwang
inihahayag nito.
 ELEMENTO NG TULA
Tunog – pagkakapare-pareho
ng mga huling pantig sa
unahan, gitna, o hulihan ng
bawat taludtod.
 ELEMENTO NG TULA
Talinghaga / Alegorya –
paggamit ng mga piling salita
katulad ng mga tayutay.
 ELEMENTO NG TULA
Larawang Diwa – mga salitang kapag
binanggit sa tula ay nag-iiwan ng
malinaw na larawan sa isipan ng
mambabasa, nakapagpapatalas ng mga
pandama.
 ELEMENTO NG TULA
Simbolo – mga salitang kapag
binabanggit ay nag-iiwan ng
kahulugan sa mapanuring isipan
ng mga mambabasa.
SUSURIIN NG KLASE ANG TULA BATAY SA
MGA SANGKAT AT ELEMENTO NITO.

• Sukat • Kagandahan/ kariktan

• Tugma • Talinghaga
• Makabuluhang-diwa • Larawang-diwa
• Tunog • Simbolo
HULYO 8, 2020
IKATLONG ARAW
 KASANAYAN SA PAGKATUTO
•Natutukoy ang mga katotohanang
isinasaad ng akda (PB)
•Nasusuri ang iba’t ibang paraan ng
pagbigkas ng tula (PN/PD)
 PAG-UUGNAY SA
KASALUKUYAN (PANGKATANG
GAWAIN) – 20 MINUTO
Ipaparinig muna ang awiting Bagong
Simula.
•Ano ang kaugnayan ng awitin sa
tulang binasa?
•Ano ang kalagayan ng lipunan
batay sa awitin?
 PAGSUSURI SA PARAAN NG
PAGBIGKAS (INDIBIDWAL NA
GAWAIN) – 20 MINUTO

Susuriin nila ang paraan ng pagbigkas

ng tula mula sa kanilang napanood na
mga video.
 PAALALA
Pwedeng makipagpalitan ng opinyon
ang katabi tungkol sa kanilang
ginawang pagsusuri sa pagbigkas ng
tula.
•Ano ang kaibahan sa pagbigkas ng mga
tulang inyong napanood/ napakinggan?
•Alin kaya sa inyong palagay ang mas
kinagigiliwan? Bakit?
•Alin kaya ang mas kaiga-igaya sa
pandinig? Bakit?
 HULYO 9, 2020
IKA-APAT NA ARAW
 KASANAYAN SA PAGKATUTO
•Nasusuri ang kawastuhan ng paggamit
ng mga salita (nang-ng, kung-kong, at iba
pa) sa tulang binasa (W)
•Nagagamit nang maayos ang mga salita
(nang-ng, kung-kong, at iba pa) (W)
 LARONG PANGWIKA
(PANGKLASENG GAWAIN)
– 5 MINUTO
Palitan ng tamang salita ang mga maling
salita na napapaloob sa tula upang maisaayos
ang diwa nito.
SA MGA PANGYAYARING WALANG
KATIYAKAN,
KONG SAAN ANG TAO’Y NAGHIHINALA’T
TUWINA’Y MAY AGAM-AGAM
LUMIPAD ANG KALAPATI UPANG LAKBAYIN
ANG SANDAIGDIGAN
SA KANYANG PUTING PAKPAK NA HANAP
AY KAPAYAPAAN
HABANG SAGISAG NANG PAGKAKASUNDO’Y
PATULOY NA BUMABANDILA.
•Ano ang inyong napansin sa mga
salita sa inyong binasang tula?
•Bakit nasabi ninyo na mali ang
pagkagamit sa ilang mga salita?
 PAGTALAKAY
(PANGKLASENG
GAWAIN) – 25 MINUTO
Magkakaroon ng pagtalakay tungkol sa
wastong gamit ng mga sumusunod:
 KUNG AT KONG
Ang kung ay ginagamit na
PANGATNIG sa mga sugnay na di
makapag-isa sa mga pangungusap na
hugnayan gaya nang mapapansin sa
mga halimbawang pangungusap.
 KUNG AT KONG
Ang kong naman ay buhat sa
PANGHALIP na ko at nilalagyan
lamang ng pang-angkop na ng sa
pakikiugnay sa salitang sumusunod.
 HALIMBAWA
• Kung siya’y narito, tayo’s magiging masaya.
• Sumama ka sa kanila kung ibig mo.
• Kung hindi umulan, marahil ay naparito ako.
• Ang aklat kong bago ay nawala.
• Isasalaysay kong lahat ang nangyari.
• Nakita kong malubha ang kanyang sakit.
NANG AT NG
KAILAN KAILANGANG GAMITIN ANG
NANG SA ISANG PANGUNGUSAP:
Kung ang sumusunod na salita ay pandiwa
(verb).
A. Pag-uulit ng pandiwa
Halimbawa:
• Talon nang talon ang mga bata.
• Lipad nang lipad ang mga kalapati.
•
KAILAN KAILANGANG GAMITIN ANG
NANG SA ISANG PANGUNGUSAP:

