Edukasyon sa Pagpapakatao – Ikawalong Baitang

Unang Markahan – Modyul 4: Pagmamahalan at Pagtutulungan: Susi sa

Pagpapatatag ng Pamilya
Unang Edisyon, 2020

Isinasaad sa Batas Republika 8293, Seksiyon 176 na: Hindi maaaring magkaroon
ng karapatang-sipi ang sinuman sa anumang akda ng Pamahalaan ng Pilipinas.
Gayunpaman, kailangan na may pahintulot ng ahensiya o tanggapan ng pamahalaan na
naghanda ng akda kung ito ay pagkakakitaan. Kabilang sa mga maaaring gawin ng
nasabing ahensiya o tanggapan ay ang pagtakda ng kaukulang bayad.

Ang mga akda (kuwento, seleksiyon, tula, awit, larawan, ngalan ng produkto o
brand name, tatak o trademark, palabas sa telebisiyon, pelikula, atbp.) na ginamit sa
modyul na ito ay nagtataglay ng karapatang-ari ng mga iyon. Pinagsumikapang malikom
ang mga ito upang makuha ang pahintulot sa paggamit ng materyales. Hindi inaangkin
ng mga tagapaglathala at mga may-akda ang karapatang-aring iyon. Ang anumang gamit
maliban sa modyul na ito ay kinakailangan ng pahintulot mula sa mga orihinal na may-
akda.

Walang anumang bahagi ng nilalaman nito ang maaaring kopyahin o ilimbag sa

anumang paraan nang walang pahintulot sa kagawaran.
Inilathala ng Kagawaran ng Edukasyon Dibisyon ng Lungsod ng Pasig.

Komite sa Pagsulat ng Modyul

Manunulat: Leilani C. Lucero
Editor: Perlita M. Ignacio, RGC, Ph. D., Victor M. Javeña Ed. D
Tagasuri: Perlita M. Ignacio, RGC, Ph. D., Josephine Z. Macawile
Tagaguhit: Rema A. Domingo

Tagapamahala: Ma. Evalou Concepcion A. Agustin

OIC-Schools Division Superintendent
Aurelio G. Alfonso EdD
OIC-Assistant Schools Division Superintendent
Victor M. Javeña EdD
Chief, School Governance and Operations Division and
OIC-Chief, Curriculum Implementation Division

Education Program Supervisors

Librada L. Agon EdD (EPP/TLE/TVL/TVE)

Liza A. Alvarez (Science/STEM/SSP)
Bernard R. Balitao (AP/HUMSS)
Joselito E. Calios (English/SPFL/GAS)
Norlyn D. Conde EdD (MAPEH/SPA/SPS/HOPE/A&D/Sports)
Wilma Q. Del Rosario (LRMS/ADM)
Ma. Teresita E. Herrera EdD (Filipino/GAS/Piling Larang)
Perlita M. Ignacio PhD (EsP)
Dulce O. Santos PhD (Kindergarten/MTB-MLE)
Teresita P. Tagulao EdD (Mathematics/ABM)
Inilimbag sa Pilipinas, Kagawaran ng Edukasyon – Pambansang Punong Rehiyon
Tanggapan ng mga Paaralan ng Sangay-Lungsod Pasig
 Edukasyon sa
Pagpapakatao 8
Unang Markahan
Modyul 4 para sa Sariling Pagkatuto
Pagmamahalan at Pagtutulungan:
Susi sa Pagpapatatag ng Pamilya
Paunang Salita

Para sa tagapagdaloy:
Malugod na pagtanggap sa asignaturang Edukasyon sa Pagpapakatao 8
Modyul para sa araling Pagmamahalan at Pagtutulungan: Susi sa Pagpapatatag
ng Pamilya!

