DUNAN

Mosripa L. Kasim
Maguindanaon
Madakel I pedtalu, subla!
Endaw I dala na dika den mangilay.
Endaw bu I aden na tubu ba.
Mataw ka masukul, uman gay.
Pakakan ka, pakainum;
Pakaginawa ka, pakageram;
Pakanggagalbek ka, pakalakaw;
Pakadtalu, bibigyag ka- katamanan a malalabendaw!
Dikena sa langun na timpu,
Di kasukul na makalidu sa tidtu.
Aden gay a niyanin tudtul,
Pedtepad bu kanu kadalem sa untul.
Kapangawat kanu kalalakaw,
Dika enggula I niya nengka bu kawaten temekaw
Na su endaw bu I mailay nengka endu katungan.
Susek ka sa matibpes, sandeng ka sa mawatan.
Aden gay a su nasasangan na dikena den kasasangan
Gemandel kanu kapanik nengka.
Daka mumbal sa dunan,
Sa endaw I leka a tamanan.
Daka ebpelen sa makaisa makaduwa a sangkad.
Magaga nengka sumubla na sublay ka akad taman sa akad.
Asal na mauma su tadtaban,
Daka mumbal sa dunan.

English translation
BOUNDARY
Mosripa L. Kasim

Many are saying, they’re plenty!

Don’t hunt what is missing.
Stick on what is there.
Be contented, everyday.
You can eat, drink;
You can breathe, feel;
You can move, walk;
You can talk, you exist – a warm life!
Not in all chances,
Discontentment knots with ultra sadness
Sometimes, it has a story
Of rising above from flood.
Angling while in walk,
Don’t just try to get
Only what you see and see underneath.
Firmly go through, look far as you can.
Sometimes, enough is not enough.
Tugs you from soaring.
Don’t set a boundary
To your utmost border.
Don’t freeze from one-two steps.
If you can be more, be more from sunday until sunday.
For you to reach the edge,
Don’t set a boundary.