10

Filipino
Unang Markahan-Modyul 1
Mitolohiya
Filipino – Ikasampung Baitang
Self-Learning Modules
Unang Markahan – Modyul 1: Mitolohiya
Unang Edisyon, 2020

Isinasaad sa Batas Republika 8293, Seksiyon 176 na: Hindi maaaring magkaroon ng
karapatang-sipi sa anomang akda ang Pamahalaan ng Pilipinas. Gayonpaman, kailangan
muna ang pahintulot ng ahensiya o tanggapan ng pamahalaan na naghanda ng akda kung ito
ay pagkakakitaan. Kabilang sa mga maaaring gawin ng nasabing ahensiya o tanggapan ay
ang pagtakda ng kaukulang bayad.

Ang mga akda (kuwento, seleksiyon, tula, awit, larawan, ngalan ng produkto o brand name,
tatak o trademark, palabas sa telebisiyon, pelikula, atbp.) na ginamit sa modyul na ito ay
nagtataglay ng karapatang-ari ng mga iyon. Pinagsumikapang matunton ang mga ito upang
makuha ang pahintulot sa paggamit ng materyales. Hindi inaangkin ng mga tagapaglathala at
mga may-akda ang karapatang-aring iyon. Ang anomang gamit maliban sa modyul na ito ay
kinakailangan ng pahintulot mula sa mga orihinal na may-akda ng mga ito.

Walang anomang parte ng materyales na ito ang maaaring kopyahin o ilimbag sa anomang
paraan nang walang pahintulot sa Kagawaran.

Bumuo sa Pagsusulat ng Modyul

Manunulat: Maricel O. Aperocho
Editor: Arlene C. Bagayas & Ezequil J. Orillo
Tagasuri: Evely C Frusa PhD., Prima A. Rollo, Rolex H. Lotilla, Arvin M. Tejada
Tagaguhit: Actual Picture
Tagalapat: Alou Camille B. Sabado
Tagapamahala: Allan G. Farnazo, CESO IV – Regional Director
Fiel Y. Almendra, CESO V – Assistant Regional Director
Crispin A. Solivin Jr., CESE – Schools Division Superintendent
Roberto J. Montero, CESE – Asst. Schools Division Superintendent
Gilbert B. Barrera – Chief, CLMD
Arturo D. Tingson Jr. – REPS, LRMS
Peter Van C. Ang-ug – REPS, ADM
Belen L. Fajemolin, PhD – CID Chief
Evelyn C. Frusa, PhD – EPS, LRMS
Prima A. Roullo – EPS, Filipino
Bernardita M. Villano – Division ADM Coordinator

Inilimbag sa Pilipinas ng Department of Education – SOCKSARGEN Region

Office Address: Regional Center, Brgy. Carpenter Hill, City of Koronadal

Telefax: (083) 228-8825/ (083) 228-1893
E-mail Address: region12@deped.gov.ph
Paunang Salita
Ang Self-Learning Module o SLM na ito ay maingat na inihanda para sa ating
mag-aaral sa kanilang pag-aaral sa tahanan. Binubuo ito ng iba’t ibang bahagi na
gagabay sa kanila upang maunawaan ang bawat aralin at malinang ang mga
kasanayang itinakda ng kurikulum.

Ang modyul na ito ay may inilaang Gabay sa Guro/Tagapagdaloyna naglalaman ng mga

paalala, pantulong o estratehiyang magagamit ng mga magulang o kung sinumang gagabay
at tutulong sa pag-aaral ng mga mag-aaral sa kani-kanilang tahanan. Ito ay may kalakip na
paunang pagsusulit upang masukat ang nalalaman ng mag-aaral na may kinalaman sa
inihandang aralin. Ito ang magsasabi kung kailangan niya ng ibayong tulong mula sa
tagapagdaloy o sa guro. Mayroon ding pagsusulit sa bawat pagtatapos ng aralin upang
masukat naman ang natutuhan. May susi ng pagwawasto upang makita kung tama o mali ang
mga sagot sa bawat gawain at pagsusulit. Inaasahan namin na magiging matapat ang bawat
isa sa paggamit nito.
Pinapaalalahanan din ang mga mag-aaral na ingatan ang SLM na ito upang magamit pa ng
ibang mangangailangan. Huwag susulatan o mamarkahan ang anumang bahagi ng modyul.
Gumamit lamang ng hiwalay na papel sa pagsagot sa mga pagsasanay.
Hinihikayat ang mga mag-aaral na makipag-ugnayan agad sa kanilang guro kung sila ay
makararanas ng suliranin sa pag- unawa sa mga aralin at paggamit ng SLM na ito.
Sa pamamagitan ng modyul na ito at sa tulong ng ating mga tagapagdaloy, umaasa kami na
matututo ang ating mag-aaral kahit wala sila sa paaralan.
 Alamin

