Republic of the Philippines

Department of Education
Region IV-A CALABARZON
SAN PEDRO RELOCATION CENTER NATIONAL HIGH SCHOOL
City of San Pedro, Laguna
FILIPINO - 8
LEARNING ACTIVITY SHEET/GAWAING PAMPAGKATUTO NO: 3.5
IKATLONG MARKAHAN – IKAPITONG ARALIN: POSITIBO AT NEGATIBONG PAHAYAG AT KONSEPTO NG PANANAW
MELC #: 37 KODA AT KASANAYANG PAMPAGKATUTO: F8PB-IIId-e-30 Naiisa-isa ang mga positibo at negatibong
pahayag. - Nabibigyang-reaksyon ang mga positibo at negatibong pahayag.

NAME: ________________________________________ DATE: _______________

GRADE & SECTION: _________________________ SCORE: ______________

SUSING KONSEPTO: POSITIBO AT NEGATIBONG PAHAYAG AT KONSEPTO NG PANANAW AT PAGBABAGO/PAG-IIBA

Ano ba ang kahalagahan ng positibing pananaw? Ano ba ang naitutulong nito sa bawat individual? Marami,
sapagkat ito ang nagbibigay pag-asa sa isang tao. Ibig sabihin, kapag positibo lagi ang pananaw, hindi tayo mag-iisip ng
kawalan ng pag-asa. Halimbawa, kapag binigyan ka ng isang proyekto at kailangan ipasa ito pagkaraan ng tatlong araw,
ano ang gagawin mo? Una, iisipin na magagawa mo ito at dapat maipasa sa takdang-araw at kaya itong matapos.

May dalawang uri ang pananaw:

1. Positibo - sa pananaw na ito ang laging ang nasa isipan ng isang indibidwal ay kaya niyang gawin ang isang
bagay. Walang mahirap sa isang bagay kung gugustuhin dahil ang bunga nito ay tagumpay.

2. Negatibo - ang kadalasang nasa isipan ng isang negatibong indibidwal ay hindi niya kaya ang isang gawain.
Marami siyang dahilan kagaya ng tinatamad, walang panahon, hindi niya maintindihan, ayaw niyang mag-isip,
walang interes o sadyang ayaw niya lamang gawin.

GAWAIN #1: ISANG DI SINASADYANG PAGKAKAMALI

PANUTO: Basahin ang isang artikulo na isinulat sa Inquirer.net na isinalin sa tagalog sa pamamagitan ng Google
Translate. Sagutin ang mga tanong pagkatapos basahin ito. Isulat sa papel ang inyong sagot.

Ipinaliwanag ni Regine Velasquez na mayroon siyang dislexia matapos na maling baybayin ang pangalan ni Kobe
Bryant bilang pagkilala
Ni: Ryan Arcadio (INQUIRER.net / 01:48 PM January 28, 2020)
 Ipinaalala ni Regine Velasquez-Alcasid sa kanyang mga tagasubaybay sa social media na siya ay mayroong
dislexia (karamdaman sa pagbabasa) pagkatapos siyang punahin para sa maling pagbaybay sa pangalan ni Kobe Bryant
sa kanyang pagkilala sa yumaong basketball star.

Ang Asia's Songbird ay nag-upload ng larawan ng alamat ng NBA sa kanyang pahina sa Instagram kahapon,
Enero 27, 2020, kasunod ng balita tungkol sa kanyang pagkamatay noong isang araw. Namatay si Bryant sa isang
malagim na pagbagsak ng helikopter sa Calabasas sa California, USA.

"Sad day #RIPKobe," sabi ni Velasquez sa nai-edit na post na ngayon.

Una nang hindi binaybay ng mang-aawit ang pangalan ng atleta bilang "Coby." Mabilis na napansin ng mga
netizen ang kanyang pagkakamali at iniulat na nag-iwan ng mga negatibong komento sa kanyang post.

