( Pangadyeon sa adlaw nga tanan)

Ginoo kong Jesucristo, Dios ug tawo nga matuod, magbubuhat ug manunubos ko,
tungod sa pagka Dios mo nahigugma ako kanimo labi sa nga tanan, busa nagabasul na ako
ug daku uyamot ug naghinulsol sa akong sala nga tanan sa bug-os kong Kasing-kasing,
nagasaad na ako ug malig-on nga dili na makasala pag-usab ug likayan ko naman ang mga
kahigayunan sa pagpakasala. Magakompisal ako ug magatuman sa penetencia nga isugo
kanako ihalad ko man kanimo ang akong kinabuhi, mga buhat ug kabudlayan nga tanan,
nga ikabayad sa akong mga sala ug milaum ako sa imong Diosnon nga kaayo ug kalooy
nga walay katapusan nga pasayloon mo ako tungod sa pagpasakit ug pagpakamatay mo sa
krus ug hatagan mo ako sa imong santos nga grasya nga ikabalhin ko sa akong mga gawi,
ug igadayon ko pagtuman sa maayong buhat kutob sa ikamatay ko, Amen

ORACION SA ADLAW NGA TANAN

Oh matam-is uyamut nga Jesus nga gilansang ka, niaanang Krus! Ikaw man ang
Amahan nga maloloy-on, gamiton mo kanako ang imong dakung kalooy kay ako ang
labing talamayon ug makalolo-oy nga makasasala, tungod sa imong Santos uyamut nga
pagpasakit, tan-awa ang akong kalag sa mga mata nga mahinuklogon, ug ang tanang mga
kalag sa Purgatorio; ug tungod sa mga kasakit ug kapaitan sa imong Diosnon nga Inahan,
Inahan nga maloloy-on uyamut ug dalangpanan sa mga makasasala tugotan mo ako sa usa
ka matuod nga kasakit sa akong mga sala ug luwason mo ang mga kalag sa Purgatorio
niadtong mga kasakit; tagaan mo sila sa himaya nga gisaad mo kanila nga pahulayan,
Amen.

(Elisan matag adlaw)

ORACION SA IKADUHANG ADLAW

O kamut nga tuo sa Mamamawi, kamut sa mga pinili! O! Pila ang giunongan
mo sa pagtubus sa mga makasasala nga naglansang kanimo niaanang krus; magpuyo ka
gihapon Dios ko, sa akong tuo sa adlaw sa paghukom, tungod sa pagpasakit nga giantus mo
ug sa imong masulob-on nga Inahan, buhat nga kaugalingon sa kamut. Kaloy-an mo sa
dakung hinuklog ang mga kalag sa Purgatorio, kay nalooy ka sa pagpili kanila sa gracia,
ihatag mo na ang bunga sa pagkapinili, ang himaya nga walay katapusan, Amen.

(Pangadyeon sa adlaw nga tanan)

ORACION

O maayo nga Jesus, Hari sa himaya! luwason mo ang mga kasakitan sa purgatorio,
ang mga kalag sa mga minatay, luwason mo sila Ginoo, sa mga kasakit nga gibati nila
tungod sa gibati mo sa kalbaryo ug sa imong masulob-on nga Inahan. Busa sa pagtabang
kanila ihalad namo kanimo Dios ko, ang among mga pag-ampo, mga pagpenetencia ug
pagpanghupaw, uban sa usa ka matuod nga paghinulsol sa among mga sala. Dawaton mo
Ginoo kining among pag-ampo ug tugoti nga si San Miguel Arcanghel nga gitudlo mo sa
maong ificio, moadto na aron pagkuha sa mga kalag nga bulahan didto sa kangitngitan sa
kasubo ug sa mga kasakit ug magdala kanila ngadto sa kahayag ug kalipay sa himaya nga
walay katapusan, Amen.

( Pangadyeon kada adlaw)

MGA PAGTUWAW SA KALAG

TUBAG:
Sa langub among gipuy-an inyo kaming panabangan.

(Pangadyeon adlaw tanan)

Leader: Paminawa ninyo ang tingog sa langit nga naga ingon

Tubag: Bulahan ang nangamatay nga mipahulay diha sa Ginoo

Mag-ampo kita: O Dios nga nagpakatawo ug mahigugmaon sa kaluwasan sa katawhan,

kami naghangyo sa imong panabang alang sa among mga kaigsoonan nga angayan ug
nagbuhat sa matarong nga sukad pa sa sinugdanan nagasalig kang Santa Maria kanunay
nga Birhen ug sa tanan nga mga Santos, makadangat na unta sa imong puluy-anan. O
Dios, ikaw nga nagpa-abay sa mga matuohon ug nanluqas sa mga kalag nga mahinulsulon
sa ilang mga sala, kami naghangyo nga madawat na unta nila ang Diosnong panabang,
ikaw nga nagpuyo ug naghari hangtud sa kahangturan, Amen.