SANAYANG PAPEL SA PAGKATUTO SA FILIPINO 8

Bilang 5 Kuwarter 4

Pangalan ng Mag-aaral:____________________________________________________

Baytang/Seksiyon:______________________________ Petsa:_________________

I. PANIMULANG KONSEPTO
Ang akdang Florante at Laura ay mayroong sukat ng taludturan
na lalabindalawahing pantig at inaawit na mabagal. Ito ay nagtataglay
ng mga matatalinhagang ekspresyon, tayutay, at simbolismo na
nagbibigay ng kariktan sa akda.

II. KASANAYANG PAMPAGKATUTO

Nabibigyang-kahulugan ang:
-matatalinhagang ekspresyon
- tayutay
- simbolo
(F8PT-IVc-d-34)

III. MGA GAWAIN

A. PAGBALIK-ARALAN MO!
Lagyan ng tsek ( / ) ang patlang kung ang pahayag sa ibaba ay
nangyari sa akdang Florante at Laura.

______ Nakagapos ang isang binata sa puno ng Higera.

______ Hinanap ni Don Juan ang ibong Adarna.
______ Ipinadala si Florante ng kanyang mga magulang sa Atenas
upang mag-aral.
______ Iniligtas ni Aladin ang binatang nakagapos sa puno.
______ Nagkasakit ang amang hari na may tatlong anak na lalaki.
______ Nagtaksil si Adolfo at tinangkang patayin si Florante.
______ Iniligtas ni Flerida si Laura sa kapahamakan.

B. PAG-ARALAN MO!

Ang matalinhagang ekspresyon, simbolismo, at

tayutay ay ilan lamang sa mga elemento ng tula. Ito ay mga
salitang di tuwiran o di-tahasang nagpapahayag ng kahulugan.
Ito rin ay mga karaniwang paraan ng paggamit ng mga salita
na layuning gawing makulay, kaakit-akit, at lalong mabisa ang
pagpapahayag.

1
 Narito ang ilang halimbawa ng mga matatalinhagang ekspresyon:

MATALINHAGANG EKSPRESYON KAHULUGAN

mabigat ang dugo kinaiinisan
mababaw ang luha iyakin
lakad-kuhol mabagal utusan
may nunal sa paa mahilig maglagalag
kadaupang-palad matalik na kaibigan
ligaw-tingin torpe

Narito ang halimbawa ng simbolismo:

SIMBOLO KAHULUGAN
ahas traydor/ taksil
tinik sagabal
linta sipsip
kulay-itim pagluluksa/kamatayan

Narito naman ang ilan sa mga uri ng tayutay:

1. PAGTUTULAD (Simile) – uri ng paghahambing ng dalawang magkaibang

bagay na ginamitan ng mga pariralang katulad ng, gaya ng, tulad ng, at iba
pa.

Halimbawa: Ang mga mata mo ay katulad ng bituing kumikislap sa langit.

2. PAGWAWANGIS (Metaphor) – ito ay tiyakang paghahambing.

Halimbawa: Ang kanyang buhay ay isang bukas na aklat.

3. PAGMAMALABIS (Hyperbole) – isang pahayag na eksaherado o labis sa

katotohanan.

Halimbawa: Nagliliyab ang mga mata ni Ana sa galit nang mawala ang
kanyang halaman.

4. PAGSASATAO (Personipikasyon) – pagbibigay ng katangian ng isang tao sa

bagay na walang buhay.

Halimbawa: Sumasayaw ang mga dahon sa pag-ihip ng hangin.

5. PAG-UYAM (Irony) – isang pangungutya sa pamamagitan ng paggamit ng

mga salitang kapuri-puri ngunit kabaliktaran naman ang kahulugan.

Halimbawa: Napakaganda ng iyong buhok, bagay gamiting panlinis ng

bahay.

2
 C. PAGSANAYAN MO!
Basahin at unawain ang mga saknong mula sa Florante at Laura.

1Sa isang madilim gubat na mapanglaw,

dawag na matinik ay walang pagitan,
halos naghihirap ang kay Febong silang
dumalaw sa loob na lubhang masukal.

