ЖИВОТНИ ВЕШТИНИ
Училиште: ООУ “ Кочо Рацин“ - Прилеп
Наставник: Ристеска Мартина
Дата: 13.09.2021
Одделение: IXд
Тема: 1 – 1: Градење на самодоверба
Наставна содржина: 1-1.3: Кога ќе пораснам, сакам
да бидам...
Цели :
 Ученикот да умее да ги развива своите
знаења, потенцијали и интереси во различни
области
 Ученикот да сфати дека е важно верувањето
во себеси за да влијае на промените
 Ученикот да прифати дека е важно да се
одржува позитивно самопочитување
базирано на јасно самоспознавање
Форми и методи на работа : индивидуална, во
групи, во парови, демонстрација, и др.
Техники на учење: Минутна работа, пауза за
разјаснување, чекање, бура на идеи
Наставни средства : мали ливчиња хартија, прибор
за пишување, табла и креда
Забелешка :
Активности на наставникот/ ученикот
Воведен дел: Учениците сите стојат на
средина во училницата во празен простор и
имаат задача да се наредат сите во линија
според должината на дланките од најмала до
најголема и притоа да не зборуваат.
Главен дел: Наставникот ги дели учениците
во парови и секој ученик од парот добива
четири ливчиња на коишто треба да запише
четири желби за својата иднина за 5 години и
тоа во четири различни области: физички
изглед, практични постигнувања,
карактер/однесување, начин на живеење.
Потоа паровите меѓусебе дискутираат за
напишаното и си го објаснуваат. Потоа
наставникот поведува дискусија за тоа кои
работи можат да влијаат врз остварувањето на
нивните желби и очекувања. Низ бура на идеи
учениците ги кажуваат своите замисли, а
наставникот ги запишува на таблата. Потоа
наставникот бара да определат кои работи
зависат од нив самите, а кои од некои други
луѓе и надворешни фактори. Откако
учениците ќе дефинираат кои работи зависат
од нив самите и влијаат врз остварувањето на
нивните желби се започнува дискусија.
Дискусијата се води за да се појасни што е тоа
самодоверба, дали таа е вродена или се
стекнува и како таа влијае врз остварувањето
на нашите желби и замисли. Се извлекува
заклучок дека за да ги оствариме своите
желби треба добро да се познаваме себеси, да
имаме реална слика за нашите способности, да
сакаме да прифатиме предизвици, да сме
посветени, организирани, да сме истрајни, да
имаме самодоверба, а за да ја јакнеме истата
треба да имаме поддршка од блиските и во
секоја ситуација да дадеме се од себе за да
успееме, прифаќајќи дека и покрај тоа е
можен неуспех.
Завршен дел: На крајот од часот наставникот
црта две паралелни линии на подот со креда
на растојание од еден метар, и паровите
коишто беа од претходната активност имаат
задача да застанат еден спроти друг и потоа
секој пар поминува под другите во вид на
мост. Додека поминува секој од паровите се
опсипува со позитивни коментари и убави
пораки за нешта кои на другите ученици му се
допаѓаат кај нив.

Рефлексија на часот

1. Што учевме денес ?

2. Што научивме?

3. Каде ќе го примениме наученото?