TRANSITUS NI AMANG FRANCISCO

Nararrator: Sa loob ng limang minuto ay magsisimula na po ang pagtatanghal ng

TRANSITUS 2021. Hinihiling ang lahat na maupo na ng maayos, ilagay sa silent
mode ang mga Cellular Phone, iwasan ang pakikipagkuwentuhan at
inaanyayahan ang lahat para sa katahimikan

Kapayapaan at lahat ng Kabutihan! Ngayong hapon, tayo po ay nagkakatipon

tipon upang ipagdiwang ang tradisyon ng Transitus ng ating Amang Francisco.
Ang Transitus ay galing sa salitang latin na ang ibig sabihin ay pagtawid sa
buhay na ito tungo sa kabilang buhay o pagpanaw. Ipinagdiriwang natin ang
mahalagang okasyong ito sa dapit-hapon bago sumapit ang kanyang kapistahan
kaisa ng lahat ng Pamilyang Franciskano sa buong mundo. Ang pagdiriwang
na ito ay pagpapaala-ala nawa sa atin na ang ating buhay sa mundo ay
pansamantala lamang at tayo ay naglalakbay patungo sa ating tunay na bayan,
ang buhay sa piling ng Diyos. Bilang mga anak niya samasama tayong
magdiwang at magnilay sa kanyang buhay at kamatayan na lubos ng katapatan
at pagsunod sa ating Panginoong Hesukristo.

Aawitin ang Panalangin ng Kapayapaan

(habang kinakanta ito may mga pictures o video clips ng epekto ng

pandemya, at patuloy na pagsira sa ating kalikasan)

Panalangin ng Kapayapaan

Panginoon, akoy iyong gawin

Daan ng yong kapayapaan,
Upang maihatid ang yong pagmamahal
Sa pusong may lumbay at kay lamig
Pagdurusay aking papawiin ligaya ang siyang
Ihahatid at kung sakali mat may alinlangan
Idudulot walang hanggang pananalig

Panginoon dalangin ko tuwina

maghari ang iyong kalooban
Ang magmahal higit sa mahalin
Ang umunawa kaysa unawain
Ang magbigay na di naghihintay
Ng kapalit na kaginhawahan maging buhay ko may, Ipagkakalob upang sa
piling moy mabuhay na walang hanggang

Narrator: Ang buong buhay ni San Francisco ay isang paglalakbay mula sa

kadiliman tungo sa kaliwanagan at ang kanyang pagkamatay ay katapusang
yugto ng isang mahaba at kasiya siyang paglalakbay. Nang siya ay dalisayin
,ula sa alabok ng mundo, siya ay nagging maaliwalas at nagluningning sa
liwanag ng Diyos at ang liwanag na taglay ng kariktan upang mamalas ng lahat.

Sasayawin ang Francis Dream (Sisters)

Narrator:

Dalawang taon bago pumanaw si Amang Francisco ay tinanggap niya ang

Stigmata o Banal na Sugat ng ating Panginoong Hesukristo sa bundok ng la
Verna bunga ng kanyang malalim na panalangin at ugnayan sa Diyos noong ika
labing 17 ng Setyembre 1224, ikatlong araw matapos anf Kapiyestahan ng
pagtatampok sa Krus. Inilihim niya ito sa mga tao at ilan lamang sa mga kapatid
ang nakaalam nito. Matapos niya itong tanggapin ay lumubha na nang lumubha
ang karamdaman at unti-unti ng lumabo ang kanyang paningin.
Nararamdaman niya na nalalapit na ang kanyang pagpanaw sa buhay na ito
kaya’t hiniling niya na dalhin siya sa Assisi, sa portiuncula sa Sta. Maria ng mga
Anghel na kung saan ipinahayag sa kanya ng Diyos ang magiging landas ng
kanyang buhay. Ang lugar na ito ang isa sa pinakamalapit na lugar sa puso
niya sapagkat dito nagsimula at pinarami ng Panginoon ang kanyang Kapatiran.

Tulad ni San Francisco, isang nilikhang madasalin, tayo man ay tinawag na

mamatay sa ating mga kasalanan upang ang Panginoong Diyos ay
makapamuhay sa atin at sa pamamagitan rin natin ay magbigay ng
maluningning na liwanag sa kadiliman tulad ng isang maningas na liwanag na
tumatanglaw sa sandaigdigan.

