JUVENILE JUSTICE AND WELFARE ACT OF 2006 Patibayin ang batas na RA 9344 na nauukol sa maagang pagkakakulong ng menor de edad, 15 anyos pataas. Ang pagbaba ng criminal age of liability ay maaaring magsanhi ng kasiraan nang kinabukasan para sa mga kabataan.
Isang 15 anyos na babae, sangkot sa pagkakapatay sa isang lalaki. Sa ilalim ng Republic
Act 9344 o Juvenile Justice and Welfare Act of 2006, hindi maaaring panagutin sa batas ang mga nakagawa ng krimen sa edad na 15 anyos pababa. Nababatid ng nakakarami na nangunguna ang mga opisyal ng gobyerno ang naghahain o nagmumungkahi na ibaba ang edad ng criminal liability. Isa sa mga naghain ng panukalang batas ay ang Senate President na si Vicente “Tito” Sotto III na layong ibaba sa 13 anyos ang edad ng pananagutan mula sa 15 anyos. Dagdag pa rito, taong 2017, iminungkahi ni dating House Speaker Pantaleon Alvarez na ibaba ang edad ng pnanagutan sa edad na 9 taong gulang. Sinasabi na dapat itong ibaba dahil dumadami na ang kabataang gumagawa ng krimen. Paano na ang pangarap ng isang batang nakagawa ng mababaw na krimen na dahil sa pagkakababa ng minimum age of criminal liability? Sila rin ay may mataas na pangarap para sa kanilang sarili. Paano ang kanilang pangarap nang dahil sa kahirapan silay’y nakakagawa ng krimen? Bawat kabataan mahirap ma on mayaman ang estado sa buhay, may kani-kaniyang pangarap ito sa buhay na nais nilang makamit hinggil sa kanilang estado. Hindi ito simpleng problema, bakit kailangang ibaba sa 9-13 anyos ang pananagutan? Kamakailan, binatikus ni Pangulong Rodrigo Duterte na ibaba ang minimum age of criminal liability. Sinabi ng pangulo sa kanyang talumpati, ang naturang batas ang dahilan kung bakit marami sa kabataan ang sangkot sa mga krimen. Kung iisipin, marami sa 15 anyos pababa ang sangkot sa mga krimen; magmula sa simpleng snatching, hanggang sa mapangahas na pagnanakaw, panghahalay at maging pagpatay. Sinasabi ng nakararami alam nang mga kabataan ngayon ang tama sa mali ngunit hindi atin alam na hindi pa ganap ang pag-unlad ng kanilang pag-iisip. Ang mga batang sangkot sa krimen ay kalimitang ginagamit ng sindikato ayon sa mga pagsusuri. Ang dapat tugisin ng gobyerno ay mga sindikato na nagpapalakad sa hindi magandang gawain para sa mga kabataan hindi ang mga batang .walang kamuwang-muwang. Kung iisiping mabuti, paano kung nautusan kang manguha o magnakaw ng mas nakakatanda sayo na kumuha ng bagay ng hindi sayo para lang makuha ang kapalit na kendi. Dahil sa batang pag-iisip madaling maloko ang mga kabataan. Hindi pa tiyak ang kanilang mga abilidad. Hindi katulad ng mga matatanda ang pag-iisip, kakayahang makisalamuha sa kapwa at pagpapasya ng mga bata. Batay sa Pyschological Association of the Philippines, ang mga isip ng mga bata ay nasa progreso pa ng pag-unlad. Sa panahong ito, may mga mahahalagang pagbabago sa kanilan utak, na may kinalaman sa pagpigil ng mga udyok ng sarili, pagpapasya, pagpaplano nang pangmatagalan, sa pagkontrol ng damdamin at pagtitimbang ng mga panganib at mabubuting bunga ng kanilang gawain. Ang mga abilidad na ito ay hindi pa ganap na nabuo bilang isang menor de edad. Dahil ditto, mas nahihimok silang gumawawa ng mga bagay na mapanganib at labag sa batas. Malaki pa rin ang epekto ng kanilang lipunang ginagalawan. Sa halip na maghain ng mga panukalang batas ukol sa pagbababa ng edad ng criminal liability bakit hindi pagtuonan ng pansin ang ka hirapan ng bansa. Ito ay isa sa pagunahing sanhi kung bakit maraming kabataan ang gumagawa ng krimen. Ang kahirapan ay isang malaking problema noon pa lamang, ito ang sanhi kung bakit marami sa atin ang nagtatangkang magnakaw, pumatay atbp. Ayon sa grupong Salinlahi Allaince for Children’s Concerns, hindi edad kung hindi kahirapan sa buhay ang dapat pagtuunan ng pansin ng gobyerno. Dahil ito ang nagtutulak sa ilang bata upang gumawa ng krimen. Sa kanilang pag-aaral tinatayang 10,000 bata ang nasangkot sa krimen. Karamihan sa mga batang ito ay lalaki, hindi nakapagtapos ng ikaanim na baiting sa pag-aaral, galing sa mahirap na pamilya at nahuli sa pagnanakaw. Paano mababawasan ang biling mga batang sangkot sa krimen kung ang puno’t dulo lahat ng ito ay ang kahirapan at ang tanging kailangan nila ay isang proteksyon. Marami pa rin sa mga kabataan ang nangangarap na makapagtapos sa pag-aaral at maitaguyod ang kanilang pamilya sa hirap. Ngunit kung dahil sa kanilang maagang pagkakakulong mawawalan ng saysay ang kanilang pangarap. Ang maaga nilang pagkakakulong ay maarai ring magsanhi ng kanilang pagrerebelde sa murang edad. Ang pangarap din nilang makapag-aaral ay mabubura na hahantong sa mga batang walang pinag-aralan. Kaya hindi talaga dapat ibaba ang minimum age sa edad na 9 anyos. Sinabi ni Commission on Human Rights Commissioner Gwendolyn Pimentel- Gana, kapag ibinaba ang edad ng criminal liability, masisira ang kinabukasan ng kabataan. Sa pagkawala rin ng kanilang pangarap para na ring nawala ang kinakabukasan ng ating bansa. Kailangang patibayin at hindi baguhin ang minimum age of criminal liability, hindi ito kailangang baguhin dahil lang sa mas marami sa 15 anyos ang sangkot sa krimen. Kung hindi matatahimik ang opisyal ng gobyerno sa paghahain ng mga panukalang batas ukol sa pagbaba ng edad ng dapat ikulong. Dapat unahin at solusyonan ang kahirap sa bansa, kahirapan ang puno’t dulo ng lahat. Kailangang pagtuusan ng pansin ang mga batang nasa murang edad na pagala-gala sa lansangan dahil ito ang madalas na nabibiktma ng sindikato. Mahalaga ang mga kabataan sa isang bansa sila ang susunod na mamumuno at magpapalakad.