Taon 35 Blg.
20 Ika-33 Linggo ng Karaniwang Panahon (B) — Luntian
“P aano nga ba gugunawin ng
Diyos ang mundo?”
Baha? Lindol? Pagputok ng
bulkan? Asteroid? O baka naman
pandemya? Ito na ba ang simula
ng ating katapusan?
Noong bata pa ako, samu’t
saring mga kwento na ang aking
narinig kung paano raw gugunawin
ng Diyos ang mundo sa huling
paghuhukom. Ang iba, kapani-
paniwala. Ang iba naman, katawa-
tawa. Sa totoo lang, hindi naman
talaga bebenta ang ganitong mga
balita’t kwento kung walang
komukonsumo’t tumatangkilik.
B a k i t n g a b a , s a m o d e r n o ’t
progresibong ika-dalawampu’t isang
siglo ng ating kasaysayan, may mga
naniniwala pa rin sa Feng Shui
ni Hanz Cua, sa malabong hula
ni Rudy Baldwin, o iniiaasa ang
kanilang kapalaran zodiac sign?
At bakit ba ganoon na lamang ang
pagtuon natin ng pansin, partikular
nating mga Katoliko, sa katapusan
ng mundo?
Sa mga ganitong katanungan
pilit kong ibinabaling muli ang
aking paggugunam-gunam sa dapat
batayan ng ating pananampalataya:
kay Hesus. Kapag kasi ganito ang
ating pananaw patungkol sa Diyos,
kapag ganito tayo kasigurado ukol
sa paglipol ng Diyos sa sanlibutan,
hindi ba’t tumataliwas ang kaisipang
ito sa Diyos na ibinubunyag ni
Hesus? Kapag ang ating pagtingin
sa Diyos ay pagtinging gaya ng
sinasabi ng mga humuhula sa
katapusan ng mundo, isang
Diyos na mapaghiganti, Diyos na
mapagtanim ng galit nang dahil
sa ating kasalanan, ikinakahon
natin ang Diyos sa ating limitadong
malay. Mahalagang tingnan ang
punto de vista ng Diyos. Sino nga
UKOL
SA USAPANG
GUNAW
Cl. Ian Gabriel Ceblano, SSP
ba ang Diyos para sa kanyang
sarili? Ang sagot ng Diyos? Pag-ibig:
Pakikipag-isa sa katauhan ni Hesus.
Kaya’t imbes na tingnan natin ang
Diyos bilang sakim na usurero,
baka dapat muli nating ibaling
ang ating tingin sa pagka-Diyos
at pagkatao ni Hesus? Sa kanyang
maikling pananatili sa mundo, hindi
kailanman ibinunyag ni Hesus
ang Diyos bilang magagalitin at
mapaghiganti. Sa kataunayan,
kabaligtaran ang kanyang
isinabuhay at ipinakita. Kanyang
sinikap itaguyod ang Kaharian;
pinaghilom ang malalim na sugat
ng sangkatauhan, nilunasan ang
lason ng kasalanang bumabalot
sa puso ng bawat isa. Taliwas na
Nobyembre 14, 2021
taliwas ito sa imahen ng Diyos na
ipinipinta ng mga manghuhula ng
paggunaw ng mundo.
Pero ano ngayon ang saysay
ng mga pagbasa ngayong Linggo?
Hindi ba’t malinaw na tinutukoy
ng mga ito ang paggunaw ng Diyos
sa mundo lalo na sa pagbasa sa
aklat ni propeta Daniel? Sinulat ni
Daniel ang ating pagbasa sa lente
ng nanganganib masakop na Israel.