Mga kapatid halinat pagnilayan natin ang mga huling yugto sa buhay ng ating
amang si San Francisco, pagnilayan natin ang kanyang pagtawid sa buhay at
pagharap sa Poong Maykapal na pinagmumulan ng buhay. Samahan natin siya
sa pagharap sa kanyang kapatid na kamatayan.

(marahang papasok ang magsisiganap sa loob ng kapilya (with background

music) na pasan pasan ang katawan ni San Francisco. Titigil ang lahat sa
bandang kalagitnaan ng entablado at haharap sa gilid na animo’y nakatingin sa
Assisi)

Francisco: Mga kapatid huminto muna tayo sandali at nais kong pagmasdan
ang Assisi. O Assisi hindi man kita Makita ng lubusan, pagpalain ka nawa ng
Poong Maykapal sapagkat mula sa iyo ang mga kapatid na ipinagkaloob ng
dakilang Maylikha at mula sa iyo sila ay dumami at nagging isang kawan na ang
tanging layunin ay maisabuhay ang Mabuting Balita ng iyong bugtong na anak.
Pagpalain ka nawa sa ngalan ng Ama, Anak at Espiritu Santo.
(Magpapatuloy sa paglalakad ng marahan hanggang sa makarating sa
entablado)

Kapatid Elias: Kapatid Francisco, naririto na tayo sa Portiuncula, sa Sta. Maria

ng mga Anghel.

Francisco: Salamat sa Diyos at maluwalhati tayong nakabalik sa Portiuncula.

Mga kapatid pahalagahan ninyo ng labis ang lugar na ito sapagkat dito itinuro
ng Maykapal sa akin ang mga bagay na dapat kong gawin sa buhay ko. Sa lugar
ding ito nagsimula at pinarami ng Maykapalang ating Kapatiran. Magsimula
tayong muli sapagkat sa ngayon ay kakaunti pa an gating nagagawa.

Nararamdaman ko na malapit na ang oras ng aking pagpanaw nais kong

marinig ang Awit ni Kapatid Araw upang maibsan ang sakit na aking
nararamdaman. (papasok ang mga mananayaw)

Canticle of Creation

Francisco: Paalam mga mahal kong anak! Manatili nawa kayong dapat sa
kanya na siyang tumawag sa atin. Magpakatatag kayo sapagkat marami pang
tukso at mga pagsubok ang inyong haharapin. Mga kapatid lumapit kayong
lahat at igagawad ko sa inyo ang pagpapala ng Panginoon sa lahat ng naririto,
sa mga wala rito at sa mga darating pa hanggang sa wakas ng panahon. (iuunat
ang kanang kamay at iapatong sa ulo ng mga Prayles habang inaawit)

Nawa’y pagpalain Kayo ng Panginoong ating Diyos

Kayo sana’y pag iingatan ng Panginoon

Nawa’y ipakita niya sa inyo ang kanyang kaamuan at kayo’y kahabagan

Nawa’y pagpalain Kayo ng Panginoong Maykapal
Kayo sana’y pag iingatan ng Panginoon

Pagpalain sana kayo….

Kapatid Leo: Mahal naming ama, huwag mo kaming iwanan. Hindi namin
masisilayan ang mga liwanag sa iyong mga mata at hindi na naming maririnig
ang mga matamis mong mga pangaral at tagubilin. Lagi mo kaming aala-
lahanin, ang mga ulila mong anak na ngayon ay iyong iiwanan. Patawarin mo
kami at ang mga susunod pa sa amin, sa mga pagkukulang at sa hndi naming
pagiging tapat sa iyong mga aral.

Francisco: Pinakamamahal kong anak, pinatatawad ko kayong lahat ng mga

mahal kong kapatid na naririto at maging ang mga wala rito. Nais kong ibalita
mo sa kanila na pinatatawad ko na sila at pagpalain mo sila sa ngalan ko. (hirap
at hinahabol ang hininga)
 Mga kapatid nais kong marinig ang huling hapunan ng Panginoong Hesus
sa mabuting Balita.

(Babasahin ng isa sa mga kapatid ang Mabuting Balita ayon kay San Juan: jn
13: 1-17 backround instrumental)

Friar: Bisperas na ng Paskuwa. Alam na ni Hesus na dumating na ang panahon

ng kanyang paglisan sa sanlibutang ito upang bumalik sa Ama. Mahal niya ang
kanyang mga tagasunod na nasa sanlibutan at ngayo’y ipinakikita niya kung
hanggang saan ang kanyang pag-ibig sa kanila.