Ibang halimbawa:

Nasaktan si Gorrio nang iwanan siya

ng kanyang kasintahan.
Biglang nagkagulo ang mga tao nang
lumabas sa pinto si Lovi Poe.
KAILAN KAILANGANG GAMITIN ANG
NANG SA ISANG PANGUNGUSAP:
Kung ang sumusunod na salita ay pang-
uri (adjective)
Halimbawa:
Ang lumakad nang matulin kung matinik
ay malalim.
Sumuko nang mahinahon ang mga
pugante.
 KAILAN KAILANGANG GAMITIN ANG
NANG SA ISANG PANGUNGUSAP:
Kung gagamitin sa unahan ng
pangungusap.
Halimbawa:
Nang lumalim ang gabi ay nagsimulang
mag-uwian ang mga bisita.
Nang umapaw ang tubig sa ilog ay
nagsimulang lumikas ang mga residente.
 KAILAN KAILANGANG GAMITIN ANG
NANG SA ISANG PANGUNGUSAP:
Ang nang ay ginagamit bilang pinagsamang na at
na.
Aalis ka nang hindi nagpapaalam? (Aalis ka na na
hindi nagpapaalam?)
Gawin mo nang hindi nagrereklamo. (Gawin mo na na
hindi nagrereklamo.)
Ang uniporme ay itiniklop nang hindi pa pinaplantsa.
(Ang uniporme ay itiniklop na na hindi pa
pinaplantsa.)
 KAILAN KAILANGANG GAMITIN ANG
NG SA ISANG PANGUNGUSAP:
Sa ibang mga hindi nabanggit ay automatic na ng
ang dapat gamitin.
Mga Halimbawa:
Ang bahay na ito ay pagmamay-ari ng mga Hernandez.
Si Benedict ang kumuha ng halabas kanina.
Binilisan ng bata ang paglalakad sapagkat siya ay
natatakot.
Si Marlon pinag-uusapan ng kaniyang mga kaibigan dahil
sa kabahuan niya.
MAY AT MAYROON
 WASTONG GAMIT NG MAY
Ginagamit ang may kapag sinusundan ng
pangngalan.
May pera ka ba?
Lahat sila ay may regalong matatatanggap.
 WASTONG GAMIT NG MAY
Kapag sinusundan ng pandiwa.

May sasabihin ko sa’yo.

May pupuntahan ako sa Sabado.
 WASTONG GAMIT NG MAY
Kapag sinusundan ng pang-uri.