Pinagbabantaan noon ng Griyegong
haring si Antiochus Epiphanes
a n g s o b e ra nya n g n a s a b i n g
bayan, kalakip ang pagpataw
ng Griyegong relihiyon sa mga
Israelita. Kaya sumulat si propeta
Daniel, sa apokaliptikal na paraan,
ukol sa pag-asa ng tagumpay ng
Israel mula sa paniniil ng kanilang
mananakop. Lumipas ang ilandaang
taon, sa panankop ng mga Romano,
nababasa nating nakita ng mga
Israelita si Hesus bilang Mesiyas at
samakatuwid, pag-uulit at, sa huli,
kaganapan, ng mga nasambit ni
propeta Daniel. Ngunit, muli’t muli,
walang nabanggit si Hesus ukol
sa magagalitin at mapaghiganting
Diyos sa kanyang tanang buhay.
Walang Diyos na nagpadala
ng lindol, sigalot, o salot nang
dahil sa pagkamakasalanan ng
sangkatauhan.
Kapatid, magdadalawang taon
na ang pandemya. Araw-araw
“gumugunaw” ang ating sari-sariling
mga mundo nang dahil sa salot
na ‘di matapos-tapos. Pinalalala
pa ng kasakiman at kasamaan ng
iilan. Sa gitna ng ating pagdurusa,
mapagtagumpayan nawa natin
ang pagtatanong ng, “Panginoon,
ginugunaw mo na ba ang mundo?”
Sapagkat ang mas mahalagang
katanungan ay “O Diyos, paano mo
nga ba ako minamahal at muling
binubo?” Bumaling tayo kay Hesus.
 PASIMULA
Antipona sa Pagpasok
(Jer 29:11, 12, 14)
(Basahin kung walang pambungad na awit.)
Sinabi ng Poong banal, pag-asa’t
kapayapaan ang nais kong inyong
kamtan. Kayo’y aking pakikinggan
at bibigyang-kalayaan.
Pagbati
(Gawin dito ang tanda ng krus.)
P — Ang pagpapala ng ating
Panginoong Hesukristo, ang
pag-ibig ng Diyos Ama, at ang
pakikipagkaisa ng Espiritu Santo
nawa’y sumainyong lahat.
B—At sumainyo rin.
Paunang Salita
(Maaaring gamitin ito o kahalintulad
na pahayag.)
P—Habang papalapit tayo sa
katapusan ng taong kasalukuyang
panliturhiya, mapakikinggan sa
mga pagbasa ang kaganapan ng
panahon. Tila nakakatakot na
kaguluhan ang paglalarawan
sa mga huling araw. Ngunit
hindi pagkatakot kundi pag-
asa ang hatid nito sa atin. Ang
pag-usbong ng puno ng igos
sa ebanghelyo ay nagtuturo sa
pag-asang ito: na darating ang
buhay pagkatapos ng kamatayan!
Binabago ng Espiritu ang
luma tungo sa bago, ang
kaguluhan tungo sa kaayusan,
ang kalungkutan tungo sa
kagalakan, ang kawalang pag-
asa tungo sa bagong buhay.
Pagsisisi
P—Mga kapatid, tinipon tayo
bilang mga kaanib ng angkan
ng Diyos kaya dumulog tayo
sa maawaing Panginoong
nagpapatawad nang lubos.
(Tumahimik)
P—Sinugong Tagapagpagaling
sa mga nagsisisi: Panginoon,
kaawaan mo kami.
B—Panginoon, kaawaan mo kami.
P — Dumating na Tagapag-
anyayang mga makasalana’y
magsisi: Kristo, kaawaan mo kami.
B—Kristo, kaawaan mo kami.
P—Nakaluklok ka sa kanan ng
Diyos Ama para ipamagitan kami:
Panginoon, kaawaan mo kami.
B—Panginoon, kaawaan mo kami.
P—Kaawaan tayo ng makapang-
yarihang Diyos, patawarin tayo
sa ating mga kasalanan, at
patnubayan tayo sa buhay na
walang hanggan.
B—Amen.
Gloria
Papuri sa Diyos sa kaitaasan
at sa lupa’y kapayapaan sa
mga taong kinalulugdan niya.
Pinupuri ka namin, dinarangal
ka namin, sinasamba ka namin,
ipinagbubunyi ka namin,
pinasasalamatan ka namin
dahil sa dakila mong angking
kapurihan. Panginoong Diyos,
Hari ng langit, Diyos Amang
makapangyarihan sa lahat.
