Posisyong Papel hinggil sa Pagbabakuna sa COVID19

PAGTANGGI SA KONSEPTO NG PAG GAMIT NG DAHAS O SAPILITANG

PAGPAPABAKUNA

Posisyong Papel na nauukol sa pagbanta ni Pangulong Duterte sa mga ayaw mag pa

bakuna

Paninindigan ni Iris Zyrah D. Dela Rama

Kabilang sa mga pinakamalaking kontrobersiya: ang pagtaas ng COVID-19

cases sa Pilipinas. Noong Abril 2021, naglabas ng saloobin ang World Health
Organization-Western Pacific Region o "W.H.O" na papunta na sa tinaguriang "red line"
ang kaso ng may mga covid sa ating bansa. Dahil dito ay naalarma ang lahat lalong lalo
na ang mga healthcare workers, sapagkat nangangahulugang malalagay sila sa
mahirap na kalagayan kung patuloy ang pag dami ng kaso at pag lagpas sa “red
line”(Lopez, 2021).Bago pa tumaas ang kaso ay nag anunsiyo na ang gobyerno noong
Marso 1, na magsisimula na ilabas ang mga bakuna sa COVID-19, na nag-aalok ng
pag-asa para sa ating bansa(Tomacruz, 2021). Sa pagdating ng mga mga bakuna ay
hinikayat ng Pangulo ang publiko na mag pa bakuna na at isantabi muna ang takot. Sa
pagsisikap na mapabuti ang kumpiyansa ng mga tao sa pagpapa bakuna, isang
pangkat ng mga opisyal ng gabinete at iba pa ang nabakunahan sa publiko sa anim na
ospital sa Maynila. Kasabay na rin ang pag bigay ng mga impormasyon sa publiko kaya
naman ay may mga ilan na rin ang kumbinsido na ito ay ligtas. Ngunit madami pa rin
ang mga maling impormasyon na kumalat sa social media ukol sa mga bakuna.

Halos lahat ng mga nasa hustong gulang na ay may impormasyon na sa mga

bakuna laban sa COVID-19, bagamat ayon sa resulta ng survey ng Pulse Asia na
isinagawa mula Pebrero 22 hanggang Marso 3, ay nagpakita ng 61 porsyento na ayaw
mag paturok ng anumang bakuna laban sa COVID-19(CNN, 2021). At dahil na rin sa
pagtaas ng kaso ay nag bigay na ng pahayag si Pangulong Duterte noong ika-21 ng
Junyo 2021, kung saan nagbanta na ipapadala sa kulungan ang sinumang ayaw mag
pa bakuna iwas COVID-19. Dagdag pa ng Pangulo, “Don’t force my hand into it, and
use a strong-arm method. Nobody wants that.” Sinabi rin niya sa publiko na kung ayaw
mag pa bakuna ay mas mabuting umalis sa Pilipinas at pumunta sa ibang lugar, tulad
ng India o Amerika (Lalu, 2021). Sa pagbabanta ng pangulo ay maraming nagulat at
may mga pabor din sa puwersahang pagbabakuna upang sa gano’n ay rumami na ang
magpabakuna. Ayon pa kay Ronie Cua, “mas maigi na 'yung puwersahin kasi para sa
kanila naman 'yun eh.” (Hernaez,2021) Batay naman kay Health Undersecretary Mryna
Cabotaje, na nasabi lamang iyon ng Pangulo dahil na rin sa kagustuhan wakasan na
nag pandemya sa ating bansa. Isa na rin ang aking lola na nag pabakuna pagkatapos
niya mapanood ang balita tungkol sa pahayag ni Pangulong Duterte. Dagdag pa rito na
sang-ayon din siya sa kagustuhan ng Pangulo kung saan gumamit ng puwersa
sapagkat madami pa rin daw umano ang makukulit na ayaw pa rin magpabakuna kahit
na pwede naman na sila magpabakuna.

