Republic of the Philippines

Department of Education
Region IV-A CALABARZON
SAN PEDRO RELOCATION CENTER NATIONAL HIGH SCHOOL
City of San Pedro, Laguna
FILIPINO - 8
LEARNING ACTIVITY SHEET/GAWAING PAMPAGKATUTO NO: 3.3
IKATLONG MARKAHAN - IKALAWANG ARALIN: MGA ANYO NG KONTEMPORARYONG PANITIKAN – TERMINO/LINGO
MELC #: 32 at 35 KODA AT KASANAYANG PAMPAGKATUTO: F8PT-IIIa-c-29 Nabibigyang-kahulugan ang mga lingo na
ginagamit sa mundo ng multimedia, at F8WG-IIIa-c-30 Nagagamit sa iba’t ibang sitwasyon ang mga salitang ginagamit sa
impormal na komunikasyon (balbal, kolokyal, banyaga)

NAME: ________________________________________ DATE: _______________

GRADE & SECTION: _________________________ SCORE: ______________

SUSING KONSEPTO: MGA POPULAR NA BABASAHIN

Masasabing nagpatuloy ang tradisyunal na panitikan sa kabila ng modernisasyon dulot ng pag-unlad ng
teknolohiya. Marahil, nagkaroon lamang ito ng bagong mukha. Kapansin-pansin sa kasalukuyan na ang kinawiwilihan ng
kabataan na mga babasahin gaya ng komiks, magasin, at dagling katha ay nauulit lamang ang paksa at tema sa mga akda
sa tradisyunal na uri ng panitikan. Kung susuriin, naiiba lamang sa estilo, pamamaraan, at kaalamang teknikal ang
panitikang popular o kontemporaryong (napapanahong) panitikan.

May iba’t ibang midyum na ginagamit sa paghahatid ng impormasyon, balita at iba’t ibang palabas na maaaring
napakikinggan o napanonood ng mamamayan lalo na ng kabataan sa kasalukuyan. Ang ilan sa mga ito ay ang tabloid
(diyaryo), komiks, magasin, internet, radyo at telebisyon. Ang mga ito ay maituturing nating kumakatawan sa kulturang
popular ng mga Pilipino sa ngayon.
Sanggunian: Pinagyamang Pluma 8, Alma M. Dayag et. al.

Iyong tuklasin at unawain ang kulturang popular sa kasalukuyan sa pamamagitan ng pag-aaral at pag-analisa ng mga
babasahing popular (tabloid, komiks, magasin at kontemporaryong dagli), broadcast media (radyo at telebisyon) at
pelikula. Obserbahan ito at tignan ang mga naging pagbabago sa mga ito mula noong dekada sisenta (60’s) hanggang sa
kasalukuyang modernong panahon.

Masasabing malaki na ang naging pag-unlad ng teknolohiya sa buong mundo maging sa ating bansa. Ang paglaganap
ng Internet, pag-usbong ng iba’t ibang social media network gaya ng Facebook at Twitter, gayundin ang pagkahumaling ng
kabataan sa pagtangkilik sa mga website gaya ng YouTube ay nagdulot ng malaking pagbabago sa kulturang Pilipino. Ang
pagkahilig ng marami, lalo na ng kabataan, sa mga kontemporaryong anyo ng panitikan ang nag-udyok sa pagbabagong
bihis ng tradisyunal na anyo nito. Paano nga ba naiba ang tradisyunal na uri ng panitikan sa panitikang popular? Bakit
nagkaroon ng transpormasyon mula sa tradisyunal na panitikang Pilipino tungo sa panitikang popular? Bunsod ng
pagpapalit sa kultura at tradisyon, kapangyarihan ng teknolohiya at modernisasyon ng pamayanan, nagkaroon ng
transpormasyon ang Panitikang Pilipino mula sa tradisyunal tungo sa popular.

GAWAIN #1: KAHON NG PAGKUKUMPARA

PANUTO: Naisip mo ba ang pagkakaiba ng mga tradisyunal na panitikan sa panitikan popular? Subukin naman nating isa-
isahin ang mga katangian ng panitikang popular at tradisyunal sa tulong ng kasunod na gawain. Isulat mo sa kahon ang
mga katangian na sa iyong palagay ay taglay ng panitikang popular at tradisyunal na panitikan. Bigyan mo ng pansin ang
paksang kadalasang tinatalakay sa mga ito, wikang ginagamit at midyum na ginagamit sa paghatid nito sa mamamayan.
Gayahin ang pormat sa sagutang papel.

TRADISYUNAL NA PANITIKAN PANITIKANG POPULAR

PAKSANG TINALAKAY
WIKANG GINAGAMIT
PARAAN/MIDYUM SA PAGHAHATID
SUSING KONSEPTO: MGA ANYO NG KONTEMPORARYONG PANITIKAN (POPULAR NA BABASAHIN)
Ang ilan sa mga anyo ng panitikang popular o kontemporaryong panitikan ay ang diyaryo, komiks at magasin.

