O Mahal na Birhen Ina ng Awa, Reyna ng langit at lupa,
mapagbiyaya sa tanang nangangailangan, isinasamo namin sa Iyo na ipagkamit Mo sa amin sa pamamagitan ng Iyong mahal na Anak ang grasyang ninanasa namin. Patibayin ang lahat na mga binyagan, bigyan ng biyaya ang lahat ng mamamayan, at tunay na kapayapaan ang aming sambayanan.
Bilang isang parokya, kami ay dumudulog sa Iyo na
yayamang nanaog ka sa lupa mula sa langit at iyong ipinahayag na Ikaw nga ang ina ng biyaya't kaawaan, ay dinggin mo nga itong iyong mga abang lingkod, sapagkat Ikaw nga ang gabay ng mga nagsisising makasalanan. Mahal naming Ina, kami ay iyong turuan, patnubayan at ampunin upang matutong maglingkod sa Iyo, at makamtan ang aming mga hinihingi at ninanasa kung siyang iibigin ng Iyong mahal na anak na si Hesus, at nararapat sa aming kaluluwa.