Ang modyul na ito ay pinagtulungang idinisenyo, nilinang at sinuri ng mga

edukador mula sa Tanggapan ng mga Paaralan ng Sangay-Lungsod Pasig na
pinamumunuan ng Nanunuparang Pinuno-Tanggapan ng Pansangay na
Tagapamanihala, Ma. Evalou Concepcion A. Agustin, sa pakikipag-ugnayan sa Lokal
na Pamahalaan ng lungsod sa pamumuno ng butihing Punong Lungsod, Kgg. Victor
Ma. Regis N. Sotto, upang matulungang makamit ng mag-aaral ang pamantayang
itinakda ng Kurikulum ng K to12 habang kanilang pinanagumpayan ang pansarili,
panlipunan at pang-ekonomikong hamon sa pag-aaral.

Inaasahan na sa pamamagitan ng modyul na ito, ang mga mag-aaral ay

makauugnay sa pamamatnubay at malayang pagkatuto ng mga gawain ayon sa
kanilang kakayahan, bilis at oras. Naglalayon din itong matulungan ang mag-aaral
na makamit ang mga kasanayang pang-ika-21 siglo lalong-lalo na ang 5 Cs
(Communication, Collaboration, Creativity, Critical Thinking and Character) habang
isinasaalang-alang ang kanilang mga pangangailangan at kalagayan.

Bilang karagdagan sa pangunahing teksto, makikita ang pinakakatawan ng

modyul sa loob kahong ito:

Mga Tala para sa Guro

Ito'y naglalaman ng mga paalala at
estratehiyang magagamit sa paggabay sa
mag-aaral.

Bilang tagapagdaloy, inaasahang bibigyan mo ng paunang kaalaman ang

mag-aaral kung paano gamitin ang modyul na ito. Kinakailangan ding subaybayan
at itala ang pag-unlad nila habang hinahayaan silang pamahalaan ang kanilang
sariling pagkatuto. Bukod dito, inaasahan mula sa iyo na higit pang hikayatin at
gabayan ang mag-aaral habang isinasagawa ang mga gawaing nakapaloob sa
modyul.
Para sa mag-aaral:

Malugod na pagtanggap sa Edukasyon sa Pagpapakatao 8 Modyul ukol sa

Pagmamahalan at Pagtutulungan: Susi sa Pagpapatatag ng Pamilya!

Ang modyul na ito ay ginawa bilang tugon sa iyong pangangailangan. Layunin

nitong matulungan ka sa iyong pag-aaral habang wala ka sa loob ng silid-aralan.
Hangad din nitong madulutan ka ng mga makabuluhang oportunidad sa pagkatuto.

Ang modyul na ito ay may mga bahagi at icon na dapat mong maunawaan.

MGA INAASAHAN
Sa bahaging ito malalaman mo ang mga dapat mong
matutuhan pagkatapos mong makumpleto ang modyul.

PAUNANG PAGSUBOK
Dito masusukat ang dati mo nang kaalaman at mga dapat mo
pang malaman sa paksa.

BALIK-ARAL
Dito masusukat ang iyong matutuhan at naunawaan sa mga
naunang paksa.

ARALIN
Tatalakayin sa bahaging ito ang aralin batay sa kasanayang
pampagkatuto.

MGA PAGSASANAY
Sa bahaging ito, pagbibigay ng guro ng iba’t ibang pagsasanay
na dapat sagutin ng mga mag-aaral.

PAGLALAHAT
Sa bahaging ito ibunuod ang mahahalagang konsepto na dapat
bigyang-halaga.

PAGPAPAHALAGA
Sa bahaging ito ay titiyakin kung ang mga kasanayang
pampagkatuto ay naiuugnay at nailalapat sa inyong mga
pagpapahalaga.

PANAPOS NA PAGSUSULIT
Dito masusukat ang mga natutuhan ng mga mag-aaral.
 MGA INAASAHAN

Naisasagawa ang mga angkop na kilos tungo sa pagpapatatag ng pagmamahalan at

pagtutulungan sa sariling pamilya

Mga Layunin:

Sa katapusan ng aralin, ang mga bata ay inaasahang:

A. natutukoy ang kahalagahan ng pagsasagawa ng angkop na kilos tungo sa

pagpapatatag at pagtutulungan sa pamilya;
B. napatutunayan na may iba’t ibang pagpapahalaga ang bawat kasapi ng
pamilya na dapat taglayin upang mapatatag ang pagmamahalan at
pagtutulungan sa sariling pamilya; at
C. naisasagawa ang mga angkop na kilos tungo sa pagpapatatag ng
pagmamahalan at pagtutulungan sa sariling pamilya.