I. DIYARYO
Ang pahayagan, diyaryo, o peryodiko ay isang uri ng paglilimbag na naglalaman ng balita, impormasyon at
patalastas, kadalasang na imprenta sa mababang halaga. Ito ay maaaring pangkalahatan o may espesyal na interes, at
kadalasan itong inilalathala ng araw-araw o lingguhan.

MGA BAHAGI O PAHINA NG PAHAYAGAN

1. Pangmukhang Pahina – makikita rito ang pangalan ng pahayagan at ang mga pangunahin o mahahalagang balita.
2. Balitang Pandaigdig – mababasa sa pahinang ito ang mga balitang nagaganap sa iba’t ibang bahagi ng mundo.
3. Balitang Panlalawigan – mababasa rito ang mga balita mula sa mga lalawigan sa ating bansa.
4. Pangulong Tudling/ Editoryal – sa pahinang ito mababasa ang kuru-kuro o puna na isinulat ng patnugot hinggil sa
isang napapanahong paksa o isyu.
5. Balitang Komersyo – dito mababasa ang mga balita tungkol sa kalakalan, industriya, at komersyo.
6. Anunsyo Klasipikado – makikita rito ang mga anunsyo para sa iba’t ibang uri ng hanapbuhay, bahay, lupa, sasakyan, at
iba pang kagamitang ipinagbibili.
7. Obitwaryo – ang pahinang ito ay anunsyo para sa mga taong namatay na. Nakasaad dito kung saan nakaburol at kung
kailan ililibing ang namatay.
8. Libangan – ito ang pahina sa mga balita tungkol sa artista, pelikula, telebisyon, at iba pang sining. Naririto rin ang mga
krosword, komiks, at horoscope.
9. Lifestyle – mababasa sa pahinang ito ang mga artikulong may kinalaman sa pamumuhay, tahanan, pagkain,
paghahalaman, at iba pang aspeto ng buhay sa lipunan.
10. Isports – naglalaman ito ng mga balitang pampalakasan.
GAWAIN #2: KAHON NG PAGKUKUMPARA
PANUTO: Kumuha ng isang kopya ng tabloid at broadsheet. Ilista, ilarawan, at suriin ang mga bahagi o pahina nito. Sa
pagsusuri, magiging pangunahing bagay kung bakit inilagay ang bahaging iyon at kung ano ang inaasahan nitong
mambabasa. Kumparahin ang mga bahagi nila at maglagay ng deskripsyon at iyong pagsusuri dito.

PANGALAN NG TABLOID: PANGALAN NG BROADSHEET:

PETSA NG PAGKAKALATHALA: PETSA NG PAGKAKALATHALA:
MGA BAHAGI NG PAHAYAGAN
DESKRIPSIYON PAGSUSURI
TABLOID BROADSHEET

II. M A G A S I N
Hindi mawawala ang Liwayway kung pag-uusapan ang magasin sa Pilipinas. Naglalaman ito ng mga maikling
kuwento at sunod-sunod na mga nobela. Dahil dito, naging paraan ito para mapalago ang kamalayan ng mga Pilipino.
Dinala nito ang panitikan sa mga kabahayan ng pamilyang Pilipino. Bago pa man ang Digmaang Pasipiko, ang araw ng
pagrarasyon ng magasin na ito ay talaga namang inaabangan ng mga miyembro ng pamilya at nagiging dahilan rin ng
kanilang pagtitipon upang mabasa lamang lalo na ang mga nobela.
Bunsod nang mabilis na pagbabago ng panahon, unti-unting humina ang produksiyon ng Liwayway. Nag-iba ang
panlasa ng mga Pilipino mula nang magpasukan ang iba’t ibang magasin mula sa ibang bansa. Sa kasalukuyan, naririto ang
nangungunang mga magasin na tinatangkilik sa bansa.

