Editor
JC Lalthanfala
HLIMKHawpuI
Estd 2005 Kumpuan : Zirna Uar
N. Hlimen Branch Y.M.A. Kartin Chanchinbu Kum 16-na, Issue No. 37 Dt. 03.10.2021
 Hunawl hman \hat  Zofate hmasawnna ngaihtuah
YMA HUANG
Pualreng Group YMA Cultural cum Sports Meet
\hulh a ni.
Pualreng Group Conference Vawi 36-na, Gen-
eral Agenda No. 2-in ‘Cultural cum Sports Meet neih ni
rawh se’ tia a rel, Group Committee-in ni 2-3 November,
2021 chhunga Bukpui a neih tura rel tawh chu hripui Covid-
19 leng avangin \hulh leh a ni.
N. HLIMEN HUAN NEITU PAWL
HRIATTIRNA
North Hlimen khua huan neitu hrang hrangte chuan
VC hriatpuinain pawl dinin hetiang hian hruaitu an inruat:
President : Pu Ralrunthanga, Ph. No. 8731875833
Vice President : Pu Zakhuma, Ph. No. 8415064304
Secretary : Pu Chhundinga, Ph. No. 9862864329
Asst. Secretary : Pu Lalmawia, Ph. No. 7628024796
Treasurer : Pu C.Thachungnunga, Ph.No.7085463430
Fin. Secretary : Pu SR Dengkhuma, Ph.No. 7627994758
NORTH HLIMEN HUAN NEITU PAWL THU
CHHUAH
1. Huan thlai engpawh loru an awm chuan HUAN NEITU
PAWL-ah pawisa Rs. 500/- an chawi bakah thlai neitu
lungawina tawk an chawi tur ani.
2. HUAN NEITU PAWL member ta thlai loru hria leh
lo hmu kan awm chuan pawl hruaitu hnenah thlen \hin tur
ani.
3. Huan thlai ruk/bo a awm in chawitir awm tawk hruaitu
ten an thlir \hin ang, a\ul chuan Police a pek thlengin hruaitu
ten hma an lak sak \hin ang.
N.Hlimen Huan Neitu Pawl te phur tak a thawhho
tum ani a, huan nei zawng zawngte kan \antlan a, kan huan
thlaite rukruk lak a kan \anrual a \ul a ni. Rimtak leh hahtak
a kan thawh chhuah kan thlai ru \hinte hriat chhuah leh
man chhuah hi huan neitute kan mawhphurhna vek a ni.
Phur takin thlai enkawl leh rukrukna leh sualna do tlang
turin kan insawm e.
Sd/-
Secretary
North Hlimen Huan Neitu Pawl
Hlimkhawpui semtute : Anita Vanlallenpuii, Lalhruaitluanga, MaryVanlaldinpuii, Rebek Remsangpuii,
Elizabeth Lalnunpuii, Niangzokimi, Paulalvena, Lalruatfeli
Joint Editor
Laltlanmawia
News Editors
SR Ramngaihzuala
Lianhminghlua
K.Lalrinfela
Cir. Manager
Chhundinga
 Kristian nun dan \ha ngaihsan
KAN ROHLU - UPATE
(Upate Ni 1st October pualin)
A lo pian chhuah dan:
Khawvel pum huapa pawl lian ber, UNO
hnuaia Economics & Social Council chuan ram hrang
hranga upate tana \angkai leh sawt taka hmala tur, upate
himna tur leh an tana pension duang chhuak turin thu a
pass ta rup mai. Chu mi Resolution no. 198 angin UNO
peng hrang hrangte nen inrawnin UN Secretary Gen-
eral hnenah ngenna a siam a. Kum 1969-a UN Gen-
eral Assembly chuan upate mamawh dah pawimawh
hmasa turin a rel a ni. Upate harsatna, an mamawh
lamte, \anpui an ngaihnate zir chianga duang chhuak
turin pawl an din ta a, chu mi chu tipuitling zel turin UN
member ramte a hriattir ta a ni. UN General Assembly
chuan upate ham\hatna tur leh dam reina tura hma lak
dan fel takin a duang ta a. Ni 3.12.1982-ah a pawm ta
a ni. Kum 1984-ah kum 60 chin chung lam chanvo,
ham\hatna leh mamawh dik tak sawm a puang chhuak
zui ta bawk. Chungte chu:-
1. An harsatna hriatpui ngei tur.
2. Chenna/riahna hmun ngaihtuahsak
3. Ei leh bar ngaihtuahsak
4. Silhfen ngaihtuahsak
5. Taksa leh rilru lam hriselna ngaihtuahsak
6. Intihharhna hmun ngaihtuahsak
7. Ngelnghehna ngaihtuahsak
8. Zin veivahna concession
9. Old age pension ngaihtuah.
10. Upate hlutna chawi san.
Kum 1991-a UN General Assembly chuan
khawvel pumpuia upate dinhmun report a siam a. Gen-
eral Assembly chuan hma lak dan tur kaihhruaina thupui
panga a thlang chhuak leh ta a ni. Hetiangin:-
1. Tumah rinchhan lova inenkawl thei tura siam
2. Vantlang zinga chanvo nei tur te
3. Ngaihsak hlawh (care)
4. Lungawi taka an awm theihna tur ngaihtuah
5. An zahawmna humhim(dignity)
April ni 3, 1992 UN General Assembly chuan
member ram zawng zawngte hnenah khawvel puma
Upate Ni 1st October 1992-a hmang \heuh turin a ngen
a. Kum 1999 hi Upate Kum-ah India ramah puan a lo
ni ve ta.Upate Ni hi khawvel pumpuiah hman a lo ni ta
zel a, kum 1992 a\angin India ramah pawh kan lo hmang
\an ve ta bawk. Tin, kum 1999 a\angin Mizoram-ah
pawh kan lo hmang \an ve ta a ni.
Phek lehlamah chhunzawm
 N. Hlimen Branch Y.M.A. Kartin Chanchinbu Kum 16-na
Editorial...  STATUS
Status tih hi sap\awng a ni a, Whatsapp
khawihtuten kan hmang nasa hel. Kan nihna leh dinhmun
tar chhuahna/tarlanna a ni a, a pawimawh hle mai. Kan
Status hmangin miin eng dinhmunah nge kan din, engnge
kan tih? Eng lam hawi nge kan ngaihtuahnaah awm? tih te
awlsam takin an lo hria a, \angkai takin kan hmang mek a
ni. Status hian kum naupang leh upa a thliar lo.
Hetihrual hian mi \henkhat chu kan Status a\anga
chhut chuan kan nihna leh kan kum nena chhut pawha
inhmeh lem lo tak tak hmuh tur a tam \hin hle. ‘Mi tih dan
alawm’ tia kan nihna nena inmawi lo Status neih hi Covid-
19 leh tlang hrileng anga hlauhawm chu ni lo mahse, a
mawi tawk ngaihtuah thiam kan zir thar a\ul hle a ni.
Status tih chu dinhmun, nihna tiin hrilhfiah a ni a.
Kan dinhmun, kan nihna hi engnge ni tih kan inzawh fo a
ngai. Whatsapp status \ha viau si, a tak (reality) lama
dinhmun \ha leh si lo, ho taka nung kan ni ang tih a
hlauhawm.
Phek lehlam chhunzawmna
India sawrkar chuan National Policy on Older
Pensions (NPOP) upate tan a siam chhuak a. India ram
chhunga state zawng zawng a hriattir a. NPOP hi upate
tan chhenfakawm tak tur a ni. Mizoram sawrkar pawhin
upate ham\hatna turin Policy for Older Pension a duang
chhuak ve ta a ni.
Upate Ni lawmna hunah hian Upate hmangaihna lam
te, kawng hrang hranga duhsak lanna lam inhriattir leh
tihdan mangkai leh mha te inhrilhna atan hman \hin a ni a.
Chumi bakah ram leh hnam leh khawtlang tana an lo thawh
tawhna leh chhungkaw tana an thahnemngaihna leh
hlawhtlinna te hriatpuina leh chawimawina te pawh tih
\hin a ni bawk. Thupui bik (Theme) neiin chu thupui
hmanga thusawi leh a taka hmanna hun a ni bawk \hin a
ni.
Hnam changkang leh fing apiangin Upate hlutna
an hria a, an zahthiam a, an chawimawi thiamin an duat
thiam a, ‘Old is Gold’ an ti a, Kum lama Upate an hlutin
an dah pawimawh thiam em em a ni. Keini Mizo te hian
‘Tar chhia’ tia kan nu leh kan pa, kan pi leh pu te hmusita
\awng khum duh tunhmain kan awm \hin. Mahse, tunah
chuan kum lama Upa zawkte hlutna, pawimawhna leh
\angkaina kan hre chho ve zel a. Kum 1957 khan
Mizoram Upa Pawl te dinin Tar leh Upate hlutna kan
hre chho ve zel ta a, changkanna chikhata ni a, a lawmawm
khawp mai.