Maligayang Pagbabalik sa lahat! Simulan natin ang unang aralin na may

galak at pasasalamat sa pagkakataong tayo’y nanatiling ligtas at nasa mabuting
kalagayan. Isa sa mga kawili-wiling mga kuwento na nababasa at napapanood
natin ay tungkol sa pinagmulan ng mga lugar sa ating mundo ay kilala sa tawag na
Mitolohiya. Sa araling ito, ipakikilala ang mitolohiya, mga ilang halimbawa, kung
paano natin nasasalamin ang pamumuhay, paniniwala at pamamalakad ng mga
sinaunang tao sa iba’t ibang panig ng mundo lalo na bansang Roma na
pinagmulan nito.

Layunin: Sa pagtatapos ng araling ito, ang bawat isa ay inaasahang;

1. Nauunawang mabuti ang katuturan, kahulugan at pinagmulan ng mitolohiya;
2. Naipapahayag ang sariling pananaw/ideya hinggil sa nabasang teksto;
3. Natutukoy ang mga pangyayaring may kaugnayan sa kasalukuyang panahon;
4. Napapahalagahan ang mga mahahalagang pangyayari, aral at paniniwala ng
ating mga ninuno;
5. Nakabubuo ng sariling akda na mula sa araling binasa na nagpapakita ng
kasalukuyang sitwasyon..

Kasanayang Pampagkatuto:

1. Naipahahayag nang malinaw ang sariling opinyon sa paksang tinalakay.

2. Naiuugnay ang mga kaisipang nakapaloob sa akda sa nangyayari sa sarili,
pamilya, pamayanan, lipunan at daigdig.
3. Naisusulat ang sariling mitolohiya batay sa paksa ng akdang binasa.
 Subukin

GAWAIN 1: Pagtapat-tapatin

Bilang pagpapahalaga sa ilang akda mula sa iba’t ibang bansa, narito ang
isang gawain na susubok sa iyong kaalaman. Gaano na ang alam mo sa isang
kilalang akda ng ibang bansa. Piliin sa kolum B kung anong uri ng panitikan ang
mga pamagat ng akdang nasa kolum A. Isulat sa patlang ang iyong sagot.

Kolum A Kolum B

1. Cupid at Psyche A. epiko

2. Gilgamesh B. mitolohiya
3. Ang Kuwintas C. Jupiter
4. Alegorya ng Yungib D. Nobela
5. Ang Kuba ng Notre Dame E. maikling kuwento
6. Ang Tusong Katiwala F. parabola
7. Ang Tinig ng Ligaw na Gansa G. pabula
8. Nagkaroon ng Anak sina H. mito
Wigan at Bugan I. sanaysay
9. Hari ng mga diyos at diyosa J. Venus
10. Diyosa ng kagandahan K. tula
 Aralin

1.1
Mitolohiya

Ang Mitolohiya ng Taga-Roma ay kadalasang tungkol sa politika, ritwal, at

moralidad na ayon sa batas ng kanilang mga diyos at diyosa mula sa Sinaunang
taga-Roma hanggang ang katutubong relihiyon ay mapalitan na ng Kristiyanismo.
Kabayanihan ang isang mahalagang tema sa mga kuwentong ito. Itinuring ng mga
Sinaunang taga-Roma na nangyari sa kanilang kasaysayan ang nilalaman ng mga
mito kahit ang mga ito ay mahimala at may elementong supernatural.

Ang kanilang mitolohiya ay hinalaw mula sa Greece na kanilang sinakop.

