Professional Documents
Culture Documents
Pananaliksik at Pangangalap NG Datos Report
Pananaliksik at Pangangalap NG Datos Report
§ Klasipikasyon ng Datos
§ Lapit at Pamamaraan sa Pangangalap ng Datos
§ Interbyu bilang Paraan sa Pagkuha ng Datos
Klasipikasyon ng Datos
Mahalagang maunawaan sa pangangalap ng datos ang iba’t ibang klasipikasyon nito. Ang dalawang
aspekto sa pag-uuri nito ay ang sumusunod:
1. Nakasulat o hindi nakasulat na datos – Maituturing ang datos bilang nakasulat na datos kung
mayroong limbag na dokumentong kaakibat nito. Kabilang dito ang mga libro, journal, magasin,
pahayagan, liham, awtobiyograpiya, kronika, mapa, larawan, kalendaryo, at iba pang kasulatan.
Sa kabilang dako, ang mga hindi nakasulat na datos ay pasalitang panitikan, sining audio-biswal,
iba’t ibang labi, fossil, artifact, at iba pang katulad nito.
2. Primarya, sekondarya, o terserang datos – Maaari ding organisahin ang datos batay sa ikalawang
klasipikasyon. Naituturing na primarya ang datos kung kapanahong saksi at may tuwirang kaugnayan
ito sa pinag-aaralang paksa. Ibig sabihin, primarya ang datos kung nanggaling ito mismo sa tinutukoy
na pangyayari sa paksang pinag-aaralan (Evasco et al. 2011). Halimbawa nito ay ang mga interbyu
sa mga nakaranas ng torture noong rehimeng Marcos kung ang panahon ng Batas Militar ang pag-
uusapan. Sekondarya naman ang datos kung hindi ito kapanahong saksi ng paksang pinagtutuunan
at gumamit lamang ng mga primaryang datos. Halimbawa nito ang ulat sa pahayagan ng isang
reporter tungkol sa naranasang torture ayon sa mga biktima. Terserang datos naman ang turing sa
mga sangguniang gumamit, nagtipon, at naglagom ng mga primarya at sekondaryang datos.
Halimbawa nito ang mga dokumentaryong nabuo hinggil sa Batas Militar. Sa puntong ito,
mahalagang sabihin din na maraming mananaliksik ang hindi pinag-iiba ang sekondarya at terserang
datos.
Lapit at Pamamaraan sa Pangangalap ng Datos
May tatlong pangunahing lapit sa pangangalap ng datos. Ang mga ito ay: