K’ANKAMANTAWAN PUKU PUKUMANTAWAN

Jallmaq: Armando Claros Juyari

Copia 1
May unay pachaqa kay Awyala ayllukunapiqa ,puku pukus takispa
sapa paqarin runata rikch’arichiq kasqa.
pukus pukus pukussss
kaymantajinalla juk paqarin ququrichiiiii…! ququrichiiiiiiii…..!
Puku pukuqa pitaq chayta takinri? Nispa tapukun.
Chayqa kasqa k’anka
6 . Mana payqa kaypi takinanchu tiyan ,kaypiqa sapallay runa
rikch’achiq kani
7.- puku pukuqa k’ankata mask’aq rin , tinkuspataq ñin:
_ ! Wiraqucha k’anka qamqa manamin kaypi takinaykichu
kachkan.imaraykutaq qam kaypi takichkankiri !
8.- karaju millana allqu jatariy kaymanta ! nispa jant’an.
9.Yachanaykipaq ,kay jallp’akunapiqa uywaqiy wiraqucha ispañul
mistimi kaypiqa kamachikapun, chayraykutaqmi ñuqapis kaypiqa
takinallaytaq tiyan.
Copia 2
10.K’ankawan puku pukuwanqa sinchi unayta ch’aywaykunku
,manapuni sunqunta tiyachispataq llaqtata rinku wiraquchi
juezman willakuq juez ispañul runa kasqa.
11. Wiraquchi juez aylluypi kay mana riqsisqa k’anka takiyta
qallarin . payqa manamin kaymantachu ayllunman ripuchun.
12 . Ari allinmi riy mask’amuy ,phaway qam kikin chay k’ankata
chayarquchimuway! Ñuqaña kaypi chiqanchasqayki.
14. qhipan p’unchaytaq….
15. Qamkunaqa iskayniykichik kaqtakama mañakunkichik.
Astawanpis sapa juk rikursuta qillqata apamuwaychik.
Qhipamantaq chaninchasqaykichik.
16.kay llaqtapiqa iskay runaslla rikursu qillqayta yachanku
.chaykunaqa: juk’ucha juktaq atuq. Puku pukuqa juk’ucha chayta
rin.
18. A ri, tukunchik! ¡ ari kunanqa wiraqucha juezman apaykusaq!
19.puku puku ripuptinpacha,juk’uchaqa phawaspa pakayllamanta
k’ankaqta willaykuq rin.
Copia 3
20 Chay supay puku pukuqa chiqnisunki paymi kay ayllumanta
qharquyta munasunki chaytan juk rikursu qillqaypi mañakuchkan.
21.Atuqpaqtaqa ama riychu payqa mikhurqusunkiman. Ñuqa
aswanpis rikursuta qillqarqapusqayki . ichaqa quqawiykita
quriwanki. ¡ Ari allinmi!
22. k’ankawa juk’uchawanqa wak rikursustas qillqallankutaq
jinaspataq juezpaqman taripachimullankutaq puku pukuqa jukta
juktas runakunata tapukun.
23. wiraqucha juezpaq tispachunpi ¡ wiraqucha juez! Kay
ayllukunapiqa ñuqa sapallaypuni takiq kani .jatun tataypaq
tatanmantapachapis ñuqallaykumi p’unchaw p’unchayta takiyku,
24.! Mana chayqa chiqachu wiraqucha juez! Uywaqiy
ispañamanta chayamusqanmantapacha ñuqapis kaypi
takinallaytaq runata rikch’achinay , runap wasinpi tiyanay
Copia 4.
25 .Ari ari! Jukpis jukpis uyarisqa kankichik . kay
mañayniykichisqa Jatun uma nanaymi.janaq pacha
tataykichikmanta mañakuychik allin. k’anchaykamunawanpaq.allin
chaninchayta taripanaykichikpaq. Q’aya paqarin tutamanta iskay
phanita rikchachiwankichik amataq kay tuta ch’aqwamkichikchu.
27. Qurpachakusqayku wasiman kutipuspa juk’ucha k’ankaman
taripallantaq:
28.qhipantaq chay puku puku rikursu qillqanta mikhurqusaq ñispa
nin.
29. ¡allinmi chay yuyayniykiqa!
30.wiraqucha k’anka ama anchata llakikuychu ñuqawanqa
atipallankimi.qamqa jank’allata willalli tikatawan quriwanki. Juk uya
ñak’ayta juezman uña wasita apaykurqusun. Jinaspataq
intiwatanantawan mañarqaqamusun.
31. puku pukuqa chaykama llakisqa wasinpi qurpachakuchkan
kukachallanta akullichkan.
32. Ñuqa tuta paqariq rikch’asaq,paqarintaq tutaña wiraqucha
wiraqucha juezta takispa rikch’achisaq.
33. ch’isinpachaqa chiqatapuni puku pukuqa mana puñunchu.
Ichaqa kuska chawpi tutamanta puñuywan atiparquchikusqa.
34. wiraqucha k’anka ,wiraqucha k’ankaña pacha sut’iyachkanña
takillayña.wiraqucha juezta rikch’achiy, runakunata rikch’achiy
Copia 5.
35 k’ankaqa ancha mancharisqa rkch’arin likranta saq’arikun
,jinaspataq tukuy kallpawan takin.ququruquuuuuuuuuuuuu.!
36. chay qhipantaraq puku pukuqa uma nanasqa
rikch’arin,jinaspataq takiyta qallarillantaq,ichaqa ñawpaqtaña
takispa rikch’achin. Pukus pukus….!
37 . aswan p’unchaytaña juezpaq tispachunpi:
38.! Yaw puku puku indio q’ara lip’ichi turri ch’ullu mijikanu,q’ara
wasa, p’unchaylla takinki rikursuykipis mana kanchu, kunanmanta
qhipaman. Runapis chiqnisunki!
39.wiraquchap rikursullanmi kaypi kachkan,! Wiraqucha k’anka
kunanmanta qhipaman runa qamman mikhuyta qarasunqa..
Kay puku pukuqa tukuyjina qhillataq llullataq.
40.qam wiraqucha juk’ucha kay k’anka yanapasqaykimanta runap
wasinta yaykuyta atillanki paypaq mikhuyninta mikhuyta atillanki.
41.awichukunaqa ajinata ninku..puku pukukunaqa wakmanta
phaninpi runata takispa rikch’achinqanku.chay p’unchaywasin
maypichus takinqanku. .puku pukussss.!
Tukukun.