Labis nilang nagustuhan ang mitolohiya ng bansang ito, kaya inaangkin nilang
parang kanila at pinagyaman nang husto. Binigyan nila ng bagong pangalan ang
karamihan sa mga diyos at diyosa. Ang ilan ay binihisan nila ng ibang katangian.
Lumikha sila ng bagong mga diyos at diyosa ayon sa kanilang paniniwala at kultura.

Ang araling ito ay tungkol sa klasikong mitolohiya mula sa Rome, Italy.

Itatampok ang “Cupid at Psyche” na isa sa mga pinagmulan na mito mula sa Rome.
Makikilala mo ang iba’t ibang diyos at diyosa na pinaghugutan ng inspirasyon ng
iba’t ibang manunulat ng panitikan sa buong daigdig. Sa pagtatapos ng araling ito,
ikaw ay inaasahang makapagsasalaysay ng mito at maibahagi ito sa klase batay sa
sumusunod na pamantayan: a.) wastong pagbigkas, b.) hikayat sa madla, at c.) tinig.

Balikan

Ang panitikang Asyano na naglalayong bigyang kaalaman sa mga kuwento na

nagmula sa ating bansa at karatig nito. Napakayaman ng minanang panitikan ng
bawat bansa kaya’t hanggang ngayon ito’y sumasalamin sa ating kultura’t
kasarinlan. Sa pagkakataong ito ay palawakin natin ang ating kaalaman sa
panitikang pandaigdig. Simulan natin sa unang bahagi na pagkukunan natin ng
ating tatalakayin sa unang markahan.

Ang dagat ng Mediterranean ay matatagpuan sa pagitan ng Europe, hilaga ng

Africa, at timog-kanlurang Asia. Sinasaklaw ng Mediterranean ang dalawampu’t
dalawa na iba’t ibang bansa mula sa tatlong kontinente. Ang mga bansang ito ay
Algeria, Egypt, Libya, Morocco, Tunisia na nasa kontinente ng Africa, sa kontinente
naman ng Asia – Cyprus, Israel, Lebanon, Syria, at sa kontinente ng Europe –
Albania, Bornia at Herzegovina, Croatia, France, Greece, Italy, Malta, Monaco,
Montenegro, Slovenia, Spain, at Turkey.

Ang sinaunang Mediterranean ang nakatuklas ng sistema ng pagsulat na

nagpabago at humubog sa kasaysayan ng mundo. Unti-unting umunlad ang
pagsulat mula sa simbolong larawan, simpleng komunikasyon tungo sa likhang-
sining at panitikan. Ang panitikan ng sinaunang Mediterranean ay naging batayan
ng iba’t ibang uri ng panitikan sa buong mundo.
 Tuklasin

MITOLOHIYA - ang salitang mitolohiya ay nangangahulugang agham o pag-aaral ng

mga mito/ myth at alamat. Tumutukoy rin ito sa kalipunan ng mga mito mula sa isang
pangkat ng tao sa isang lugar na naglalahad ng kasaysayan ng mga diyos- diyosan
noong unang panahon na sinasamba, dinarakila at pinipintakasi ng mga sinaunang tao.
Ang salitang mito/myth ay galing sa salitang Latin na mythos at mula sa Greek na
muthos, na ang kahulugan ay kuwento.

Ang muthos ay halaw pa sa mu, na ang ibig sabihin ay paglikha ng tunog sa

bibig. Sa Klasikal na Mitolohiya ang mito/myth ay representasyon ng marubdob na
pangarap at takot ng mga sinaunang tao. Nakatutulong ito upang maunawaan ng mga
sinaunang tao ang misteryo ng pagkakalikha ng mundo, ng tao, ng mga katangian ng
iba pang mga nilalang. Ipinaliliwanag rin dito ang nakatatakot na puwersa ng kalikasan
sa daigdig – tulad ng pagpapalit ng panahon, kidlat, baha, kamatayan, at apoy. Ito ay
naglalahad ng ibang daigdig tulad ng langit at ilalim ng lupa. Hindi man ito kapani-
paniwalang kuwento ng mga diyos, diyosa, at mga bayani, tinuturing itong sagrado at
pinaniniwalaang totoong naganap. Karaniwang may kaugnayan ito sa teolohiya at
ritwal.