PAUNANG PAGSUBOK

Panuto: Ano-anong mga pagpapahalaga o virtues ang sa palagay mo ay

makatutulong sa pagpapatatag ng pagmamahalan at pagtutulungan sa sariling
pamilya? Isulat mo ito sa patlang. Umisip ng isa hanggang sampung pagpapahalaga.
1. ___________________ 6. ____________________
2. ____________________ 7. _____________________
3. ____________________ 8. _____________________
4. ____________________ 9. _____________________
5. ____________________ 10. _____________________

BALIK-ARAL

Panuto: Isulat sa patlang ang kulang na salita upang maging buo ang konsepto ng
pamilya bilang natural na institusiyon ng pagmamahalan at pagtutulungan. Piliin
ang tamang sagot sa loob ng kahon.
 ugnayan panlipunang-buhay
pagpapakasal pagmamahalan
lipunan pamilya

1. Ang pamilya ang una at hindi mapapalitang paaralan para sa __________.

2. Ang pamilya ang una at pinakamahalagang yunit ng __________.
3. May panlipunan at pampolitikal na gampanin ang __________.
4. Ang pamilya ay pamayanan ng mga tao na may maayos na paraan ng
pag-iral at pamumuhay na nakabatay sa __________.
5. Ang pamilya ang orihinal na paaralan ng __________.

ARALIN

Panuto: Ang bawat kasapi ng pamilya ay kakikitaan ng mga mabubuting

pagpapahalaga na nakatutulong sa pagpapatatag ng pamilya. Ano-anong mga
pagpapahalaga ang iyong hinahangaan sa kanila? Punan ang matrix ng iyong mga
sagot.

Miyembro ng Pamilya Pagpapahalagang Hinahangaan sa

Kanila
Hal.: Kapatid Madasalin
Ina
Ama
Kapatid (1)
Kapatid (2)
Kapatid (3)
Lolo
Lola
Mga Tanong:
1. Sino-sino sa miyembro ng iyong pamilya ang may malaking impluwensiya sa
iyo? Ipaliwanag ang iyong sagot kung bakit sila ang iyong napili?
___________________________________________________________________________
___________________________________________________________________________
______________________________________________________________________.
2. Ano ang mga pagpapahalagang iyong natutuhan sa kanila na ipinakikita mo
sa ngayon?
___________________________________________________________________________
___________________________________________________________________________
______________________________________________________________________.
3. Sa iyong pananaw, gaano kaimportante ang mga pagpapahalagang ito para
sa pagpapatatag ng iyong pamilya?
___________________________________________________________________________
___________________________________________________________________________
______________________________________________________________________.
 Mga Pagpapahalagang Nakatutulong sa Pagpapatatag ng Pagmamahalan at
Pagtutulungan sa Pamilya
Subukin mong tukuyin kung ano ang mga pagpapahalagang inilalarawan sa
bawat bilang. Sa bawat pagpapahalaga ay may isang berse sa Bibliya na tumutukoy
sa pagpapahalagang ito. Isulat ang sagot sa patlang.

1. “Kaya nga sinasabi ko sa inyo, anuman ang hingin ninyo sa panalangin, manalig
kayong natanggap na ninyo iyon, at matatanggap nga ninyo.”- Marcos 11:24

Pagpapahalaga: ____________________

Ito ang unang pagpapahalaga na dapat mayroon ang bawat miyembro ng

pamilya. Sa Diyos tayo unang tumatawag sa oras ng ating pangangailangan. Sa
Kanya nanggagaling ang lakas at nagpapatatag ng ating samahan sa pamilya.

2. “ Ito ang aking utos: mag-ibigan kayo gaya ng pag-ibig ko sa inyo.”- Juan 15:12

Pagpapahalaga: ___________________

Kapag may pagmamahalan sa pamilya, nagiging laan ang bawat isa sa

pakikipagtulungan.

