tao na hindi mawawala at hindi makukuha ng sino man. Kaakibat nito ang katagang responsibilidad. Likas sa ating mga tao ang magdesisyon sa pang araw- araw. Mula sa kung ano ang ating nais kainin hanggang sa mabibigat ng gawain. Bilang isang anak, kahit noong ako’y musmos pa lamang ay may kalayan ng taglay ngunit may responsibilidad ding nakaatang sa aking mga balikat. Ang maging masunurin lagi sa magulang ay isang malayang desisyong aking ginawa upang magampanan ko ng mabuti ang pagiging isang responsableng anak. Ang simple, pero maayos na desisyong aking ginawa ay nagpapakita ng kalayaang aking taglay. Masaya ang aming pagsasama bilang isang pamilya dahil nagagampanan namin ang aming mga responsbilidad ng maayos.
Maituturing kong bayani ang aking mga
magulang. Ginagampanan nila ang kanilang responsibilidad sa aming magkakapatid na mabigyan ng maayos na buhay. Higit pa roon, hindi lang sila magulang. Mayroon silang mga trabahong dapat gampanan bilang isang parmasyutiko at isang guro. Marami silang natutulungang tao sa propesyong kanilang tinahak. Ang pagtanggap ng isang responsibilidad bilang isang anak man o mag-aaral ay maituturing na kabayanihan kung ang responsibilidad na ito ay isinasabuhay o ginagawa ng tama at may pananagutan sa kung ano man ang hakbangin na kanyang napagdesisyunang gawin. Isang halimbawa nito ang bigyan ako ng aking mga magulang ng kalayaang sumama sa field trip, responsibilidad kong pangalagan ang aking sarili at hindi sirain ang tiwala ng aking mga magulang. Ganoon din sa mga bagay na aking nais gawin tulad ng pumunta kami sa Bohol, kaakibat ng aming kasiyahan ang pagiging maingat at huwag magpabaya. Para sa akin isang bayani ang taong may pag-unawa sa responsibilidad na may kaakibat na kalayaan. Ito ay sa kadahilanang may kakayahang pumili ang isang tao na gawin ang kanyang responsibilidad sa maayos at disiplinadong paraan. May kakayahan din siyang gawin ito sa masama, nasasakanya yan dahil may kalayaan siyang taglay. Sa aking palagay, masasabi kong ako ay isang responsableng tao na handang tumulong at magbigay ng higit pa sa inaasahan ng taong nanghihingi ng tulong. Likas sa tao ang tumulong gaano man kaliit o hanggat may maitutulong ay handa tayong tumulong. Responsibilidad rin nating tumulong sa nangangailangan lalo na kung may kakayahan tayong tumulong. Ang pagiging isang huwaran na may kalayaang pumili o magdesisyon sa sarili ay may kaakibat na responsibilidad. Isa ng halimbawa kung ako ay gagawa ng mga takdang aralin, magiging maayos ang aking grado na makakapagbigay inspirasyon sa iba na magpursige rin sa pag-aaral. Kung ipapakita ko na hindi ako gumagawa ng takdang aralin, siguradong babagsak ako at responsibilidad kong tanggapin ang masamang epekto nito. Lahat ng desisyong ating gagawin may kalayaan tayong pumili at ang kalalabasan nito ay responsibilidad nating tanggapin at pangatawanan.