sak

PAGBASA AT PAGSULAT TUNGO SA PANANALIKSIK (BSA-2A)

Kabanata 1: Introduksyon ng Pananaliksik (week 1)

katuturan at kahalagahan ng Pananaliksik (week1)

ANO NGA BA ANG PANANALIKSIK?

                                                                            
                  Ang pananaliksik ay ang pagtuklas at pagsubok ng isang teorya para sa
paglutas ng suliranin at nangangailangan ng bigyan ng kalutasan.
Ito ay isang makaagham na pagsisiyasat ng phenomena, ideya, konsepto, isyu at mga
bagay na kinakailangang bigyang linaw, patunay o pasubali.
 Ang Pananaliksik ay mahalaga sa pag-unlad ng isang bansa                                     
.
 Ito ay may malaking papel na ginagampanan sa pag-unlad mg ating komunidad,
kalakalan, edukasyon, pulitika at iba pa.
 Nangangailangan ito ng mahabang panahon at paghahanda sa pagsulat.
 May proseso / hakbang na dapat sundin upang maging maayos at maganda ang
kahinatnan ng gawaing pananaliksik. (Alejo,et al.2008)
 
 Kahalagahan at Layunin ng Pananaliksik

1. Makatuklas ng bagong datos o impormasyon at kaalaman

2. Magbigay ng bagong interpretasyon sa lumang ideya

3. Maglinaw sa isang isyu

4. Manghamon sa katotohanan ng isang tanggap o pinapalagay na makatotohanang

pahayag.

5. Magpatunay na balido ang isang konsepto, idea, paniniwala, palagay, pananaw at

pahayag.

6. Mapapaunlad ang sariling kamalayan

 
 

Kahulugan / Katuturan ng Pananaliksik ayon sa iba’t ibang Dalubhasa

 
            Ang pananaliksik ay isang pamamaraan ng pagtuklas ng karunungan o katotohanan
sa pamamagitan ng maayos, masusi, mapanuri at tuwirang proseso.
Ayon kay Manheim (1977), ang pananaliksik ay ang maingat, masinop at
pangkalawakang imbestigasyon ng isang tiyak na paksa at may layuning sumulong ang
kaalaman ng sangkatauhan.
 
Aguino (1974), ang pananaliksik ay maingat at sistematikong paghahanap ng kaukulang
impormasyon o datos sa tiyak na paksang pag-aralan. Ang mananaliksik ay nagsimulang
magbasa at magsuri ng mga datos bilang paghahanda sa pagsulat ng pananaliksik.
 
Manuel at Medel (1976), isang proseso ng paglilikom ng mga datos o impormasyon para,
malutas ang isang partikular o tiyak na suliranin sa isang siyentipikong paraan.
 
 Sina Atienza at iba pa (1996) ng Unibersidad ng Pilipinas, ang pananaliksik ay ang
matiyaga, maingat, sistematiko, mapanuri at kritikal na pagsisiyasat o pag-aaral tungkol sa
isang bagay, konsepto, kagawian, problema, isyu o aspektong kultura at lipunan.
 
Parel Sanchez (1980), nagbigay ng katuturan ng pananaliksik bilang sistematikong pag-
aaral o pagsisiyasat bilang pagsagot sa mga tanong na ginawa ng mananaliksik.
 
Sina Treece at Treece (1977), nagbigay ng puna na ang pananaliksik ay isang
pagtatangkang makahanap ng mga solusyon sa mga suliranin. Ito ay tinitipong mga datos
sa kontroladong sitwasyon para sa pagpapaliwanag at pagbibigay ng prediksyon.
 
Batay sa ensayklopidya, ang pananaliksik ay isang aktibo, matiyaga at sistematikong
prosesong pagsisiyasat para makatuklas, makapagbibigay ng interpretasyon o baguhin ang
katotohanan, pangyayari,asal at teorya.
 

 
 Para sa pangkabuuhan, ang Pananaliksik ay isang sistematiko at siyentipikong
proseso ng pangangalap, pagsusuri, pag-aayos, pag-oorganisa at pagpapakahulugan ng
mga datos tungo sa paglutas ng suliranin, pagpapatotoo ng prediksyon at pagpapatunay sa
imbensyong nagawa ng tao. (Alejo et al.,2008)
 

Mga Katangian ng Pananaliksik

 

1. Ang pananaliksik ay sistemetiko. Ito’y sumusunod sa maayos at makabuluhang

prosesong nagbubunsod sa pagtuklas ng katotohanan, solusyon sa suliranin o anumang
naglalayong matuklasan ang bagay na hinahanapan ng kasagutan.
 