May mahalagang bagay kang dapat

matuklasan.
May magandang anak si Mang Jose.
 WASTONG GAMIT NG MAY
Kapag sinusundan ng panghalip na panao sa
kaukulang paari.
Bawat miyembro ay may kani-kanilang hinaing.
Bawat tao ay may kanya-kanyang problema sa buhay.
Masayang ipinagdiriwang ang pista roon sa may
amin.
 WASTONG GAMIT NG MAYROON
Kapag may napapasingit na kataga sa salitang
sinusundan nito.
• Mayroon pa bang magsasalita ukol sa paksang ito?
• Mayroon po kaming isusumbong sa inyo.
• Si Marvin ay mayroon ding magagandang katangian
tulad ni Joseph.
 WASTONG GAMIT NG MAYROON
Ginagamit na panagot sa tanong.
•May bagyo ba?–Mayroon.
•May takdang aralin ka ba ? –Mayroon po.
•May maasahan ba akong tulong sa kanya? –
Mayroon naman.
 WASTONG GAMIT NG MAYROON
Ginagamit kung nangangahulugang ng pagka-may
kaya sa buhay
• Hindi magandang magpanggap na mayroon
sapagkat matutuklasan din sa bandang huli ang
totoong kinatatayuan sa buhay.
• Ang mga Morales ay mayroon sa bayan ng Dolores.
PAHIRAN AT PAHIRIN
 PAHIRAN-SPREAD
Dalawaang maaaring ibigay na kahulugan ng pahiran.
1. Ang lunan o bahagi ng lunan o bagay na
pinanggagalingan ng bagay na pinahid. Sa ganitong
gamit ang pahiran ay may layon.
2. Nagagamit din ang pahiran sa kahulugang
paglalagay ng kaunting bagayat karaniwan ay sa
bahaging katawan.
 HALIMBAWA
•Pahiran mo ng vicks ang aking likod.
•Pinapahiran ng langis ng dalaga ang
kanyang buhok.
•Bakit mo pinapahiran ng alkohol ang
iyong mga kamay.
 PAHIRIN-WIPE AWAY
Ang pahirin ay nangangahulugan
ng pag-alis o pagpawi sa isang
bagay,alisin ang bagay.
 HALIMBAWA
•Pahirin mo ang iyong pawis sa
noo.
•Pahirin mo ang iyong uling sa
mukha.
SUNDAN AT SUNDIN
 SUNDIN
Ang sundin (to obey) ay
nangangahulugan ng
pagsunod sa payo o pangaral.
 HALIMBAWA
Sundin mong lagi ang sinasabi
ng iyong mga magulang dahil
para rin iyon sa iyong
kabutihan.
 SUNDAN
Ang sundan (to follow)
ay gayahin o pumunta sa
pinuntahan ng iba.
 HALIMBAWA
•Sundan mo ang mga
kabayanihang ipinakita ng iyong
ama sa bayan.
•Sundan mo siya baka siya
maligaw.
 PAGSASANAY (INDIBIDWAL NA
GAWAIN) – 10 MINUTO
Panuto: Sumulat ng tig-isang halimbawang
pangungusap sa mga sumusunod:
• Nang – ng
• Kung – kong
• Pahirin – pahiran
• Sundan – sundin
• May – mayroon
HULYO 10, 2020
IKA-LIMANG ARAW
 KASANAYAN SA PAGKATUTO
•Nakasusulat ng tula tungkol sa
pagpapahalaga sa pagiging isang
Asyano (PU)
•Nabibigkas nang maayos at may
damdamin ang nilikhang tula (PS)
 PAGLIKHA (PANGKATANG
GAWAIN) – 15 MINUTO
Lilikha ang bawat pangkat ng tula ayon
sa mga sumusunod na pamantayan:
 PAMANTAYAN
• Nilalaman (nagpapahalaga sa pagiging Asyano)
• May tugma (di-ganap)
• Malaya ang sukat sa bawat taludtod
• Apat na taludtod bawat saknong
• Apat – limang saknong
• Sariling pamagat
• Paggamit nang tama sa mga salita
SABAYANG PAGBIGKAS
(PANGKATANG GAWAIN)
25 MINUTO
Bibigkasin ng bawat pangkat ang
kanilang nilikhang tula ayon sa mga
sumusunod na pamantayan:
 PAMANTAYAN

•Wastong indayog
•Tamang bigkas ng mga salita