YESSINTA ZAHRO A.

H / XII MIPA 1 / 02

Sakolah ètengnga Pandemi

Lagghu arè nyapa kalabân cè' tera’na, mataarè masok lèbèt jèndèla. Samangkèn, ampon bâllu' bulân
Sinta sakolah è bengko. Kabbhi polana wabah virus Corona. Bhân arè sajân bânnya' sè è capo'. Sinta bân ca-
kanca è soro è bengko bhâi. Ghi’ talèyer, Sinta nerossaghi mèmpèna. Sinta molaè ngarassah tagânggu
klabân kasa' dering hp, ta' coma sakalèh namong li-bâliyân hp terros amonyi. Sinta seddhingaghi hp dâ'
kopeng, bân kasa' è sebrang dissa’ mangejjhit Sinta.

“Sinta, absen”, ca’na orèng è sebrang dissa’

Bân soca mancella’ Sinta ajâwâb, “Oiyâ, engkok’ loppa”, Sinta pas ngodi'aghi laptop ghâbây absen. Sinta
molaè mokka’ aplikasi pessen è HP. Ca-kancana molaè ènger nyator tugas sè kodhu èkompollaghi arè rèya.

“Tugas bhâsah madhurâ sè è LKS bâdâ sè marè?”, tanya Ana sala sèttong kancana.

“Engko’ ghita' “ , nyaot Rima kanca sè laènna.

“Engko’ kia ghita' “, nyaot Lia bân Isti abhârengan.

“Tugas Matematika?”, tanya Diyah

“Engko’ marè, marèna è kèrèmanna”, nyaot Sinta

Bhân arè nyator rowa, sè è kacator pagghun sè tugas,tugas, bân tugas. Kadhâng è arè libur ghi' bâdâ
tugas sè kodhu èpamarè. Laènna, Sinta jhugân mokka’ pessen dâri ghuruna. bânnya' ca-kancana sè atanya'
materi pengajhârân arè rèya.

“Assalamu’alaikum bhu, maaf sabelunna kaulâ ta' paham sarèng materi arè panèka”, tolès Dayat.

“Maaf bhu, kaulâ jhughân kanton paham”, tolès kanca sè laènna.

“Wa’alaikumsalam nak, kalamon ghi' ta' paham ba’na sadhâjâ kèngèng nyarè referensi è laènna yâ. Terros
semangat ajhâr”, oca’ Ghuru

Aghuna’aghi sistem ajhâr daring arèya, akadhâng bâdâ masalah sè èaddhepi sarèng siswa bân ghuru,
akadhâng materi pengajhârân sè ghita' è jelassaghi langsung èberri’ tugas. Hal rowa dâddhi masalah bâgi
siswa, polana tugas sè èberri’ bân ghuru lebbi bânnya’.

Kemendikbud sè atangghung jâwâb dâlem situasi arèya nyoba’ bânnya’ cara makle kabbhi siswa
kèngèng noro’ pangajhârân daring. Kemendikbud nyedia’aghi brâmpan situs resmi aèssè materi-materi
pengajhârân bân kelas sè bhidâ-bhidâ. Sinta bân ca-kancana nyoba’ ajhâr materi sè ta' èpahami dâri situs
kasebbhut. Kemendikbud jhughân toman aberri' paket internet bâgi siswa bân ghuru.

Meskè è masa pandemi arèya Sinta bân ca-kancana kodhu pagghun atahan bân situasi sè èalami
bhâdhih bânnya' hikmah antarana, siswa jhughân ghuru bisa ajhâr teknologi ghâbây tonjhâng ajhâr secara
online arèya. E èra teknologi sè ampon canggih arèya, ghuru jhughân siswa ètontot sopajâ aghâdhui
kamampoan dâlem bidang teknologi.