Panginoong Hesukristo, Bugtong
na Anak, Panginoong Diyos,
Kordero ng Diyos, Anak ng
Ama. Ikaw na nag-aalis ng mga
kasalanan ng sanlibutan, maawa
ka sa amin. Ikaw na nag-aalis ng
mga kasalanan ng sanlibutan,
tanggapin mo ang aming
kahilingan. Ikaw na naluluklok
sa kanan ng Ama, maawa ka sa
amin. Sapagkat ikaw lamang
ang banal, ikaw lamang ang
Panginoon, ikaw lamang, O
Hesukristo, ang Kataas-taasan,
kasama ng Espiritu Santo sa
kadakilaan ng Diyos Ama. Amen.
Pambungad na Panalangin
P—Manalangin tayo (Tumahimik)
Ama naming makapangyari-
han, ipagkaloob mong lagi
naming ikaligayang ikaw ay
paglingkuran sapagkat walang
maliw at walang kahulilip ang
kasiyahan kapag sumasamba
kami sa iyong kapangyarihang
nagpapairal sa tanang sanlibutan
sa pamamagitan ni Hesukristo
kasama ng Espiritu Santo
magpasawalang hanggan.
B—Amen.
PAGPAPAHAYAG NG
SALITA NG DIYOS
Unang Pagbasa (Dan 12:1–3)
(Umupo)
Binibigyan ni propeta Daniel ng pag-
asa ang mga Judiong dumaranas
ng pagkaalipin sa kamay ng mga
banyaga. Mamamagitan ang
Diyos at wawakasan ang kanilang
pagdurusa. Sisimulan ang pagli-
ligtas at pagluluwalhati sa kan-
yang bayan.
Pagbasa mula sa aklat ni propeta
Daniel
SA PAGKAKATAONG yaon,
darating si Miguel, ang
makapangyarihang bantay ng
bansang Israel, at mag-kakaroon
ng matinding kahira-pang hindi
pa nangyayari kailan-man. Ngunit
maliligtas ang mga kababayan
mong ang pangalan ay nakasulat
sa aklat ng Diyos. Mabubuhay ang
marami sa mga namatay sa lahat
ng panig ng daigdig; ang iba’y
sa buhay na walang hanggan,
at ang iba’y sa kaparuhasang
walang hanggan. At yaong
may pagkaunawa at umakay sa
marami tungo sa kabutihan ay
magniningning na parang tala
sa kalangitan magpakailanman.
—Ang Salita ng Diyos.
B—Salamat sa Diyos.
Salmong Tugunan (Slm 15)
T—D’yos ko, ang aking dala-
ngi’y ako’y iyong tangkilikin.
E. C. Marfori
C A Dm
  
   
D'yos ko, ang a

Dm G
   
2

  

king da la ngi'y a ko'y i
C

4
 
   
yong tang ki li kin.
1. Ikaw lamang, Panginoon,
ang lahat sa aking buhay,/
ako’y iyong tinutugon sa lahat
kong kailangan;/ ang biyayang
kaloob mo ay kahanga-hangang
tunay./ Nababatid ko na ika’y
kasama ko oras-oras,/ sa piling
mo kailanma’y hindi ako
matitinag. (T)
2. Kaya’t ako’y nagdiriwang, ang
diwa ko’y nagagalak,/ ang lagi
kong nadarama’y hindi ako mati-
tinag./ Pagkat di mo tutulutang
ang mahal mo ay malagak,/ sa
balon ng mga patay upang doon
ay maagnas. (T)
3. Ituturo mo ang landas na
buhay ang hahantungan,/ sa
piling mo’y madarama ang lubos
na kagalakan;/ ang tulong mo’y
nagdudulot ng ligayang walang
hanggan. (T)
Ikalawang Pagbasa
(Heb 10:11–14, 18)
Sapat na ang minsanang pag-
hahandog ni Kristo ng kanyang
sarili para sa kapatawaran ng
ating mga kasalanan. Tanging
ang wakas na lamang ng panahon
ang ating hinihintay upang maging
lubos na ang kaligtasang handog
niya.