Makalipas ang ilang sandali, naitama ni Velasquez-Alcasid ang kanyang pagbaybay ng pangalan ni Bryant at
tinanggal ang lahat ng mga komento mula sa kanyang post. Tinugunan din niya ang mga bastos na komento sa
pamamagitan ng kanyang pahina sa Twitter.

"I always make a mistake with spelling [someone’s] name you can correct me without embarrassing me and
it’s ok,” (“Palagi akong nagkakamali sa pagbaybay ng pangalan, [ng isang tao] maaari mo akong iwasto nang hindi ako
pinapahiya at ayos lang iyon,") sabi niya.

Ipinaalala ng mang-aawit sa kanyang mga tagasunod na siya ay may dislexia at nakakaranas ng kahirapan sa
pagbaybay.“Please be kind, again you can correct me without making me feel bad,” (“Mangyaring maging mabait, muli
maaari mong iwasto ako nang hindi mo masasaktan ang damdamin ko,") apela ni Velasquez.

Una nang inamin ni Velasquez na nagkaroon siya ng dislexia sa panayam sa Philippine Entertainment Portal
noong 2012. Sa kabila ng pagkakaroon ng sakit sa pagkatuto, siniguro niya sa kanyang mga tagahanga na hindi ito
naging hadlang sa kanyang karera sa pagkanta. /ra

Sanggunian: https://entertainment.inquirer.net/361829/regine-velasquez-explains-she-has-dyslexia-after-misspelling-
kobe-bryants-name-in-tribute (INQUIRER.net / 01:48 PM January 28, 2020)

Si Regine Velasquez-Alcasid ay isa sa mga taong mayroong positibong pananaw, dati siyang manlalako ng
bananaque noong bata pa siya. Naisip niyang sumali sa mga “singing contest” dahil sa kanyang positibong pananaw,
isa na siyang matagumpay na singer na may titulong “Asia’s Songbird”. Ang lahat ng iyan ay natamo ni Regine dahil sa
kanyang mga pagpupursige at mga positibong pananaw sa paggawa.

Gabay na Tanong
1. Ano ang dalawang uri ng pananaw sa paggawa? Ipaliwanag ang bawat isa.
2. Sa iyong sariling salita, Ipaliwanag ang nangyari kay Regine Velasquez-Alcasid.
3. Paano nakatulong kay Regine Velasquez ang pagkakaroon ng positibong pananaw?
 Narito ang ilan pang dagdag na kaalaman upang lubos mong maunawaan kung ano ang tinatawag na Konsepto ng
Pananaw (Ugnay Wika).

1. May mga ekspresyong nagpapahayag ng konsepto ng pananaw. Inihuhudyat ng mga ekspresyong ito ang iniisip,
sinasabi o paniniwalaan ng isang tao. Kabilang dito ang:

- Ayon/Batay/Para/Sang-ayon sa/kay
- Sa ganang akin/ Sa paniniwala/Palagay/Pananaw/Paningin/Tingin/Akala ko/ni/ng
- Inaakala/ Pinaniniwalaan/ Iniisip ko/kong

2. May mga ekspresyong nagpapahiwatig ng pagbabago o pag-iiba ng paksa at/ o pananaw. Gayon man,
mapapansing di tulad ng naunang mga halimbawa na tumitiyak kung sino ang pinagmumulan ng pananaw,
nagpapahiwatig lamang ng pangkalahatang pananaw ang sumusunod na halimbawa:

- Sa isang banda
- Sa kabilang dako
- Samantala
- Gayon man

GAWAIN #2: HANAPIN ANG MGA GINAMIT NA KONSEPTO NG PANANAW AT PAGBABAGO

PANUTO: Basahin ang lunsarang teksto sa ibaba at sagutin ang mga tanong pagkatapos basahin ito. Isulat sa papel ang
inyong sagot.