3. “ Mga anak, sundin ninyo ang inyong magulang, alang-alang sa Panginoon,

sapagkat ito ang nararapat. Igalang mo ang iyong ama at ina. Ito ang unang utos na
may kalakip na pangako; ganito ang pangako: ikaw ay giginhawa at lalawig ang iyong
buhay rito sa lupa.”- Efeso 6:1-3

Pagpapahalaga: ____________________

Ito ay mahalagang aspekto sa pamilya. Lubos itong kailangan upang walang

maging hidwaan at samaan ng loob sa bawat isa.
4. “ Sa pagsasabi ng tapat, lumilitaw ang katarungan, ngunit ang pagsisinungaling
ay lumilikha ng kapahamakan.” – Kawikaan 12:17

Pagpapahalaga: __________________

May kasabihan nga tayo na, “Ang pagsasama ng tapat ay pagsasama ng

maluwat”. Magaan ang samahan sa pamilya kapag may tiwala sa isa’t isa ang bawat
kasapi nito.
5.” Kayo’y maging mapagpakumbaba, mabait , at matiyaga. Magmahalan kayo at
magpaumanhinan.”- Efeso 4:2

Pagpapahalaga: ____________________

Sa pamilya, dapat ay pantay-pantay ang pagtingin sa bawat isa. Walang

nagmamalaki at nagmamataas; walang nang-aagrabiyado at nagmamaltrato. Dapat
ay handang magpakumbaba ang bawat isa para sa ikabubuti ng pagsasamahan.
6. “Napakaligaya at kahanga-hanga sa ating pangmasid, ang nagkakaisa’t laging
sama-sama na magkakapatid!”- Awit 133:1

Pagpapahalaga: ____________________
 Lalong hindi ito dapat mawala para tumibay ang samahan ng pamilya. Ang
pagkakaisa at pagtutulungan ay susi sa tagumpay ng isang pamilya.

7. “Dinggin ninyo, mga anak, ang turo ng inyong ama, sasainyo ang unawa kung
laging diringgin siya.” – Kawikaan 4:1

Pagpapahalaga: __________________

Ang pag-uunawaan ay isa ding mahalagang sangkap sa isang pamilya. Dapat

nagkakaintindihan ang bawat miyembro ng pamilya. Laging dapat laan ang bawat
isa na unawain ang kalagayan o sitwasyon ng bawat kasapi nito.

8. “ Ang taong walang pagpipigil ay tulad ng lungsod na walang tanggulan, madaling

masakop ng mga kaaway.” – Kawikaan 25:28

Pagpapahalaga: ____________________

Ito ay ang pagpipigil sa galit o anumang negatibong emosyon. Kung may

sama ng loob sa isang kasapi ng pamilya, ito ay dapat pinag-uusapan nang maayos
upang hindi na ito lumala at pagmulan pa ng mas malaking problema sa hinaharap.

9. “ Inaaliw niya tayo sa ating mga kapighatian upang makatulong naman tayo sa
mga namimighati, sa pamamagitan ng kaaliwang tinanggap natin sa kanya.”
– 2 Corinto 1:4
Pagpapahalaga: ____________________

Hindi lahat ng oras ay puro ginhawa at saya; may oras din ng pighati at
kalungkutan. Dumaranas din ang pamilya ng mga pagsubok kaya kailangan nating
magtiis sa anumang dagok na dumadating sa ating buhay, kagaya ng pandemyang
ito na ating sama-samang pinagdadaanan sa ngayon. Nasusubok ang tatag at
samahan ng bawat kasapi ng pamilya sa mga oras ng pagsasakripisyo.

10. “Sa halip, maging mabait kayo at maawain sa isa’t isa, at magpatawaran, tulad
ng pagpapatawad sa inyo ng Diyos sa pamamagitan ni Cristo.” – Efeso 4:32

Pagpapahalaga: _________________

Kailangang bukas ang loob at isipan natin sa anumang pagkakamali at

pagkukulang na nagawa sa atin ng miyembro ng ating pamilya. Ito ang bubuong
muli ng anumang samahang nasira at magpapatibay ng pagmamahalan sa isa’t isa.