2. Ang pananaliksik ay kontrolado. Pinaplano itong mabuti at ang bawat hakbang ay
pinag-iisipan kaya hindi pwedeng manghula sa resulta ng pag-aaral na isinasagawa. Ang
napiling suliranin ay binibigyan ng pagpapaliwanag.

3. Ang pananaliksik at empirikal. Ipinapakita rito na kapag ang lahat ng mga datos ay

kumpleto na, ang mga ebidensya ay handa na upang mapatunayan o mapasinungalingan
ang binuong hipotesis sa umpisa pa lamang ng pagsisiyasat. Ang mga empirikal na datos
na ito ay magsisilbing batayan sa pagbuo ng kongklusyon.

4. Ang pananaliksik ay pagsusuri. Ito’y masusing pag-aaral sa mga datos na

kwantitatibo at kwalitatibo. Sinasabing kwantitatibo kapag ang pagsusuri ay nakatuon sa
pagkalkula ng mga bilang na ginamit samantalang ang kwalitatibo ay tumutukoy sa
malinaw at tiyak na pagbibigay ng kuru-kuro o interpretasyon. Dito makikita ang kritikal na
pagsusuri sa mga dokumentong nakuha na magiging batayan sa pagbibigay na
kongklusyon. Ang mga datos na sinusuri sa isang pananaliksik ay karaniwang hanyo sa
talatanungan, pakikipanayam, sorbey at iba pa.

5. Ang pananaliksik ay obhetibo, walang kinikilingan at lohikal. Ipinapakita

sa pahayag na ito na ang anumang resulta ng pag-aaral ay may sapat na batayan ay hindi
nakasalig sa sariling opinyon ng mananaliksik. Isa pa, ang mananaliksik ay dapat na walang
pinapanigan o kinakampihan at dapat itala ang anumang maging resulta ng pag-aaral.
Isang krimeng matatawag ang pagmamanipula sa resulta ng anumang pag-aaral kaya
dapat sikapin ng mananaliksik na maging obhetibo.

6. Ang panaliksik ay ginagamitan ng hipotesis. Ayon kay Gay (1976), ang hipotesis ay

pansamantala o temporaryong pagpapaliwanag sa isang tiyak na kaasalan, bagay na hindi
pangkaraniwan, pangyayaring naganap na o magaganap pa lamang. Ang hipotesis ay
tumutukoy sa tiyak na pagpapahayag ng suliranin sa isasagawang pag-aaral.
Tungkulin at Responsibilidad ng Mananaliksik
            Ang mananaliksik ay may tungkulin at responsibilidad na dapat isaalang-alang
upang maging matagumpay sa gagawing pananaliksik. Kailangang din niyang magtaglay ng
mga katangiang makatutulong para maging maayos at organisado ang gagawing
pananaliksik (Alejo, et al., 2008)
 
Katangian ng isang Mnanaliksik (Alejo, et al. 2008)
  
Ang isang manaliksik ay masigasig. Napakaraming impormasyong makukuha sa gagawing
pananaliksik subalit kailangang pagtiyagin at pagsikapang makuha ang mga aklat, dyornal,
magasin, tesis at disertasyong makatutulong sa paksang pag-aaralan. Maliban dito,
mahalaga at nakatutulong din ang iba’t ibang institusyon, media at mga taong may
kaalaman sa paksang pag-aaralan. Kung hindi masigasig ang isang mananaliksik sa
paghahanap ng tamang impormasyon, maaaring mahilaw ang pagtalakay sa gawaing
pananaliksik. Samakatuwid, ang pagpupunyagi sa pagkuha ng mga datos ay malaking
bagay tungo sa ikatatagumpay ng gagawing pananaliksik.
 
Ang mananaliksik ay masinop. Pagkatapos na makuha ang lahat ng impormasyong
kailangan sa gagawing pananaliksik, sikaping maging maayos at organisado ang pagtatala
ng mga impormasyon. Pag-ingatan ang mga talang ito, para hindi maaksaya ang panahon
sa muling paghahanap kung sakaling mawala ang mga dokumentong kailangan.
 
