Iyan ay isang linya mula sa popular na kanta ng bandang itchyworms na
“Kabataang Pinoy.’’ Ika nga sa kanta, ipinakikilala ang kabataan bilang isang malakas at matapang na kayang harapin ang mga hamon sa kabila ng kanilang murang edad. Ngunit, sa gitna ng pandemya masasabi pa rin kayang kabataan ang pag-asa ng bayan?
Maraming beses na tayong sinubok ng tadhana na naging dahilan ng
pagkakadapa. Ang malakas na ihip ng hangin na nagtataboy sa atin ay syang sumusubok kung gaano tayo katatag bilang isang nilalang. Marami ang pagbabagong nagaganap dahil sa pandemyang kinakaharap ng buong mundo. Kamakailan lang, idineklara ang ‘No Vaccine, No Face-to-Face Classes’ kung kaya’t binuo ang ilang estratehiya upang maisakatuparan ang pag-aaral kahit pa nasa kanya-kanyang tahanan lamang. Ayon sa isang pahayag ni DepEd Secretary Leonor Briones noong Agosto, nais nilang iwasan ang pagkawala ng interes at pagkahuli ng mga Pilipinong mag-aaral pagdating sa edukasyon. Kaya naman ang pangunahing misyon nito ay patuloy na maibahagi ang serbisyong edukasyon para sa mga kabataan. Inilunsad ang New Normal o learning from home bilang alternatibong paraan na nangangailangan ng pagsasanay upang maiwasan na hindi makasabay sa mga pagbabagong magaganap.
Sa ilalim ng online mode, mayorya ng mga mag-aaral ay gumagamit ng mga
plataporma tulad na lamang ng Microsoft Teams, Google Classroom at Google Meet, Discord, Zoom, at Facebook upang makipag-usap o makipagpulong sa mga guro at kaklase, makapagpasa ng mga gawain at makatanggap ng mga aralin. Lahat ng mga ito ay malakas komunsumo ng internet o data. Kung kaya't ang kawalan ng pantustos o akses sa mga ito ang pinakamalaking suliranin ng mga mag-aaral sa ilalim ng online classes.
Bilang isang mag-aaral, mula sa aking mga naging karanasan mayroong
maganda at hindi maganda itong dulot. Ang sistema o moda ng pagkatuto ay magaan pagdating sa usapin ng oras sapagkat hawak ko ang oras kung kalian ko nais mag-aral at gumawa ng mga takdang-aralin. Ngunit, matapos ang mga aralin ay mayroon pa akong responsibilidad na dapat gawin tulad na lamang ng mga gawaing bahay. Ang aktibidad na ibinibigay sa online class ay higit na mas marami kung ikukumpara sa face-to-face na klase kung kaya’t ang mga mag-aaral ay hindi magkamayaw sa pagawa ng dalawa o higit pang gawain sapagkat sabay-sabay ang pasahan nito sa isang araw lamang.
Sa paglalahat, ang online class ay epektibo kung ito ay napaghandaang mabuti
ng mga magulang, mag-aaral, mga pamantasan at ng gobyerno. Di nga ba’t ang mga kabataan ang pag-asa ng ating bayan? Nararapat lamang na magkaroon ng tama at angkop na edukasyon upang ang pangarap ng ating mga ninuno na mabuting kinabukasan para sa bayan ay makamtan.