Ang lahat ng mga pagpapahalagang ito ay dapat malinang natin at

maisabuhay para sa pagpapatatag ng pagmamahalan at pagtutulungan natin sa
ating sariling pamilya. Ang lahat ng ito ay pawang mahahalaga at dapat maging
angkop na kilos ng bawat kasapi ng isang pamilya. Bawat isa ay may gampaning
dapat isagawa sa pagpapatatag ng pagmamahalan at pagtutulungan sa pamilya.

MGA PAGSASANAY
Gawain 1
Panuto: Alin sa mga pagpapahalagang tinalakay ang angkop na isabuhay sa
sumusunod na sitwasyon? Magbigay ng dalawang sagot sa bawat bilang.
____________________1. Ang pamilya Santos ay dumaranas ng kagipitan at
kakulangan sa pagkain dahil sa panahon ng pandemyang dulot ng Covid .

_____________________2. Si Ayla ay napagalitan ng kanyang ina dahil sa pagbalewala

niya sa mga iniuutos sa kanya.

_____________________3. Napag-alaman ni Justin na ginamit ng nakababata niyang

kapatid ang paborito niyang hoody nang walang paalam.

____________________4. Nagkasakit ang iyong ama sa sobrang paghahanap-buhay.

Ilang buwan na siyang natigil sa pagpapasada ng taxi.

____________________5. Madalas kayong magkaroon ng tampuhan ng iyong ate at sa

tuwing nag-aaway kayo ay inaabot ng ilang buwan bago kayo magkasundong muli.

Gawain 2
Panuto: Tukuyin ang posibleng maging epekto sa pamilya ng sumusunod na
sitwasyon sa larawan. Isulat ang sagot sa patlang.

2.

Family Problem. 2018. Canva. https://www.canva.com/ Lazy Boy. 2019. Canva. https://www.canva.com/.

1. 2.

3. 4.

5._____________________________
Gawain 3:

Panuto: Anong pagsasakripisyo ang kaya mong gawin para sa iyong pamilya? Isulat
ang iyong magiging tugon sa bawat sitwasyon na maaaring kaharapin ng pamilya sa
panahon ngayon na puno ng mga pagsubok sa buhay.

1. Kapag patuloy na tumaas ang bilang ng mga taong maysakit at positibo sa

Covid 19, pipilitin kong _________________________________.
2. Wala nang pinagkakakitaan ang aking mga magulang, si kuya na lamang ang
inaasahan ng aming pamilya sa mga gastusin sa bahay, puwede akong
_______________________________________________________.
3. Pasukan na sa darating na Agosto wala pa rin akong laptop o gadyet na
maaaring gamitin para sa gagawing klase online, siguro puwede namang
____________________________________________________________.
4. Sa tuwing araw ng Linggo ay patuloy pa rin sa work from home ang aking mga
magulang, kailangan kong _______________________________.
5. Marami nang sumusubok na magtinda online pero sa tingin ko
____________________________________________________________________.

PAGLALAHAT

Ano ang mahalagang konseptong iyong natutuhan mula sa araling

“Pagmamahalan at Pagtutulungan: Susi sa Pagpapatatag ng Pamilya”? Sumulat ng
tatlong salita sa tapat ng bawat kahon na tumutugon sa iyong natutuhan sa
modyul na ito.

Pagmamahalan Pagtutulungan Pamilya

 PAGPAPAHALAGA

Panuto: Sagutin ang tanong:

Paano mo naipakikita ang pananalig at pagsampalataya mo sa Diyos sa
panahon ng pandemyang Covid 19? Pagnilayan ang iyong sagot. Sa simpleng paraan
ay lumikha ka ng maikling tula o awitin na maglalaman ng saloobin mo sa tanong
na ito. Magsulat ng dalawang saknong ng tula o kanta. Subukin mong i-post ito sa
iyong social media account.

