KAGAWARAN NG EDUKASYON CRISTIANA
Oikos Weekly
******************************************************
Ang Mga Tao Ay Umaasa sa Isang Tagapagligtas
People are Hoping for A Savior
Batayang Talata: Juan 4:25-26
 Magkamustahan habang naghihintay sa
pagpasok sa zoom ang iba pang kapatiran.
 Magpasimula sa Panalangin.
 Awitin ang Imno 287 “Buhay ang Dios”.
 Kung makakausap mo ang Presidente ng
Pilipinas, anong concern ang ipararating mo sa
kaniya at Bakit?
Naniniwala ang mga Samaritano sa mga aklat ni
Moises ngunit hindi sila sumasamba sa templo sa
Jerusalem. Sa mahabang panahon, sumasamba
sila sa templo na itinayo sa Bundok Gerizim,
malapit sa Sicar, at sa bundok na iyon pa rin sila
sumasamba kahit nawasak na ang templo roon.
Kitang-kita sa panahon ng ministeryo ni Jesus ang
alitan ng mga Samaritano at ng mga Judio. —
Juan 8:48.
Ang mga pangyayari sa Juan kabanata 4 tungkol
sa Samaritana ay napakagandang halimbawa ng
concern ni Jesus. Tingnan natin kung paano
nagkaroon ng bagong pag-asa ang Samaritana.
1. ANG HINIHINTAY NA PAG-ASA NG
SAMARITANA AY NAKALAGAK SA
PAGDATING NG MESIYAS.
Hindi maikukubli na ang babaeng Samaritana ay
naghihintay tungkol sa ipinangakong Mesiyas na
ayon sa kaniya ay magpapahayag sa kanila ng
lahat ng bagay (Tal. 25).
 Paano nahayag sa Samaritana na si Jesus ang
Mesiyas na kanilang hinihintay?
(Juan 4:10-19).
 Ano ang mga katotohanang sinabi ni Jesus na
nakapukaw sa atensyon ng Samaritana at
nagbigay sa kaniya ng pag-asa?
(Juan 4:13-14)
 Anong uri ng tubig ang nais niyang hingin kay
Jesus upang hindi na siya muling mauhaw?
(Juan 4:15).
 Ano ang sinabi ni Jesus tungkol sa kaniyang
kalagayan sa buhay?
(Juan 4:16-18).
Napagtanto ng babae na hindi basta ordinaryong
tao si Jesus, alam ni Jesus ang lahat sa kaniyang
buhay, dahil dito, nabatid niyang Siya ang Mesiyas
na kanilang hinihintay at nanampalataya siya kay
Jesus.
Juan 4:39-42
2. ANG NATANGGAP NG SAMARITANA AY
ANG KALOOB NA TUBIG NA
NAGBIBIGAY BUHAY.
MONTH 9 WEEK 4
Sumagot si Jesus, “Kung alam mo lamang ang
kaloob ng Diyos, at kung sino itong humihingi sa
iyo ng inumin, ikaw ang hihingi sa kanya at
bibigyan ka niya ng tubig na nagbibigay-buhay”
Juan 4:10.
Batay sa talatang 10, anong uri ng tubig ang
ibinibigay ni Jesus, at ano ang kaibahan nito sa
tubig na binanggit sa talatang 13-14?
Ang Samaria ay nasa pagitan ng Judea at ng
Galilea. Pagkamatay ni Haring Solomon, ang 10
tribo ng Israel sa hilaga ay humiwalay sa tribo ng
Juda at Benjamin.
Ang mga mamamayan ng 10 tribo ay nagsimulang
sumamba sa guya, kaya noong 740 B.C.E.,
hinayaan ni Yahweh na masakop ng mga Asiryano
ang Samaria —2 Hari 17:9-33; Isaias 9:9.
Sa Samaria ay popular ang balon ni Jacob na
makasaysayan, subalit sinabi ni Jesus na ang tubig
na inaalok nito ay mauuhaw muli. Si Jesus ay higit
sa balon ni Jacob sapagkat ang tubig na Kaniyang
ibinibigay ay tubig ng buhay.
3. ANG NAKAMTAN NG SAMARITANA AY
TUNAY NA PANANAMPALATAYA KAY
JESUS.
 Sa talatang 26, ay sinabi ni Jesus sa
Samaritana; “Akong kausap mo ngayon ang
iyong tinutukoy,”
 Iniwan ng babae ang kanyang banga,
bumalik sa bayan at sinabi sa mga
tagaroon, “Halikayo! Tingnan ninyo ang
taong nagsabi sa akin ng lahat ng ginawa
ko. Siya na kaya ang Cristo?” Kaya't
lumabas ng bayan ang mga tao at nagpunta
kay Jesus. Juan 4:28-30.
 Ano ang naging epekto sa Samaritana at sa
mga tao ng makita at marinig nila si Jesus?
Juan 4:39-42.
 Sinabi sa kanila ni Jesus, “Ang pagkain ko'y
ang tuparin ang kalooban ng nagsugo sa
akin at tapusin ang ipinapagawa niya sa
akin”.
 Sa Juan 4:34-38. Ano ang ipinakikitang
mensahe ni Jesus sa atin?
 Ang kabuuang mensahe sa encounter ng
Samaritana kay Jesus ay hindi aksidente, ito
ay intentional.
 Para sa iyo, ano ang ibig sabihin ng “tubig
na nagbibigay buhay?”
 Kamusta ang iyong pananampalataya sa
panahong ito?
 Magwakas sa panalangin.