"Hindi Handa ang Pamahalaan sa Pagdating ng mga Kalamidad sa Bansa"

Jelly: Raymond, nakakaawa naman ang kalagayan ng mga kabataan nating nasalanta noong nakaraang bagyo at
habagat. Ang iba'y nawalan ng kabuhayan, samantalang ang iba nama'y nawalan ng mahal sa buhay.
Raymond: Tunay na kalunus-lunos ang kanilang sinapit. Taon-taon na lamang ay ganito ang kanilang kinasasapitan
tuwing dumarating ang tag-ulan.
Jelly: Ayon sa pamahalaan, handa raw ang mga ahensya ng pamahalaan na may direktang kinalaman sa paghahanda
tuwing may malakas na bagyong dumarating tulad ng DSWD at NDRRMC, pero sa palagay ko ay nagsisinungaling sila.
Raymond: Tama ka, sang-ayon ako sa sinasabi mong nagsisinungaling ang pamahalaan. Kung totoong handa sila, bakit
ang daming nasalanta? Libo-libong pamilya ang nasa mga evacuation centers. Sa isang banda, maaaring maghanda
sila, hindi nga lang sapat ang ginawang paghahanda. Sa paniniwala ko, kung lubusan lamang ang ginawang
paghahanda ng mga pinuno ng ating pamahalaan, hindi ganito kalaki at kalubha ang pinsalang idinulot ng bagyo sa
ating bansa at sa ating mga kababayan. Kung sapat lamang ang ginawang paghahanda, naiwasan sana ang
napakalaking pinsalang iniwan ng bagyo sa buhay at ari-arian ng napakarmi nating kababayan.
Jelly: Totoo ang sinabi mo., pero sa pananaw ko, hindi lamang dapat ang pamahalaan ang naghahanda kapag may
kalamidad. Sa kabilang dako, sana'y maghanda rin ang ating mga kababayan.
Raymond: Sa tingin ko tama ka.
Sanggunian: Kayumanggi batay sa Kurikulum na K-12 (Ikatlong Markahan),
Perla Guerero, et.al
Gabay na Tanong:

1. Tungkol saan ang isyung pinag-uusapan? Napapanahon ba ito? Patunayan.

_____________________________________________________________________________________________
_________________________________________________________________________________________
2. Ano-ano ang mga ginamit na ekspresyong nagpapahayag ng konsepto ng pananaw? (7 na ekspresyon)
_____________________________________________________________________________________________
_________________________________________________________________________________________
3. Aling ekspresyon naman ang ginagamit upang ipahiwatig ang pagbabago o pag-iiba ng paksa? (1 ekpresyon)
_____________________________________________________________________________________________
_________________________________________________________________________________________
GAWAIN #3: PANANAW O PAGBABAGO/PAG-IIBA?
PANUTO: Basahin ang bawat pangungusap sa ibaba at tukuyin kung anong mga ekspresiyon o konsepto ang
ipinapahayag ng mga ito. Isulat ang PANANAW kung ito ay nagpapahayag ng konsepto ng pananaw at isulat naman
ang PAGBABAGO kung ito ay nagpapahiwatig ng pagbabago o pag-iiba ng paksa at/ o pananaw
__________ 1. Sang-ayon sa 1987 Konstitusyon ng Pilipinas, ang Filipino ang pambansang wika at isa sa mga opisyal na
wika ng komunikasyon at sistema ng edukasyon.
__________ 2. Bumagsak ang bagong gawang gusali ng isang Mayor sa Laguna para sana maging Testing Center ng
mga hinihinalang COVID – 19 Positive patients ilang araw mula ng buksan ito. Sa isang banda, mabuti na din at sa gabi
ito nangyari at walang naiulat na nasaktan o nasawi.
__________ 3. Gayon man, mabuti na din na nangyari ito upang maimbistigahan ang engineer at contractor na
nagprisintang gumawa nito nang walang arkitekto at ang bilyon-bilyong budget na inilaan para dito.
__________ 4. Sa paniniwala ni Pangulong Quezon, mas mabuti ang mala-impiyernong bansa na pinamamahalaan ng
mga Pilipino kaysa makalangit na Pilipinas na pinamumunuan ng mga dayuhan.
__________ 5. Iniisip kong hindi makabubuti kanino man ang kanilang plano at makabubuti pang huwag nang ituloy.
__________ 6. Samantala, makabubuti sigurong makapagpahinga na muna ang mga frontliners para mas may lakas sila
sa hamon ng pang araw-araw na laban sa COVID-19 at mas magawa nila ng maayos ang kanilang trabaho.
__________ 7. Ayon kay Duterte, kailangan i-reorganize ang PhilHealth, at maglatag ng mga bagong sistema partikular
na sa accounting para sa check and balances at maprotektahan ang pera ng bayan.
__________ 8. Sinabi ni Dr. Minguita Padilla, pangulo ng Eye Bank Foundation of the Philippines, dapat magbitiw na
ang mga miyembro ng PhilHealth board.
__________ 9. Kinuwestiyon naman ni Harry Roque, na tumayong abogado sa isa sa mga nagreklamo kontra sa dialysis
center, kung bakit patuloy na nakakatanggap ng bayad mula sa PhilHealth ang dialysis center. Pero batay sa PhilHealth,
simula Hunyo 6, wala nang bayad na natanggap ang dialysis center. — Ulat ni Apples Jalandoni, ABS-CBN News
__________ 10. Isang vlogger na doktor ang sinubukang ipaliwanag ang posibleng dahilan ng pagkamatay ng YouTube
Star na si Lloyd Cadena. Bagaman at wala pang opisyal na pahayag ang pamilya ng vlogger sa mismong dahilan ng
pagkamatay nito, kumakalat ang posibilidad na cardiac arrest ito. Sa kabilang dako, nilinaw ng doctor na ginawa niya
ang video upang maiwasan ang maling impormasyon na kumakalat ukol sa sikat na vlogger at hindi para sumakay sa
kasikatan niya o ng issue na ito.

GAWAIN #4: PAGNINILAY (REFLECTION)

1. Paano magagawang positibo ang mga negatibong pananaw?
__________________________________________________________________________________________
______________________________________________________________________________________
2. Kung ikaw ang pamimiliin alin sa dalawang pananaw ang pipiliin mo? Bakit?
__________________________________________________________________________________________
______________________________________________________________________________________
3. Ano-ano ang mga pahayag na nagpapakilala ng konsepto ng pananaw? Ano-ano naman ang mga pahayag na
nagpapakilala ng konsepto ng pagbabago o pagiiba ng paksa at pananaw?
__________________________________________________________________________________________
______________________________________________________________________________________
4. Mahalaga ba ang mga ekspresiyon o konsepto na nagpapahayag ng pananaw at pagbabago o pag-iiba ng paksa
at/ o pananaw? Ipaliwanag.
__________________________________________________________________________________________
______________________________________________________________________________________

Sanggunian: https://fortich.weebly.com/lesson-2.html ni Eleonor Fortich Matabang, Mait-Student-RTU(Pasig)

https://entertainment.inquirer.net/361829/regine-velasquez-explains-she-has-dyslexia-after-misspelling-kobe-bryants-name-in-
tribute
https://news.abs-cbn.com/news/06/08/19/balasahan-sa-philhealth-ipag-uutos-ni-duterte-sa-gitna-ng-dialysis-scandal
https://kami.com.ph/119477-isang-doktor-ipinaliwanag-ang-posibleng-dahilan-ng-biglaang-pagkamatay-ni-lloyd-cadena.html
Kayumanggi batay sa Kurikulum na K-12 (Ikatlong Markahan), Perla Guerero, et.al at Pinagyamang Pluma 8, Alma M.
Dayag, et. Al
Inihanda ni: Gng. Sarah Joyce D.M. Pastoral

NOTE: Practice Personal Hygiene Protocols at all times.