Professional Documents
Culture Documents
Maivan Biazai Salai Marau 01
Maivan Biazai Salai Marau 01
http://www.freewebs.com/khiteng/biazaai.htm
Na Dinh Hmun
Salai Marau
1
Ngun thap chonmi
Duh cuai run lian sin ah
Arfi relnak kei deu cu
Chim ningzak si ko hmanh seh
Hakkohnak nih run a zelh tik
Dawtnak mangttam a tlun tik zongah
Deu chung kei dawtnak cu
Na caah
Dinh hmun ttha si aa tim ko.
+++
2
Mang tum siangrun tual cu
Chim lei hrang thlichia ruangah
Li ral ka liam ko cu
Zeidah ka khuaruah a har leen.
+++
Saantlai Lo Dawtnak
Salai Marau
Kai ruahnak ah
Nga phunthling leennak
Rili pi bang a kau le thukmi
Kei dawtnak hna cu...
Velhle thiam val pa ann toi ah
Uitlak tlonnak
Cirhti hmanh a rak tia lo mu...
Kei nunnak in
Midong these rawnah
Nai dinhnak caah kan sak piakmi
Ka deu thlam te cu...
Kaa chim chuak val pa ngun toi ah
Zil thli dai bang
Na thlan hmanh an daih ter lo mu...
+++
Dawtnak
Salai Marau
Ni ral in
Thla liam hmanh seh...
3
Cun kum zong liam in
Caan thar ser hna hmanh seh.
Dawtmi...
Kan karlak ah zilthli zong
Hrang hlah seh.
+++
+++
4
Lungsaknak
Salai Marau
Ka dawt......
Hakkohnak in a khatmi,
Vawlei lakah,
Zaang dernak lung he,
Na um lio i,
Na kam in, kei nih
Hnangamnak
Kan pek khawh lo zongah,
Ka dawt..........
Zuam cawhnak in a khatmi,
Pawngkam lakah,
Teinak parborh he,
Na um lio ah,
Na kam in, kei nih,
Lawmhpinak,
Kan pek khawh lo zongah,
Ka dawt.......
Duhtlinlonak in a khatmi,
Sining lakah,
Zawtfah dam lonak he,
Na um lio ah,
Na kam in, kei nih,
Lungtthawnnak,
Kan pek khawh lo zongah,
Ka dawt....
Zuunngeihnak in a khatmi
Mitthli lakah
5
Mithmai chiate he
Na um lio ah
Na kam in, kei nih
Annkaa nem
Kan pek khawh lo zongah
+++
Timhcia Mei-inn
Salai Marau
Na mitfang ah,
Kei kan dawtnak cu,
Sullam ngei lo si ko seh.
Ni nikhat,
Caan caankhat ah,
6
Na sin in,
Dawtu an tlau tik,
Nautatnak mit nih an in kulh tik,
Bawm chung vate na si tik.
Na kam ah,
Nuamhnak ni tlan ter ding le
Vanlai arfi zong kamh ding in
Mei inn kai van ko.
+++
+++
7
Duhnak
Salai Marau
Cu vialte
A khat lo, a pehtonh lomi
A kong um, a kong um lomi
Dihlak in kan duh.
Duhnak timi cu
Ka caah
A thlum
A thak
A thur
Sihmanhseh
Kaa hnek khawhlo a um lo.
+++
8
Cungah a pil kho lomi
Rasen buh
Dawtmi sin in lungthiang tein a chuakmi
Tthennak bia
Cun
Cu thinglung dihlak ruangah
Zaankhat cu ding rih lang.
+++
Ti um hlah sehlaw
Nga a um hnga lo.
Thli um hlah sehlaw
Nunnak a um hnga lo.
Ruahchannak um hlah sehlaw
Zuam duhnak a um hnga lo.
Asinain
Keimah um hlah ninglaw
Vawlei a zei a poi hnga lo.
Nain
Pakhat nu te rak um hlah sehlaw
Ka nun zei san a tlai hnga lo.