Ang kanilang
mitolohiya ay
hinalaw mula sa
Greece na kanilang
sinakop.
 Kilalanin Mo
Sila ang Labindalawang pinakadakilang diyos at diyosa ng Mitolohiya ng
Rome at Greece na kilala rin sa tawag na The 12 Great Olympian Gods.

Greek Roman Katangian at Kapangyarihang Taglay

1. Zeus Jupiter - hari ng mga diyos; diyos ng

kalawakan at panahon
- tagapagparusa sa mga sinungaling at
hindi marunong tumupad sa pangako
- asawa niya si Juno
- sandata niya ang kulog at kidlat
2. Hera Juno - reyna ng mga diyos
- tagapangalaga ng pagsasama ng mag-
asawa,
- asawa ni Jupiter
3. Poseidon Neptune - kapatid ni Jupiter
- hari ng karagatan, lindol
- kabayo ang kaniyang simbolo
4. Hades Pluto - kapatid ni Jupiter
- panginoon ng impiyerno
5. Ares Mars - diyos ng digmaan
- buwitre ang ibong maiuugnay sa kaniya
6. Apollo Apollo - diyos ng propesiya, liwanag, araw,
musika, panulaan
- diyos din siya ng salot at paggaling
- dolphin at uwak ang kaniyang simbolo

7. Athena Minerva - diyosa ng karunungan, digmaan, at

katusuhan
- kuwago ang ibong maiuugnay sa kaniya
8. Artemis Diana - diyosa ng pangangaso, ligaw na hayop,
at ng buwan
9. Hephaestus Vulcan - diyos ng apoy, bantay ng mga diyos
10. Hermes Mercury - mensahero ng mga diyos, paglalakbay,
pangangalakal, siyensiya, pagnanakaw,
at panlilinlang
11. Aphrodite Venus - diyosa ng kagandahan, pag-ibig,
- kalapati ang ibong maiuugnay sa kaniya
12. Hestia Vesta - kapatid na babae ni Jupiter
- diyosa ng apoy mula sa pugon
 Cupid at Psyche
Isinalin sa Ingles ni Edith Hamilton
Isinalin sa Filipino ni Vilma C. Ambat

May hari at reyna na may tatlong magagandang anak na babae. Ang bunsong
si Psyche ang siyang pinakamaganda sa lahat. Labis siyang hinahangaan at
sinasamba ng kalalakihan. Palaging kinukumpara ang ganda nito sa diyosa ng
kagandahan na si Venus. Sinasabing mas higit pa itong maganda kaysa sa diyosa.
Maging ang pag-aalay sa templo nito any nakalimutan na rin ng kalalakihan. Nagalit
si Venus sa mortal na si Psyche at agad niyang inutusan ang anak na si Cupid na
paibigin ang dalaga sa isang halimaw. Hindi na niya naisip ang maaaring maidulot
ng kagandahan ng dalaga sa kaniyang anak. Agad tumalima si Cupid at hinanap
ang nasabing babae. Umibig siya kay Psyche nang nasilayan niya ang kagandahan
ng dalaga. Tila ba napana niya agad ang kaniyang puso.
Hindi nagawa ni Cupid ang pinapagawa sa
kanya ng kanyang ina. Samantalang umasa si
Venus na nagawa ng anak ang kanyang inutos.
Subalit laking pagtataka niya nang walang
nangyayari kay Venus.

Ang mga magulang naman ni Psyche

ay nabahala para sa kanilang anak. Humingi sila
ng payo kay Apollo na kung ano ang maaaring
gawin upang makahanap ito ng pag-ibig. Ipinayo
ni Apollo na bihisan nila ng pamburol ang anak
at iiwan sa bundok nang mag-isa. Labag man sa
kanilang kalooban ay tumalima sila sa payo ni
Apollo. Nalulungkot man ang lahat sa
pangyayari, buong-pusong tinanggap ni Psyche
ang kanyang kapalaran.
Nag-iisang naghintay si Psyche sa bundok. Nanginginig man sa takot hinintay
niya kung ano man ang mangyayari sa kaniya. Dumating ang malamig na hangin ni
Zephyr, nilipad siya nito at inilapag sa damuhang kasinlambot ng kama at
pinahalimuyak ng mababangong bulaklak. Napakapayapa ng lugar na tila nawala
ang lahat ng kaniyang kalungkutan. Nakatulog siya sa kapayapaan ng gabi.

