Professional Documents
Culture Documents
ფ
ფ
ფაბლიო [ფრანგ. Fabliau < ლათ. ფაბულა იგავი] – შუა საუკუნეების ფრანგულ
ლიტერატურაში: პატარა იუმორისტული, მხიარული მოთხრობა.
ფანერა [რუს. Фанера < გერმ. Furnier] – 1. ხის თხელი ფურცელი, რომელსაც
იყენებენ ზოგი სადურგლო ნაკეთობის (მაგ., ავეჯის) ზედაპირზე გადასაკვრელად.
2. ასეთი ფურცლების ერთმანეთზე გარდიგარდმო დაწებებით მიღებული თხელი
ფიცარი; ფირფიცარი.
ფარშ-ი [რუს. Фарш < ფრანგ. Farce] – დაკეპილი და შეზავებული ხორცი (ან
სხვა რამ პროდუქტი) საჭმლის მოსამზადებლად; სატენი.
ფას-ი2 [ინგლ. Fas (შემოკლ.) < Free alongside ship თავისუფლად გემის ბორტის
გაყოლებით] – (კომერც.). ყიდვა-გაყიდვის გარიგების სახეობა საქონლის საზღვაო
გადაზიდვის დროს.
ფელემა [< ბერძ. Phellos კორპის ხე, კორპი] – (ბოტან.). კორპის ქსოვილი
(მცენარეებისა).
ფეოდ-ი [ლათ. Feodum < ძვ. გერმ.] – (ისტ.). დასავლეთ ევროპაში: ფეოდალის
მემკვიდრეობითი ადგილ-მამული, რომელიც ვასალს მიღებული ჰქონდა
სენიორისაგან სამხედრო სამსახურისა და სხვა ვალდებულების შესრულების
სანაცვლოდ.
ფერმერ-ი [ინგლ. Farmer < ფრანგ.] – ფერმის (იხ. ფერმა1, მნიშვ. 2) პატრონი
ან მოიჯარე.
ფიდელ-ი [გერმ. Fidel < ლათ. Fides სიმი] – ხემიანი მუსიკალური საკრავი;
გავრცელებული იყო მოხეტიალე მუსიკოსებს შორის შუა საუკუნეების დასავლეთ
ევროპაში; დაახლოებით იგივეა, რაც ვიოლა.
ფლებიტ-ი [< ბერძ. Phleps (Phlebos) ძარღვი, ვენა] – (მედიც.). ვენის ანთება.
ფლეიტა [რუს. Флейта < იტალ. Flauto] – მაღალი ტონის მქონე ხის ჩასაბერი
საკრავი, რომელიც წარმოადგენს თვლებიან და სარქვლებიან სწორ მილს.
ფობ-ი [ინგლ. Fob (შემოკლ.) < Free on board «თავისუფლად (გემის) ბორტზე»] –
(კომერც.). საზღვაო გადაზიდვისას: პირობა, რომლის თანახმადაც გამყიდველი
ვალდებულია მიიტანოს საქონელი ნავსადგურში და დატვირთოს მყიდველის
მიერ ნაჩვენებ გემზე.
-ფობ-ი [< ბერძ. Phobos შიში] – რთული სიტყვის ბოლო შემადგენელი ნაწილი;
ნიშნავს ვისიმე, რისამე მოძულეს, მტერს. მაგ., ანგლოფობი.
ფობია [< ბერძ. Phobos შიში] – (მედიც.). აკვიატებული შიში; ვითარდება ზოგი
ფსიქოზის დროს.
-ფობია [< ბერძ. Phobos შიში] – რთული სიტყვის ბოლო შემადგენელი ნაწილი;
ნიშნავს ვისიმე, რისამე სიძულვილს, ვისიმე, რისამე წინაშე შიშს. მაგ.,
ჰიდროფობია. კლაუსტროფობია.
ფოგტ-ი [გერმ. Vogt < გვიანდ. ლათ. Vocatus (ლათ. Advocatus) დამცველი,
რწმუნებული] – (ისტ.). კაროლინგების ფრანკთა სახელმწიფოში, ხოლო შემდეგ
შუა საუკუნეების გერმანიასა და საფრანგეთში: საერო თანამდებობის პირი,
რომელიც კათოლიკური ეკლესიის მიწებზე ასრულებდა სასამართლო, სახაზინო
და პოლიციურ ფუნქციებს.
ფოკ-ი [ჰოლანდ. Fok] – (ზღვ.). ქვედა სწორი იალქანი გემის წინა ანძაზე.
ფონო- [< ბერძ. Plone ხმა, ბგერა] – რთული სიტყვის პირველი შემადგენელი
ნაწილი; მნიშვნელობით შეესაბამება ხმას, ბგერას. მაგ., ფონოგრაფი.
ფონომეტრი.
ფრონტიტ-ი [< ლათ. Frons (Frontis) შუბლი] – (მედიც.). შუბლის წიაღის ანთება.
ფუტ-ი [ინგლ. Foot] – სიგრძის ინგლისური საზომი; უდრის 12 დუიმს (ე. ი. 30,5
სმ-ს).
ფუტლარ-ი [რუს. Футляр < გერმ. Futteral] – რაიმე ნივთის შესანახი კოლოფი,
შალითა და მისთ.; ბუდე. მაგ., სათვალის ფუტლარი. ვიოლონოს ფუტლარი.
ფუთშტოკ-ი [ინგლ. Foot (იხ. ფუტი) და გერმ. Stock ჯოხი] – ლარტყა წყლის
დონის გასაზომად ზღვაში, მდინარეში, ტბაში.