Pagbasa mula sa sulat sa mga
Hebreo
B A W AT S A S E R D O T E a y
nakatayong naglilingkod araw-
araw at naghahandog ng iyon at
iyon ding mga hain, subalit hindi
makapapawi ng kasalanan ang
mga haing iyon. Ngunit si Kristo
ay minsan lamang naghandog
dahil sa mga kasalanan, at iyo’y
sapat na. Pagkatapos, lumuklok
siya sa kanan ng Diyos. At nag-
hihintay siya roon hanggang sa
lubusang pasukuin sa kanya ng
Diyos ang kanyang mga kaaway.
Samakatuwid, sa pamamagitan
ng isa lamang paghahandog
ay kanyang pinapaging-banal
magpakailanman ang mga
nilinis niya.
Sapagkat ipinatawad na
ang mga kasalanan, hindi na
kailangan pang maghandog dahil
sa kasalanan.
—Ang Salita ng Diyos.
B—Salamat sa Diyos.
Aleluya (Lc 21:36) (Tumayo)
B—Aleluya! Aleluya! Manala-
nging walang humpay samanta-
lang hinihintay si Hesus na
Poong mahal. Aleluya! Aleluya!
Mabuting Balita (Mc 13:24–32)
P — Ang Mabuting Balita ng
Panginoon ayon kay San Marcos.
B—Papuri sa iyo, Panginoon.
NOONG PANAHONG iyon,
sinabi ni Hesus sa kanyang mga
alagad: “Sa mga araw na iyon,
pagkatapos ng mga napakalaking
kapighatian, magdidilim ang
araw, hindi magliliwanag ang
buwan, malalaglag mula sa langit
ang mga bituin, at mayayanig
ang mga kapangyarihan sa
kalawakan. At makikita ang
Anak ng Tao na nasa alapaap,
dumarating na may dakilang
kapangyarihan at malaking kara-
ngalan. Susuguin niya ang kan-
yang mga anghel sa apat na
panig ng daigdig at titipunin
nila ang mga hinirang ng Diyos,
mula sa lahat ng dako.
“Unawain ninyo ang aral
mula sa puno ng igos: kapag
sumisipot na ang mga dahon
sa sanga nito, alam ninyong
malapit na ang tag-araw. Gayon
din naman, kapag nakita ninyong
nangyayari na ang mga bagay na
ito, malalaman ninyong malapit
na ang panahon ng pagparito
niya—nagsisimula na. Tandaan
ninyo: magaganap ang mga
bagay na ito bago mamatay
ang mga taong nabubuhay sa
ngayon. Mawawala ang langit at
ang lupa, ngunit ang mga salita
ko’y hindi magkakabula.
“Ngunit walang nakaaalam ng
araw o oras ng pagsapit niyon,
kahit ang mga anghel sa langit
o ang Anak man—ang Ama
lamang ang nakaaalam nito.”
— Ang Mabuting Balita ng
Panginoon.
B—Pinupuri ka namin, Pangi-
noong Hesukristo.
Homiliya (Umupo)
Pagpapahayag
ng Pananampalataya (Tumayo)
B — Sumasampalataya ako sa
Diyos Amang makapangyarihan
sa lahat, na may gawa ng langit
at lupa.
Sumasampalataya ako kay
Hesukristo, iisang Anak ng
Diyos, Panginoon nating lahat,
nagkatawang-tao siya lalang ng
Espiritu Santo, ipinanganak ni Santa
Mariang Birhen. Pinagpakasakit ni
Poncio Pilato, ipinako sa krus,
namatay, inilibing. Nanaog sa
kinaroroonan ng mga yumao,
nang may ikatlong araw nabuhay
na mag-uli. Umakyat sa langit.
Naluluklok sa kanan ng Diyos
Amang makapangyarihan sa lahat.
Doon magmumulang paririto at
huhukom sa nangabubuhay at
nangamatay na tao.
