• Ang wikang pambansa ay tumutukoy sa isang wikang
ginagamit nang pasalita at pasulat ng mga mamamayan ng isang bansa. Ito ang tinuturing na opisyal na wika o isa sa mga opisyal na wikang ginagamit ng pamahalaan at sistema ng edukasyon .Sapagkat itoy nag –iisang ginagamit batay sa kultura ng lipunan , nagiging batayan din ito ng identidad o pagkakakilanlan ng grupo ng taong gumagamit nito. ANG TAGALOG , PILIPINO AT FILIPINO TAGALOG •Katutubong wikang pinagbatayan ng pambansang wika ng pilipinas (1935) PILIPINO •Unang tawag sa ppambansang wika ng pilipinas (1959) FILIPINO •Kasalukuyang tawag sa pambansang wika ng pilipinas ,lingua franca ng mga pilipino, at isa sa mga opisyal na wika sa pilipinas kasama ng ingles (1987) Tandaan na iba ang wikang opisyal sa pambansang wika. Noong 1987 lamang ginawang Pambansang Wika ang Filipino. Bago ito, ang pambansang wika ay walang pangalan, sinabi lamang sa Konstitusyon ng 1935 na ang pambansang wika ay batay sa Tagalog. Sa Konstitusyon ng 1973, sinabi naman na ang Kongreso ay magsasagawa ng mga hakbang upang makabuo ng pambansang wika na tatawaging Filipino. Ngunit hindi opisyal na ginagamit ang salitang Filipino bilang pambansang wika. Ang Wikang Panturo at Wikang Opisyal ay nagkakatulad ng baybay ngunit magkaiba ito ng kahulugan at kahalagahan. Nakapaloob sa Konstitusyon 1987 ng Republika ng Pilipinas ang Filipino bilang wikang pambansa o opisyal na wika. Ang dating wikang Tagalog na napalitan ng Filipino ay patunay lang na patuloy na umuunlad ang ating bansa lalo na ang ating bokabularyo. Bukod sa wikang opisyal tinatawag din itong pambansang lingua franca dahil ito ang ginagamit ng magkausap kapag magkaiba ang kanilang katutubong wika. AYON SA SEKSYON 6 , ARTIKULO XIV NG KONSTITUSYON 1987 , ANG WIKA FILIPINO AY: •Ang wikang pambansa ng pilipinas ; •Dapat payabungin at pagyamanin pa salig sa umiiral na mga wika ng pilipinas at sa iba pang wika at; •Dapat magsagawa ng mga hakbangin ang pamahalaan upang ibunsod at puspusang itaguyod ang paggamit ng filipino bilang: 1. Midyum ng opisyal na komunikasyon ; at 2. Wika ng pagtuturo sa sistema ng edukasyon. TAGALOG BILANG BATAYAN NG PAMBANSANG WIKA
Bakit Tagalog ang napiling batayan ng
Pambansang Wika? • Unang-una gaya ng nakasaad sa resolusyon ng Surian ng Wikang Pambansa (SWP), Tagalog ang tumutugon sa lahat ng pangunahing kailangan ng Batas 184. Lumitaw sa pag- aaral ng SWP na Tagalog ang wikang pinakamaunlad sa estruktura , mekanismo, at panitikan ,at ito rin ang wikang ginagamit ng nakararaming mamamayan . Isa sa mga nakapagpanayam ng panulaang Tagalog ay ang makatang si Francisco “Balagtas “Baltazar , ang itinuturing na “Ama ng Panulaang Tagalog” , na kinilala dahil sa kaniyang Florante at Laura bukod sa iba pa niyang mga sinulat. • Bago pinagtibay ang Batas Komonwelt Blg. 184 noong Nobyembre 13, 1936, si Pangulong Quezon ay pinadalahan ni Norberto Romualdez, Tagapangulo ng Komite sa Pambansang Wika ng Unang Pambansa Asamblea, ng Memorandum Sobre la Lengua National , na nagsasaad na sa lahat ng katutubong wika, ang tagalog ang may pinakamaunlad ma katangian panloob : estruktura , mekanismo, at panitikan , at bukas sa pagpapayaman at pagdaragdag ng bokubularyo. Ito rin ang pinakakatanggap- tanggap sa nakararaming mamamayan; ginagamit na ito ng marami kaya’t di na magiging suliranin ang adapsiyon nito bilang pambansang wika ng Pilipinas. Gayunpaman, hindi idineklara ang Tagalog na pambansang wika, kundi”base sa Tagalog “ ang pambansang wika. Sa kaniyang pananalita noong Disyembre 30, 1937 , iprinoklama ni Pangulong Manuel L. Quezon ang pagpapatibay sa adapsiyon ng Tagalog bilang basehan ng pambansang wika ng Pilipinas at idinagdag , “ ang hereby declare and proclaim the national language so based on the Tagalog dialect ,as the national language of the Philippines.” Sinabi rin ni Pangulong Manuel L. Quezon na sa loob ng mahigpit tatlong daang taon ng pananakop ng Espanya , Espanyol ang opisyal na wika ngunit hindi ito kailanman naging wika ng mga mamamayan . Mahigit nang isang henerasyon mula nang mananakop ang mga Amerikano at naging Ingles ang opisyal at wikang panturo . Ngunit ang Ingles ay hindi naging pangkahalatang wika ng mga mamamayan. • Ayon kay Pamela Constantino (sinipi ni Vega 2010 ) , dalawang konsiderasyon ang naging batayan sa pagpili sa Tagalog: sentimentalism o paghahanap ng pambansang identidad: at instrumental o batay sa gamit ng wika sa lipunan . Ang isang katutubong wika ,hindi wikang dayuhan, ang makapagpapahayag ng damdamin ng mga Pilipino. Tungkol naman sa instrumental na dahilan , idinagdag ni Constantino ang dalawang pangunahing isyu : (a) pagbubuo at pagpapadali ng komunikasyon (internal at external) na tutulong para mas epektibo at pantay na matamo ang pangangailangan at interes ng populasyon ;at (b) paniniguro na ang iba’t ibang wika ay magkakaraon ng pantay na oportunidad na makilahok sa sistema •Nagpunyagi si Pangulong Manuel L. Quezon na magkaroon ng isang wikang Pambansa batay sa isang katutubong wika . Binanggit niya sa isang talumpati na mahirap sa isang pangulo ang maging banyaga sa sariling bayang pinagmulan kaya kailangan magkaroon ng wikang pambansang magbubuklod sa mga mamamayan. €