Ang pag papakulong sa sinumang ayaw mag pa bakuna ay isang ilegal na

paraan sapagkat walang batas ang nakasaad sa Konstitusyon ng Republika ng
Pilipinas. Si Edre Olalia, isang abugado sa karapatang pantao ay nadismaya sa banta
ng pangulo. Ayon dito hindi maaaring mag-utos ang pangulo na arestuhin ang
sinumang hindi gumawa ng anumang krimen. Sang-ayon ako rito dahil tama nga
naman ang paggamit ng dahas o pag pilit sa isang tao na ayaw mag pa bakuna ay hindi
makatarungan para sa lahat. Desisyon ng isang tao kung gusto niya ba magpabakuna o
hindi dahil karapatan niya ito bilang mamamayan sa bansang ito at dapat nating
galangin ang desisyon ng bawat isa. Ito ay nakasaad sa Seksyon 11 ng Artikulo II ng
1987 Konstitusyon ng Republika ng Pilipinas kung saan lahat ng tao ay may karapatang
pantao.

Halos lahat ng hindi pa nag papa turok ay takot pa rin sa magiging epekto nito sa
kanilang kalusugan. Si Heidi Figura 42-taong-gulang na trabahador mula sa Antipolo
City ay isa sa mga takot pa rin dahilan na nagkaroon siya ng cancer sa dibdib at iniisip
niya kung siya ay mag papa turok, baka bigla na lang daw siya humina. Plano niyang
maghintay ng mahabang panahon upang matiyak talaga na ligtas ang bakuna. Isa na
rin ito sa mga rason kung bakit hindi puwedeng pilitin ang mga tao dahil hindi naman
natin alam ang magiging resulta nito sa mga katawan nila. Maaaring sa iba ay ligtas
pero sa mga katulad ni Heidi ay walang kasiguraduhan. Ayon sa mga eksperto ang
kontrobersiya ng DengVaxia noong 2016 ang dahilan kung bakit mabilis nawalan ng
tiwala ang mga Pilipino sa mga bakuna. Marami ang naniniwala na tatalikuran ng
gobyerno ang mga biktim kung may mali sa mga bakuna ng COVID-19. Kahit ako rin ay
hindi na naniniwala lalo na sa nangyari noong 2016 tungkol sa DengVaxia Vaccine.
(Westerman,2021)

Bakit kailangan puwersahin o takutin ang isang tao kung wala namang sapat na
bakuna na ibibigay sa mga Pilipino? Isa na si Sen. Francis "Kiko" Pangilinan naniniwala
na walang problema sa pag-aalangan ng mga Pilipino, at dapat muna bigyan pansin ng
gobyerno ang hindi sapat na bakuna na mayroon tayo imbis na pagbanta na arestuhin
ang mga tumatanggi magpabakuna. ( add ka nga)

Sa kasamaang palad, ang sapilitang pag papabakuna ay hindi maiiwasan lalo na

sa panahon ngayon na tumataas ang kaso ng may COVID19, ngunit hindi dapat natin
isipin ito bilang isang solusyon sa problema na hinaharap ng ating bansa. Sa halip na
takutin ng gobyerno ang publiko dapat muna nila ipakita at gawin ang lahat para
makuha nila ang tiwala ng sinuman. Pangalawa, ay dapat nilang siguraduhin na may
sapat na bakuna para sa lahat. Pangatlo, kung ang isang tao ay nakakuha ng isang
masamang epekto pag katapos mabakunahan, dapat itong tulungan at wag talikuran ng
pamahalaan. Bilang isang Pilipino dapat din tayong tumulong sa gobyerno na pataasin
pa ang tiwala ng publiko o ang ating mga kaibigan at pamilya. Kausapan natin sila at
kung nag-aalala parin tungkol sa magiging epekto nito, mag bigay ng makatotohanang
impormasyon upang sa gaanon ay maiwasan ang maling pag kakaintindi sa mga
bakuna.Ipaunawa rin natin sa kanila kung bakit importante ang mabakunahan upang
maprotektahan nila hindi lamang ang kanilang sarili at ang kanilang pamilya ngunit ang
komunidad din. Bagaman, ang pagbabakuna ay isang desisyon na dapat gawin ng mga
tao para sa kanilang sarili.