SELF-LEARNING HOME TASK (SLHT)

Subject: FILIPINO SA PILING LARANG (Tech Voc) Grade: 12 Level: SHS Quarter: 4 Week : 7
MELC: Naiisa-isa ang mga hakbang sa pagsasagawa ng Competency Code: CS_FFTV11/12PB-0g-i-106
mga binasang halimbawang sulating teknikal-
bokasyunal
Pangalan: Seksyon: Industry Petsa:
Paaralan: ALCOY NATIONAL HIGH SCHOOL District: ALCOY

A. Babasahin/Pagtatalakay sa Paksa

Pagpapakahulugan at Mga Dahilan ng Feasibility Study

Bawat negosyante ay bumubuo ng proyekto na siyang makatutulong sa kanilang negosyo. Kasabay ng
proyektong ito ang tinatawag na Feasibility Study. Ano ba ang Feasibility Study? Katulad din ba ito ng ordinaryong
pagaaral na isinasagawa mo sa eskwelahan bilang kahingian ng iyong mga kurso o asignatura?
Tinatawag na feasibility study ang isang ebalwasyon ng mga inihaing proposal o aksiyon kaugnay sa mga
proyekto ng pagpapaunlad sa mga sitwasyon o mga bagay sa isang trabaho o negosyo. Isa itong pananaliksik na
tumutulong upang matukoy kung karapat-dapat bang isagawa ang proyekto o negosyo. Makatutulong ang pagbuo ng
feasibility study upang makapagpasya ang isang kompanya o negosyante sa pinakamainam na aksiyon na dapat
gawin.
Halimbawa, tulad sa panahon ngayon, mahalagang matukoy muna ng isang negosyante kung papatok ang
naiisip niyang bagong estratehiya sa pagbebenta. Kung dati, ang milk tea na kaniyang produkto ay mabibili lamang
sa pamamagitan ng pag-pick-up sa mismong tindahan, maaaring naisip niyang ibenta rin ito online at i-deliver sa
kaniyang customer. Kailangan munang pag-aralan kung tiyak na papatok ang ganitong estratehiya niya sa
pagbebenta ng milk tea. Maaari rin kasing ikonsidera ang mga sumusunod: (a) lugar na sakop lamang ng
pagdedeliveran; (b)dagdag na empleyadong magde-deliver (c)delivery fee at iba pa.
Kung gayon, tungkulin ng feasibility study na suriin o pag-aaralang mabuti ang pangkalahatang kalagayan ng
mga bagay, tao o sitwasyong nakaaapekto sa negosyo o sa kompanya bago pa man isakatuparan ang isang
proyekto o bago pa man magsagawa ng aksiyon upang masiguro ang tagumpay nito. Natutukoy rin ng feasibility
study ang mga hadlang sa pagpapatayo o pagsasagawa ng naturang proyekto o negosyo. At sa oras na matukoy na
ang mga hadlang na ito, maaari ng makahanap ng solusyon kung paano mareresolba ang mga hadlang na ito.

Mga Dahilan sa Pagsasagawa ng Feasibility Study

Narito ang ilan sa mga dahilan kung bakit isinasagawa ng feasibility study.
 pinadadali ang konsepto ng pagnenegosyo
 nakapagmumulat sa kaisipan ang posibilidad ng isang proyekto o negosyo
 nakapagbibigay ng alternatibong dulog o solusyon upang maisagawa ang isang ideya
 napagaganda ang posibilidad na tagumpay sa pag-alam ng mga salik na maaaring makaapekto sa proyekto

Maraming proyekto at negosyo ang hindi nagtatagumpay dahil sa kakulangan at masusing pag-aaral dito. Sa tindi ng
kompetisyon sa ekonomiya, marapat na pag-aralan mong mabuti ang iyong ideyang naiisip. Planuhin itong mabuti
sapagkat sa pamamagitan ng pagpaplano at masusing pananaliksik uunlad ang iyong kaalaman sa iyong target
market o target na mamimili at maging sa kapaligiran kung saan mo binabalak itayo ang isang negosyo o proyekto.

Mga Uri ng Feasibility Study

Kung iyong matatandaan, tulad ng ating nagdaang aralin, ang feasibility study ay nakatutulong upang masuring
mabuti ng isang kompanya ang kanyang planong negosyo o proyekto. Sinabi rin natin na ito ay isang pag-aaral o
pananaliksik din na makadidiskubre sa anumang posibleng hadlang sa ideya at balak ng isang tao o kompanya.
Gayunpaman, bilang isang negosyante, mahalaga na matukoy kung anong angkop na feasibility study ang kailangang
gamitin upang maisakatuparan ang tagumpay na hinahangad sa pagsasagawa ng negosyo o proyekto. Narito ang
limang uri ng feasibility study na maaring gamitin ng mananaliksik.
1. Deskripsiyon ng proyekto
2. Market feasibility
3. Technical feasibility
4. Financial/Economic feasibility
5. Organizational/Managerial feasibility