Sumasampalataya naman
ako sa Diyos Espiritu Santo, sa
banal na Simbahang Katolika,
sa kasamahan ng mga banal, sa
kapatawaran ng mga kasalanan,
sa pagkabuhay na muli ng
nangamatay na tao, at sa buhay
na walang hanggan. Amen.
Panalangin ng Bayan
P—Ngayon, dumalangin tayo sa
dakilang Ama na tayo’y bigyan
ng sapat na lakas at pag-asa
upang maging handa lagi sa
oras na kanyang itinakda.
Manalangin tayo:
T—Panginoon, dinggin mo kami.
L — Patuloy nawang gabayan
ng mga lider ng Simbahan ang
bawat mananampalataya tungo
sa tamang landasin sa kabila ng
kanilang mga pagkukulang at
kahinaan. Manalangin tayo: (T)
L—Maitaguyod nawa ng mga
punongbayan ang isang lipunang
makalangit, makatarungan, at
mapagmalasakit sa pamamagitan
ng kanilang tapat na paglilingkod.
Manalangin tayo: (T)
L—Magsimula nawang
magbagong-loob ang mga taong
nalulugmok sa pagkakasala
dala ng kamunduhan, abuso,
at karahasan. Tahakin nawa nila
ang landas ng pagpapatawad at
pagbabagong-buhay. (T)
L— Paghilumin mo nawa at
bigyan ng pag-asa ang mga
taong nagdurusa dahil sa salot
na Covid-19. Bigyan mo rin
ng sapat na lakas ang mga
nag-aalaga sa kanila lalung-
lalo na ang mga frontliners.
Manalangin Tayo: (T)
L—Salubungin nawa ng mga
anghel at mga banal ang mga
kapatid naming pumanaw.
Manalangin tayo: (T)
L — Sa ilang sandali ng kata-
himikan itaas natin sa Diyos
ang ating personal na kahilingan
gayundin ang mga taong lubos
na nangangailangan ng ating
panalangin (Tumahimik).
Manalangin tayo: (T)
P—Panginoon ikaw ang aming
kanlungan at pag-asa. Dinggin
mo kaming mga dumudulog
sa iyo sa panalangin upang
makapamuhay kaming naaayon
sa turo ng iyong anak at aming
manunubos na si Hesukristong
aming Panginoon ngayon at
magpakailanman.
B—Amen.

PAGDIRIWANG NG
HULING HAPUNAN
Paghahain ng Alay (Tumayo)
P—Manalangin kayo...
B—Tanggapin nawa ng Pangi­
noon itong paghahain sa iyong
mga kamay sa kapurihan niya
at karangalan sa ating kapaki­
nabangan at sa buong Samba­
yanan niyang banal.
Panalangin ukol sa mga Alay
P — Ama naming Lumikha,
ipagkaloob mo ang iyong masin-
tahing pagtingin sa aming mga alay
upang ang kagandahang-loob mo
ay aming makamtan at ang bunga
ng walang hanggang pag-iral ay
aming mapakinabangan sa pama-
magitan ni Hesukristo kasama ng
Espiritu Santo magpasawalang
hanggan.
B—Amen.
Prepasyo
Karaniwang Panahon I
P—Sumainyo ang Panginoon.
B—At sumaiyo rin.
P—Itaas sa Diyos ang inyong
puso at diwa.
B—Itinaas na namin sa Panginoon.
P — Pasalamatan natin ang
Panginoong ating Diyos.
B—Marapat na siya ay pasala­
matan.
P—Ama naming makapangyari-
han, tunay ngang marapat na
ikaw ay aming pasalamatan sa
pamamagitan ni Hesukristo na
aming Panginoon.
Sa dakilang pagtubos niya sa
amin, ang kasalana’t kamatayang
aming pasanin ay binalikat niya
upang kami’y palayain at ma-
itampok sa iyong luningning. Siya
ang nagtanghal sa amin bilang
liping hinirang, pari at haring
lingkod sa iyong kamahalan.