Nawala ang kanyang pangamba habang nalilibang sa mansiyon. Hindi man

nakikita ang mga kasama sa mansiyon, naaaliw siya sa mga musika ng lira at mga
awitin ng koro na naririnig lamang niya. Pagsapit ng gabi nangyari ang di niya
inaasahan. Naramdaman niya ang pagdating ng lalaki. Tulad ng mga tinig, hindi
niya rin nakikita ang lalaki. Narinig niya bumulong ang lalaki sa kanya na
nagpawala ng kaniyang takot at pangamba. Nababatid niyang hindi halimaw ang
kaniyang mangingibig.
 Isang gabi’y kinausap siya ng lalaki at binalaan hinggil sa maaaring mangyari
na kasangkot ang kaniyang dalawang kapatid. Pakiusap nito na huwag siyang
magpapakita sa mga ito.

Nangyari nga ang sinabi ng lalaki. Hindi niya

matiis ang pananangis ng mga kapatid. Hiningi niya
sa asawa na makita ang mga ito. “Pagbigyan mo lang
ang kaligayahan kong muling makapiling ang aking
mga kapatid,” buong pagmamakaawang hiling ni
Psyche. Malungkot na sumang-ayon ang lalaki.
Dinala siya ng ihip ni Zephyr sa kaniyang
dalawang kapatid. Tuwang-tuwa silang
nagyayakapan habang nag-iiyakan. Dinala niya ang
mga kapatid sa kaniyang mansiyon. Labis na
nanibugho ang mga kapatid sa nakikita nila sa
paligid. Lalo pa ng dumakot ito ng mga hiyas at ginto
bilang pabaon bago sila pinahatid kay Zephyr. Sa
nakita ng magkapatid na walang katumbasa
nakitang yaman ni Psyche ay binalot ng inggit ang mga ito na nauwi sa masamang
balak.
Kinagabihan, muling kinausap ng lalaki si Psyche. Nagmakaawa siyang
huwag na muling patuluyin sa kanilang tahanan ang kaniyang mga kapatid.
“Tandaan mong hindi mo na ako makikitang muli kapag binali mo ang iyong
pangako,” masidhing paalala ng kaniyang asawa. “Bawal na kitang makita, pati ba
naman ang mga mahal kong kapatid?” pagmamaktol na sumbat ni Pysche. Muling
pinagbigyan ng lalaki ang asawa na makita ang kaniyang mga kapatid.

Kinabukasan, muling dumalaw ang dalawang kapatid na may nabuo nang

malagim na balak sa kanilang bunsong kapatid. Kanila itong kinausap nang
kinausap. Nasuyo nila ang kapatid na dapat makita nito ang mukha ng asawa
sapagkat ito ay isang nakakatakot na nilalang. Doon napagtanto ni Psyche na kaya
pala hindi nagpapakita ng mukha ang lalaki dahil isa itong halimaw.

Nang malalim na ang gabi at mahimbing na ang tulog ng lalaki ay sinindihan

ni Psyche ang lampara at kinuha ang tinagong punyal. Patiyad na lumapit sa higaan
upang makita ang mukha ng lalaki. Laking tuwa niya nang malaman na hindi
halimaw ang asawa kundi isang napakagwapong lalaki. Sa pagnanais na makita pa
nang matagal ang mukha ng asawa ay nilapit niya ang lampara sa mukha nito. Hindi
niya napansin na natuluan ng langis ang dibdib nito. Bigla siyang nagising at umalis.
Sinundan ni Psyche ang asawa subalit paglabas niya, hindi na niya nakita
ang lalaki. Narinig na lamang niya ang tinig ng asawa. Ipinaliwanag nito kung sino
siyang talaga. “ Hindi mabubuhay ang pag-ibig kung walang tiwala,” wika niya bago
tuluyang lumipad papalayo. “Si Cupid, ang diyos ng pag-ibig!” ang naisip ni Psyche.
“ Siya ang asawa ko. Ako na isang hamak lamang ay hindi tumupad sa aking
pangako sa kaniya. Mawawala na nga ba siya sa akin nang tuluyan?” wika niya sa
kaniyang sarili. Inipon niya ang lahat ng nalalabi niyang lakas at nagwikang
“Ibubuhos ko ang bawat patak ng aking buhay upang hanapin siya. Kung wala na
siyang natitirang pagmamahal sa akin, maipakikita ko sa kaniya kung gaano ko siya
kamahal.” At sinimulan ni Psyche ang kaniyang paglalakbay.
 Umuwi si Cupid sa kaniyang inang si Venus upang magpagaling. Kaniya ring
tinuran ang nangyari sa ina. Nagpuyos sa galit si Venus at determinado itong ipakita
sa mortal kung paano magalit ang diyosa.