Ang mananaliksik ay masistema. Mahihiwatigan sa kilos at gawi ng manunulat kung
nakaprograma ang lahat ng gagawin niya sa pananaliksik.May talatakdaan siya kung kailan
ang pagkuha ng mga datos,pakikipanayam sa taong napili na makapagbibigay ng
impormasyon,pagsusuri ng mga datos,pagsulat ng unang burador ng sulating pananaliksik
at iba pa. Kung walang sistema ang mananaliksik, malabong matapos niya ito sa itinakdang
panahon. Maraming manunulat ng tesis at disertasyon ang walang sistema sa pag-
oorganisa ng pananaliksik kaya hindi nakatatapos.
 
Ang mananaliksik ay mapamaraan. Kailangang marunong dumiskarte sa sarili ang
mananaliksik. Kung hindi niya mahanap ang impormasyon, kailangang gumawa siya ng
paraan para makita o makuha ito.Sa bahaging ito,mapatutunayan ang pagiging
mapamaraan ng isang mananaliksik.Dapat handa at marunong gumawa ng paraan ang
mananaliksik upang malutas ang mga problemang dumarating habang isinasagawa ang
pananaliksik.
 
Ang mananaliksik ay magaling magsiyasat. Ang mga impormasyong nakuha ay tinitimbang
na mabuti kung narapat o di-nararapat isama. Sinusuring mabuti ang interpretasyon ng mga
datos kung may kaugnayan o may kabuluhan sa paksang pinag-aralan.
 
Ang mananaliksik ay may pananagutan. Ang ma awtoridad o eksperto at ang mga
manunulat na ginamit sa pananaliksik ay dapat kinikilala.
 
Responsibilidad ng isang Mananaliksik. Ang bawat kilos o anumang gawain ay may
kaakibat na obligasyon at responsibilidad.
Mga dapat isaalang-alang:
1. Huwag mangopya ng mga impormasyong gagamitin sa sulating pananaliksik. May batas
na pinapatong sa tuwing mangopya ng impormasyon na hindi kinikilala ang tunay           na
sumulat nito. Tinatawag nito na plagiarism.
 
2. Humungi ng permiso o pahintulot sa manunulat ng akdang gagamitin sa pananaliksik.
 

Mga Etika ng Pananaliksik:

                   Pananagutan ng isang mananaliksik ang pag-iwas at pag-ingat sa plagiarism o
pangongopya ng gawa ng iba. Kailangan na maging matapat sa kanyang isinusulat at may
paninindigan sa anumang produktong ginawa. Bagama’t bukas din ang mga sanggunian o
sources dahil na rin sa teknolohiya. Kailangan pa rin ng isang mananaliksik na ipakilala at
ipabatid sa kanyang mambabasa ang pinagmulan ng sanggunian ng anumang datos na
isinama sa kanyang ginawang pananaliksik. Ito ay ang pagsasaalang-alang ng batas sa
Intellectual Property Rights
1.  Paggalang sa karapatan ng iba
2. Pagtingin sa lahat ng mga datos bilang confidential
3. Pagiging matapat sa lahat ng pahayag
4. Pagiging objektibo at walang kinikilingan

Uri ng Pananaliksik (week 2)

 

 
1. Kwantitatibong Pananaliksik (Quantitative Research)
Sa pananaliksik na ito ay gumagamit ng estadistika upang suriin ang
datos na nakalap at malaman ang tiyak na resulta nang sa gayon ay
makapagbigay ng mahalagang impormasyon para sa suliraning
hinaharap. Ginagamit ang ganitong uri ng pananaliksik kung may mga pag-
aaral na ibig paghambingin o kung nais na ipakita ang ugnayan ng
sanhi at bunga.
 

2. Kwalitatibong Pananaliksik (Qualitative Research)

Sa pananaliksik na ito, inilalarawan ang ugnayan ng mga datos na
nakalap mula sa mga panayam o obserbasyon ng mananaliksik sa
kanyang kapaligiran kung saan mahahanap ang impormasyong kailangan.
Mga Uri ng Pananaliksik (ayon kay Ressurecion, 2005)
            1. Makaagham o Siyentipiko
1. Aktwal na kinukuha ang mga impormasyon

2. Kinakailangan ang hipotesis at masinsinang magtrabaho at gumawa ng

eksperimento upang mapatunayan ang mga kaalaman.

3. 2. Pampanitikan o Literari

4. Hindi  kailangang mag-eksperimento sapagkat ang mga gagamiting

materyales ay nasaliksik na ng iba.

5. A. Uri ng Pananaliksik batay sa pakay:

1. Pangunahing Pananaliksik (basic research)

2. Ang layunin ng pananaliksik na ito ay magpaliwanag. Ito ay binubuo ng mga teorya o

paliwanag tungkol sa isang phenomenon (pangyayari).

