Banta sa mga Pamilyang Pilipino: Paano nga ba Masosolusyunan?
Lingid sa kaalaman ng karamihan na ang mga pamilyang Pilipino ay humaharap ng mga
banta sa kanilang pamumuhay. Mga banta na nagbibigay ng problema sa bawat Pilipino kaya nararapat nap ag-isipan at pag-aralan kung paano ito masosolusyunan. Ilan sa mga bantang hinarap ng bawat pamilyang Pilipino ay pagbibigay ng edukasyon, paggabay sa paggawa ng mabuting pasiya at paghubog ng pananampalataya. Una, ang banta sa pagbibigay ng edukasyon ay ang kahirapan. Dahil sa kahirapan ay napipilitang maghanapbuhay ang ama at ina kaya nababawasan ang kanilang panahon sa pagbabantay ng kanilang mga anak at sa pagtuturo sa kanila ng mga mabuting asal. Malalampasan ito kung magtulong-tulong ang lahat ng kasapi ng pamilya upang matulungan ang mga magulang sa kanilang mga gampanin sa pagtutro sa mga anak, lalo na ang nakatatandang miyembro ng pamilya. Ang magiging bunga nito sa pamilyang Pilipino ay magiging mulat ang lahat ng kasapi na mahalagang gampanan nila ang kanilang mga tungkulin sa pamilya upang mapunan ang pagkukulang ng mga magulang bunga ng kanilang pagsasakripisyo para matugunan ang pangunahing pangangailangan ng pamilya. Pangalawa, paggabay sa paggawa ng mabuting pasiya kung saan ang mabuting pagpapasya ay nagsisimula sa pagsusukat ng mga pagpipilian na mayroon tayo. Ang mga magulang ang siyang nakaaalam ng mabuting pasya sapagkat marami na silang mga karanasan. Kailangan natin nang masususing pag-iingat upang hindi natin pagsisihan ang gagawing pagpapasya. Nandyan ang mga kapatid na maaring gumabay sa atin sa paggawa ng desisyon. Ang pagsisisi ay bunga ng maling pagpili. Ang pagkakaroon ng kakayahan sa mabuting pagpapasiya ay bunga ng karunungan at pagpapahalagang naitanim ng mga magulang sa kanilang mga anak mula noong sila ay bat apa lamang. Ito ay bunga ng pagtitiwala at pagbibigay sa mga bata ng kalayaan na gumawa ng pagpapasiya na ginagabayan ng maingat na paghusga. Panghuli, paghubog ng pananampalataya sa sapagkat ang pakikinig sa panalangin o sa nilalaman ng mga aklat tungkol sa pananamplataya ay hindi sapat kahit pa ang pagmemorya sa nilalaman nito.Tanggapin na ang Diyos ang magiging sentro ng buhay pampamilya. Mahalagang tanggapin at yakapin ng lahat ng kasapi ng pamilya na ang Diyos at ang tunay na pananampalataya sa knaiya ang makapagbibigay ng katiwasayan sa pamilya at sa ugnayan ng mga kasapi nito. Mas magiging madali para sa isang pamilya ang harapin ang anumang pagsubok kung nananatiling matingkad ang presensiya ng Diyos sa gitna nito. Magtulungan din lahat ng kasapi ng pamilya sa paghubog ng ating pagkatao at pagkatotoo. Tunay ngang ang bawat pamilyang Pilipino ay nakakaranas ng mga banta sa pamumuhay kaya dapat maging handa ang bawat pamilya na harapin ang anumang hamon na ihahain nito. Magagawa lamang ito kung bawat pamilya ay nagkakaroon ng pagkakaisa, pagtutulungan, pananampalataya na siyang kanilang sandata upang patuloy pa ring ang maligayang buhay.