Sa pag-uulat, ang estandardisasyon ay isa sa mga hakbang upang mapaunlad at
mapalawak ang ating wika. Ayon sa pag-uulat ni Bb. Jasmine, ang estandardisasyon ay isang pamamaraan o proseso kung paano maaaring tanggapin at gamitin ng nakararaming taong gumagamit ng wika ang isang tiyak na talaan ng mga talasalitaan o bokabularyo sa isang tiyak na disiplina ng karunungan. At ito ay dinagdagan ng aming guro na kapag estandardisado ang isang wika, nagkakaroon ng gabay at tuntunin sa paggamit ng wika. Tapos, dinagdagan ni Bb. Hillary na may kahalagahan ang estandardisasyon ng wika at ito ay (1) upang maiiwasan ang kaguluhan sa paggamit ng mga salita o katawagan sa alin pa mang disiplina ng karunungan at (2) para ang Filipino ay higit na uunlad at maitataas ang antas nito bilang wika. Dahil sa pagpapakahulugan na ito sa pag-uulat, mas naintindihan ko kung ano ang estandardisasyon at gaano ito kahalaga sa ating Wikang Filipino.
Sa aking pagkakaintindi, ang estandardisasyon ay napakahalga na proseso sa
pagpapaunlad ng wika dahil kung estandardisado na ang wika ay magkakaroon ito ng pamantayan, tuntunin at mga gabay. Dahil dito, nabubuo ang pagkakaisa ng isang lipunan na sumasalamin sa pagiging kilanlan ng isang bansa at ng komunidad na kung saan naniniraan ang isang tagapagsalita. Mahalaga rin ang estandardisasyon dahil nagkakaroon ng pormalidad ang isang wika na kung saan nagkakaroon ang wika ng mga tuntunin at gabay sa paggamit nito at ito ang magiging tulay upang maging ganap na isa ang konsepto at pang-unawa sa wikang ginagamit.