Pagbasa ng Impormasyon

Ang Kasalukuyan tinatawag na information age. Ga-iglap sa bilis ang pagdami o pagbabahagi ng
impormasyon dahil sa maunlad na teknolohiya. Ang mga impormasyon ay dapat na masubaybayan
upang makasabay sa mga kaalamang napapanahon. Iba-ibang kaalaman at karanasan ang naipararanas
ng siyensya at teknolohiyana maaring matunghayan sa mga pahina ng iba’t ibang materyales tulad ng
aklat,journal, magasin at mga elektronikong babasahin o e-book. Sa kabila ng katotohanan na marami na
sa kasalukuyan ang mga babasahin na sinasabing nagsulputang parang kabute, maliit na porsyento pa
rin ang ginugugol para sa paghahanap ng mahalagang impormasyon. Idagdag pa rito na sa kasalukuyang
pamamayagpag ng napakaraming babasahing limbag at di-limbag ay nakikisabay rin ang pagkalat ng
maraming impormasyon na walang katotohanan o fake news.

Sabi nga sa wikang Ingles, “The more you read, the more you know, the more you know the
smarter you grow, the stronger your voice when speaking your mind and making your choice”.
Katotohanan ang pahayag na ito. Sa nakalipas na panahon, maraming mga indibidwal ang nagtagumpay
dahil sa paggamit ng mahuhusay na impormasyon.

Ang mga produkto ng makabagong teknolohiya ang siyang pinakamabilis na hanguan ng

kaalaman. Bukod dito, ang mga ito’y siya na ring pinakamabilis na hanguan ng kaalaman. Bukod dito,
ang mga ito’y siya na ring pinakamabilis na midyum ng komunikasyon kung saan ay naibabahagi o
naipalalaganap

Mahalaga ang komunikasyon para magkaunawaan ang mga tao sa mundo. Sa

pakikipagkomunikasyon natin naipahahayag an gating mga saloobin hinggil sa ating mga nakikita at
nadarama. Ang komunikasyon ang nagpapanatili ng kapayapaan sa lipunan.

Likas sa isang tao ang makisama, makihalubilo at makipagtalastasan sa kapwa. Ito ang dahilan
kung bakit patuloy na pinauunlad ang teknolohiya sa larangan ng komunikasyon. Magkagayunman, hindi
sapat na alam ng tao na gamitin ang kominikasyon nang mabisa at mapanghikayat, higit na mahalagang
matuto siya mula sa mahalagang impormasyon na mapupulot sa pakikipagkominikasyon.

Pagbasa ng Impormasyon

Ang pagbasa ay proseso ng pagkuha at pag-unawa sa nakalimbag o nakasulat na impormasyon

o idea. Kadalasan, ang mga impormasyon ay nakalahad sa isang wika sa anyo ng mga simbolo(tulad ng
alpabeto) na inayos upang magkaroon ng idea. Sinusuri ng utak o nagkakaroon ng iterpretasyon sa utak
kaya nuunawaan ang mga limbag o nakasulat na impormasyon. Maaring hindi nakasalig sa wika ang
ibang uri ng pagbasa, katulad ng notasyon sa musika, kahulugan ng kilos ng pagsayaw o kaya’y ng mga
larawan. Kung palalawakin pa sa computerlanguage, matatawag ding pagbasa ang pagkuha ng datos
mula sa ilang uri ng imbakan ng kompyuter.
 Ang ating lipunan ay dumaranas ng mabilis napagbabahagi ng maraming-maraming
impormasyon. (Dahil ito sa patuloy na pagdami ng limbagan at dahil sa komersyalismo)Kaya nararapat
lamang na tayo ay patuloy na magbasa upang makaagapay at makaangkop sa mabilis na pagbabago.
Malaki ang ginagampanan ng pagbasa sa kasalukuyang panahon sapagkat kung hindi ito gagawin ay
hindi rin tayo makauunawa at makapagbabahagi n gating kaalaman sa lipunan na ating ginagalawan.