Khawvelah mi ang a kan dam rei a nih chuan
Upa kan ni chho vek dawn. Chung hunah chuan hmuhsit
leh endawng nih tute mahin kan duh lovang. Nu leh pa
zahlo leh hmusittu, aia upate zah lo leh ti duhdah \hin mi
hmuingil an awm ngai lo. Chuvangin kan kiangah Upate
an awm a, hmangaiha zah thiam leh an hlutna hrethiam a
chawimawi hi thil mawi leh \ha tak a ni tih hi vawiin Upate
Ni-ah hian hre thar leh ila, \hangthar ten tun aia \ha leh
uar zawkin kum lama upa zawkte i duatin i enkawl uluk
zual zel ang u.
Published by : Young Mizo Association, N. Hlimen Branch, 197 Copies,
Issue No. 37 Dt. 03.10.2021
LawRKHawM
Forest RO hnen a\anga ngenna:
N.Hlimen Forest Range Officer Pu Vanlaltluanga
chuan hetiang hian N.Hlimen Branch YMA leh khawtlang
mipuite min ngen.
African Swine Fever (ASF) chuan Zoram hmun
hrang hrang a tuam mek reng a. Hetih anih avang hian
N.Hlimen khawtlang pawh kan fimkhur a ngai takzet a,
he hri hi mihring pawhin kan put darh theih avangin ram
hnuaia sa tlaw/thi chhar mai lo tur te, sanghal/saza etc. thi
kan hmuh pawhin a rang lama Forest thawktute hnena
report turin kan inngen a ni. Heng ramsa thi te hian a
dang an kai chhawn loh nan damdawi hmanga sawngbawl
a, uluk taka phum bo tur a ni.
Tuirial Bial inthlang \ha dawn:
Tuirial Bialtu MLA Pu Andrew H.Thangiana chu
a boral avangin inthlan \hat leh tur a ni a. By-Election hi
ni 30 October hian neih tur niin ni 2 November-ah vote
tla te hi chhiar a ni ang. Hemi rual hian state 30-a MLA
bye-election leh state 2 leh UT 1-a MP bye-election neih
nghal a ni bawk ang.
Health Care Scheme chungchang:
Mizoram State Health Care Scheme (MSHCS)
chuan October Ni 1, 2021 hian policy year thar alo
chuangkai leh dawn ta a. Kum hmasa lama policy year
October-September anga kalpui \hin chu Financial Year
(April-March) milin siam rem a ni dawn a, hetianga kal a
nih theih nan tun thla 6 chhung, October 2021- March
2022 atan MSHCS enrolment hawn a ni dawn a ni.
Mizoram State Health Care Scheme hnuaia inziahluh hun
chu October Ni 11, 2021 a\angin hawn a ni dawna,
December Ni 10, 2021 thleng inziahluh hun hi hawn a ni
dawn a ni.
Sorkar-a MR bill theilo zawng zawngte chu he
Scheme hnuaiah hian an inziaklut thei ang. Inziahluh man
bithliah zat chu APL chhungkaw tan Rs.500/- niin BPL
chhungkaw tan Rs. 50/- a ni ang. MSHCS hnuaia
inziaklutte hian damdawiina an inenkawlna senso,
chhungkaw khatin 2021-2022 policy (October 2021 -
March 2022) atan Rs. 1,00,000/- thleng an bill thei ang.
Chhungkaw member zat bituk a awm lova, Ration Card
nen erawh a inmil tur a ni. Khua/Veng tina Health Worker
ten inziahluhna hi an kalpui ang. October Ni 11, 2021
a\anga December Ni 10, 2021 chhunga inziaklutlote chu
a hnuah inziahluh theih a ni tawh lovang.
Covid-19 vanga thi te sorkarin \anpui dawn:
Supreme Court chuan June 30th, 2021 thuchhuak
ang leh National Disaster Management Authority leh
Ministry of Health & Family Welfare-in inkaihhruaina a
siam angin Mizoram Sawrkar chuan Covid-19 vanga
nunna chan chhungte (next of kin) tan zangnadawmna
Rs. 50,000 a pe dawn.
Contact No. 8787561967