Naghahapunan si Hesus at ang mga alagad. Naisilid na ng diyablo sa isip ni

Hudas, anak ni
Simon Iscariote ang pagkanulo kay Hesus. Alam ni Hesus na ibinigay na sa
kanya ng Ama ang buong kapangyarihan; alam din niyang siya’y mula sa Diyos
at babalik sa diyos. Kaya’t nang sila’y naghahapunan, tumindig si Hesus,
naghubad ng kanyang panlabas na kasuotan at nagbigkis ng tuwalya.
Pagkatapos nagbuhos siya ng tubig sa palanggana at sinimulang huagasan ang
mga paa ng mga alagad at punasan ng tuwalyang nakabigkis sa kanya/ Paglapit
niya kay Simon Pedro tumutol ito, “Panginoon” sabi niya diyata’t kayo pa ang
maghugas ng aking mga paa, sumagot si Hesus, “hindi mo nauunawaan ngayon
ang ginagawa ko, ngunit mauunawaan mo rin pagkatapos..” Sinabi sa kanya ni
Pedro, “hinding-hindi kop o pahuhugasan sa inyo ang aking mga paa.” Kung
hindi kita huhugasan,wala akong kaugnayan sa akin.” Tugon ni Hesus. Kaya’t
sinabi ni Pedro, Panginoon hndi lamang po ang mga paa ko kundi pati ang aking
kamay at ulo. Ani Hesus, maliban sa kanyang mga paa, hindi na kailangan
hugasan pa ang naligo na,sapagkat malinis na ang kanyang buong katawan. At
malinis na kayo, ngunit hindi lahat. Kung akong Panginoon ninyo at Guro ay
naghugas ng inyong mga paa, dapat din kayong mahugasan ng paa. Binigyan
ko kayo ng halimbawa at ito’y dapat ninyong tularan. Sinasabi ko sa inyo ang
alipin ay hindi dakila kaysa sa kanyang Panginoon, ni ang sinugo kaysa nagsugo
sa kanya.

Ang Mabuting Balita ng Panginoon!!!

(papahalikan kay Francisco ang Bibliya)

Francisco: Mga kapatid nais kong dalhan ninyo ako ng tinapay upang tayo’y
magdiwang at magsalo-salo sa katawan at dugo ng ating Panginonng
Hesukristo.

(Ibibigay sa kanya ng isa sa kapatid ang tinapay at aawitin ni Francisco- IIsang

Panginoon, at pagkatapos ay sasama ang Choir at ipapamigay ang mga prayle
ang tinapay upang makakain ang lahat)
Francisco: (Aawitin habang hawak ang tinapay with accompaniment)
Katulad ng mga butil na tinitipon, upang maging tinapay na magbibigay buhay
kami nawa’y matipon din at maging bayan mong giliw!!!

Choir: (papasok at aawitin)

Katulad ng mga butil na tinitipon,
upang maging tinapay na naagbibigay buhay
kami nawa’y matipon din at maging bayan mong giliw

Iisang Panginoon, iisang katawan,

isang bayan, Isang lahi sayo’y ngpupugay

Katulad ng mga ubas na piniga at nagging alak

Sinumang uminom nito, may buhay na walang hanggang
Kami nawa’y maging sangkap sa pagbuo nitong baying liyag!

Prayle: Pagsaluhan natin ang huling hapunan kasama si Amang Francisco

(kakainin ang tinapay sabay-sabay)

Francisco: Salamat sa Diyos at naipagdiwang natin ang kanyang huling

hapunin. Mga kapatid nais kong ilapag ninyo ako upang madama koa ng lamig
ni kapatid na lupa na aking pinagmulan (ilalapag at ihihiga sa semento)

Hubarin ninyo ang aking damit sapagkat ipinanganak akong hubad kaya’t
mamamatay din akong hubad! (huhubadin ang damit ng mga kapatid)

Kapatid Elias: Kapatid Francisco, sa ngalan ng banal na pagtalima, inuutusan

kitang tanggapin at isuot mo ang abitong ito at tandaan na ito ay pahiram ko
lamang sa iyo.

