Marami akong natutunan sa akdang "Walang Panginoon".

Isa na rito ang pagtitimpi o ang pagkakaroon ng mahabang

pasensya. Kahit na napakaraming dumaang pagsubok sa ating buhay, lagi tayong maging positibo at manalig sa Poong
Maykapal. Maging mabuti at huwag magpadala sa galit at hinanakit.

Ngunit hindi yaon ang nangyari sa kwento. Kahit na naging mapagtimpi si Marcos, kalauna'y kinain siya ng galit at pusong
nais maghiganti. Para sa akin, mali ang kanyang ginawa. Sapagkat Diyos lamang ang may karapatang magparusa at kumuha
ng buhay. Kahit na sabihin pang hindi niya direktang pinatay si Don Teong, siya pa rin ang may pakana ng lahat. Nakatakas
man siya sa batas ng tao, ngunit alam kong sa batas ng Diyos niya makukuha ang nararapat niyang kaparusahan.