Kahulugan ng Pagbasa

Ang pagbasa ay pagkilala, pag-unawa, pagpapakahulugan at pagtataya ng mga idea mula sa mga
nakalimbag na simbolo. Ito ay proseso ng pag-unawa sa mga kaisipang hatid ng awtor sa mga
mambabasa. Sa pamamagitan ng pagbasa ay nahahasa ang iba’t ibang kasanayan ng isang indibidwal.
Kapaki-pakinabang ang gawaing ito sapagkat ito ang huhubog ng kanyang pagkatao-ang tutugonsa
kanyang pagnanais na makapagtamo ng mas malawak na kaalaman hinggil sa kaniyang kapaligiran,
hinggil sa kanyang bansa at daigdig na ginagalawan, at sa marami pang iba na kailangan niyang
matutunan.

Ang pagbasa ay isa sa mga kasanayang pangwika na dapat malinang sa mga estudyante sapagkat
ito ang tulay tungo sa mabisang pang-unawa sa teksto. Ang pagbasa ay may malaking kaugnayan sa
makrong kasanayang pakikinig pagssalita, pagsulat at panonood. Sa pagbabasa ay napapahusay ang
kanilang kakayahan makabuo ng mga kaisipan at makapagpahayag ng damdamin sa iba’t ibang disiplina
o larangan. Sa kabilang banda, ang mga kaisipang nakukuha at nabubuo sa pamamagitan ng pagbasa,
pakikinig, pagsasalita at panonood ay maaring sulatin upang maibahagi sa iba.

Batay sa maraming pananaliksik, ang pagbasa ay isang kompleks na gawaing pangwika at

pangkaisipan na kinapapalooban ng higit pa sa interaksyon ngmambabasa at ng teksto. Ipinaliwanag ni
Johnston (1990) na ito’y isang kompleks o masalimuot na gawaing nangangailangan ng konsyus at di-
konsyus na paggamit ng mga estratehiya o kasanayan gaya ng paglutas ng suliranin upang makabuo ng
kahulugang ninanais ipabatid ng awtor. Bilang isang kompleks na prosesong pangkaisipan, ang
mambabasa ay aktibong nagpaplanong, nagdedesisyon at nag-uugnay ng mga kasanayan at
estratehiyang nakatutulong sa pag-unawa. Ang pagbasa ay isa ring kognitibong proseso ng pag-unawa sa
mensaheng nakalimbag o anumang wikang nakasulat. Ayon nga kay Baltazar (1977), ang pagbasa ay
kasangkapan sa pagkatuto ng mga kabatiran ukol sa iba’t ibang laranganng pamumuhay. Sa katunayan,
90% sa napag-aaralan ng tao ay mula sa kanyang karanasan sa pagbasa.

Kahalagahan ng Pagbasa

Ang isang estudyanteng palabasa ay may mas malaking posibilidad na makapasa sa mga
pagsusulit na ibibigay ng guro kumpara sa isang hindi palabasa. Posible ito sapagkat sa kanyang
pagbabasa ay mas madaragdagan ang kanyang kaalaman, mas lumalawak ang kanyang talasalitaan at
mas dumarami ang kaniyang mga karanasan . Kumpara pa sa isang hindi palabasa, mas hasa ang
kaisipan ng estudyanteng palabasa sa pag-unawa ng malalalim na idea o ng mga argumentong
pangangatwiran at batid niya ang implikasyon ng kanyang binasa. Sa ganitong paraan, masasabing ang
pagbasa ay isang masalimuot na proseso sapagkat nasasangkot ditto ang maraming kasanayan.

Sapamamagitan ng pagbasa ay nakatutuklas ng maraming kaalaman at karunungan na

tutugonsa pangangailangang pangkabatiran sa iba’t ibang disiplina tulad ng agham, panitikan,
teknolohiya, at iba pa. Higit sa lahat, napakahalaga ng pagbasa upang hindi mapag-iwanan ng
nagbabagong panahon na dulot ng rumaragasang makbagong teknolohiya.