+++
A Mah Ruang
Salai Marau
A hnit ruangah
A vok ka ttih lo.
9
A ruh ruangah
A kei ka ttih lo.
A par ruangah
A hling ka ttih lo.
A mui ruangah
A velhle ka ttih lo.
+++
Ka Ttah Hla
Salai Marau
10
Sianlo dawt khun mangttha ti lo le
Ka caah zei biafang dah um ti.
+++
+++
11
Ciam (Thih)
Salai Marau
Ka sianlo
Ka sazuk no te
Ka remh tlintling cungah
In thlim ai ing.
Na ta tilim no,
Ka ngen phunca
Ralhran duh ai ri.
Sianlo dawtkhun
Ka ta tilim no aw ti'n
Tlintling cungin
Zatlang cul ttahhla lawh ai maw
Zeitin mawh hnga,
A ta tilim no,
Aa ngen phun caah,
Lei dai ciam hnu cun...
+++
Na Nunnak Cu Ka Nunnak
Salai Marau
Mi liangluang nih
Ciam ser tuan maw
Leidai tangah.
12
Van ninu ceu bel nih
Hmun zungzal maw
Vanraang toi ah.
Minu te,
Nang le kei cu....
Leidai tang ciamser
Nunnak bang si hlah usih.
Cun.....
Mithli rual he
Ttianzaai reel
Aa daw leeng le vaal bang si hlah usih.
Pum pumkhat ah
Ruahnak pakhat ah
Timhmi pakhat ah
Nunnak pakhat ah
Na nunnak cu ka nunnak.
A hmun lomi
Caan le sining ruangah
Aa thlengmi si hlah usih mu..
Iang Hlei Khun Minu te...
+++
CAAN
Salai Marau
13
A liam hnu ceu ah chir thahnem lo
Khuazung cul in kawl le
Zatlang nuamhhmun zong cul usih
A liam cangmi "Caan"
Hmuh khawh a si ti lo.
+++
Khuaruah Harmi
Salai Marau
ka nu nih
Tainamkawng le arsa ei ti cu
Rul cannak a ka ti
Ka pa nih
Zeithilpaoh hi
Na tuah hlan in ruat hmasa, a ti ve
14
Cutikah
Kei cu ka lu kai kheuh.
+++
THIH
Salai Marau
Vate pakhat,
Rawl kawlnak ah
A thi...
A nunnak caah a si.
Sihmanh sehlaw
Bawm chung i zuat va
zei ruangah si lo
Bawm chung sawh ah thih cu
A va poi dah!
Minung pakhat
Pawpi, Miphun, Pathian caah
A thi....
A thih phu hrim a si.
Sihmanh sehlaw
Paw ca silo
Miphun ca silo
Pathian ca si lo
A sawhsawh ah
Thihnak ton cu
A va poi dah!
15
+++
Nunnak
Salai Marau
Cucu
Nu paw chungin
Harnak phunkip he
Kan chuah hnawhmi
Nunnak!
+++
16
Vawlei
Salai Marau
Ni cu a chuak i
A liam tthan.
Caan cu a thar i
A tthing tthan.
Nunnak cu pinpalo in a cang i
pingpalo ah a kir tthan.
Cucaah
Vawlei cu a pum i
Pakpalawng a rak sinak a lang
+++
- A thiangbikmi zaan in
Ianghlei vanmi run rim hung hmui
Tuai hna, dai lo lungzaa rual hna cu.......
Hngahhlang Christmas thla run chuah cun.
17
- A kik bikmi zaan in
Hnger khun zaai phur zilthli hna nih
Dong hna, ser hmelchunh thil hna cu...
Hngahlang Chrsitmas thla hung thar cun.
+++
Na Caah...
Salai Marau
Mithli hi
Biafang si hna sehlaw
Na caah
Ka thlakmi mithli hna hi
Zei biafang nih dah a zawh ti hnga.