Naglakbay si Psyche at pinilit na makuha ang panig

ng mga diyos. Subalit wala ni isang tumulong sa kaniya
sapagkat natatakot din ang mga itong maging kaaway ng
diyosa. Nabuo ang pasya ni Psyche na tumungo na lamang
sa kaharian ng diyosa at harapin ang galit nito sa
pagbabakasaling naroon din ang kaniyang kabiyak.
Napahalakhak na lamang si Venus nang nabatid
niyang pumunta si Psyche sa kanyang palasyo. Dahil sa galit
at bilang parusa ay binigyan niya ito ng mahihirap na
pagsubok. Kabilang na dito ang pagbuo ng hiwa-hiwalay na
buto bago pa dumilim, pagkuha ng gintong balahibo ng
mapanganib na tupa, pagkuha ng itim na tubig sa malalim na talon. Lahat ng
pagsubok ay napagtagumpayan ni si Psyche sa tulong na rin ng mga nasa paligid
niya. Ang huling pagsubok ay ang pagkuha ng kahon na may lamang kagandahan
mula kay Proserpine.

Pabalik na sa palasyo ni Venus si Psyche nang natukso itong kumuha ng

kahit kunting ganda lamang mula sa kahon na naging sanhi ng kanyang panghihina.
Nagising si Cupid mula sa pagpapagaling ngunit nagtaka siya kung bakit siya
kinulong ng ina. Napagtanto niya ang lahat at naghanap ng paraan upang
makatakas. Hinanap niya ang asawa at nakita niya itong nanghihina. Bahagya
niyang tinusok ng kaniyang busog si Psyche upang magising. Pinagalitan niyang
muli ang kaniyang asawa dahil sa pagiging mausisa nito na humantong muli sa
kaniyang kapahamakan. Sinabi niyang magtungo si Psyche sa kaniyang ina at
ibigay ang kahon. Dito na magtatapos ang pagpapahirap ng kaniyang ina.
Tumungo si Cupid sa kaharian ni Jupiter, ang diyos ng mga diyos at tao.
Humiling ito na sila’y tanggapin bilang mag-asawa. Nagpatawag si Jupiter ng
pagpupulong ng mga diyos at diyosa kasama na si Venus. Ipinahayag niya sa lahat
na si Cupid at Psyche ay pormal nang ikinasal at wala nang dapat gumambala sa
kanila maging si Venus. Dinala ni Mercury si Psyche sa kaharian ng mga diyos at
pinakain ng ambrosia, ang pagkain ng mga diyos upang maging imortal. Naging
panatag na rin si Venus na maging manugang si Psyche sapagkat isa na itong diyosa.
At kung maninirahan na ang manugang sa kaharian ng mga diyos, hindi na muling
makagagambala si Psyche sa pagsamba ng tao kay Venus.

Ang pag-ibig (Cupid), at kaluluwa (Psyche) ay nagkatagpo sa likod ng mapapait na pagsubok sa

kanilang pagsasama ay hindi na mabubuwag kailanman
 Suriin

GAWAIN 1: Pagsusuri sa Tauhan. Sagutin ayon sa sariling opinyon/pananaw ang

sumusunod na tanong.

1. Ano ang pagkakamaling ginawa ni Psyche na nagdulot ng mabigat na

suliranin sa kaniyang buhay?
Sagot:

2. Bakit gayon na lamang ang inggit at galit ni Venus kay Psyche?

Sagot:
3. Bakit itinago ni Cupid ang tunay niyang pagkatao kay Psyche?
Sagot:

4. Bakit sa wakas ay naging panatag na ang kalooban ni Venus na maging

manugang si Psyche?
Sagot:

5. Bilang isang diyosa, ano ang hindi magandang katangian ni Venus?

Ipaliwanag.

