Katanungan: Paano natulungan ng mga gawaing pangkomunikasyong ito ang bida sa
pelikula upang maharap niya ang mga hamon upang maresolba ang mga problema na itinatampok sa kwento?
Sa aspeto ng pakikipagtalastasan at pakikipag ugnayan sa buhay, kabalikat natin
ang komunikasyon upang maging banayad at mairaos ang isang ideya at paksa ng pinag-uusapan. Sa gitna ng isang napaka-ingay na mundo na puno ng samu’t saring hinaing, nagpapakita lamang ito na ang bawat isa ay nais tumindig at magsalita, mapakinggan at maunawaan. Sa isang naratibong naglalatag ng kasaysayan ng digmaan, isang napakalaking papel ang ginampanan ng komunikasyon. Pamula sa mga mungkahi ng bawat isa hanggang sa sigaw ng nag-aalab na puso, mababakas ang presensya ng pakikipag-ugnayan.
Ang komunikasyon ay nagsisilbing tulay upang maisakatuparan ang ilan sa
kanilang mga layunin. Mapapansin ang palitan ng liham at mga pagtitipon ng mga kinatawan, ang mga ito ay nabibilang sa ilalim ng aspeto ng komunikasyon. Naisasakatuparan ang ilang mga utos, dahil nagiging matagumpay ang pagpapahayag o pagbabahagi ng kautusan pamula sa puno ng usapan hanggang sa taong tagapakinig. Mababakas din natin ang ilan sa mga negatibong aspeto ng komunikasyon, halimbawa na lamang dito ay ang chismis at pagdadagdag sa eksenang ang mga kinatawan ay nag-ulat na ninais daw ni Heneral Luna na maging isang diktador. Sa tulong ng komunikasyon natulungan nito sina Heneral Luna upang maipahayag ng maliwanag ang kanilang sarili, “Negosyo o kalayaan bayaan o sarili pumili ka” tulad na lamang ng katagang nabanggit ni Heneral Luna sa isang pagpupulong taos puso niyang naipahayag ang kanyang paga dismaya sa kahinaang loob at pagsasawalang bahala ng ilang kinatawan sa presensya ng mga Amerikano. Nakatulong ang komunikasyon sa napaka-raming paraan, nawa ay maging mas mapanuri at masigasig ng pagpapaliwaig ng mas makabuluhan at makatotohanang pakikipag-ugnayan sa kapwa.
Labas sa paksa at akin lamang pong natutunan at nais banggitin:
“Sa unang tingin, sa madilim na paligid. Di madaling mataos ang
nagkukubling repleksyon”, para sa akin di nila lubos naintindihan ang layunin ni Heneral Luna. Nagpadala sila sa kung ano ang kanilang oberbasyon at palagiang nakikitang karakter mula sa Heneral. Nagkulang lamang sila sa pagtatanong at pag- intindi kung bakit, ano at para saan ang lahat ng hakbanging ginawa ng nasirang Heneral. Kung kaya’t napaka halagang makipag-ugnayan, di lamang upang ikaw ay maunwaan kundi na rin para irespeto nila ang iyong pansariling desisyon at pananaw sa buhay.