: Panunuring Pampanitikan

IV.SAGUTAN NATIN!

A. TANONG MO-SAGOT MO!

1. Kung bibigyan ka ng kapangyarihan kaugnay sa panitikan, ano ito at para saan mo ito
gagamitin?

2. Pag-aralan ang sinasabi ng mga grapiko sa ibaba. Bigyan ng sarili mong konsepto at
pagpapakahulugan ang pagkakaugnay ng mga elementong makikita rito upang maipalabas ang
kahalagahan at katuturan ng panitikan sa buhay mo bilang isang mag- aaral.

Pagkakaugnay at Pansariling kapaliwanagan

Bigyan natin ng sariling pagpapakahulugan at pag-ugnay-ugnay ang mga salitang nasa bilog. Para sa akin, ang panitikan ay isang
malaking bahagi sa buhay ng mundo na nagbibigay-apoy at kaliwanagan sa isip, puso at buhay ng tao sa mundo. Masyadong malawak
ang pannitikan, pero nais kong pag-ugnay-ugnayin natin ang mga nakatalang salita kaugnay sa salitang “panitikan”. Ang kultura ay
sumasalamin sa panitikan at ang panitikan ay sumasalamin naman sa kultura. Marahil ay likas na sa puso at isip ng tao ang magbuhos ng
kanilang nararamdaman, saloobin o hinanaing magkakaiba man ang antas ng nararamdaman pero sa reyalidad ay ito na ang
pinamumuhay ng isang bansa. Bakit kaugnay ang kasalan sa panitikan? Sa gana kong kaisipan, maraming hangong likha ang mga awtor
sa panitikan o karamihan sa kanila’y pinapaksa ang patungkol sa kasalan. May mga ipinapaloob na magkasintahan sa loob ng kwento at
nagpapakita ng moral sa mambabasa. Sa buhay naman ay ipinapakita ng panitikan na ang bawat isang nilalang ay may kanya-kanyang
karanasan, may mga kanya-kanyang kwento , ang bawat isa ay may kakayahan at may karapatan na magkaroon ng ambag sa panitikan,
magkaroon na ibahagi ang biyograpiya sa bawat isa. Sa kaisipan naman ng tao ay mataas ang antas ng panitikan sapagkat ang bawat
taong nilalang ay nilikha na maging malikhain, malawak ang kaisipan, may karunungan at may potensyal na ibahagi ang mga nilalaman.
Walang taong walang pagpapala. Lahat tayo ay may kanya-kanyang biyaya. Ganundin sa pagsulat, tayo ay tinuturuan ng panitikan na
linangin ang pagsulat sapagkat dito natin naisasalba ang mga ala-ala, kaisipan, saloobin, kaalaman at buhay kumpara sa pagbigkas na
kinakailangan ng pakikinig. Sa pagsulat tayo ay natututo sa malalawak na pag-iisip at makapagbigay din ng magandang patotoo sa
mambabasa. At sa huli naman ay ang kasaysayan sa panitikan. May mga nauna na sa atin na lumikha o bumuo ng panitikan. Hindi natin
malalaman kung ano ang panitikan sa ating mga buhay, kultura at kung papaano tayo tinuturuan na gumawa ng panitikan. Napakalaki ng
naiambag ng panitikan sa kasalukuyan o kontemporaryo natin kung kaya’t nagbigay sila ng mga kaalaman, kahalagahan, karanasan,
pakikipagsapalara, mga testimonya o patotoo, kadakilaan at mga tulong na kanilang kinagisnan. Ang panitikan ay buhay ng isang bansa .
Ako ay may kakayahan. Ikaw ay may kakayahan. Ang bawat isa ay may kakayahan na lumikha at bumuo ng panitikan. Tayo ang buhay
ng panitikan.
10 | P a g e / S I R D I A C S