PRIMALS 4-6

Pedagogical Retooling in Mathematics, Languages,

and Science for Grades 4-6 Teachers

Session 5.0
Integratibong dulog o
lapit sa pagtuturo ng mga
makrong kasanayan sa
filipino 4-6

Learning Action Cell Session Guide

Filipino 4-6

Prepared by:

ALEXANDER F. ANGELES
Education Program Supervisor I
Gapan City Schools Division Office
Department of Education - Region I
Layunin ng Sesyon

Pagkatapos ng sesyon, inaasahan na ang mga guro ay matutuhan at maisagawa

ang mga sumusunod:
1. Integratibong dulog o lapit sa pagtuturo ng mga kasanayan;
2. Mga paraan ng intergratibong dulog o lapit; at
3. Pagsasagawa ng integratibong dulog o lapit sa pagtuturo ng pagbasa,
pagsulat, pagsasalita, pakikinig, at panonood.

Susing Pang-unawa o Punto ng Pang-unawa

Integratibong Dulog/Lapit
1. Ito ay paraan ng pagtuturo na pinagsasanib o pinag-uugnay ang mga
makrong kasanayan: pagbasa, pagsulat, pagsasalita, pakikinig, at panonood
tungo sa mabisang pagtatamo ng mga mag-aaral ng kahusayan sa Filipino.

Katangian ng Integratibong Dulog

1. May tema o paksa na pinag-uugnay ang lahat ng mga kasanayan.
2. Ang pag-uugnay ng mga kasanayan ang magbibigay daan sa makabuluhang
pagkatuto o masteri ng mga kasanayan.
3. Nagkakaroon ng kabuuang pananaw ang mga mag-aaral sa pagkatuto ng
mga kasanayan sa halip na hiwa-hiwalay na pagtuturo ng mga ito.
4. Natutulungan ng ibang kasanayan ang paglinang sa iba pang kasanayan
tulad sa pag-uugnayan ng pagbasa at pagsulat (reading-writing connection)
Kailangang Kagamitan Inaasahang Oras

 LCD Projector 2 oras/ 120 minuto

 Laptop
 Manila Paper
 Pentel pen
 Powerpoint Presentation
Sanggunian
PRIMALS
“Magandang araw sa lahat. Maligayang pagkatuto at pagsasagawa sa isang
kapana-panabik na sesyon ng LAC. Sa ngayon, magkakaroon tayo ng paglalakbay
sa daan patungo sa matagumpay na pag-aaral. Magsimula tayo…Handa na ba
kayo! (Maaaring sagot…Aba siyempre!)
Gabay para sa tagapagdaloy ng LAC: Kung mayroon kang mas mababa sa 10
kalahok, hilingin sa bawat isa na ibahagi sa buong grupo ang isinagawang gawain.
Kung mayroong higit sa 10, hilingin sa tatlong (3) grupo na ibahagi ang kanilang
mga sagot. Pagkatapos ay pasalamatan sila sa pagbabahagi ng kanilang mga
saloobin.")

Panimula (10 minuto)

“Sa araw na ito, isang napapanahong paksa ang ating tatalakayin (Ipakita
ang pamagat ng sesyon sa slide #1) ito ang Integratibong Dulog o Lapit sa Pagtuturo
ng mga Makrong Kasanayan sa Filipino 4-6. Layunin ng paksang ito ang… (ipakita

2
ang slide #3 at ipabasa sa mga kalahok ang layunin). Matapos mabasa ang layunin
hingan ng ideya ang mga kalahok sa nais ipahiwatig ng mga layunin.”

Gabay para sa tagapagdaloy ng LAC: Ipagawa ang pangkatang gawain.

Gawain (20 minuto)

1. Pangkatin ang mga kalahok sa 3 pangkat. Bawat pangkat ay pipili ng
tagapagdaloy, tagatala, at taga-ulat.
2. Bawat pangkat ay (1) gagawa ng isang dayagram na nagpapakita ng
kanilang kaisipan tungkol sa konsepto o pakahulugan sa integratibong
paraan ng pagtuturo. Ito ay gagawin sa loob ng sampung minuto (10).

Gabay para sa tagapagdaloy ng LAC: Matapos ang itinakdang oras sa gawaing

isinagawa iuulat ito ng bawat pangkat.

PAGSUSURI (20 minuto)

Lagyan ng pahayag pamprosesong pahayag

Pakinggang mabuti ang bawat nag-uulat at suriin kung ang itinakdang gawain
ay mabisang naisagsawa. Malayang magtanong ang bawat isa.