Zuamnak hi
Mit hmai ttha hmuhnak si sehlaw
Na caah
Van lai arfi hmanh
Na hmai hun dingin kan kamh hnga
Pekchanhnak hi
Ngun hnah si hna sehlaw
Na caah
Kai pekchanh ngamnak hi
Zei ngunsawm val nih a dirh ngam hnga.
Tuar-innak hi
Teinak si hna sehlaw
Na caah
18
Ka tuar-in ngamnak hi
Zei ral lian nihdah a kham khawh hnga
+++
Lam
Salai Marau
Mi cu chukcho an kal
Thli cu
Hmunkip hawih in a hrang
Asinain
Tiva te cu
A luan kel in a luang peng ko.
Nunnak chungah
Rel cawk lo harnak
Lungdonghnak nih a heel
Asinain
Kai siammi lam te cu
Ka zulh kel ka zulh peng ko lai.
+++
19
Duhnak Kong
Salai Marau
+++
Lakhruak Biazaai
Salai Marau
20
Phurh cawk lo dawtnak mang hna he
Ka hngah hlang dawt khun cu
A co val run toi ah sem a rak cawi ai.
Khawi maw...
Dawtnak rawl dumtti dingin le
Duhbia phai tti dingin
Khawimaw ka dawt, ti'n
Ka hram zawn ah
Ka kam ah
Hnemtu an um ti lo.
+++
Duhnak Vanchia
Salai Marau
Hmanhseh......
Nangvang ah
Zeitin khuari vangtam ka kianh hnga
21
Nangvang ah
Zeitin Doral lian zong ka kianh lai.
Hmanhseh....
Phoihcia biar
Zeitin kaih leen ser nolh ti hnga
Ttemcia tlah
Zeitin phoih leen ser nolh ti lai.
Nain...
Sunghno nupa ngeenmi
Ngunsawm ruangah...
Tu cu...
Zaangmang an ttian
Khuadi an lo
+++
Hringtu Ka Nu
Salai Marau
22
Hngilh zai rel lo'n
Mitthli dor he
Thlazaa cam piaktu
Hringtu Ka Nu
Ka nu
Capar tonh lo na si.
Na'n
Kei caah
Nanghlei capar tonhtu um hlah.
Ka nu
Na mui zong a chia ko
Nain
Kei mit ah
Na mui ho nih iang kho hlah.
Ka nu
Na sam a par
Na hmai sawng
Na lung a lo
Cu vialte cu
Keimah kong
23
Na ruah ruangah a si lo maw?
+++
Sunghno Nu Dawtnak
Salai Marau
+++
Thli Sawhsawh Te
Salai Marau
Nunnak le thihnak ah
Bia a khiak khotu cu
"Thaw" timi thli sawhsawh te a si.
24
"Na thaw paam"
tiin ka rak ti tawnmi
Ka nu chimhhrinnak bia hna
A ngai tiah cun
Ka thihnak, ka nunnak ah
Bia a rak khiak khotu
"Thaw" timi thli sawhsawh te a rak si ve.
+++
Duhnak Fek
Salai Marau
+++
25
Philh Khawh Lomi
Salai Marau
Cu hna cu
Tlang tlangkua, Van kil deng zong phan ninglaw
Ka philh kho hnga maw?
+++
26
Kei rat that cem chuah in,
nangsin kan duhnak ann dor thla lai
ka ti zawn ah
nan uico bo thawng nih
kai lung thulh a tam.
+++
Nungak Leen
Salai Marau
27
+++
Thong
Salai Marau
Chim a pit,
van a sang
khua a mui,
Ruahnak a bi.
Cun... Cun..
ka kiangah theihlo minung lawngte
ka hnu, ka hmai ah thir vampang
+++
Duhnak Hrut
Salai Marau
28
Sullam ngei lo ka biazaai
Si a vang
Lu a ri
Nuamhnak a tlau
Duhnak kongah mihrut pa.
+++
Zeidah A Thar Um Ti
Salai Marau
29
Ka caah
zei dah a thar ti hnga.
+++
Tahfung
Salai Marau
30