Mula sa kadiliman, kami’y iyong
tinawag upang makasapit sa
iyong liwanag bilang iyong ang-
kang may tungkuling maglahad
ng iyong dakilang pag-ibig sa
lahat.
Kaya kaisa ng mga anghel na
nagsisiawit ng papuri sa iyo nang
walang humpay sa kalangitan,
kami’y nagbubunyi sa iyong
kadakilaan.
B—Santo, Santo, Santo Pangi-
noong Diyos ng mga Hukbo
napupuno ang langit at lupa
ng kadakilaan mo Osana sa
kaitaasan. Pinagpala ang napa-
ririto sa ngalan ng Panginoon
Osana sa kaitaasan! (Lumuhod)
Pagbubunyi (Tumayo)
B—Sa krus mo at pagkabuhay
kami’y natubos mong tunay.
Poong Hesus naming mahal,
iligtas mo kaming tanan ngayon
at magpakailanman.
PAKIKINABANG
Ama Namin
B—Ama namin...
P—Hinihiling naming...
B—Sapagkat iyo ang kaharian at
ang kapangyarihan at ang kapu­
rihan magpakailanman! Amen.
Pagbati ng Kapayapaan
Paanyaya sa Pakikinabang
(Lumuhod)
P—Ito ang Kordero ng Diyos. Ito
ang nag-aalis ng mga kasalanan
ng sanlibutan. Mapalad ang mga
inaanyayahan sa kanyang piging.
B — Pa n g i n o o n , h i n d i a k o
karapat-dapat na magpatulóy
sa iyo ngunit sa isang salita mo
lamang ay gagaling na ako.
Antipona sa Komunyon
(Slm 73:28)
Sa sarili’y hangarin ko sa piling
ng D’yos madako at panatag
ngang totoo ang aking pag-asang
ito na siya’y hindi maglililo.
Panalangin Pagkapakinabang
(Tumayo)
P—Manalangin tayo. (Tumahimik)
Ama naming mapagmahal, sa
pinagsaluhan naming banal na
pakikinabang ang amin nawang
pag-ibig ay lalong madagdagan
ng ginawa namin sa pag-alala sa
Anak mong mahal na nag-utos
ipagdiwang ang Huling Hapunan
sa pamamagitan ni Hesukristo
kasama ng Espiritu Santo magpa-
sawalang hanggan.
B—Amen.
PAGTATAPOS
P—Sumainyo ang Panginoon.
B—At sumaiyo rin.
Pagbabasbas
P—Magsiyuko kayo at hingin
ang pagpapala ng Diyos.
(Tumahimik)
Gawaran nawa kayo ng
pagpapala ng maawaing
Diyos upang lagi ninyong
mapahalagahan ang kanyang
karunungang nagdudulot ng
kaligtasang walang hanggan.
B—Amen.
P — Gawaran nawa ng Diyos
n g k a t a t a g a n a n g i nyo n g
pananampalataya na nasasalig
sa kanyang pagmamahal upang
mamalagi kayong nagsisikap
gumawa ng kabutihan ngayon
at magpasawalang hanggan.
B—Amen.
P—Patnubayan nawa ng Diyos
ang inyong paglakad sa daang
hahantong sa kanya upang
inyong taluntunin ang landas
ng pag-ibig at kapayapaang
walang hanggan.
B—Amen.
P — Pa g p a l a i n k a y o n g
makapang­yarihang Diyos, Ama
at Anak (†) at Espiritu Santo.
B—Amen.
Pangwakas
P—Tapos na ang Misa. Humayo
kayong taglay ang pag-ibig
u p a n g a n g Pa n g i n o o n ay
mahalin at paglingkuran.
B—Salamat sa Diyos.
BE A PRIEST OR
A BROTHER OF
MASS MEDIA
If you are a Grade
12 student, a college
student, or a young
professional, male, single,
and interested to become
a priest or a brother
involved in the apostolate
of social communication,
we invite you to journey
with us.
Visit our websites:
ssp.ph or stpauls.ph
Tel: (02) 8895-9701