PANAPOS NA PAGSUSULIT

Panuto: Basahin at unawain ang sumusunod na sitwasyon at piliin ang letra ng

may angkop na kilos tungo sa pagpapatatag ng pagmamahalan at pagtutulungan sa
sariling pamilya. Bilugan ang titik ng tamang sagot.

1. Batid mong puyat si kuya pero siya ang nautusang tumapos ng pagbabalot ng
mga paninda sa inyong negosyo. Alin sa mga nabanggit na kilos ang dapat mong
gawin?

A. Piliting gisingin si kuya dahil mahuhuli na ang pagdedeliber ng mga

paninda.
B. Sabihin sa magulang na hindi pa nagagawa ng kuya mo ang trabaho para
mapagalitan ito.
C. Magkusang balutin ang mga paninda kahit na hindi mo alam ang tamang
gagawin sa mga ito.
D. Saglit na gisingin si kuya at magpaturo sa kaniya ng tamang pagbabalot
upang masimulan mo na ang trabaho.

2. Malapit na ang enrolment ng iyong bunsong kapatid. Batid mong wala pang
naipong pangbayad sa matrikula ang iyong magulang dahil nawalan ng trabaho ang
iyong ama. Ano kaya ang tama mong gawin sa ganitong sitwasyon?

A. Ipahihiram ko muna ang perang naipon ko.

B. Papayuhan ko silang ilipat na lamang sa pampublikong paaralan ang aking
kapatid para kaparehas mo na siya.
C. Ipaliliwanag ko sa aking kapatid ang totoong sitwasyon namin sa buhay dahil
sa pandemyang Covid 19 upang kusang loob na siyang magpalipat sa
pampublikong paaralan.
D. Ipo-post ko sa facebook na nangangailangan kami ng tulong pinansiyal para
sa pag-aaral ng aking kapatid nang sa gayon ay makalikom kami ng sapat
na pera na pambayad sa kanyang matrikula sa darating na pasukan.
3. Driver ng taxi ang iyong ama. Sa tuwing uuwi siya ng bahay ay pagod na pagod
ito at diretso agad sa pagyakap sa inyo sabay punta sa hapag kainan ng hindi man
lamang naghuhugas ng kamay. Batid mo ang peligrong maaari niyang makuha sa
maling gawing ito dahil siya ay nakaharap sa iba’t ibang pasaherong puwedeng
positibo sa Covid 19. Ano ang pinakamainam mong gawin sa ganitong sitwasyon?

A. Sabihan ang ama na maghugas muna ng kamay bago kumain.

B. Layuan ang ama at sabihang maligo muna ito bago kayo yakapin.
C. Bigyan ng alkohol ang ama pagkapasok pa lamang ng inyong bahay.
D. Kausapin nang mabuti ang ama sa maaaring mangyari kapag hindi niya ginawa
ang mga tamang hakbang para makaiwas sa virus at turuan siya ng tamang gawin.

4. Nabalitaan mo na ang iyong kaibigan ay nagtitinda online ng mga pagkaing

iniluluto ng kanyang ina. Nais mo rin itong subukin ngunit batid mo na wala kayong
perang puwedeng gamiting puhunan sa pagtitinda. Ano ang naiisip mong paraan na
kaya mong gawin para makatulong sa iyong pamilya?

A. Makikisali ako sa aking kaibigan para makahingi ng komisyon kahit maliit na

halaga lamang.
B. Titingin ako sa internet ng iba pang puwedeng pagkakitaan na hindi
nangangailangan ng puhunan at lakas-loob ko itong susubukin.
C. Kukumbinsihin ko ang aking ina na manghiram ng pera sa bumbay upang
makapagsimula kami ng negosyo online.
D. Magtitipid na lamang ako ng aking allowance araw-araw upang makaipon ng
perang pampuhunan upang mapakita ko sa aking kaibigan na kaya ko ring
magkaroon ng negosyo online katulad niya.