Malalaking kahoy – ang inihahandog

2

pawang dalamhati, kahapisa’t lungkot;

huni pa ng ibon ay nakalulunos
sa lalong matimpi’t nagsasayang loob.

Tanang mga baging na namimilipit

3

sa sanga ng kahoy ay balot ng tinik;

may bulo ang bunga’t nagbibigay sakit
sa kanino pa mang sumagi’t malapit.

4 Ang mga bulaklak ng nagtayong kahoy

pinakamaputing nag-ungos sa dahon;
pawang kulay-luksa at nakikiayon
sa nakaliliyong masangsang na amoy.

Isulat ang titik ng wastong sagot sa sagutang papel.

1. Sa huling saknong, anong kulay ang sumisimbolo sa pagluluksa?
a. pula b. dilaw c. itim d. berde

2. Anong uri ng tayutay ang ginamit sa taludtod na “Sa isang madilim

gubat na mapanglaw”?
a. pagtutulad c. pagwawangis
b. pagmamalabis d. pagsasatao

3. Ano ang nais ipabatid ng ikalawang saknong sa mga mambabasa?

a. Masayang manatili sa kagubatan.
b. Puno ng dalamhati ang kagubatan.
c. Nakatutuwa ang huni ng mga ibon.
d. Nakaaaliw ang malalaking kahoy.

4. Ano ang kahulugan ng “balot ng tinik”?

a. maraming pagsubok c. maraming tinik ng isda
b. maraming makakain d. maraming ganid

5. Sa unang saknong ng Florante at Laura, alin ang nagsasaad ng

personipikasyon?
a. Sa isang madilim gubat na mapanglaw
b. dawag na matinik ay walang pagitan
c. halos naghihirap ang kay Febong silang
d. dumalaw sa loob na lubhang masukal

3
 D. TANDAAN MO!

Ang kagandahan ng tula ay lumilitaw dahil sa

paggamit ng mga matalinhagang ekspresyon,
simbolismo, at tayutay. Ang pagpapakahulugan
ay hindi dapat gawing literal.

IV. PAGTATAYA

Isulat sa patlang ang kahulugan ng mga salitang may salungguhit sa

bawat bilang.
1. Nagsunog ng kilay si Florante nang siya ay nasa Atenas.
____________________________________________________
2. Nais na lamang ibaon sa hukay ni Aladin ang pag-ibig niya kay Flerida.
______________________________________________________
3. Tila nilubugan na ng araw si Florante.
______________________________________________________
4. Si Florante ay bugtong na anak nina Duke Briseo at Reyna Floresca.
______________________________________________________
5. Taglay ni Adolfo ang kaitiman ng budhi.
______________________________________________________

V. SUSI SA PAGWAWASTO

PAGBALIK-ARALAN MO

/ Nakagapos ang isang binata sa puno ng Higera.

/ Ipinadala si Florante ng kanyang mga magulang sa Atenas upang
mag-aral.
/ Iniligtas ni Aladin ang binatang nakagapos sa puno.
/ Nagtaksil si Adolfo at tinangkang patayin si Florante.
/ Iniligtas ni Flerida si Laura sa kapahamakan.

PAGSANAYAN MO

1. C
2. D
3. B
4. A
5. A
4
 PAGTATAYA

1. nag-aral nang mabuti

2. kalimutan
3. nawalan ng pag-asa
4. nag-iisang anak
5. tuso

VI. SANGGUNIAN

Obra Maestra. Florante at Laura (2002). Quezon City: Rex Printing

Company, Inc.
https://www.slideshare.net/diocylannrequillo/filipino-retorika-
tayutay-at-idyoma

Inihanda ni:

ESSENE INAH P. PLAZA,

Guro II, Manunulat
Pili National High School
Pili East District
Camarines Sur
Rehiyon V

Tiniyak ang kalidad ni:

ROSALIE Z. MORA
Ulong Guro I
Pili National High School
Pili East District
Camarines Sur
Rehiyon V