Judaleen B.

Bayogbog
FM - 14
BSED-Filipino 3C
Eliza Bayang
PhD

KABANATA 1 :
ARALIN 6

Paunang Gawain:

PANUTO: Bago
natin lakbayin ang
paksang pag-aaralan para sa araw na ito, ipaliwanag ang modelo ng komunikasyon na
nasa ibaba.

Ang modelo ng komunikasyong ipinapakita sa itaas ay modelo ng komunikasyon

nina Shannon at Weaver na kung saan sa proseso ng komunikasyon, ito’y binubo ng
limang elemento: nagpapadala (sender), mensahe, daluyan (channel), tumatanggap
(receiver) at tugon (feedback). Naging mas malinaw ang modelo ng komunikasyon sa
itaas sapagkat nilakipan ito ng mga halimbawa sa bawat elemento ng kominukasyon nina
Shannon at Weaver.

Nagsisimula ang proseso o daluy ng komunikasyon sa pamamagitan ng sender o ng

taong nagpapadala ng mensahe. Sa isang taong nagpapadala ng mensahe o sender,
nangangailangan ng pagkakaroon ng kasanayang pangkomunikasyon at ugali at sa
pagpaglalahad ng kanyang kaisipan o opinyon ay maaaring nasa pasulat o pasalitang
anyo ng komunikasyon. Dagdag pa, ang kaalaman, katayuang panlipunan at kultura ng
taong nagpapadala ng mensahe ay nakakaapekto sa takbo ng usapan. Sumunod na
proseso ay ang mensahe at ito’y sinundan ng daluyan ng mensahe. Sa daluyan ng
mensahe, dito pumapasok ang pandama (sensory) at daluyang institusyonal tulad ng mga
kagamitang elektronomiko gaya ng selpon, telepono, e-mail, atbp. Kasunod ng daluyan
ay ang tumatanggap ng mensahe. Katulad ng taong nagpapadala, kailangan taglay niya
ang kasanayang pangkomuikasyon at ugali, ang dalawang anyo ng komunikasyon gaya
ng pasalita at pasulat, pati na rin ang lawak ng kanyang kaalaman, katayuang panlipunan
at kultura. At ang panghuli ay ang tugon o feedback ng taga-tanggap ng mensahe.

Sariling Pagsusuri:

1. Gaano kahalaga ang pagkakaroon ng maayos na proseso ng pakikipagkomunikasyon?

Ang pagkakaroon ng maayos na proseso ng pakikipagkomunikasyon ay

napakahalaga sapagkat ito’y nakakatulong na magkaroon ng isang matagumpay at
malinaw na pakikipagkomunikasyon ng isang tao sa kanyang kausap.Dagdag pa, ang
isang maayos na proseso ng pakikipagkomunikasyon ay magreresulta rin ng isang
mabuting pakikipagkomunikasyon sapagkat kung maayos ang pagkakasunod-sunod ng
mga elemento ng komunikasyon, mas madaling magkakaintindihan ang dalawang taong
nag-uusap.

2. Ipaliwanag kung ano ang konsepto ng Language of Thought Hypothesis?

Ayon kay Jerry Fodor, isang pilosopo, sa Language of Thought Hypothesis, sinasabi
na ang diwa at pag-iisip ay nagaganap sa pamamagitan ng mental language. Ipinaliwanag
na ang wika at kaisipan ay nagkakaroon ng wika ng kaisipan o mental language na
mayroong malinaw na sintaks at semantiks na binubuo ng iba’t ibang mga
representasyong tumatayong mismo ng kahulugan ng iniisip. Dagdag pa, ang kaisipan
ang siyang nagsisilbing representasyon ng estrukturang nais ipahayag ng isip na siyang
binubuo naman ng mga tiyak na kaayusan at pagkilala sa mga representasyon. Bukod pa
riyan, sinabi ring ang propositional attitudes ang pinagmulan ng hypothesis na ito na
kung saan ipinapakita ang malinaw na relasyon ng sabjek, pangungusap at attitude.

3. Ano-ano ang mga katangian ng wika ng Transendens?

Ang mga katangian ng wika ng Transendens ay ang pagiging relatibo, artipisyal at

arbitraryo sapagkat inaangkla lamang ng mga medium ang gamit ng salita bilang salin
ng mga mensaheng tinanggap ayon at depende sa kakayahan ng tagatanggap ng mensahe
o receiver na umunawa ng mensaheng nahahatid mula sa kabila o sa tagapadala ng
mensahe (sender).

Gawain sa Aralin 6:

PANUTO: Gumawa ng sariling modelo ng komunikasyon at ipaliwanag ang nabuo

mong konsepto.
 CHANNEL

PALIWANAG:

Mula sa araling ating tinalakay, laging nagsisimula ang proseso ng komunikasyon sa taong
nagpapadala ng mensahe o sender na siyang nagsisilbing tagapaghatid ng mensahe. Ang kanyang
nabuong kaisipan o impormasyong nais ilahad ay dadaluy sa pamamagitan ng tinatawag nating
channel. Sa channel, napapaloob dito ang pandama at institusyunal. Daluyang institusyunal ay yaong
mga elektronomikong kagamitan na magagamit sa komunikasyon tulad ng telepono, selpon, atbp.
Kapag malinaw na ihatid ang mensahe sa taong taga-tanggap ng mensahe ay dito, bubuo ang taga-
tanggap ng kanyang tugon o feedback sa kanyang natanggap na mensahe.
Samakatuwid, sa modelong aking nabuo, kapwa ang sender at ang receiver ay malayang
nagpapalitan ng mga impormasyon. Kapwa sa kanila ay maaaring maging isang tagapadala at taga-
tanggap ng mensahe.