Patuloy na nag-iiba ang takbo ng panahon at patuloy rin nating ginagamit
ang wika sa pang-araw-araw nating pakikipagkomunikasyon. Ngayong panahon ng pandemya, paano natin maipapahayag ang iba’t ibang karanasan natin sa buhay? Paano natin maipapakita ang ganap sa kanya-kanya nating bahay? Mabuti na lamang at mayroon tayong wika na siyang ginagamit natin sa pagpapahayag ng ating ideya, opinyon o saloobin sa isang partikular na bagay. Sa panahon ng pandemya, naipaparating ang mga mahahalagang impormasyon sa pamamagitan ng wika at nakikita ito sa mga balitang naipapalabas sa telebisyon o sa mga social media. Ang mga impormasyong nailahad ay maaaring bigyan ng solusyon ang ating suliraning kinakaharap. Ang mga tao ay pinagbabawalang lumabas upang maiwasan ang pagkalat ng virus kaya’t ibinaling na lamang ang oras sa paggamit ng social media upang ilabas ang kanilang mga hinanaing ukol sa Covid 19. Maraming mga tao ang nagpositibo sa Covid 19 kaya’t kinailangang maquarantine at lumipat sa quarantine center gayunpaman patuloy pa rin ang ugnayan nila sa kanilang pamilya at kamag-anak sa pamamagitan ng pamamagitan ng pakikipag-usap sa videocall o voicecall. Kahit na magkalayo sila ay napapanatili pa rin nila ang maganda nilang relasyon sa kanilang pamilya. Nagagamit ang wika sa upang ipagbigay-alam sa mga kababayan natin saan man sa mundo kung ano ang nangyayari sa ating paligid at nagiging updated ang mga tao sa mga kung saan ang maraming kaso ng virus upang maiwasan ang pagpunta rito. Ang mga frontliners naman ay nagpapahayag ng mga health protocols sa mga pampublikong lugar upang hindi kumalat nang mabilis ang Covid 19. Nagpapaskil rin sila ng mga karatulang dapat gawin at hindi gawin ng mga tao. Malaki ang gampanin ng wika, dahil rito ay nagkakaroon ng tayo ng pagkakaunawaan at pagkakaisa na labanan ang Covid 19. Sa pamamagitan ng wika ay masusugpo natin ang kinakaharap nating pandemya.