2. Praktikal na pananaliksik (applied research)

Ang layunin ng pananaliksik na ito ay upang matulungan ang mga tao

na maunawaan ang kalikasan ng isang suliranin nang sa gayon ay
magkaroon siya ng ideya kung paano kokontrolin ang suliranin. Sa
 madaling salita ito ay may layunin na solusyunanan ang mga suliranin ng
tao at mga suliraning umiiral sa kanyang kapaligiran.

B. Uri ng Pananaliksik batay sa proseso:

1. Naglalarawan (Descriptive) – pananaliksik na nakatutok upang

ipakita ang pangyayari o nangyayari: kung paano, kailan, at bakit
nagsimula. Inuusisa nito ang pinagmulan o kasaysayan ng isang bagay,
pangyayari o kaganapan sa pamamagitan ng masusi at mabusising
pangngangalap ng datos o impormasyon. Inilalarawan nito nang buo ang
kwento, diskurso, phenomenon ayon sa pananaw at karanasan ng mga
kalahok sa pananaliksik.
2. Tumutuklas (Exploratory) – pagtatangkang usisain ang mga
pangyayari o kaganapan. Kasalukuyan ang lunan at panahon ng
pananaliksik. Nakikilahok ang mananaliksik upang sa kanyang direktang
karanasan at pag-aaral ay nauunawaan niya ang paksa ng kaniyang
pinag-aaralan. Ang pananaliksik na naglalarawan ay maaaring magbigay-
daan sa isang pananaliksik na tumutuklas para sa pananaliksik na
naglalarawan.

3. Nagpapaliwanag o (Explanatory)- layunin ng pananaliksik na ito na

ipaliwanag ang sanhi at bunga o mga salik na sangkot sa pagsusuri ng
isang phenomenon. Hindi lamang ito simpleng paglalahad ng datos kundi
pagpapaliwanag o pagsusuri.

4. Pang- eksperimento (Experimental) – ang pananaliksik na ito ay

ginagamit ng mga siyentipiko upang kontrolin o manipulahin ang isa o
maraming salik (variable) at upang maipaliwanag ang kahihinatnan, sanhi-
bunga o phenomenon batay sa mga salik na nakalatag sa disenyo ng
pananaliksik.

5. Nagtatasa (Evaluative) – ang pananaliksik na ito ay ginawa upang

matukoy kung ang isang pananaliksik, proyekto, programa o polisiya ay
nagging mabisa o matagumpay sa pagsasakatuparan nito. Tinatawag din
itong impact study lalo na kung ang pananaliksik ay may direktang
pakinabang sa mamamayan. Nakasalalay sa bunga ang ganitong
pananaliksik kung itutuloy pa o hindi ang isang proyekto o programa.
           Mga Paraan ng Pananaliksik (Ayon kina Fraenkel at Wallen, 1996)
1. Descriptive Research -

2. Correlation o Associaton research

3. Experimental o intervention research

PANGKALAHATANG URI NG PANANALIKSIK 

   ( Ayon kina Fraenkel at   Wallen, 1996)

1. Descriptive research
2. Correlation o Association research
3. Experimental o intervention research
 
Ang “Descriptive Research” ay naghahanap ng kasagutan sa mga
katanungang, sino, ano, saan at paano.  Ang pananaliksik na ito ay
naglalarawan ng sitwasyon o itinakdang kalagayan ng tiyak na aspeto o
salik.
 
Ang “Correlation Research” ay sumasagot sa mga katanungang bakit at
paano. Sa pamamagitan na ito ang  may kaugnayan sa suliranin ay hindi
nakikita bilang tunay na sanhi ng suliranin subalit mga salik na may
kaugnayan o nakaambag sa pagkakaroon ng suliranin.  Ito ay nag-
iimbistiga ng kaugnayan ng mga salik o “variables”.
 