Sagot:

6. Kung ikaw si Psyche, tatanggapin mo rin ba ang mga hamon ni Venus

para sa pag-ibig? Bakit?
Sagot:

7. Magbigay ng sariling reaksiyon sa pahayag ni Cupid na:

 Pagyamanin

Gawain 1. A. Kulturang Masasalamin

Tukuyin ang masasalaming kultura ng mga taga-Roma sa akdang binasa.

Suriin ang pagkakahawig nito sa kultura ng mga Pilipino. Gawing batayan ang
halimbawang naibigay.

GAWAIN 1: B. Pagtapat-tapatin

Basahin sa Kolum B ang bawat pahayag na naglalarawan ng katangian ng

mga diyos na nakatala sa Kolum A. Isulat ang letra ng angkop na sagot sa patlang
sa tapat ng Kolum A. Isulat ang sagot sa sagutang papel.

Kolum A Kolum B
1. Venus A. Diyosa ng kagandahan

at kalapati ang sagisag niya

2. Cupid B. Diyos ng propesiya, araw, at musika

3. Mercury C. Kapatid ni Jupiter at panginoon ng
kaharian sa ilalim ng lupa

4. Pluto D. Hari ng mga diyos at kalawakan

5. Jupiter E. Diyos ng pagmamahal at sinasabing
anak ni Venus

F. Mensahero ng mga diyos at kilala rin sa

tawag na Hermes ng mga Greek
 Isaisip

Gamit ng Mitolohiya

Ang mitolohiya ay mga kuwentong tungkol sa mga diyos at

diyosa ng makalumang panitikan na kapupulutan ng kahalagahan.
Ito ay nagsisilbing gabay natin sa kasulukuyang pamumuhay.
Narito ang ilang gamit ng mitolohiya sa ating pag-aaral:
Nagpapaliwanag ng pagkakalikha ng daigdig, puwersa ng kalikasan,
naikukwento ang mga sinaunang gawaing panrelihiyon, magturo ng
mabuting aral maipaliwanag ang kasaysayan, at maipahayag ang
marubdob na pangarap, matinding takot, at pag-asa ng
sangkatauhan.

GAWAIN 1
Pagkatapos nating natutunan ang araling ito. Bigyan natin ng pag-uugnay
batay sa naunawaan mong mensahe mula sa mitolohiyang“Cupid at Psyche,”
paano mo ito maiuugnay sa iyong sarili, pamilya, pamayanan, at lipunan. Gamitin
ang grapikong representasyon sa pagpapahayag ng iyong kaisipan.
Pamayanan

Mensahe
Mula Sa Lipunan
Sarili Cupid at
Psyche

Pamilya
 Isagawa

Mula sa binasang Mitolohiya, gumawa ng sariling akda hinggil sa mga

kakaibang nilalang at pangyayari na iyong narinig mula sa mga kuwento ng
matatanda at kasalukuyan pa ring pinaniniwalaan sa inyong lugar. (Gumawa ng
isang pananaliksik.pagtatanong sa iyong mga ninuno)

Susi sa Pagmamarka
Kailangan pa ng
Magaling Katamtaman higit na
Pamantayan Kabuuan
(10 puntos) (8puntos) kasanayan
(6 puntos)
Tumpak na tumpak Tama ang Hindi tama ang
Nilalaman ang nilalaman ng nilalaman ng nilalaman ng
ginawang akda ginawang akda ginawang akda
Kilala ang mga Hindi pamilyar
Kapani-paniwala ang
Kaangkupan ng nilalang na ang mga nilalang
mga nilalang na
mga tauhan ginamit sa na ginamit sa
ginamit sa akda.
akda. akda.
Isinasaalang ang Nagagamit ang Hindi nagagamit
wastong paggamit ng tamang salita, ang tamang salita,
Wastong gamit
salita, bantas at bantas at bantas at
ng salita.
mekaniks sa mekaniks sa mekaniks sa
pagsulat. pagsulat. pagsulat.
 Tayahin
Tayahin natin ang mga kaalamang natutunan sa modyul na ito. Basahin nang
mabuti ang sumusunod na tanong at sagutin sa inyong sagutang papel.

