Queenie M.

Rubio MAKABAYAN D
Bachelor of Arts in Political Science-1 Module 1

Our time, Our Way

1. Identify and evaluate specific responses to the pandemic by your local government or
any private institutions in your respective community. What are its strengths and
weaknesses?

Dinhi sa among probinsya, nisamot kadaghan ang kaso sa COVID-19. Ang mga
opisyales naningkamot na mapugngan ang pagtaas sa kaso. Nagpadayon ang
vaccination sa lahi-lahing barangay. Sa akong naobserbahan, adunay mga tawo nga
mahadlok gihapon na magpabakuna. Kini nga problema angay gayud na sulbaron sa
mga awtoridad sa madali nga panahon. Kinahanglang madani ang mga tawo na
magpabakuna aron dili mupaspas ang pagdaghan sa mga matakdan. Naghatag usab
ang lokal na kagamhanan og ayuda sa mga Siquijodnon. Apan, naa pa gihapon uy mga
kabos na lumulupyo dinhi sa among probinsya nga wala pa nakadawat og tabang gikan
kanila.

Adtong mga niunang buwan sa 2021, hapsay ra ang pagdumala sa lokal na

kagamhanan sa giatubang na krisis. Apan karon, kada adlaw nagkataas ang kaso dinhi.
Akong nabantayan sab nga ang ilahang pokus karon anaa na sa nagsingabot nga
eleksyon.

2. In your capacity, what could you do in supplementing these efforts? What could have
been done to improve these? What are your suggestions for new solutions?

Ang pagsulbad niining nasudnong problema, nanginahanglan og kolektibong

paglihok sa mga katawhan. Disisyete anyos pa ko karon pero kung pwede nako
makapabakuna, dili gayud ko magduha-duha. Dili garantiya nga kung magpabakuna,
dili na sab matakdan sa sakit pero base sa giingon sa mga eksperto, mas gamay ang
posibilidad nga matakdan ang usa ka tawo kung siya nabakunahan, og gamay sab ang
posibilidad nga siya makapanakod.

Usa sa mga solusyon nga akong nakita para masulbad kining atong problema
kay ang pagpili sa mga kandidato nga angay gayud na mulingkod sa umalabot nga
eleksyon. Importante nga paspas og gihuna-huna’g maayo ang pagresponde sa atong
lokal ug nasyonal na kagamahanan sa krisis sa COVID-19 .