Ipalahad sa bawat pangkat ang nabuong dayagram. Pagkatapos ang pag-uulat ng

bawat pangkat iproseso ito.

Gabay ng Tanong:

1. Anong paraan ng integretatibong dulog o lapit ang ginagagawa niyo sa

inyong klase? Maglahad ng pinakamahusay na gawi (best practices) na
inyong ginagawa.
2. Naging epektibo ba ito? Bakit?
3. Paano nakatulong ang mga gawing (practices) ito sa pagpapahusay ng
bawat mag-aaral?

ABSTRAKSIYON (40 minuto)

Sa bahaging ito ipapanood ang isang video presentation na tumatalakay sa paksa.

Sabihing panoorin itong mabuti at suriin sapagkat iuugnay ang gawaing ipinagawa
sa gawaing makikita sa pinanood. Ihinto ang video sa bahaging may kaugnayan sa
gawaing isinagawa (ihinto sa oras na ito 0:35:58). Itanong ang mga sumusunod:
1. Magkapareho ba ang naging kasagutan ninyo sa gawain?
2. Ano-ano ang mga konsepto na wala sa inyong kasagutan na nakita ninyo sa
sagot ng mga kalahok sa video na inyong pinanonood?
3. Ibigay ang inyong realisasyon sa gawaing isinagawa matapos mapanood
ang katulad na gawain na inyong isinagawa?

Panonood ng Video #1. Integratibong Dulog o Lapit sa Pagtuturo ng mga Makrong

Kasanayan sa Filipino 4-6
Resource Person: Dr. Lydia Liwanag, PRIMALS 4-6
National Training of Trainers

3
Ipagpatuloy ang panonood. Matapos mapanood ang video magkaroon ng
talakayan.

Pagtalakay
1. Batay sa pinanood ano ang konsepto o pakahulugan sa integratibong paraan
ng pagtuturo sa Filipino 4-6?
2. Bakit mahalaga ang masteri sa mga naangkop na gawi sa pag-unlad
(developmental appropriate practices) sa integratibong dulog sa pagtuturo ng
mga makrong kasanayan sa Filipino 4-6?
3. Ano-ano ang mahahalagang konsepto ang iyong natutuhan sa pinanood na
video na malinaw na tumatalakay sa paksa ng tagapagtalakay?
4. Angkop ba ang lahat ng talakay na napanood sa mga mag-aaral sa ika-21
siglo? Patunayan sa pamamagitan ng paglalahad ng sariling karanasan.

Repleksiyon
1. Bakit mahalaga ang papel ng guro sa paglinang ng integratibong dulog sa
pagtuturo ng mga makrong kasanayan?
2. Paano maipapakita ang kahalagahan ng kaalaman at kasanayan ng guro sa
mga paraan sa/ng integretibong dulog sa pagtuturo ng mga makrong
kasanayan sa Filipino 4-6 na lilinang sa mag-aaral upang mag-isip at lumikha
ng mga ideya na magagamit sa pagbibigay ng solusyon sa mga pang-araw-
araw na problema sa loob at labas ng paaralan?

Gabay para sa tagapagdaloy ng LAC: Matapos ang talakayan at repleksiyon

magkakaroon muli ng pangkatang gawain tungkol sa pag-aayos (realignment) ng
kasanayan sa gabay na kurikulum sa Filipino 4-6 upang masusing masipat kung
integratibong magkaka-ugnay (integral interrelated) ang dulog o lapit na inilapat sa
bawat makrong kasanayan.

Aplikasyon (30 minuto)

1. Patingnan sa bawat pangkat ayon sa baitang ang mga kasanayan o

kompetensi na nasa kurikulum sa Baitang 4-6.
2. Ipatala sa bawat pangkat ang mga kasanayan sa pagbasa, pagsulat,
pakikinig, pagsasalita, at panonood na magkakaugnay na maituturo sa isang
buong aralin sa isang lingo.
3. Ipalagay sa matrix ng mga kasanayan ang nabuong pag-uugnayan kasama
ang mga kasanayang hindi gaanong nalinang.
4. Presentasyon ng bawat pangkat ayon sa baitang.
5. Pagbibigay ng puna o mungkahi ng mga kalahok sa ginawa ng bawat
pangkat.

Pampinid

Nakasalalay sa ating mga kamay kung magiging buhay o patay ang mga
talakayan at pag-aaral sa loob ng ating silid.