1. Ang Cupid at Psyche ay isang na nagmula sa taga-Roma.

A. maikling kuwento B. epiko C. parabola D. sanaysay

2. mula sa Mesopotamia ang Gilgamesh.

A. mitolohiya B. nobela C. epiko D. sanaysay

3. Nabuyo ng mga kapatid ang isipan ni Psyche. Ang salitang may salungguhit ay
may kasingkahulugan na .
A. kinutuban B. nasira C. nadala D. nawala

4. Si Cupid ay diyos ng .
A. kadiliman B. pag-ibig C. impiyerno D. kaluluwa

5. Ang mga pagsubok ni Venus kay Psyche ay isang sa mortal.

A. parusa B. gantimpala C. pagmamahal D. aral

6. “ Hindi mabubuhay ang pag-ibig kung walang tiwala,”. Sino ang nagwika ng
pahayag na ito?
A. Apollo B. Venus C. Cupid D. Psyche

7. Labis na nanibugho ang mga kapatid ni Psyche sa kanilang nakita. Ang salitang
may salungguhit ay nangangahulugang .
A. naniniwala B. naiinggit C. humahanga D. umaasa

8. Pagkain ng mga diyos na pinakain kay Psyche upang siya ay maging immortal na
rin.
A. Ambrosia B. tubig D. burger D. prasko

9. Hari ng mga diyos at diyosa at tagapagparusa sa mga sinungaling at hindi

marunong tumupad sa pangako.
A. Venus B. Medusa C. Jupiter D. Hades

10. Diyosa ng kagandahan, pag-ibig, kalapati ang ibong maiuugnay sa kaniya.

A. Hera B. Venus C. Hestia D. Artemi
 Karagdagang Gawain

Makipag-usap ka! Tanungin ang iyong mga magulang o matatanda sa

inyong lugar tungkol sa katangian at kapangyarihan ng mga sumusunod na
kakaibang nilalang. Itala ang kanilang kakilanlan ayon sa sagot ng mga
pinagtanungan.

1. Duwende -

2. Manananggal -

3. Kapre -

4. Tikbalang -

5. White Lady -

6. Multo -

7. Aswang -

8. Sirena -

9. Santermo –

10. Tiyanak -
 Pasig City: Instructional Materials Council Secreriat (DepEd-IMCS), 20
Ambat, Vilma C. et.al Panitikang Pandaigdig 10: Modyul ng mag-aaral sa Filipino.
Aklat:
Sanggunian
Pagyamanin
KARAGDAGANG GAWAIN Tayahin
Gawain 1 B Subukin
HALIMBAWA: 1. A
1. A 1. B
1. Duwende – maliliit na nilalang na 2. C
2. E 2. H
may taglay na mahika. 3. C
3. F 3. E
2. Manananggal – nilalang na 4. B
4. C 4. I
napuputol ang katawan at lumilipad 5. A
5. D 5. D
3. Kapre – isang higante na nanabako 6. C
at naninirahan sa malaking puno. 6. F
7. B
4. Tikbalang – kalahating tao, 7. K
8. A
kalahating kabayo 8. A
9. C
5. Sirena – kalahatig tao at isda. 9. C
10. A
10. J
Susi sa Pagwawasto
 PAHATID-LIHAM
Ang Sariling Pagkatutong Modyul na ito ay nilinang ng
Kagawaran ng Edukasyon, Rehiyon Dose, na may pangunahing
layunin na ihanda at tugunan ang pangangailangan sa bagong
normal. Ang nilalaman ng modyul na ito ay batay sa Most
Essential Learning Competencies (MELC) ng Kagawaran ng
Edukasyon. Ito ay pantulong na kagamitan na gagamitin ng
bawat mag-aaral ng SOCCSKSARGEN Region simula sa taong
panuruan 2020-2021. Ang proseso ng paglinang ay sinunod sa
paglimbag ng modyul na ito. Ito ay Bersyong 1.0. Malugod
naming hinihimok ang pagbibigay ng puna, komento at
rekomendasyon.