KAGANDAHANG ASAL

-Sa nabasa kong parabula, ang bahaging nagpapakita ng

kagandahang asal ay sa bandang kung saan isinalaysay ang pagiging
handa ng mga matatalinong dalaga ng dumating na ang ikinakasal ay
nagamit at nabigyang benepisyo sila sapagkat may baon silang
karagdagang langis. Ang pangyayaring ito ay nagsisilbing leksyon sa
ating lahat upang tayo’y makumbinsi na kinakailangan nating maging
handa sa anumang oras sapagkat hindi natin nababatid ang mga
pangyayari, ang ilan sa ito ay hindi inaasahan katulad ng matagal na
pagdating ng ikinakasal. Isinasaad din nito na kinakailangan nating
isaulo ang bawat desisyon na ating gagawin upang hindi tayo magsisi
sa huli kagaya na lamang ng mga hangal na dalaga.

KATOTOHANAN KABUTIHAN

-Para sa akin, ang bandang hulihan ng parabula ay
nagsasaad ng katotohanan, ito ay kung saan
inahahalintulad ang parabula bilang kaharian ng
langit na nagsasaad na kinakailangan nating
maghanda at magbantay, sapagkat hindi natin alam
ang araw o ang oras man ng kaniyang muling
pagparito. Ang paghahalintulad na ito ay
nagsasalaysay na wala tayong mapapala kung tayo’y
hindi magiging handa katulad ng mga hangal na
dalaga sa parabula.Isinasaad nito ang katotohanan,
na ang pagiging handa ang nagbibigay benepisyo at
nakakabuti sa atin dahil sa pamamagitan nito ay
madali nating matututunan at mahuhubog ang ating
kaisipan na maging responsible. Sa makalawa, hindi
sa lahat ng pagkakataon ay mayroong mabuting
kalooban na palaging handang tumulong sa atin kaya
ugaliin natin na maging handa.
-Ang parteng nagpapakita ng kabutihan ay ang
parte kung saan ay inererekomenda ng
matatalinong dalaga sa mga hangal na dalaga na
bumili na lamang ng kanilang sariling langis sa
tindahan. Ang aksyon na iyon ay isang patunay
na may mga taong tutulong sa atin upang tayo’y
maging handa ngunit hindi sa paraan na sila ang
mawawalan ng benepisyo nito. May mga taong
magsisilbing lamang na gabay sa atin patungo sa
mga bagay na makakabuti para sa atin kagaya ng
pagiging handa ngunit kinakailangan nating
magsakripisyo sapagkat mistulang nahuhuli na
ang ating paghahanda, hindi rin maiiwasan ang
kapahamakang posibleng mangyari sa
pagsasakripisyo natin, halimbawa dito ay ang
parte ng parabula kung saan ay hindi na sila
pinapasok sa loob ng kasalan sapagkat sila’y
nahuli ng bumalik sila pagkatapos nilang bumili
ng langis sa tindahan.