Francisco: Salamat Kapatid Elias, hindi hinayaan na magkaroon ako ng pag-

aari at manatili pa rin akong tapat sa pinakamamahal na ginang ng Karukhaan.
(tatanggapin ito at isusuot ng mga kapatid at muling ibabalik sa higaan at
pagkatapos ay aawitin ang Salmo 142)

Francisco: Mga Kapatid, nais kong dasalin natin ang salmo ng pagtitiwala sa
Diyos, sapagkat ako ay humingi sa kanya at siya na nagkaloob sa akin sa inyo.
Salamat Panginoon, salamat

aawitin ang unang dalawang linya susunod ay ipagpapatuloy kasama ang koro
sa tono ng panalangin ng Kapayapaan)

Ako ay humingi ng tulong sa Diyos, Ako ay dumaing sa kanyay lumuhog

Ang aking dinala’y lahat kong hinaing, at ang sinabi ko’y pawang suliranin.

Nang ako ay wala ng pag-asa, ang dapat kong gawi’y nalalaman niya,
sa landas na aking pinagdaraanan, may handang patibong ang aking kaaway.

Sa aking paligid, nang ako’y lumingon, wala ni isa man akong makatulong
Wala kahit isa na magsasanggalang, ni magmalasakit na kahit sinuman.

Sa suliranin ko, ako ay hanguin, at ang pangalan mo’y aking pupurihin

Sa gitna ng madlang mga lingcod mo rin, sa kabutihan mong ginawa sa akin!

Francisco: (hinga ng malalim) Tuloy ka O kapatid na kamatayan ahhhh

ahhhhh…… (malalagutan ng hininga at luluhod ang lahat)

Prayle: Wala na si Amang Francisco

Prayle: Ang amang Francisco ay tunay na isang banal! (mahabang
katahimikan)

Isusuot ang hood ng mga friars

Papasok ang mga mongha

(aawitin ang O Most Holy Soul habang ang lahat ay tahimik at walang gagalaw)
O most holy soul
On your departure from the earth
The heavenly hosts come to greet you
The choirs of angels rejoice

The father and the Son and the Spirit

Welcome you saying, remain with us forever (2x)

Bubuhatin ang bangkay ni San Francisco at dadakhin sa mga Poor Clares

pagkatapos nito ay ilalabas sa stage habang inaawit ang Francis is dead/alive
kasama ang lahat ng cast palabas)

Francis is dead, cry the people of Assisi

On the grateful earth peacefully he rests
Grieving man and women gather round the lowly altar
While mem’ries resurrect his glorious life.

(sa part ng kanta na ito: insert pictures of caring for mother earth, caring
for the poor and the sick people on screen as Franciscans making the spirit
of Francis alive in our context )

He is the light of the world and the mirror of the Lord

He is the salt of the earth and the hope of our rebirth
He is the light of the world and the mirror of the Lord
He is the salt of the earth and the hope of our rebirth.

Francis is alive and the saints will live forever in

 Every heart and tongue, every place and time
Francis is alive, he lives in you and every one
So let’s proclaim that Francis is alive. (ref)

Narrator: Sa pagkamatay ni amang Francisco, siya ay naging inspirasyon lalo na

sa larangan ng karukhaan, kabanalan, at pagmamahal sa kalikasan.
Madami ang sumunod sa kanya at nagsabuhay ng kanyang halimbawa.
Sa pamamagitan ng Transitus na ito, sana ay naipakita ni amang
Francisco an dapat ay huwag nating katakutan ang kamatayan sapagkat
ito ay ating kapatid. Lahat tayo ay mamamatay at babalik sa Panginoong
nagkaloob sa atin nito. Tayo din tulad ni amang Francisco ay patuloy
nyang hinahamon lalo na sa usapin ng pagmamahal sa lahat ng sang
nilikha, mabuhay ng sapat at igalang ang lahat ng may buhay. Sa
panahon na ito ng pandemiya tayo ay pinapaalalahanan ni San Francisco
na magmahalan at ibigin ang ating kapwa tulad ng pag ibig sa atin ng
Diyos. Ako, Ikaw, tayong lahat paano tayo tutugon sa hamon ni Amang
Francisco sa pagkalinga sa ating kalikasan at mga taong dukkha? Muli
maraming salamat at Kapayapaan at lahat ng kabutihan.

(pagpapakilala ang lahat ng nagsiganap)