1. FHM (For Him Magazine) - Ang magasing ito ay tumatayo bilang mapagkakatiwalaan at puno ng mga impormasyon na
nagiging instrumento upang mapag-usapan ng kalalakihan ang maraming bagay tulad ng buhay, pag-ibig, at iba pa nang
walang pag-aalinlangan.
2. Cosmopolitan – Magasing pangkababaihan. Ang mga artikulo dito ay nagsisilbing gabay upang maliwanagan ang
kababaihan tungkol sa mga pinakamainit na isyu sa kalusugan, kagandahan, kultura at aliwan.
3. Good Housekeeping - Isang magasin para sa mga abalang ina. Ang mga artikulong nakasulat sa dito ay tumutulong sa
kanila upang gawin ang kanilang mga responsibilidad at maging mabuting maybahay.
4. Yes! - Ang magasin tungkol sa balitang showbiz. Ang nilalaman nito ay palaging bago, puno ng mga nakaw-atensyon na
larawan at malalaman na detalye tungkol sa mga pinakasikat na artista sa bansa.
5. Metro - Magasin tungkol sa fashion, mga pangyayari, shopping at mga isyu hinggil sa kagandahan ang nilalaman ng
Metro.
6. Candy - Binibigyan ng pansin ang mga kagustuhan at suliranin ng kabataan. Ito ay gawa ng mga batang manunulat na
mas nakauunawa sa sitwasyon ng mga mambabasa.
7. Men’s Health – Magasin na nakatutulong sa kalalakihan tungkol sa mga isyu ng kalusugan. Mga pamamaraan sa pag-
ehersisyo, pagbabawas ng timbang, mga pagsusuri sa pisikal at mental na kalusugan ang nilalaman nito, kung kaya ito ay
naging paborito ng maraming kalalakihan
8. T3 - Isang magasin para lamang sa mga gadget. Ipinakikita rito ang mga pinakahuling pagbabago sa teknolohiya at
kagamitan nito. Ito rin ay may mga napapanahong balita at gabay tungkol sa pag-aalaga ng mga gadget.
9. Entrepreneur – Magasin para sa mga taong may negosyo o nais magtayo ng negosyo.
III. K O M I K S
Ang komiks ay isang grapikong midyum na ang mga salita at larawan ay ginagamit upang ihatid ang isang salaysay o
kuwento. Maaaring maglaman ang komiks ng kaunting diyalogo sapagkat binubuo ito ng isa o higit pang mga larawan, na
maaaring maglarawan o maghambing ng pagkakaiba ng teksto upang higit na makaapekto nang may lalim. Bagaman
palagiang paksang katatawanan ang komiks, sa kasaysayan, lumawak na ang sakop ng anyo ng sining na ito na
kinabibilangan ng lahat ng mga uri (genre), hinahayaan ang mga artistang tuklasin ang kanilang sariling ekspresyon.
Sinasabing ang komiks ay inilarawan bilang isang makulay at popular na babasahin na nagbigay-aliw sa mambabasa,
nagturo ng iba't ibang kaalaman at nagsulong ng kulturang Pilipino. Ang kultura ng komiks ay binubuo ng mga manunulat
at dibuhista na nagpapalawak ng imahinasyon.

MGA BAHAGI NG KOMIKS

Pamagat ng
Kuwento

Kahon ng Salaysay-
Pinagsusulatan ng Larawang guhit ng
maikling salaysay mga tauhan sa
tungkol sa tagpo kuwento

Kuwadro- Lobo ng usapan-

Naglalaman ng isang Pinagsusulatan ng
tagpo sa kuwento usapan ng mga
tauhan; may iba’t
ibang anyo ito
batay sa
inilalarawan ng
dibuhista.

GAWAIN #3: KOMIKS KO, PARA SA BAYAN KO

PANUTO: Gumuhit ng isang maiksing komiks na sumasalamin sa mga nangyayari ngayong panahon ng pandemya.
Maaaring ang tema nito ay iyong sariling karanasan o di naman kaya ay pagkilala sa mga frontliners (Doktor, nurses at mga
sundalo o pulis) na lumalaban sa hamon ng pandemya. Nasa ibaba ang mga mahahalagang kategoryang titignan ng guro sa
pagpupuntos.

Pamantayan Napakagaling Magaling Katamtamang Puntos

(5pts) (3pts) Galing (2pts)
Kaangkupan
Angkop ang ipinakitang (mga) sitwasyon o tagpo sa ginuhit na komiks
Pagkakalahad
Maayos at kasiya-siyang nailahad ang gawain nang may malinaw na
mensahe na makakakita ng malinaw sa komiks.
Pagkakaguhit
Maayos, mahusay ang guhit na larawan, maganda ang kumbinasyon
ng mga kulay at malinis ang komiks.
Kabuoan:

WIKA AT GRAMATIKA
Sa araling ito, makikita natin ang pagkakaiba ng tabloid sa broadsheet na gumagamit ng banyagang salita at sa
mga salita na ginagamit sa mga artikulong nakasulat sa mga popular na babasahing ito.

ANTAS NG WIKA
Nahahati ang antas ng wika sa dalawa: Pormal at Di-pormal at sa loob ng bawat isa ay may iba pang antas. Sa
Pormal, nariyan ang pambansa, pampanitikan/masining at Teknikal. Samantala ang mga Di-pormal naman ay
diyalektal/lalawiganin, kolokyal at balbal.

1. Pormal – Wikang ginagamit sa mga seryosong publikasyon, tulad ng mga aklat, mga panulat na akademiko o teknikal, at
mga sanaysay sa mga paaralan. Ito ay impersonal, obhetibo, eksakto, at tiyak. Ito ay gumagamit ng bokabularyong mas
komplikado kaysa sa ginagamit sa pang-araw-araw na usapan. Gumagamit din ito ng mga pangungusap na binubuo ayon
sa mga panuntunang gramatikal.