Ang “Experimental o Intervention Research” nagtataya ng epekto o
kinalabasan ng particular na intervention o treatment. Ito ay nag-aaral ng
sanhi at epekto na kaugnayan sa pagitan ng mga salik sa isang
penomenong under controlled conditions.
PAGBASA AT PAGSULAT TUNGO SA PANANALIKSIK (BSA-2A)
Mga Hakbang at Kasanayan sa Pagsulat ng Sulating Pananaliksik (week 3)

PreviousContinue

Unang Kabanata (week3) Week 4- Title Hiring

Mga Hakbang at Kasanayan sa Pagsulat ng Sulating Pananaliksik
 
Sa Makabagong panahon, ang mundo ay pinatatakbo ng teknolohiyang bunga
ng mga imbensyon at maraming pagtuklas sa larangan ng agham at teknolohiya. Ang
pananaliksik o riserts ay may mahalagang gampanin ng iba’t ibang larangan.
                Ang pananaliksik o riserts ay ang makaagham na pagkuha at pangangalap ng
mga tala upang masubok ang isang teorya nang sa gayon ay malutas ang isang
suliranin. Dito ay lubos na kailangan ang pagtitiyaga at maingat na paghahanap ng mga
kinakailangang datos upang matiyak na matatanggap ang mga impormasyon o datos
na nilikom upang mapatotohanan ang teoryang kasangkot sa pananaliksik.
                Isang mahalagang aspekto ng pag-aaral sa kolehiyo ang kaalaman ng mga
mag-aaral sa pananaliksik. Itinatadhana ng CHED Memorandum Orders (CMO) mula
sa Commission on Higher Education (CHED) para sa iba’t ibang kurso at larangang
pang-akademiko ang pagkakaroon ng mga component ng pananaliksik o riserts upang
lubusang malinang ang kasanayan ng mga mag-aaral sa gawaing ito.
 
                 Tunay na mahalaga ang pagkakaroon ng ganap na kasanayan sa pagsulat
ng simpleng papel-pananaliksik ang mga mag-aaral na tulad mo upang lubusan kang
maihanda sa pagdulog mo sa higit na mataas na antas ng pag-aaral.
 
 
Mga Hakbang sa Pananaliksik
                Ang mga sumusunod ay mga mabisang hakbang upang ang nagsasagawa
ng pananaliksik ay magkakaroon ng isang maayos at masistemang paraan.
 

1. Pagpili ng tamang paksa

 Dito ay isinasaalang-alang ang interes ng mananaliksik. Sinusuri kung ang paksang
napili ay napapanahon, makabuluhan at kailangan ng mananaliksik nito o ng higit na
malaking kliyente – ang lipunan o ang bansa sa kabuuan. Gayundin, kailangan
niyang mabatid kung paano lilimitahan o gagawing tiyak ang isang napakalawak na
paksa.

2. Paghahanda ng balangkas
 Dito ay inihahanda ang estruktura ng buong organisasyon ng gagawing pananaliksik.

3. Paghahanda ng bibliyograpiya
 Dito ay masusing isinasagawa ng mananaliksik ang pagpili at pangangalap ng aklat,
magasin, journal at iba pang mga mapagkukunan ng datos para sa gagawing
pananaliksik.

4. Pangangalap ng mga kinakailangang datos at material

 Dito ay binabasa ang nilalaman ng mga aklat, magaasin at journal na binabanggit sa
itaas. Pinagpapasiyahan ng mananaliksik kung aling mga datos ditto ang
mahalagang makuha at maisama sa gagawin niyang ulat.

5. Pag-oorganisa ng nilalaman batay sa balangkas

 Aayusin ng mananaliksik ang mga nakalap na datos ayon sa uri ng paglalahad o
batayang gagamitin sa ulat.

6. Pagsulat ng Pananaliksik
 Maayos na isinasagawa ang pasulat na ulat batay sa mga naunang ginawang
preparasyon ng mananaliksik. Kadalasan, ito ay inaabot ng isa o higit pang lingo
depende sa uri ng pananaliksik na isinasagawa.

7. Pagrereserba ng papel
 Dumaraan ang unang draft ng isinulat sa masusing editing ipang matiyak na may
kawastuhan sa paggamit ng wika at estilo.