5. Halos apat na buwan ka ng nakatigil sa inyong bahay dahil sa Covid 19, lahat na
yata ng puwedeng paglibangan ay nagawa mo na. Nasanay ka na sa araw-araw na
gawain mo mula paggising hanggang pagtulog. Napagtanto mo na wala ka pa halos
nagagawang kapaki-pakinabang para sa iyong pamilya. Alin sa sumusunod ang
pinakaposible mong maisakatuparan sa loob ng madaling panahon?
A. Mag-aaral magluto at magtitinda online.
B. Mag-eehersisyo at magpipigil na sa pagkain.
C. Magtitipid ng kuryente at titigil na sa pamimili online ng mga gamit na di naman
kailangan.
D. Gigising nang maaga araw-araw, maglilinis ng bahay at maghahanap ng mga
gawaing bahay na kaya mong gawin.
Paunang Pagsubok:
(Hindi mahalaga ang pagkakasunod-sunod ng mga sagot. Ang ibang
pagpapahalagang maidadagdag ng mag –aaral maliban sa mga nakasulat
ay maaari ring maging tamang sagot.)
1. Pananalig sa Diyos 6. Pagkakaisa at Pagtutulungan
2. Pagmamahal 7. Pag-unawa
3. Paggalang at Respeto 8. Pagtitimpi
4. Pagtitiwala at Katapatan 9. Pagsasakripisyo
5. Pagpapakumbaba 10. Pagpapatawad
Balik-aral:
1. panlipunang-buhay
2. lipunan
3. pamilya
4. ugnayan
5. pagmamahalan
Aralin:
1. Pananalig sa Diyos 6. Pagkakaisa at Pagtutulungan
2. Pagmamahalan 7. Pag-unawa
3. Paggalang at Respeto 8. Pagtitimpi
4. Pagtitiwala at Katapatan 9. Pagsasakripisyo
5. Pagpapakumbaba 10. Pagpapatawad
Pagsasanay
Gawain 1: (Alin man sa sumusunod na sagot sa bawat bilang ay tama.)
1. Pagsasakripisyo/Pag-unawa/Pananalig sa Diyos
2. Pagmamahal/Paggalang at Respeto
3. Pag-unawa/Pagtitimpi/Pagmamahal
4. Pagmamahal/Pagtutulungan at Pagkakaisa
5. Pag-unawa/Pagpapatawad/Pagpapakumbaba/Pagmamahal
Gawain 2 at 3:
Maaaring may iba’t ibang sagot ang mag-aaral.
Paglalahat at Pagpapahalaga:
May iba’t ibang sagot ang mag-aaral na hango sa kanilang
natutuhan mula sa aralin.
Panapos na Pagsusulit:
1. D 2. C 3. D 4. B 5. C
SUSI SA PAGWAWASTO
 Sanggunian
Angry Dad. 2018. Canva. https://www.canva.com/.

Bognot, Regina. Edukasyon Sa Pagpapakatao Baitang 8, Modyul Para Sa

Magaaral. Pasig: Kagawaran ng Edukasyon, 2013.

Family at the Dining Table with Gadget. 2020. Colourbox.

https://www.colourbox.com/vector/family-at-the-dining-table-with-
gadget-vector-11866008.

Family Praying Together. 2013. The Churchdogs.

https://thechurchdogs.blogspot.com/2013/07/the-mass-part-
i.html?fbclid=IwAR0RgRnACJp2VBvB3Sxc7yrZBXi__82zbDJNlKdUu62
53ctxSsI4mm-HzQI.

Family Problem. 2018. Canva. https://www.canva.com/.

Lazy Boy. 2019. Canva. https://www.canva.com/.

Mann, Denise. “15 Secrets to Have a Happy Family.” WebMD. WebMD,

January 1, 2007. https://www.webmd.com/parenting/features/15-
secrets-to-have-a-happy-family.

Porto, Stacey. “Practice a Virtue Archives.” Virtues For Life, 2018.

https://www.virtuesforlife.com/category/practice-a-virtue.

Punsalan, Twila. Edukasyon Sa Pagpapakatao Baitang 8, Modyul Para Sa

Magaaral. Quezon: Kagawaran ng Edukasyon, 2018.