2. Di-Pormal – Wikang ginagamit ng karamihang tao araw-araw. Simple lang ang bokabularyo nito at ang mga
pangungusap nito ay maiigsi lamang. Tinatanggap dito ang tonong kumberseysyonal at ang paggamit ng mga panghalip na
“ako” at “mo.” Hindi ito mahigpit sa tamang paggamit ng din- rin, daw-raw, kaunti-konti, atbp. Ang mga artikulo at kolum
sa mga diyaryo na parang nakikipag-usap lamang sa mambabasa ay kadalasang gumagamit ng mga wikang di-pormal. Ito
rin ang mga wikang ginagamit sa pagsulat sa mga kaibigan.

Halimbawa nito ay ang salitang balbal tumutukoy sa kataga o pariralang likha o hiram sa ibang wika na karaniwang
ginagamit ng mga mababa ang katayuan sa buhay. Kung ito’y hiram, binabago ang anyo nito upang maiakma sa paggamit.

Mga Salitang Ginagamit Sa Impormal/Di-Pormal Na Komunikasyon

Ang mga salitang karaniwan at palasak na ginagamit sa mga pang-araw-araw na pakikipag-usap at
pakikipagsulatan sa mga kakilala at kaibigan ay kabilang sa mga impormal o di-pormal na salita. Ang impormal na salita ay
nauuri sa apat.

1. Balbal (slang) - ang mga salitang ito ay tinatawag sa Ingles na slang. Ang mga salitang ito noong una ay hindi
tinatanggap ng matatanda at mga may pinag-aralan dahil hindi raw magandang pakinggan. Ang mga salitang balbal ay
tinatawag ding salitang kanto o salitang kalye.

Halimbawa:
Erpat - tatay Lispu - pulis
Tsikot - kotse Yosi - sigarilyo
Sikyo - security guard Praning - baliw

2. Lalawiganin (Provincialism) - ito ang mga salitang kilala at saklaw lamang ng pook na pinaggagamitan nito. Kapansin-
pansin ang mga lalawiganing salita, bukod sa iba ang bigkas , may kakaiba pang tono ito.
Halimbawa: tugang (Bikol), dako (Bisaya), ngarud (Ilokano)

3. Kolokyal (colloquial) - ito ay mga salitang ginagamit sa pang-araw-araw na pakikipagtalastasan ngunit may
kagaspangan at pagkabulgar, bagama't may anyong repinado at malinis ayon sa kung sino ang nagsasalita.
Halimbawa:
Pormal Kolokyal
Aywan ewan
Piyesta pista
Nasaan nasan
4. Banyaga - ito ay mga salitang mula sa ibang wika. Ang ating wika ay mayaman sa wikang banyaga. Karamihan sa mga
ito ay pangalang tiyak, wika, teknikal, pang-agham, simbolong pangmatematika o mga salitang banyagang walang salin
sa wikang Filipino.
Halimbawa: toothpaste, calculator, cellphone/smartphone, internet, basket atbp.
Sanggunian: Pinagyamang Pluma 8, Alma M. Dayag, et. Al.

GAWAIN #4: TUMBASAN MO!

PANUTO: Tumbasan ng impormal na salita ang mga sumusunod na salita sa bilang 1 – 5 at tumbasan naman ng pormal na
salita ang mga sumusunod na salita sa bilang 6 – 10.

1. Kapatid 6. Ermats
2. Halika na! 7. Nosi ba lasi?
3. Pera 8. Techie (Teki)
4. Kabataan 9. Istambay
5. Piyesta 10. Wapakels

GAWAIN #5: PAGNINILAY (REFLECTION)

1. Ano ang natutunan mo tungkol sa pahayagan, magasin at komiks?

_____________________________________________________________________________________________
_____________________________________________________________________________________________
2. Sa iyong palagay, alin sa mga babasahing popular ang higit na nakaiimpluwensya sa buhay, pag-uugali,at pag-iisip
ng mga Pilipino? Bakit?
_____________________________________________________________________________________________
_____________________________________________________________________________________________
3. Sa tulong ng Venn Diagram, ibigay ang lagom o pangkalahatang konsepto ng akdang tinalakay

PAHAYAGAN Sanggunian: http://williamrodriguez11.blospot

Pinagyamang Pluma 8, Alma M. Dayag, et. Al.
Komiklopedia.wordpress.com
B A&B A&C C https://www.facebook.com/komiksmuseum

MAGASIN ABC KOMIKS Inihanda ni: Gng. Sarah Joyce D.M. Pastoral

B&C

NOTE: Practice Personal Hygiene Protocols at all times.