1|Page
Sa modyul na ito, atin munang talakayin ang tatlo sa lima na uri na ito ng feasibility study.
DESKRIPSIYON NG PROYEKTO
- Nakapokus ang pag-aaral na ito sa produktong nais simulan ng isang kompanya. Binibigyang-pansin dito ang kalidad
ng kanyang produkto o maging serbisyong kanyang inihahain. Sa uri na ito ng feasibility tinitingnan kung
maisasagawa ang produkto o serbisyong ito para sa isang partikular na negosyo o larangan. Halimbawa, ang
isang milktea shop, bago sila maglabas ng bagong flavor ng milktea, kanila munang sinusuri at pinag-aaralan ang
kalidad ng produkto na ito, ang lasa nito at kung ang bagong lasang ito ba ay papatok sa puwesto ng kanilang milktea
shop.
MARKET FEASIBILITY
- Ang market feasibility ay binibigyang-tuon ang merkado. Ibig sabihin, higit na pokus nito ang mga posibleng
kustomer. Sa pagtatayo ng negosyo, mahalaga na matukoy kung sino ang iyong target na mamimili. Kaugnay nito ay
mabigyang-pansin din sa uri na ito ang akses, lawak at laki ng lugar na nais pagtayuan ng negosyo upang matukoy
ang potensiyal ng binabalak na aksiyon. Halimbawa, kung ang iyong target na kustomer ay mga mag-aaral, marapat
na matukoy kung ang lugar na iyong pagtatayuan ay malapit ba sa isang paaralan? Posible ba itong maakses ng mga
target mong kustomer? Tandaan natin, kahit gaano kasarap ang ating ibinebenta kung hindi naman ito kayang
maakses ng ating target na kustomer ay posibleng hindi rin ito maging matagumpay.
TECHNICAL FEASIBILITY
- Kaiba naman ang technical feasibility study sa dalawang unang nabanggit na uri. Mula sa kanyang pangalan,
TEKNIKAL ang pagaaral na ito. Pokus nito ang laki at uri ng mga pasilidad pamproduksiyon, mga gusali, kagamitan,
teknolohiya at hilaw na materyal na kailangan ng negosyo.
FINANCIAL/ECONOMIC FEASIBILITY
– Tinataya sa pag-aaral na ito ang kakayahan ng puhunan, mga pangangailangan sa pag-utang, mga halagang
kailangan upang makabawi (break-even) ang negosyo, at iba pang aspektong pinansiyal.
ORGANIZATIONAL/MANAGERIAL FEASIBILTY
– ang tuon dito ay ang pamamahala at legal na estruktura ng negosyo.

B. Gawain 1:
Panuto: Kumpletuhin ang mga letra sa bawat kahon upang matukoy ang inilalarawan sa bawat pahayag. Isulat ang
mga kasagutan sa iyong sagutang papel.

2|Page
Gawain 2:
Panuto: Gamit ang talahanayan sa ibaba, isa-isahin ang pagkakaiba-iba ng mga uri ng feasibility study. Gawin ang
Gawain sa inyong sagutang papel.

C. Paglalapat/Pagtataya
Panuto: Basahin at unawaing mabuti ang bawat pahayag. Piliin ang titik ng tamang sagot at isulat sa iyong sagutang
papel.
1. Bukod sa potensiyal ng negosyo, ano pa ang binibigyang-pansin sa market feasibility?
a. hilaw na materyal ng negosyo
b. gusaling pagtatayuan ng negosyo
c. laki at lawak ng negosyo
d. lahat ay tama
2. Binibigyang-pansin sa pag-aaral na ito ang merkado.
a. feasibility study
b. market feasibility
c. deskripsiyon ng proyekto
d. technical feasibility
3. Tinutukoy ng pag-aaral na ito ang kalidad at uri ng produkto o serbisyong inihahain.
a. deskripsiyon ng proyekto
b. economic feasibility
c. feasibility study
d. financial study
4. Alin sa ibaba ang HINDI binibigyang-pansin ng technical feasibility?
a. hilaw na materyal
b. kagamitan ng negosyo
c. teknolohiya
d. posibleng customer
5. Sinusuri ng pag-aaral na ito ang laki at uri ng mga pasilidad pamproduksiyon na kailangan ng negosyo.
a. deskripsiyon ng proyekto
b. feasibility study
c. market feasibility
d. technical feasibility
6. Ano ang pinakamaitutulong ng feasibility study sa isang negosyo o serbisyo?
a. Mapagaganda nito ang proyektong binabalak sa isang negosyo.
b. Matutukoy nito ang mga hadlang sa naiisip na negosyo nang sa gayon ay makaisip ng solusyon.
c. Makatutulong ito upang mapalago ang negosyo o serbisyo ng isang kompanya.
d. Lahat ay tama.
7. Tinataya sa pag-aaral na ito ang kakayahan ng puhunan, mga pangangailangan sa pag-utang, mga halagang
kailangan upang makabawi (break-even) ang negosyo, at iba pang aspektong pinansiyal.
a. Market feasibility
b. Technical feasibility
c. Financial/Economic feasibility
d. Organizational/Managerial feasibility
8. Ang tuon dito ay ang pamamahala at legal na estruktura ng negosyo.
a. Market feasibility
b. Technical feasibility
c. Financial/Economic feasibility
d. Organizational/Managerial feasibility

3|Page
 4. d 8. d
3. a 7. c
2. b 6. d
1. d 5. d
Paglalapat/Pagtataya:

5. kalidad
4. market feasibility
3. serbisyo
2. technical feasibility
1. merkado
Gawain 1:
SUSI SA PAGWAWASTO

Sanggunian:
Francisco, Christian George C., Gonzales, Mary Grace H., Filipino sa Piling
Larang (Tech-Voc) (Quezon City, Rex Book Store Inc., 2016), 28-42
Department of Education – NCR, Division of Pasig City

GUIDE
For the Teacher: Please advise the students to read the discussion carefully to ensure total assimilation of the topic.
In doing so, they will be able to answer the given exercises smoothly.

For the Learner: Read the self-learning home task carefully from the first part to the last part. This will help you get a
clearer understanding of the subject matter.

For the Parent/Home Tutor: Please guide your child as he/she go through with the whole self-learning home task.
Make sure that he/she handles her time properly in order to prevent any deviations of the whole learning process.

4|Page