8. Pagsulat ng pinal na papel

  Sa kabuuan, narito ang karaniwang balangkas ng isang ulat pananaliksik /
pamanahong papel.
Talaan ng Nilalaman
Pagpapakilala ng Pangkat / Awtor / Mananaliksik
Tagubilin para sa Pagsusulit na Oral
Dahon ng Pagpapatibay
Paghahandog
Pasasalamat
Talaan ng Talahanayan
Kabanata I           - Suliranin at Sanligan ng Pag-aaral
                         Panimula
                         Saligang Pangkasaysayan
Balangkas Konseptuwal / Teoritikal
Paglalahad ng Suliranin
Kahalagahan ng Pag-aaral
Saklaw at Delimitasyon
Katuituran ng Terminolohiyang Ginamit
Kabanata II          - Kaugnay na Pag-aaral at Literatura
                                Lokal na Pag-aaral
                                Pandaigdigang Pag-aaral
                                Lokal na Literatura
                                Pandaigdigang Literatura
Kabanata III        - Pamamaaraan
Pamamaraan ng Pananaliksik
Disenyo ng Pag-aaral
Respondente
Instrumentong Ginagamit
Kabanata IV        - Paglalahad at Pagsusuri ng Datos
Kabanata V         -Paglalagom ng mga natuklasan, Kongklusyon at Rekomendasyon
                                Lagom ng mga Natuklasan
                                Kongklusyon
                                 Rekomendasyon
                                Bibliyograpiya
                                Apendiks
                                Tala sa Buhay ng Mananaliksik
 
Kabanata 1          - Ang Suliranin at Sanligan Nito
                Nagtataglay ang panimulang bahaging ito ng mga kaalaman hinggil sa
konteksto ng suliranin. Ito ay maaaring isang makatarungang dahilan kung bakit
isinasagawa ang pag-aaral kaugnay ng mungkahi o ipinanunukalang paksa. Maaari ring
maglagay ng mga pahayag ng awtoridad hinggil sa paksa ng pananaliksik.
                Kasama sa bahaging ito ng kabanata ang mga sumusunod:

1.  Panimula - Nagpapaliwanag ang bahaging ito ng malawakang paglalarawan ng pag-

aaral at bumabanggit ng mga sitwasyon o pahayag ng mga awtoridad upang ipaliwanag kung
bakit isinasagawa ang pananaliksik.
2. Sanligan ng Pag-aaral - Makapagbibigay ng ideya na naging dahilan upang isagawa ang
pag-aaral ang bahaging ito. Binabanggit din ditto ang impormasyon hinggil sa lugar tulad
lokasyong heograpikal, kultural at demograpikong katangian, political, ekonomiya at iba pa
depende sa ginagawang pag-aaral.
3. Balangkas Teoritikal - Nagsasaad ang bahaging ito ng dahilan kung bakit ang
mananaliksik ay humahanap ng mga bagong datos sa susuriin,ipaliliwanag at lalagumin.
Nagbibigay rin ang bahaging ito ng balangkas na nagsasaad ng teorya ng mga awtor na
pinagbabatayan ng pag-aaral upang maipakita ang kaugnayan ng mga variable sap ag-aaral.
4. Balangkas ng Konseptuwal at Paradigma ng Pag-aaral - Ang bahaging ito ay nagsasaad
ng konsepto ng mananaliksik o mga ideya niya hinggil sap ag-aaral na isinasagawa. Dapat
magkaroon ng paradigm ng pananaliksik na kinabibilangan ng pinagbabatayan (input), proseso
(process) at kinalabasan (output). Ang paradigm ay kinakailangang ipaliwanag ng mananaliksik.
 
PINAGBABATAYAN------------------- PROSESO---------------------KINALABASAN
 

5. Paglalahad ng suliranin - Ang paglalahad ng suliranin ang nagsasaad ng direksyon

upang masagot ang mga tiyak na katanungan. Nahahati ito sa pangkalahatang suliranin at sa
mga kaugnay na tiyak na suliraning maaaring ipahayag nang patanong o pasalaysay.
6. Palagay / Hinuha - Ang palagay o hinuha ay bahagi ng pananaliksik na kailangang
patunayan o suriin. Ang palagay ay tinatanggap bilang katotohanan batay sa obserbasyon o
batay sa umiiral na mga konsepto na batay sa mga naunang pag-aaral.
7. Hypotesis - Ito ay pangungusap na naglalahad ng estadistikang paghahambing o
naglalayong matiyak ang kaugnayan sa pagitan ng mga variables.
8. Kahalagahan ng Pag-aaral - Dito ay iniisa-isa ng mananaliksik ang magiging
kahalagahan ng pag-aaral sa kanyang target audience.
9. Saklaw ng Delimitasyon ng Pag-aaral - Inihahanay ng mananaliksik sa bahaging ito ang
limitasyon ng kanyang pag-aaral. Binabanggit kung ilan ang kanyang respondents at kung ano
lamang ang saklaw ng paksang pag-aaralan.
10. Pagpapakahulugan sa mga terminolohiya - Sa bahaging ito, bibigyan ng katuturang
operasyonal (operational definition) o konseptwal (conceptual definition) ang mga salitang
gagamitin sa pananaliksik.